鮮芋仙 (新都會廣場)

营业中

休息中

星期五晚 happy friday 食完飯諗住同朋友喺附近食糖水，見鮮芋仙難得唔使排隊就衝入去，餐廳先付款後入座，叫咗一個熱招牌芋圓和招牌芋圓沙冰，兩碗一共$100。 餐廳人不多，座位比較舒適。滿心歡喜見到甜品上枱，點知就覺得唔對路…. 首先兩個碗都勁污糟，碗邊黑鼆鼆，好似發咗霉咁。熱的不夠熱，凍的還可以，食咗兩啖，OMG….. 又稀又水，一啲紅豆味都冇，好難食！！ 我地兩個食左小小都放棄了。 很失望的一餐…..

上次幫襯完鮮芋仙嘅感覺好好，所以今次都揀咗佢鮮芋仙食甜品🥰呢次點選嘅食物同上次唔同，order咗紫米粥同豆漿豆花，試吓鮮芋仙其他出品聽聞紫米粥好健康，內含花青素，補血又抗氧化，膳食纖維都好豐富，啱晒Zaza鍾意養生嘅朋友😂 紫米粥嘅味道OK，但唔算好有驚喜豆漿豆花嘅豆腐花唔算好滑，唔係Zaza平時最鍾意嘅滑滑豆花；不過，豆漿嘅豆味就好濃郁，食得出真材實料

次次喺葵芳食呢間嗌外賣都起碼等半個鐘，重以為係因為人多嘅關係，但係其實堂食同外賣都唔多人唔明白點解要等咁耐！跟住俾我見到原來廚房班靚仔根本喺度玩唔係做嘢，係到吹水停曬手！我喺青衣城嗰間叫外賣5分鐘都唔使就已經有，葵芳呢間嘅質素真係好差！！

今日行開新都會，見鮮芋仙冇人，就第一時間想試吓！原本心情好好嘅。。。因為我今日去shopping，所以左一袋右一袋，見店內冇人就想坐咗入去擺低啲嘢先，再諗吓食乜咁啦！點知行到坐位前就俾個店員截住咗，話要點咗餐先好入嚟，我見店內冇人，問一個去點得唔得，佢就話：唔得，要點咗先可以入座。無語！但如果規矩係咁冇都辦法。點知，點完餐坐低後，見到4-5個外國人走入嚟坐低，店員冇截人之外，仲好好服務咁俾個餐牌佢哋慢慢睇。咦？咪即係差別對待囉！講返食物質素，今次點咗佢嘅招牌 --- 布丁Q麻糬牛奶冰。一上枱只見一座冰山。兩個人絕對食唔晒！座冰山係冬瓜茶味（個人覺得），上面有奶茶布丁＋雲妮嗱雪糕＋勁多珍珠，再淋上花奶，焦糖漿。口感豐富，味道討好。味道方面，刨冰本身唔算好甜，冰粒都幾粗吓，個人鍾意綿綿冰多啲。而珍珠QQ彈彈，奶茶布丁茶味濃郁，互相配合得幾好。雲妮嗱雪糕屬平價貨，非常一般。兩個人奮力食咗差不多30分鐘先食晒，食完凍到打冷震🥶，建議叫返杯薑母熱飲舒緩一下。另外，我哋又叫咗一杯芋圓冬瓜茶。味道清爽，甜度偏甜。芋圓細細粒，好有咬口。可惜我哋唔係叫熱飲，食完刨冰真係雪上加霜。🥶

原本係附近食完晚飯，幾個人想去食個糖水就返屋企。叫左個招牌芋圓冰，D料好少😢珍珠都係得幾粒，我地同店員講，佢話有18粒芋圓，咁我哋自己數啦，數到一半個店員就話幫我地數，不停搞到D冰都溶晒😢最後話D珍珠少補返比我地，但係搞溶到已經唔想食喇😩

今晚食完晚餐後，好想食些甜品，次次經過新都會廣場嘅鮮芋仙，總是時間有啲趕，今晚難得時間鬆動啲，見裡面又冇乜人，就落完單後入去堂食! 今次小妹就點咗個熱嘅「豆漿豆花3號 紅豆、花生」，由於小妹一向食開少甜，所以就要求叫無糖豆漿，一來可以食得健康啲，二來會少啲罪惡感!鮮芋仙啲豆腐花都算滑嘟嘟，雖然我叫的是無糖豆漿，但加埋紅豆和花生一齊食，好滿足! 煲腍咗嘅紅豆已有少少甜味，花生又有咬口，食落口好暖胃，很窩心! 如果有朋友想食甜品，但又怕肥，不妨試試小妹這個口味選擇啦! 不過，小妹想講講碗豆花和其他配料雖然是新鮮，但份量較少，變咗碗豆漿就好大碗，料就唔多夠囉，希望有關人仕可以檢討檢討!So far 這間鮮芋仙堂食嘅客人不算多， 所以坐位都比較鬆動，而樓面夥記人數都是得一至兩個人，可以想象到在這裡堂食都不會太busy! 所以，如果想約朋友傾下偈、食下甜品， 這裡都是一個好的聚腳點! 加油啦

鮮芋仙 (Meet Fresh) 的分店愈來愈多，本身都冇特別意慾走入去食芋頭糖水，因為我對主題糖水既第一印象係自己都識煲，見同事推介話呢間好食，所以先抱住試一試既心態入鋪。⭐️綠茶布丁雪糕拼盤叫左紅豆+綠茶布丁，布丁本身冇咩味，意入口，配埋綿綿既紅豆蓉，味道都好夾。雪糕就白玉湯圓+紅豆+雪糕。白玉湯圓夠咬口唔痴牙，雪糕就幾好食。⭐️熱芋圓3號呢個係鋪頭名物，糖水味道一般唔太甜，但係值得關注係碗內有兩大舊芋頭。芋頭好淋好好食，我應該之前未食過呢個口感，會令人想一試再試，我覺得呢個糖水對得住個鋪頭名同價錢。

今次嗌外賣嗌左個芋圓紫米粥同招牌鮮草沙冰. 1） 後我2個號碼嘅嗌左相同嘅野，比我拎先十幾分鐘， 我問佢點解，佢話我嘅食材仲煮緊！ (根本唔係根本原因），笑下就算，唔好意思都無，去跟下嘅意思都無2） 拎到個外賣返黎，個紫米粥浠過水！ 又無味， 好似飲芋圓水咁. 用曬d料，是旦加返d水填滿就算咁職員亂黎同產品質素差都好差，哎！ 好失望！ 堂食之前都無咁差，一到外賣就屎咁，應該一早就cut鬼佢單算數24/02/2024 葵芳店

小芋圓奶茶本身的味道濃厚，結合了茶葉的香氣和牛奶的滑順口感並且不會太甜。而且，小芋圓具有Q彈的口感和嚼勁，給奶茶增添了更多的飽足感和口感層次。如果喜歡Q彈的小芋圓、濃郁的奶茶味道，並且不喜歡太甜的飲料，小芋圖奶茶可能會成為你的首選之一。紫米鮮奶的口感綿密，帶有微甜的奶味，同時還能感受到紫米的香氣。它的甜度不會太高，適合那些喜歡不太甜的飲品的人。店內提供的甜品和飲料都具有充足的份量，價錢同份量成正比，而且店內的座位則提供了舒適的環境，讓人能夠輕鬆地坐下來。

捉住夏天嘅尾巴，趁住仲係熱嘅天氣去鮮芋仙食番碗冰先🤣，之前都有試過佢嘅芋圓同冰，今次就試下芋頭牛奶冰😎❣️芋頭牛奶冰 $58份量超巨型，有6大嚿芋頭，芋頭味濃，可惜唔夠粉，食落較硬身，牛奶冰只有表面個層，食到入面只有普通碎冰，牛奶雪糕都係普普通通🥸❣️冰芋圓4號 $45包含芋頭、紅豆、珍珠同芋圓，口感豐富，不愧係皇牌，推介👍🏻❣️熱芋圓6號 $45包含粉條、粉粿、珍珠同芋圓，用紅豆湯做湯底，口感煙煙韌韌，但推介食冰芋圓會爽啲🤣🤣🏦是次消費總額 $148（人均消費 $37） 👅好味度：7.5（10分滿分）牛奶冰就唔係幾推介，始終冇做到好似韓國雪冰咁全部冰由牛奶整成，但佢地嘅芋圓系列仍然出色，值得去食🤓

食完燒肉，想搵個甜品食下，簡咗呢間「鮮芋仙」同阿仔食，諗住叫一碗就算叫咗個熱嘅「芋圓2號」，堂食有最低消費，每人最少$25，唔緊要加個仙草，盛惠$53點知熱食係稀流流嘅紅豆湯加芋圓、地瓜、薏米、珍珠，再俾個豉油碟盛出嚟嘅凍仙草，你想下凍仙草放落個熱湯度係咩狀況？淚水。成碗嘢有七成係稀流流嘅紅豆湯，即係七成水，七成無乜味嘅水，我真係寧願係水，咁個湯就無咁古怪，我同阿仔一啖一嘔心，好難食囉，未食過咁差嘅制作，真心無下次

炎炎夏日，嚟葵芳行街行到熱熱地，真係好想食返個冰冰涼涼嘅甜品消下暑～作為仙草控同埋芋圓控嘅我，鮮芋仙一向都係我心目中人氣No.1嘅連鎖台式甜品鋪😋招牌仙草冰沙💰HK$53 + 粉粿HK$8識食一定係叫走冰沙，咁樣就會成兜都係充滿仙草🤩呢到嘅仙草一向都好嫩滑，再落埋花奶，唔止係味道、賣相用嚟打卡都一流！呢到嘅芋圓都好出色，口感好Q彈，而且番薯味、芋頭味都好濃郁！粉粿都係我最愛嘅配料之一，食落甜甜地，非常煙韌～

Meet Fresh 鮮芋仙🍨🤍｛CP值高飯後甜品必到的聚腳點｝不少人會一班人過來這間點一整座大冰山吃🤣今次嘗試一下其他款式 發現各款甜品質素還都不錯 要留意每人最低消費$25 喜歡吃它們的冰的話 最近好像推出新款冰山 是時候約定一大夥人過去聊天敘舊了😛Q麻糬拼珍珠焦糖布丁- 冰 [$40]四件黑糖和牛奶麻糬 加上焦糖醬 口感軟糯 煙煙韌韌很好咬 黑白麻糬本身的味道 一直吃下去也沒有太大分別 大概被焦糖醬的甜味蓋過 雞蛋布甸都是他們店其中一樣備受歡迎的甜點 會額外配上奶球自行調味 布甸幼滑 蛋味和奶香濃郁 加上台式標準size的珍珠 甜度適中 不常吃甜品的人都能駕馭 一人份量剛剛好 不會太飽☺️紫米粥 - 熱 [$39]想不到份量已足夠二至三人吃 (用大湯碗盛上的) 感覺CP值很讚！紫糯米煮得剛好 不會有硬顆粒 每一口都會散發淡淡的紫糯米味 後勁帶有一點紅豆味道 大概是加了大量紅豆連同紫糯米一併煮 米和粥水各佔一半 暖暖的一碗紫米粥可見用料足夠 想試的話 建議分享食用☺️🫘😋味道 ：4 / 5 🥗💰價錢：< $50 /人（超級划算!)📌位置：葵芳興芳路223號新都會廣場2樓272-

服務態度不佳，煉奶需要收錢？我食過全部分店冇一間係咁，超級不滿意，希望貴公司改善一下店員態度，謝謝，還請對該門店作出改善，並且作出正確方面的改善，thanks so much

今日去葵興啲party room玩～肚餓就係外賣app叫左鮮芋仙😋🛎 $58 芋圓紫米粥（凍）好大碗下，諗住當下午茶，點知飽到唔洗食晚餐🤣會附上一盒仔UCC既奶精紫米對我黎講比較稀，可以再傑啲🤏🏻整體上唔算甜芋圓幾煙韌～🌐 環境/服務外買包得幾好，冇倒瀉餐具都齊