魚膳日式外賣專門店

营业中

休息中

一連幾日假期，緊係約埋一大朋友開party，8個大5個細路去，玩到大約6:00啲老細開始肚餓，就落咗樓下覓食，五個大老闆想食壽，見到樓下就有間壽司店就試吓叫外賣嚟試吓，可能我哋叫得多嘢食，等咗20分鐘到，拎得，D壽司飯幾好食，刺身都幾新鮮，個玉子燒好受小朋友歡迎，另外仲有啲炸物，大人細路都啱食，另外我見佢哋都有好多盛盒，都好多款式，下次再幫襯！不過下次我會喺WhatsApp度落在單先，到差唔多時間先落去拎！

住左屯門富健那麼久，也不知道有這間小店，壽司。。。即叫即做較早曾經試過他們的日式便當，味道也不錯，這次外賣回家，好味店員服務很好，落單後有取食品提示，下次再光顧試其他東西

已經食過好多次,食物水準超高嘅外賣寿寿舖,便當超值之選,寿司盛亦相當便宜,刺身鮮甜小編最愛油甘魚、带子、三文魚刺身,丼飯方面就最愛鰻魚丼,又香又好味又彈牙,只係$53仲有半條嘅份量,火炙三文魚丼亦係另一最愛,三文魚再加上特制醬汁,當然唔少得冷面同熱辣辣嘅厚燒玉子啦

龍門居外賣眾多但壽司刺身得一兩間🍣呢間係龍門居最盡頭 唔街到最尾都唔知道有好嘢最方便當然係可以WhatsApp落單去到即刻有得拎外賣店員態度都okay除咗壽司 仲有和風便當都幾好自家醬玉子燒一定要食！

疫情關係我近來多咗叫外賣，前兩日中午到店買外賣，發現門口好多人在等餐！我叫了四人份量，三文魚刺身好新鮮，見到四式便當和壽司係即叫即做，正在等餐期間有段小插曲，有個外賣員非常不禮貌地跟老闆口角，聽到原來那位外賣員原沒有出示手機的取餐號就自取！沒有水平的外賣員後來好氣憤地離開，不知道他會否在平台上唱衰呢間店……正義萬歲

我第一喺openrice寫評語，不吐不快！住咁耐屯門未幫襯過呢間嘢，咁啱前兩日經過即管外賣試吓，第一次幫襯，都肯定係最後一次，永不再光顧。原來呢間嘢員工嘅態度同禮貌真係好惡劣，不可一世的餐廳，睇佢可能唔休做，價錢已經唔係話親民，食物質素唔好都唔緊要（刺身唔新鮮），員工態度仲要吋過碼頭咕喱、惡劣到一個點。之前已經有朋友講過呢間嘢點衰法，自己唔試過唔心息。我只能夠衷心祝福 貴食店日後生意興隆，我就肯定不會回頭再幫襯了。貼錢買難受，失望又令人反感的體驗！

買外賣，淨係落咗兩個便當佢哋同我落咗三個便當，我哋冇對單我哋都有責任但係佢哋落錯單就更多責任，仲要叫我落去退返錢，問我想點，服務態度差到不得了，以後唔會再幫襯，審慎

野食偏平，食物質素唔錯，推薦玉子燒，第一次食就跟餐試試，又幾好味😋見佢滿$50加3蚊就有，下次覺得可以加。叫左個竹壽司盛，$88火灸右口魚幾好食，火灸三文魚同熟蝦有醬，食落有啲特別🧐唔似得平時啲沙律醬，幾上癮😂個便當超飽，$52帆立貝都幾大粒，飯有醬，唔怕dry，一個主食加壽司仲加小食🤪飽到傻左唯一尷尬係我買完後面多人就要企埋一齊係店等，不過好彩等左十分鐘都冇就拎到🤣快到嚇親。店員態度都唔錯，走會提人拎餐具。之後會再幫襯😋

今日去試食，食物選擇都多。叫咗個鰻魚便當、蟹棒便當、，加咗幾份小食同埋「日本汽水」（要額外加錢）。首先，服務員的態度非常麻麻，完全唔想做咁落咗單，等咗一陣就攞得，等候時間尚算合理。因為唔係住附近，攞完外賣就返屋企食。點知...返到屋企先發現無咗兩罐「日本汽水」，加咗錢竟然無得飲即刻心情都差哂點解可以咁？我係無check外賣，但係，佢哋係有責任俾齊晒野俾我架嘛！好失望⋯⋯雖然食物質素都可以，但係咁嘅服務態度、仲要漏咗野，完全扣分

近排D疫情真係搞到個人無晒心機，日日收工又冇得堂食， 又冇時間買餸，想食餐好D都麻煩……今日收工想起朋友推介喺龍門居開咗間日式外賣小店，話D嘢好得好新鮮！ 就決定試下，原來間店都好易搵就喺間熱狗店對面，招牌好搶眼，剔order嘅時候見到個餐牌有嗰冬季感謝祭優惠，每買滿五十元加幾蚊就有玉子燒、三文魚手卷或加州卷，睇落都幾坻食，比錢嘅時候收銀嗰女仔介紹新優惠可加九蚊有一罐熱北海道粟米湯，返正未飲過就試下加了一罐。返到屋企即試，食落真喺好正，D魚生料好足，寿司飯軟熟酸度啱啱好，真係有高級料理水準，嗰D火炙寿司焦焦哋D味好過癮，最後飲粟米濃湯好Creamy，飲落暖笠笠，呢餐食得好滿足！我力推呢間小店，希望以後保持到呢個水準，五星好評

小朋友最鐘意食壽司， 所以一星期總有一兩日叫下外賣壽司開心下、 平時龍門居掃街都吾知後街甘多選擇。 店舖環境鮮明乾淨又見新開就試吓， 價錢公道幾蚊一件、 件頭算大，魚生吾會紙甘薄輕飄飄。最緊要主角舊醋飯甜酸平衡又吾細舊，夠黏口！幫襯原來可以Whatsapp 落單預番時間去拎又方便，甘就吾使等又可以去買下野飲必食自家醬厚燒玉子，黃鰭吞拿魚、 鮮帶子壽司！希望可以有埋油甘魚同榮螺啦！ 見佢都出左d set可以聖誕又試下先！

新開壽司店，不過短短一個月，已經食咗3-4次😂😂平價得嚟，質素又唔太差係依頭真係無乜選擇，所以就食得密每次正餐食嘅話，都會嗌到好豐盛自家醬芝士厚燒玉子 $14依個真係好好食雖然我淨係食得出得蛋黃醬，但應該仲有其他溝得好正，再燒一燒配埋玉子真係不得了搞到我每星期起碼嚟食一次😂火炙系列嘅壽司都唔錯自家醬火炙三文魚腩同火炙左口魚都係每次會嗌嘅嘢不過其他刺身壽司就一般般唔係好夠新鮮同肥美小食方面仲試咗雞肉軟骨棒 $11太厚肉，搞到入面唔係好夠味蟹籽沙律 $16拎到返屋企出晒水no good no good 🙁仲有依到嘅便當真係好平幾十蚊有飯有壽司有小食性價比幾高食個宵夜嘅話，就會嗌少啲玉子燒一定係必嗌

今日去叫呢間壽司店外賣，非常失望 ，差劣極點，食到一肚氣。見呢間新開張有，有做優惠，買滿一百蚊送玉子燒，落單點夠100蚊外賣，有鰻魚飯，有燒三文魚飯，本身話人多要等20分鐘都算，拎左滿心歡喜拎返屋企，但發現冇俾個玉子燒我，頓時嬲火中燒，打過去同佢講漏左玉子燒，店員叫我自己落黎拎返，我住得遠，真心你做錯左野，叫我呢個客人去拎？真係好嬲，去度影埋相俾佢睇漏單，佢之後先話唔好意思，話太忙漏左。真係好垃圾，俾佢搞到我騰左兩轉，為左果12蚊玉子燒，真係好嬲，以後唔會再幫襯，各位點外賣果陣要小心睇有冇漏單。

見到係龍門居新開張就試下食得兩個位堂食主要比人外賣自取等得都唔算耐叫左個自選便當 既炸蝦飯（$46）有兩間卷物 三件生壽司 無得自己揀仲有一個小食 我就叫左芝麻八爪魚但質素就真係麻麻地卷物唔特別 得蟹柳同玉子 青瓜都無🤷🏿‍♂️壽司係幾新鮮既 但甜蝦稍嫌細得制 真係女仔都唔夠食個炸蝦飯先誇張 得一隻 係一隻 細炸蝦🤷🏿‍♂️明顯係外面買返黎既 再自己炸 少都唔夠送飯芝麻八爪魚就正常啦 都係出面買結論係唔多飽 唔值得🤦🏿‍♂️

🇭🇰#龍門居 日式外賣專門店🇯🇵【#魚膳 】午餐時分食個便當就最啱啦😋和風自選便當🍱特定卷物配指定生壽司3件🍣炭燒鰻魚飯 $62🍙免治雞軟骨棒🦴餐牌種類有好多選擇 配搭屬於你嘅便當 壽司方面每日師傅定嘅都唔一樣包保你每日食都唔會悶即叫即整嘅壽司 所以啲熱飯唔會硬晒凍哂 確保每個壽司都新鮮 而且重有小小醋味好正～ 佢個三文魚腩真係食過返尋味！份量都非常足夠 啲鰻魚大大嚿而且鰻魚汁撈飯超好味 雞軟骨棒就啖啖肉 直頭係個豐富嘅午餐 性價比高📍 魚膳 (屯門)屯門龍門路43號龍門居地下118號舖