鰹烏冬 (駱駝漆大廈第三座)

营业中

休息中

我自己本身係有食過其分店 覺得係好食，但呢間真係好失望。😅🥲🥲🥲🥲🥲叫咗呢碗咖嘢烏冬味道有啲一般，完全冇令我驚喜。咖喱香味仲可以，但就有啲平淡，唔係真係好夠味。面條煮得太軟，咬下去冇乜嚼勁，影響咗整體口感。😢😢😢今次嘅咖嘢烏冬有啲失望，特別係面條嘅口感需要改善。如果你鍾意有嚼勁嘅面條，可能要再搵其他選擇。希望下次可以試到更好食嘅版本！有見到其他評論話太硬，可能水準有啲一時一樣😣

最近朋友生日，佢想食烏冬所以就介紹咗我嚟鰹烏冬食晚餐首先講講環境先座位係幾闊落，不過就冇乜裝修嘅樣，見到嘅只係普通房四四方方嘅餐廳如果你要求好有格調，好有feel嘅話，就冇嘅價錢就真係好抵，60幾蚊嘅烏冬已經好大碗但係如果你話味道好唔好食我只能夠話一般首先，味道唔夠濃郁，唔會係嗰種令你食到嘩嘩聲嘅味佢嘅料亦都係好普通，無乜特別勝在真係好抵食所以我覺得，如果想快，想平，呢間烏冬係不二之選但係如果你想好有feel，食碗靚嘅烏冬，呢間就唔需要考慮啦

鰹烏冬由得長沙灣一間店開始食，食到依間觀塘都有，仲要網購平台都有佢嘅烏冬賣，證明佢啲烏冬真係好高質，好多人欣賞。今日第一次食呢間分店，質素保持不變，佢嘅鰹魚湯咖哩烏冬，咖哩湯底好濃夠杰身，掛上烏冬度，啖啖都滿滿咖哩。另外叫多個天婦羅，呢個相對就冇咁出色，炸衣唔夠脆，不過入面嘅蝦唔會乾，都仲彈牙。鰹烏冬相對較貴，因為烏冬同其他餸係分開叫，但如果淨食烏冬就太過dry，建議2個人嚟，可以叫個餸share 食就最抵。

中午同事帶我去食這間，聽說很多人排隊對佢期望有啲高我們一共點了三個咖喱烏冬份量很大碗吃不完，建議可以點兩碗咖喱味濃郁，口感還可以價錢有點貴，餸另外點關東煮口感一般骨付雞還可以結帳：三碗烏冬加關東煮➕骨付雞，一共242這價錢在觀塘來說，算有點貴口味一般般

湯同烏冬都超普通，以一間烏冬專門店黎講我甚至覺得唔合格，雞脾算唔錯，但計埋價格我真心建議大家屋企自己煮好過...或者直接飛去香川去試下好味既烏冬係點既味，試完絕對會覺得同係到食既係兩回事

都有幾個月冇係街食個烏冬，諗都唔使諗就諗起呢間烏冬店，因為不嬲呢間都好出名，而且水準一向保持得好，順其自然咁就嚟咗呢度食。我都係叫返平時最愛嘅凍烏冬，配雞髀。依家舖頭坐位係麻麻哋，不過佢啲嘢好食就算啦。嘢食上得都唔算快，不過見佢有咁多客人，等吓都正常嘅。佢嘅烏冬非常彈牙，不過我嫌佢份量少咗啲，如果佢份量多番啲就更好啦，個雞髀雞皮有子香度，香香脆脆，非常好食。隻雞髀都好夠大，啖啖肉，食完非常滿足。呢間舖頭長期都坐滿客，因為啲嘢好食，價錢雪櫃，多人幫襯係有原因嘅。下次我都要試吓佢嘅湯烏冬先得，同埋要試吓佢其他小食。

烏冬是全天候、非常友好的麵食，湯煮、涼拌、炒煮等等⋯⋯鏗烏冬同樣是店內炮製，亦間中開設烏冬體驗班。(1)夏一烏冬稱為「夏天世一」，是最佳選擇。烏冬仍隱若散發鏗魚香氣，加上海苔絲、芝麻、蔥粒，再將溫泉蛋攪拌，每一口都清爽開胃。(2)海苔烏冬新鮮感永遠都是危險又迷人，但後果自行承擔。海苔烏冬感覺更健康，但失去了烏冬的韌吱吱的口感。冷鏗魚汁與原味麥香的烏冬才是最佳拍擋。小食方面，略為失色。骨付鳥外皮焦脆，但有少許雪藏味，而調料卻未能掩蓋。天婦羅中規中矩，炸多春魚最為特別。一年四季，皆因冷暖有迴響。

鹹魚白菜，各有所愛。可惜佢並不是我所愛鰹魚湯咖喱烏冬湯底正常但啲烏冬好鬼死韌似食緊粉團咁。當然呢個係有人食烏冬嘅樂趣，如果你嘅樂趣係食啲嫩滑嘅烏冬咁呢間唔係你嘅選擇。夏一烏冬呢個不過不失啦 都係同樣問題啲烏冬好韌 不過由於佢係冷烏冬所以都叫做可以接受 如果想試伏建議嗌冷烏冬最後我最不滿嘅係呢到啲烏冬懶係賣到好平 但係性價比低 全部烏冬都冇肉嘅 焗住要嗌set 重點係個骨付雞真係好普通大家食之無前請三思 駱駝漆仲有好多好野食

📍鰹烏冬//觀塘//▫味噌焗鯖魚 鰹魚湯豆乳烏冬 ▫骨付鷄 月見烏冬 ————————————▫味噌焗鯖魚 鰹魚湯豆乳烏冬 $86▫骨付鷄 月見烏冬 $92味噌焗鯖魚同骨付鷄都好出色 好好味 但個人黎講鍾意骨付鷄多啲 骨付鷄好大舊 出面脆脆地 裡面啲肉好嫩 味噌焗鯖魚食嘅時候雖然凍咗 但係都好嫩好好味 (๑>◡<๑) 不過最緊要小心啲骨～兩個烏冬黎講 我比較鍾意食鰹魚湯豆乳烏冬 湯底好濃郁 麵條又掛湯 好鍾意 飲完個湯都唔會成個口腔覺得好咸好多調味料 ٩(๑❛ᴗ❛๑)۶ 而月見烏冬稍為覺得味道唔係好夠 所以就自己加啲七味粉 另外仲會鍾意將隻蛋拎去另一個碗 烏冬撈蛋漿咁樣食 (о´∀`о）最後烏冬好煙韌好彈牙 好滿足～評價：8.5/10️ ▪兩個烏冬都好出色，有機會會再去食！仲見到佢有一個蕃茄凍湯烏冬同黑松露奶油烏冬好似都幾吸引(´∀｀)

同女女係附近學完平衡車🚲耗盡晒體力，即刻喺附近搵嘢食醫肚，同學仔媽媽帶我地去同幢嘅主打鰹魚湯手打烏🍜當日唔使排隊，環境都算乾淨闊落，店員好有禮貌咁招呼💞我就叫咗個骨付雞+鰹魚半湯烏冬😋同學仔媽媽就叫左關東煮+鰹魚清湯烏冬，另外再叫咗天婦羅櫻花蝦雜菜餅+樽仔檸檬茶。骨付雞+鰹魚半湯烏冬+麵豉湯骨付雞一食真係覺得冇得輸，又外皮堅係脆，而肉質鮮嫩多汁，唔係誇張🤭一咬啲汁必晒出嚟😆而且調味都非常好，有少少蒜香加蜜糖味🍯鰹魚半湯底比鰹魚清湯底更更香更濃味，烏冬粗身有咬口，唔會腍口👍🏻係水準之作，另外麵豉湯非常濃郁，好多野菌喺裏面👏🏻正呀關東煮+鰹魚清湯烏冬+麵豉湯關東煮嘅菜包超好食，真係食完一嚿再上encore😋蘿蔔蛋蛋都非常入味🥚手打烏冬一樣咁好味。天婦羅櫻花蝦雜菜餅天婦羅炸得非常好，芫荽同櫻花蝦份量十足，唔會太多炸粉，重點係入口完全唔油膩。樽仔檸檬茶茶味好夠濃，而且介好香tim,唔會太甜，啱晒我飲開少甜嘅人👍🏻檸檬酸味亦剛剛好

長沙灣好食超級多，要檢討一下骨付雞：完全冇咗蜜糖甜味；鰹魚湯底：唔夠味；烏冬硬度：唔夠煙靭全部都差好遠，食完搞到我好唔開心，好失望。。。點解總店會同長沙灣差咁遠？

晏晝諗住搵間嘢食下，點知。。。真係好難食，埋單仲要二百幾蚊真係喊出來要咗咖哩烏冬+天婦羅另外就蕃茄湯烏冬+炸蠔真係難食到想搵嘢過下口，店內又冇餐紙，可能係因為4點鐘店員休息時間，坐低之後就冇人理，佢哋就坐低傾偈，咁因為我唔食秋刀魚，所以起身搵店員問下有冇得走咗個魚或者轉第二樣比我，傾完之後就話蝦唔得只可以轉菇比我，咁當然好啦，只要攞走嚿魚就得咖哩烏冬 - 加咗水冇咖哩味得中藥味天婦羅 -轉多粒冬菇比我非常好，但係個天婦羅係冇味嘅天婦羅 -轉多粒冬菇比我非常好，但係個天婦羅係冇味嘅蕃茄凍烏冬 - 唔知自己食緊乜炸蠔 - 都係冇味，相都唔想影了

第一次來呢間「鰹烏冬」，係睇openrice見到多食評而來既，幫襯當日係閒日夜晚8點左右，不用排隊，但入內座位不多，而且座位間隔好近，環境比較嘈吵註：openrice上寫餐廳係11樓，但其實已搬到2樓，想幫襯既朋友要留意返言歸正轉，當日我地㨂左鰹魚湯烏冬，加飛魚子豆腐及天婦羅多春魚，兩份$238，每份$119平心而論，覺得食物一般，湯烏冬質料唔錯，但碗烏冬其實無咩其他料，性價比一般，而加配既豆腐亦唔係特別好食，覺得似雪凍左既八福豆腐，多春魚就正常總結：食物一般，食物選擇唔多，同埋覺得QR code落單既系統不太user friendly，以呢個價錢我或者會選擇街舖食肆多過上工廈食

📍鰹烏冬長沙灣元洲街464號寶華閣地下4號舖佐敦彌敦道380號香港逸東酒店LG樓8號舖觀塘開源道60號駱駝漆大廈3期11樓O2室••••••••••••••••••••••••••••••💝鰹魚半湯烏冬 (冷) + 骨付雞 $48 + $37呢個招牌骨付雞果然有驚喜‼️大過手掌的啖啖肉雞髀🍗一切開已經見到肉汁飽滿💥食落肉質非常嫩滑juicy😋雞皮煎得微脆而不油膩🤩在一層薄薄的蜜糖表面🍯撒上七味粉、胡椒等香料🧂入口十分惹味，甜中帶有微辛🔥味道有啲似KFC的狂惹香燒雞🤣烏冬方面粗身彈牙有咬口🍜即使食到最後都唔會變淋😍湯底較為清淡、鰹魚香味突出✨搭配味道較重的骨付雞剛剛好⭐️••••••••••••••••••••••••••••••#medmad_forfood_cheungshawan #medmad_forfood_jordan #medmad_forfood_kwuntong #鰹魚 #鰹魚湯 #烏冬 #湯烏冬 #冷烏冬 #鰹魚湯烏冬 #雞髀 #烤雞 #燒雞 #日式料理 #bonito #udon #coldudon #chicken #chickenfillet #drumstick

基本上我去觀塘諗唔到食乜都會食呢間🤤每次你都會叫咖喱烏冬配雞髀價錢上以工廈嚟講就唔算好平但係基本上一定夠飽最吸引我嚟嘅原因係因為有咖喱烏冬咖喱嘅份量好足夠烏冬煙靭又彈牙而隻雞髀好夠味亦都夠大隻如果嚟開觀塘嘅朋友仔又諗唔到食乜嘢咁可以試吓去依間我以前星期六日放假嚟就要排隊而家好少少，可能等一陣都已經有位