魚米 (翠屏(北)商場)

营业中

休息中

魚米呢間舖，講真... 都係麻麻地啦。😐首先講個價錢，確實唔算貴，對於平民食客嚟講都算係可以接受嘅。💰👌 但係你知啦，平嘢有平嘢嘅道理。佢哋嘅魚湯米線配原條炸魚，聽落好似幾吸引。🐟🍜 但係一食就知道啲魚唔係太新鮮，明顯係用雪藏魚整㗎。😕 仲有啊，以前嗰條左口魚大大條，而家細咗好多，真係有啲失望。📏😔至於豬軟骨菜飯呢，睇到出係預先整好，到時再微波爐叮返熱咁。🔥🍚 咁樣整出嚟嘅嘢食，你都知係點啦，冇咩驚喜可言。🤷‍♂️如果你只係想平平地填飽個肚，魚米都算係一個choice啦。🥄👍 但係如果你對食物有啲要求嘅，可能會覺得有啲失望。😞環境就普普通通啦，冇乜特別。🏠 職員態度都算可以，唔會好差，但都唔會特別好。🙂總括嚟講，魚米都係間中食下啦。🤔 如果你剛好喺附近又肚餓，又想慳啲錢，咁入去食啲嘢都無妨。🍽️但係唔好抱太大期望喎！😉 記住，你俾咩價錢，就會得到咩質素嘅嘢食。💡 所以唔好對佢要求太高啦，咁先唔會太失望。😅如果你想食啲好啲嘅嘢，可能要諗下第二間喇。🤔💭 香港有咁多好嘢食，總有啲更好嘅選擇嘅！😊👍

就咁睇相，你未必會知呢間食店死因起邊，但你睇落去就會佢點解生意慘淡啦！話說今早心血來潮想嚟幫襯呢間好耐未嚟過嘅連鎖食店，魚米，在嚟呢間舖頭之前，我必需經過佢一個舖位之隔嘅意樂，一望入去，生意非常好，星期日朝早，接近10點，幾乎坐滿，反觀呢間魚米，唔係小貓三四隻，而係少貓一兩隻，大量坐位任坐。我隨便搵個卡位坐低，拎起餐牌，原來轉咗，但第一眼畀我搵到呢次嚟食嘅目標：餐蛋治配熱奶茶，承惠$29，烘底加$1，即一共$30，呢個價錢絕對有競爭力，因為佢樓上嗰間翠屏茶餐廳，唔烘底都要$34，對面嘅譚仔連烘底都要$29，同區嘅百分百，麵包厚啲，烘底要$35，你話佢呢個價係唔係算係有競爭力？咁問題出起起邊？死罪一，杯奶茶出事：我慣性唔試味，先落糖攪勻再試味，咁就出事啦！哇！甜到呢，好似落咗煉奶咁甜，而且無茶香、無奶味，雖然唔嚡口，但一味得個甜字，完全唔掂。死罪二，餐蛋治：雖然佢標榜係頂級餐肉，但實情係呃鬼食豆腐，塊餐肉一啲都唔香，咁都叫頂級？頂佢個肺就有份；仲有，個炒蛋唔修邊，露咗出嚟，賣相已經打折扣莫非係故意咁做，令人覺得佢用咗好多料？死罪三，服務：堂堂一間連鎖經營食肆，居然唔出單畀客，到我出去收銀

一早行過食咗個早餐一入去已經相當奇怪不過兩三台客但係每一張枱都擺滿上一手食客食完嘅餐具成間嘢完全冇人做嘢兩個阿姐行嚟行去唔知做燈膽壞咗都唔換講返份早餐雞扒餐肉炒蛋熱咖啡 39蚊正正常常冇乜特別同一般連鎖快餐店差唔多但係餐廳嘅服務 極度惡劣因為後尾發現原來間餐廳唔係冇人做嘢起碼見到兩個樓面同埋一個清潔阿姐全部加埋得四枱人但係客人食完嘅餐具依然就咁擺咗喺枱面有新嘅人客入嚟根本唔知坐邊度好佢都係一間連鎖嘅食店睇嚟管理層要好好整治下班阿姐

今日朝早落樓下食早餐，只係帶咗手機同八達通，先去最近嘅美心，先起外面玻璃望入去，見到啲檯唔係有人坐呢就係啲人食完啲餐具未執拾，睇見都有啲唔開胃，推門入去望下個餐牌，話是日粥品，但又無講話乜嘢粥，萬一係我唔鍾意嘅皮蛋瘦肉粥就大檸樂啦！於是過馬路，過對面，去好耐都無幫襯過嘅魚米。一打開門，食客比美心少一半以上，更重要係啲檯呀，全部都乾乾淨淨，無一張係有食客食完嘅餐具，地方任坐，而且坐得比美心舒服好多，食物即使唔好食，單係環境已經值得加分啦！打開個餐牌，首先打動我嘅係餐牌第一頁右下方嘅芝士滑蛋漢堡扒牛角包，$35連熱飲，抵食啦！再望下，餐牌上方嘅餐，比較下原先選定嘅餐，雖然無咗芝士同滑蛋，但有流心煎蛋，仲有腸仔、火腿同餐肉，都只係貴$3啫，咁梗係叫呢個啦！嘢食好快嚟到，牛角包係我至愛之一，我之前都講過話牛角包要好食，就必需符合兩個條件，而且缺一不可：一要脆口，二要有牛油香味，但佢呢個牛角包就兩者都欠奉，失望😨😰😫腸仔，正正常常嘅雞肉腸，唔會過鹹，但無驚喜，可接受。餐肉，正正常常嘅火腿唔餐肉，同樣都係唔鹹，亦無驚喜，可接受，睇得出有煎過，但若果煎得香啲嘅話，效果會更好。煎蛋，絕對無呃人，真係流

今晚大家都有點累，又凍，決定叫魚米！清蒸黃立倉 HK$79.00 少少䶢和少少油膩豬軟骨牛肉雞翼米線（加底）HK$79.00豬軟骨真的肥得很，多油到。。。娃娃菜 HK$25.00 還可以 okay la~東江雜菜煲 HK$58.00這碗所謂的「雜菜煲」的最下面用了不知甚麼類似粗身的河粉，來做配菜（墊底），實在很難食。扣分！整體而言，下次還是叫回「譚仔」，起碼不會太多油，又不會無啦啦多了不知甚麼河粉之類在菜裡面。

今日本身凍凍地，想食d熱野。（平時隔離有兩間餐廳都食開）比次機會你，睇下會唔會成為第3間食堂。試試而間野，個咖啡黎到果時，飲第一口，已經同隔離兩間有對比。（算，中午唔好咁高要求）觀感無咖啡油，點叫即磨咖啡？口感，無味，要落糖先有味。個餐黎埋，xyz!!!!!!!。。。第一次覺得中午咁唔底食，唔怪得無乜人。👏成個粉面餐，陣係食粉。49蚊，陣係食粉好似貴左少少，原來d餸係咁貴。得果6粒細！魷魚圈！炸粉多個魷魚。隔離兩間起碼有d野落個胃。打完而篇食評，飽哂熱哂多謝哂，一肚氣同嬲到熱。食完唔飽，仍要去再食其他野。

魚米吃過了大圍那間..這間是第二次吃的魚米....老實說了...34蚊任揀3餸配熱飲，凍飲加3蚊...3餸仲有豬扒、雞扒、漢堡扒揀...算係咁了...11點去到還有早餐牌...就叫了3餸面....雞扒、雪菜肉絲和餐肉配通粉加凍奶茶少甜少冰...等5分鐘就來到...值得一提是雞扒應是剛炸起...分不出即炸還是番炸，總之是夠熱的..餐肉就得一般了...但個辣椒油就夠晒辣，衰在杯凍奶茶很耐才到....另外加5蚊有個牛角包，很大的，5蚊在面包鋪是買不到了...一定要加了！

超正平民早餐😍😍。牛角包超香，又唔會太油，個酥皮咸香味濃，空氣感唔錯，超級醒神🥐🥐。雖然好邪惡，不過我好鍾意食牛角包🤣🤣。炒蛋唔會好老🍳🍳，但系又唔會好生 (我完全食唔到生蛋)，呢個ok, 幾香。有啲雜菌系度🍄🍄，都幾足料下架。火腿通粉好出色😍😍，雖然個火腿有啲hea, 不過我又唔介意賣相嘅😂😂。最緊要系雞湯底清澈香濃，通粉唔會淋哂咁，又唔會硬，又爽又軟，正喎。超鍾意呢個湯底。

星期六朝早起身，最好就去嘆番個早餐，剛好趕及11:30前去到餐廳，極速叫個自選早餐。$37有個牛油多士，仲有三款餸，揀咗魚蛋、雞翼同餐肉，都算幾多選擇，湯底OK，食完唔會口渴，食完好飽㗎，嘆埋杯熱檸茶，即刻醒神晒！

今日工作比較忙就開個外賣app睇下有咩外賣好食，由於天氣比較乾燥，就揀左濕濕地嘅米線食，外賣app好方便，每個項目都可以調整例如辣度，份量，好仔細每個餐要另外增加$10附加費，不過為左懶就比佢啦！🕞輪後時間🕤 有點失望，本身個預定到達時間一次又一次延後，最後足足等左75分鐘先到真心可以改善一下，例如有服務承諾落單後大約幾時會到！揀咗先魚湯五福臨門米線，試左個湯有魚味，不過偏鹹，幾款餸系魚片頭比較好食，其他都一般。賣相就可能因為外賣比較難控制🔆總結一下🔆：下次應該唔會外賣，堂食還可以，不過也可能等侯時間過長，所以降低左品質 ！希望有所改善，宜家比較少出街，要盡量避免人多擠迫，如果可以坐座家中都食到美味嘅午餐就開心

平時諗唔到食咩附近有冇乜好食就局住試吓呢一間魚米，佢嘅款式都算好多嘅你都有好多小食咁就可以配合自己鍾意嘅口味啊唔同嘅米線或者飯或者小食。嗰日就叫咗個黃花魚米線，條魚係新鮮炸起嘅但係又係冇乜鮮味而且炸得有啲乾，完全唔滑。不過佢就係原條魚上感覺上好豐富米線嘅份量都足夠嘅，軟硬度就爭小小我略嫌佢啲米線煮得有啲晏食完有一點胃痛但係個湯底都叫唔錯佢有少少芽菜同埋腐竹,幾香。不過地方有一啲窄，而且衛生一般。

第三次幫襯，服務態度一次比一次差。收銀姐姐態度惡劣，係到扔單又勁無禮貌問你食咩。米線唔差，米線湯底清甜唔油。即使唔係堂食買外賣，食物都不俗，但服務態度質素可以再改善。

今天放 lunch 又黎左呢度附近, 呢間之前試過, 一次 ok, 一次好唔掂。同事就話佢上星期黎過, 還可以的!特餐其實即係 lunch set, 款式不太多。穩陣起見, 我揀左果醋豬軟骨菜飯。同事揀左魚蛋貢丸蟹籽丸米線。先上來我的凍檸茶, 味道 ok!果醋豬軟骨有四大舊, 唔算太肥。質感不是太淋的, 有少少咬口, 可接受的。味道帶點酸酸甜甜, 排骨入味。菜飯上枱非常熱, 飯粒分明, 不會太硬。如果小棠菜的份量可以多一點會更加好食。同事說她的米線也不錯。餐廳裝修光猛企理, 坐位寬敞, 卡位也算舒服, 會再來的。

晏晝唔想煮，就去咗呢間魚米買外賣，一入到去見到間餐廳冇乜人，有啲擔心會唔會係食物質素好差，我企左係到好耐，店員都冇主動行過黎問我有咩事，要我叫到話要買外賣，佢哋先慢慢行過嚟，一開始已經覺得店員好冇禮貌。買外賣要等15分鐘，雖然呢個時間係可接受，但係明明間餐廳無人，遲黎過我嘅都已經有嘢食，都唔明點解我嗰份會咁耐。講返食物，雖然魚湯都算濃，烏冬好粗，墨魚餅都算好食，香茅雞翼又炸得幾脆，但成份外賣都偏濃味，而且又唔包野飲，食幾啖已經覺得好口渴，雞翼都算炸得好食，而且有分開湯上，不過差唔多$60有三個餸嘅烏冬我覺得都尚可接受，質素普普通通，但我覺得店員嘅態度要改下，如果唔係食物質素有幾好都唔會吸引到我嚟幫襯。

同老婆魚米食晚餐。佢食酸辣湯魚旦米線，魚旦爽口彈牙，有魚味，魚片都十分爽滑，亦有魚味，酸辣湯底有蔥有榨菜絲，配菜是可以的，而湯底少少酸不是很辣，很普通，不會再試酸辣湯底我食雲耳蒸雞，配白飯，雞件數量算多，用薑絲蒸落可蓋過雪味，而雞夠熟而都夠滑的，配菜雲耳南瓜好入味，索晒雞件既雞汁同油，唔怕肥膩的就的確幾好食，全碟亦夠熱辣辣，岩岩蒸出來的，兩樣野賣單100蚊有找，真係算可以了，食飽飯拍下patpat就走人lu.