魚村

营业中

休息中

晚飯食米線，有米線，小食，仲加凍飲，人均$60 豬軟骨小窩米線勁大碗又好味，不過唔算辣，豬軟骨好淋，米線煮得岩岩好香蔥滑油雞米線香蔥味好夠，唔鞋但未至於好滑，米線湯底好重麻油味鹽酥雞 （小食）熱辣辣又夠脆，粉漿略厚，有6粒韭菜水餃 （小食）韭菜味唔夠濃，厚略厚，致命傷係唔夠熱，有啲凍，要用熱湯浸返熱後話，嘢食係ok, 環境算企理，座位真係要睇運氣，因為如果太多人，就會安排近廚房位，勁逼，而且職員態到時好時壞，建議揀少人既時後入去食會開心啲😀

估唔到UNY超巿裡面會有間川菜嘅餐廳晚巿$68 一個酸菜魚餐可以轉薯粉，仲有送一個小食有多款選擇揀了口水雞口水雞嘅份量有三件味道一般但係酸菜魚嘅份量很多非常足料味道亦唔錯酸菜魚不會太辣罐裝飲品加$4 餐廳沒有加一服務費值得推薦

經過寶琳 UNY 嘅時候發現到佢，價錢親民。有時晚餐時間想搵地方食飯，經過幾次，都見佢係滿座。今日特登早少少去，見到仲有位就入去試試。套餐全日都有，包一款小食、一款主食、一杯熱飲，轉凍飲就加$2。金湯酸菜魚 ($65)見佢價錢只係$65，諗住份量唔會好大。真係低估佢，份量足料之餘，味道唔輸外面食辣嘅餐廳。豬軟骨小鍋米線 ($50)豬軟骨份量好多，有成5~6件，而且大大件，唔係碎碎散散。記得要同職員講加辣，加咗辣好食啲。小食試過蒜泥白肉、口水雞、鹽酥雞。蒜泥白肉係用蒜泥醬，唔係平時新鮮蒜頭磨嘅生蒜泥，味道麻麻哋。口水雞個醬汁都有啲怪怪哋😟最好食係無醬汁嘅鹽酥雞，一定係新鮮炸起，熱辣辣，好脆口。哩間餐廳真係好抵食，價錢親民，份量又多。好有誠意，味道唔錯。每逢到食飯時間，就好旺，全院滿座要等位。就算餐廳好繁忙，職員忙到甩哂碌，態度仍然好好。推薦👍🏻

今晚同兩老見間野唔貴就入左去食，因為本身唔太肚餓，加上老豆老母都食得少，所以叫左兩個餐有小食加主食加飲品。最後食到咁上下，兩老唔夠飽想食多個餐就叫左個小食油爆蝦，主食要左咖喱豬扒飯同野飲要左豆漿。佢最後左凍豆漿要加兩蚊都算，可能老母冇講明要凍定熱啦，但其實suppose凍飲加兩蚊你都要問下個客係凍定熱啦，但都算，咖喱豬扒俾咗咖喱雞扒，油爆蝦俾咗鹽酥雞，都算啦，一句唔好意思都冇，就咁拎返走個咖喱雞扒，咁我直接埋單唔要，大佬咁樣做飲食都有，你係得既。

UNY里隐藏着许多抵食的店，学生党友好的标准就是一个字：平，在此标准下来看，学生一律42（不过就没有餐前小食了），确实抵食🌟酸汤鱼叫的酸汤牛肉，上成了酸汤鱼，算吧啦挺大一碗的，鱼肉也挺多，酸菜真的很酸，豆芽有点生，金针菇一成条没有散开，不辣🌟白饭饭有点硬，不够热🌟蜂蜜柚子水应该就是一大罐蜂蜜柚子糖挖了一勺冲热水上的在这样的价格下似乎不应该要求更多，用餐环境不错，客都几多，偶尔飞来只小虫无伤大雅。服务态度非常好，夸

今日係新都城行左好耐都唔知食乜好，求其入左呢間餐廳食飯，因為見到好多人我地叫左1️⃣煙燻樟茶鴨米線💰48樟茶鴨份量都幾多，好夠食，鴨肉皮脆，肉略嫌唔夠嫩，但食落帶有鹹香，有輕微煙熏香味。米線就係清湯底，份量多，幾清淡2️⃣金湯酸菜魚紅薯粉🍜💰60魚片份量都OK多，魚片新鮮唔會有腥味，酸辣味夠，加埋酸菜、金菇一齊食，好開胃。美中不足係紅薯粉煮得好焾，唔知係唔係來貨紅薯粉偏軟身定火候問題，如果用煙靭嘅紅薯粉更好。3️⃣孜然雞中翼💰28雞中翼表面炸得乾身，表面灑滿左孜然粉，咬落又唔會乾身，肉汁豐富❤️消費價錢：2人💰136，人均💰68結論：（10分為滿分）味道：7/10性價比：10/10回頭指數：7/10餐廳名稱：魚村餐廳地址：將軍澳新都城2期UG036號鋪UNY生活創庫內

平時搵食都唔會發現呢間野因為真係行過好多次都唔覺有間餐廳向度有晚經過發現原來都幾多人食就入去試下佢既晚餐晚餐都幾多選擇包小食，主食，飲品各一新都城黎講呢個價位都算抵食叫左蒜泥白肉， 個蒜泥真係好正，但d肉就真係只有脂肪茄牛米，個茄湯都ok，份量超大碗下次會再試下其他主菜

🥢濃湯鮮茄牛肉薯粉 $58番茄湯底味道正常，唔會太淡太濃🥰牛肉係用鮮牛肉，但又唔會有好大陣醃肉味🤭紅薯粉彈牙得黎又吸滿晒啲湯汁，好正🤤🤤🥢煙燻樟茶鴨米線 $48樟茶鴨肉外皮酥脆，肉質細嫩😍😍咬多幾下有好淡淡既香味滲出黎🤤米線湯底係清湯加蔥，比較淡🫣🥢孜然雞中翼 $28岩岩炸起既雞翼上面鋪滿孜然粉🤤表皮比較乾身，咬落去入面肉汁豐富😍🥢酥炸雞扒 $28新鮮炸起，外皮酥脆，雞肉嫩滑😍肉質岩岩好，又唔會好油🤭評分：味道：⭐️⭐️⭐️⭐️環境：⭐️⭐️⭐️整體：⭐️⭐️⭐️⭐️————————————————————————

原來寶琳UNY入面咁多野食，除左外賣店、人氣麵包店、熟食區之外仲有餐廳，見到有酸菜魚已經好吸引餐廳入面座位之間都幾闊落下，服務員態度都好好，見到附近既食客叫左酸菜魚，賣相極度精美，諗都唔諗就抄人地食🤣🤣🐟金湯酸菜魚米線$60魚片份量好多，有厚度大大塊，重點係唔腥肉質好滑，湯底比較杰身，酸辣味好balance，如果可以再酸多小小就very good❤️，仲有金菇、乾辣椒、大量芝麻同芫茜做配料🌶️川味水煮魚紅薯粉$60湯底辣得黎帶小小麻，辣度大約係x仔小辣至中辣左右，會越食越辣🥵🥵紅薯粉唔係圓碌碌個款，從未食過呢一款扁身但又唔係寬粉咁闊，個人幾中意，無圓身個款咁難咬但又好煙韌凍餐飲+$5 凍檸茶茶底好香唔澀🐖追加麻辣豬肚絲$35唔知係咪食左水煮魚，豬肚絲食唔出麻辣味，醬汁帶甜，有花生同芫茜，整體味道唔錯，但唔好期望係食開既麻辣人均$80就可以食到酸菜魚水煮魚止止癮🫶🏻絕對有下次

同事介紹呢間食得過，所以今日做到我嚟試吓啦，因為天氣濕濕粒粒，食吓啲辣嘢，醒醒神開下胃先，酸菜魚同埋水煮牛肉都好吸引，最後都揀咗水煮牛肉因為想辣到口水鼻涕流埋嗰種感覺：第一啖食落去，感覺唔係太辣！？點知原來後勁凌厲，辣度比得上譚仔嘅中辣至大辣，真係唔講得少，邊食邊流晒汗同埋鼻水。牛肉份量都唔少㗎，配埋啲芽菜真係好好味，最鍾意就係佢啲芽菜，因為係肥嘟嘟嗰隻芽菜嚟嘅，食落去比起啲又瘦又長嘅芽菜好味好多㗎！

行開呢頭,試下呢間酸菜魚,味道唔錯,酸道亦都ok、辣度叫大辣就完全冇感覺,可能落單聽唔到喇,整體唔差,好味,飲埋湯亦都唔會太口渴,另外酸菜魚米線都好好味,值得推介,63蚊包飲品,呢個質數將軍澳都算ok,下次可以再過嚟一試..............................我畀90蚊

川菜新店🥰新開張每款減$20🌸魚村（將軍澳）今日同豬仔屋企人嚟到新都城商場，發現呢度有一間新開張嘅川菜店，佢位於超市入面，位置有啲難發現，不過佢嘅店舖有一張打卡嘅粉紅色梳化椅，望過去都幾吸精👀餐廳以開放式設計，空間及彩光到十足，餐廳環境好整潔，店員仲好親切👍🏻我哋當日喺度食晚餐，每個餐嘅份量都唔細！價錢又唔貴，性價比好高🥰 套餐加$3有一杯熱飲，$5就有一杯凍飲🤗✨金湯酸菜魚配紅薯粉 $58鍾意食辣嘅可以嚟試吓😆小辣嘅辣度已經好勁！份量超級多，酸菜魚好開胃，紅薯粉吸滿晒啲湯汁，好惹味！魚肉都好彈牙，不過有少少魚骨，大家要小心進食‼️✨煙燻樟茶鴨配紅薯粉 $48平時比較少食煙燻樟茶鴨，外皮比較焦脆，味道有淡淡嘅醬油香味，比較有咬口彈牙，份量仲好大碟！大家有興趣可以試吓🤗紅薯粉好彈牙，湯底比較清，有香蔥嘅味道🤗✨南京鹽水鴨配紅薯粉 $48鹽水鴨味道唔錯，唔會死咸，味道好鮮，份量一大碟！🙅🏻‍♀️不過有部份比較難咬😢紅薯粉好彈牙，湯底比較清，有香蔥嘅味道🤗✨水晶餚肉 $30唔好睇佢$30，份量一啲都唔少，一上枱已經好吸引！😍 豬肉顏色好粉嫩，冰冰涼涼既口感，加上佢冰凍咗已成啫喱狀嘅醬，面頭淋上咗

川菜餐館愈開愈多，開喺超級市場嘅真喺見都未見過。呢度就有一間。外觀完全唔似一間餐廳，入到去試完先知我錯了。真係好好味。招牌(應該係除非唔係)酸菜湯好好飲，試左酸菜腩肉，腩肉普普通通似火鍋肉片，但個酸菜湯真係冇得輸，就算佢變翻正價都想得聞食下，畢竟環境唔錯(高級日式超市內)。女友食嘅樟茶鴨都非常好味。所有主菜都可以配米線、米粉、紅薯粉同飯，份量都夠。唯一唔好就係飲品得正價無餐跟。叫左奶茶都不錯飲。想試埋其他菜單。