魚願以嚐

营业中

休息中

二訪大份抵食日式料理🇯🇵，用家鄉嘅味道暫緩思鄉之情🤣！・・・・・・・・・・・・・・・・・・・・🍜 和風特勝牛烏冬定食 HK$75＞香濃豬骨湯・味道：exactly係日本牛肉飯嘅牛肉，係家鄉嘅味道XD甜甜鹹鹹的好好送飯🤭本波幾鍾意佢加咗芝麻，香口好多，洋蔥就超吸味，係穩陣好食desu！個豬骨湯除咗豬骨香仲有少少奶香，唔係出面加咗MSG嘅鹹湯，唔覺唔覺就飲晒，飲晒都唔渴！牛同烏冬份量好足，食到棒住個肚走🤰・口感：本波好鍾意個烏冬，粗幼適中🤌🏻（本波唔鍾意幼烏冬，食落冇feel，粗又麻麻，因為唔鍾意粗炒啲麵XD，我勁煩XD）似係讚歧烏冬，爽滑彈牙。・・・・・・・・・・・・・・・・・・・・🤰性價比：高～🤰9衝度：9衝～🤰結論：日式家常菜，穩陣想像到嘅美味😋！・・・・・・・・・・・・・・・・・・・・

家庭式日式定食，烏冬好出色，大份抵食不錯吃！・・・・・・・・・・・・・・・・・・・・🍜 招牌鐵板一口牛定食 HK$78＞配 昆布鰹魚湯烏冬＋紙包飲品・味道：鐵板牛份量好多，燒到焦香配洋蔥好香口～烏冬幾掛湯，不錯～・口感：牛肉幾彈口但有啲有筋咬唔開，扣咗啲分。不過！個烏冬超surprise，好彈牙有咬口🤩！🍜 鹽燒鯖魚定食 HK$71＞配 香濃芫荽湯烏冬＋紙包飲品・味道：鯖魚魚肉同板燒得好香，燒出魚油一定掂，係落鹽落得重手咗，食耐咗有啲咸。個皮又薄又脆，係少有我會食嘅魚皮！個芫荽湯睇落好L癲，實際好易入口，同打邊爐嘅芫荽皮蛋湯底差唔多XD・口感：魚肉外脆內嫩係好食嘅～・・・・・・・・・・・・・・・・・・・・🤰性價比：高～🤰9衝度：9衝～🤰結論：屋苑倔頭路有個小日本，家庭式好味烏冬定食！・・・・・・・・・・・・・・・・・・・・

今日就黎到呢間飲食店試下啲咩嘢好食，一踏入去，首先感受到半開放式廚房帶嚟嘅活力，咁就選左幾款菜色嚟嘗鮮喇。嗱！首先係鐵板蒜香一口牛定食，個牛肉冧爆到唔得了，咬落去彷彿可以聽到啖啖汁水嘅歌聲。再加上啲洋蔥、蒜頭，個撈醬真係夠曬味！再嚟，原條蒲燒鰻魚定食就真係一個驚喜，鰻魚雖然略嫌幼骨多咗啲，但塊肉滑溜溜，伴隨著甘甜嘅照燒汁，你話正不正呢？！而家諗起個溫泉蛋混入白飯嘅畫面，仲流緊口水呢😋！最後㗎，家陣得閒可以試吓佢哋的烏冬同蟹粥，我期待係佢哋會同我今日嘗到嘅一樣，令人驚喜連連！總體黎講，食物幾優秀，店員態度又友善，下次搵食，記得摺埋嚟搵佢哋啦🍚🥢。

嘩！今日一於去咗呢間餐廳，裡面既壽司同刺身真係爆晒燈💡！首先，個照燒雞扒飯真係惹味到不得了，雞肉又香又滑，啖啖肉咁食落真係咩憂愁都冇咗！個醬汁係我食過最正嘅，口感正到飛起。再嚟個魚籽三文魚壽司，啲魚籽喺口入邊爆，「啪啦」嘅一聲鮮甜滋味滿咗舌頭！三文魚肉呢，新鮮得滑呀滑，腍入心肺嘅。講真，每次食完呢啲，都會有種滿足感湧上心頭👌。當然唔少得食埋個雜錦天婦羅—外脆內軟，每一啖咬落去都係咁彈牙！好似係大自然送上嚟嘅禮物咁，啲海鮮同蔬菜保持咗原汁原味🍤。而家講到最後，我要狠狠讚一讚，佢哋啲清酒真係同呢啲壽司刺身配得天衣無縫，肺腑嘅感覺直沖雲宵！呢啲簡單嘅樂趣真係人生一大享受！下次你哋都要試吓，保證唔會令你失望！🍣🍶👍

餐廳位於巷仔入面 平時都未必會經過店面亦都比較細 閒日LUNCH TIME建議外賣今次外賣點咗招牌一口牛丼職員服務唔錯，但可能人客多 處理帳單十分混亂之前試過拎左外賣番去先發現錯漏 建議買外賣記得CHECK真啲野岩唔岩先今次見到門口寫外賣自取送小食 亦都無收到一口牛份量滿滿 但食落係平時街市買BBQ腌肉嘅調味入口軟熟但食得出係用咗大量鬆肉粉同腌製有一段時間因為味道係超級死咸而且一口牛亦黏附住鑊底燒焦既黑焦... 不推介 $70-$80 有更多選擇

呢間鋪頭仔喺鰂魚涌一條小巷入面，位置唔顯眼，都係經過見到就試下，點知原來好full，坐滿之餘，仲勁多人等緊。最後等左15分鐘先坐低😓今次我叫咗一份軟餃子棒配烏冬$52，揀咗鰹魚湯底+$6 (有少少貴😅)，呢個價錢來講，整體都好食嘅，又唔係話好貴，但無咩特別🫢朋友叫左個帶子三文魚丼，望落同食落都好新鮮😜不過價錢略貴$103。帶子鮮甜，三文魚都唔會好薄，男仔食都夠滿足。最後，唔建議特登加$5換一盒紙包飲品🥲整體來講，因為環境幾窄(lunch要搭枱)，好嘈之外、老闆娘講嘢又好大聲，而且得佢一個樓面，搞到不停出錯😩我個烏冬佢又比錯咗其他人，叫佢俾份新嘅我，佢堅持話其他人冇食過，所以叫我照食😖所以感覺唔太好，下一次未必嚟食了🫤

1:00到咗， 1:15入到去，要等半個鐘先有飯食🙂都明白繁忙時間需要等候，但等個個飯都半個鐘，放飯食都食唔切😂仲要唔催個飯都唔到，雖然係咁道歉，但放飯時間都係唔可以食😅🍴 三色魚生丼 $128 (7/10)前菜係蜆肉沙律，普通。個湯有少少海帶，個底有粟米，正常唔鹹。有三文魚，劍魚腩，油甘魚，油甘魚爽口有油香幾好食，其餘兩種正正常常，每樣有三塊，三文魚驚都係有三塊，飯正常有醋味，唔會太濕，加咗味素，勁怪😅份量偏小，食完都唔係好飽，魚生份量都唔算好多，因為好薄身，個人覺得呢個價錢個飯可以俾多少少，同以前相比真係差太遠啦，價錢貴咗份量少咗。推薦指數: 7/10食個飯要等成半個鐘，好唔建議放飯食，真係冇下次啦😅味道係正常嘅。

平時返工唔想成日食茶餐廳同冰室咁頹，係同事帶領下搵到呢間超隱世日式丼飯！😋lunch都好多人幫襯🤩溫泉玉子鐵板蒜香一口牛😍好好食！超爆多牛肉！而且好冧好香牛味好足！ 而且味道唔單調！加埋洋蔥同埋溫泉蛋漿撈埋一齊食真係好滿足😍跟餐仲送麵豉湯而且lunch有12% discount.😍 簡直係性價比超高！嚴重懷疑牛肉既份量係多過飯😂一個女仔真係食唔曬🤣聽講以前係食魚生飯仲更多選擇，不過生意唔好😢魚生飯成本太高就變左賣熟食🥲希望多d人可以去幫襯呢啲小店😢

2022-08-31獨自去偷食😝去咗鰂魚涌搵女朋友🥰早咗少少到就去搵間餐廳食個飯😊見到有間魚願以嚐🐟主打食日式料理，魚生丼，鰻魚丼，拉麵🍜平日下午時間，餐廳好少客🙂店員安排我坐四人枱4️⃣餐廳裝修主要係日本動漫🎎原條䈬燒鰻魚溫泉玉子飯，98蚊碗，見到個丼飯，個時心諗真係成條鰻魚，再睇吓面頭D紫菜淋哂，唔緊要啦，搵埋隻溫泉玉子先，搵咗成碗飯，蛋殼都無，好彩條鰻魚正常，都有少量飯素撈飯食，感覺好返少少🤣🤣花雕雞翼，10蚊兩隻，凍食雞翼，重花雕味，未解凍好，仲係好硬😅整體環境裝修都有心思，有好多海賊王嘅佈置🏴‍☠️店員都有禮貌，仲識叫我做靚仔🤵‍♂️（襟撈）食物味道好一般，又未去到伏，出餐前無睇清楚有無漏嘢，暫時唔會去幫襯🥸

個人十分喜歡食麵類食品，特別興奮能於公司附近發現了這個隱世的日本烏冬。這個小店面積不大，食品選擇是介乎於數項肉類及飯/烏冬的選擇，也有數項湯底能選擇。我個人喜歡辣的食物，而小店中也有地獄湯的選項。初次吃的時候被湯底的紅色所驚嚇了，但日本的辣度通常也為香港人能接受的，所以是看起來驚嚇而已。每次吃完也有一種滿足的感覺，而我也十分推薦同事試吃這個餐廳，而這個餐廳也成了我和同事們的日常飯堂，實在為午餐的優良選擇。

見到網上好多人推薦呢間魚生飯，抵食份量超多，lunch嚟到老闆話冇曬魚生飯，因為生意唔好，得熟食丼飯，一場嚟到都要支持下嘅，午餐由$68-$98，有魚有牛有雞有豬，任君選擇！包咗前菜，麵豉湯，嘢飲就係送嘅，仲有88折添🥹老闆娘係咁推介一口牛，話好好食就試咗！🍴 鐵板蒜香一口牛溫泉玉子丼定食 $78 (7.8/10)前菜係中華沙律，大大條好爽口，唔會有酸味，麵豉湯好香麵豉味，唔會太咸，亦冇粉狀粒粒，有少少海帶，個底有粟米，幾ok!冇諗過個飯咁大個，有一口牛，紫洋蔥，沙律菜，溫泉蛋。一口牛份量超級多，食晒個飯都仲有牛肉剩低，牛肉肉質嫩滑，都幾香，雖然食得出有腌味，冇牛味，但呢個價錢算唔錯，而且份量咁多！溫泉蛋有蛋味，流心撈飯食一流，紫洋蔥炒得好香口，係日本米煮得啱啱好，飯粒分明煙韌，唔會太濕，加咗味素，令到口感更加豐富(雖然我麻麻哋味素)，加上成個汁都係燒汁，甜甜地幾好食。食完真係好飽同埋都幾抵食！推薦指數: 7.8/10午餐嚟講都幾唔錯，抵食飽肚，味道都唔差，雖然唔係好似日式丼飯，但勝在高CP值份量又多，老闆娘好有禮貌，服務都幾好！

喺鰂魚涌玩完攀石就喺附近搵食😋✨溫泉玉子鐵板燒蒜香一口牛 $78➡️$69賣相都唔錯 一口牛粒數量都唔少🤩仲有好多芝麻同蒜粒 牛肉都幾軟腍但牛味唔算話好重 ✨原條蒲燒鰻魚稻庭烏冬 $108➡️95我地叫左血池地獄辣湯 個名好似好勁但唔係好辣 仲要係粉紅色有啲奇怪🤣 烏冬都幾掛湯 鰻魚就普普通通 有啲韌總括黎講野食味道都唔錯嘅 仲有野飲送 都幾抵食😋 不過覺得面鼓湯有少少咸左啲 服務都唔錯 我地兩個人入到去會開多張枱比我地 又比多兩張櫈我地擺袋 環境都佈置得幾靚👍味道❤️❤️❤️💔價錢❤️❤️❤️❤️服務❤️❤️❤️💔環境❤️❤️❤️💔💰晚餐人均～$80✅再幫襯

呢間小店啲刺身丼飯真心勁正有爆多料，而且勁新鮮🤩🤩 佢全日同價錢仲要唔洗加一夜晚去食真心抵到痴線😍😍 但小店位置有啲難揾佢唔係大街，係啲住宅下面🙈🙈 魚願豪華刺身盛合丼定食 $138 👍🏻👍🏻9分佢每樣刺身都好大片而且全部都好新鮮唔腥我最鍾意係個蝦同希靈魚勁鮮甜！😋😋 粒粒雜錦刺身盛合丼定食 $108 🥰🥰9分睇相都見到有幾震撼鋪到完全見唔到飯🤯🤯而且真係好多唔同既刺身呢啲先叫雜錦!!有好多餐廳平得黎，只係得勁多三文魚、青瓜粒同蛋🥲 原條蒲燒鰻魚玉子丼定食 $98 😋😋9分條鰻魚勁大條勁厚身唔會腥，亦唔會勁多骨燒得好香好好味😻😻 只要follow佢地社交平台仲送一份細既刺身抵食又好味！

餐廳提供超級多款刺身飯，亦有雞、鰻魚等配搭。全日免加一之外，學生醫護仲有折，店員仲好熱情，真心讚。叫左厚條蒲燒鰻魚稻庭烏冬定食($108)，親子滑雞丼定食($68)。大條鰻魚冇骨啖啖肉，完全冇腥味，肉結實。個烏冬口感有d 煙韌，豬骨湯濃郁，有辣有少見芫茜湯底揀添架。佢既做作係雞蛋以生蛋形式上菜，雞肉大大件圍住雞蛋，自己刺穿雞蛋，岩哂伴飯食。雞肉嫩滑入味，飯量多到食唔哂。附送中華湯律、湯、follow ig仲送刺身/飲品，個刺身仲要勁厚切，抵到爛。整體，真心好抵食，鍾意食刺身，要試下佢d刺身飯，個份量好多，賣相亦靚。支持。

其實之前都食過幾次㗎啦，一直都唔記得寫食評😂首先要讚下老闆娘好好人，會同人寒暄幾句，follow ig 又會送刺身或嘢飲～之前食過刺身飯，好新鮮😆今日天氣凍咗，就食個親子丼。個飯好大份，啲雞好滑，個汁甜甜哋，然後撈埋啲生雞蛋食，成件事好正～