鳥華 (已結業)

雖然不是很好拉麵,但有時經過拉麵店,總係比佢地既賣相吸引到今次路經銅鑼灣,見到鳥華,又無咩人,就入去食個拉麵呢個就係雞白湯拉麵.賣相幾好拉麵好唔好食,都係睇兩樣野,麵條與湯底雞白湯我唔知咩意思,呢個雞湯味道都幾rich,亦都幾鮮甜,但油份不少麵條有咬口,但不掛湯,水準一般蛋夠哂流心,甜咸比例也適中.豬肉不乾鞋,也夠鬆化,只係無味圖中為加底份量,對我來講只係剛剛好,相信唔加底,男士未必夠食加底加蛋total$102

以為無得BOOK, 要WALK IN 去食會等好耐位, 出奇地 見裡面一個人都冇.我地果時六點半左右。$58 團購指定的兩碗拉麵: 雞白湯拉麵套餐 &  醬油湯拉麵套餐. 另有餃子 + 汽水.入到去服務員好快遞上餐牌, 我就遞上團購紙, 但服務員態度即時變差    好歧視我食團購咁款。拉麵麵條好硬, 吾夠軟, 要咬好耐先敢吞, 因為怕難消化。醬油湯拉麵比較咸, 同埋有 湯底味精 FEEL, 食完好口渴  我吾會再去鳥華食!食得吾多高興!

之前買左團購拉麵套餐有拉麵,一隻糖心蛋,餃子三隻同汽水一罐,拉麵可選醬油/雞湯底。我同男友每人一碗兩款味道。醬油湯底配上叉燒,湯底少許鹹,味道無乜特別。叉燒好肥,有點似五花腩....糖心蛋煮得剛好,蛋黃橙橙的,少少流質。餃子都不錯,底脆,皮薄,有肉汁。雞湯底配上雞肉,湯底白色的,好香。味道很好,好似屋企媽媽煲的老火雞湯咁,不過就好油。麵條好爽,掛湯能力佳。雞肉就比較廋。

早前購買了團購吃拉麵，第一次來到鳥華$58 可購買：雞白湯拉麵套餐 或 醬油湯拉麵套餐(原價$125)套餐：雞白湯拉麵 或 醬油湯溏心蛋一隻小食（餃子3隻）飲品到的時間很早，5點半左右，沒什麼客人只有一兩台外國人在用餐一進去前我手已經拿著團購紙，但店員也沒黑面因為購買了兩張的關係，所以雞白湯和醬油湯各選一個我選擇了雞白湯拉麵雞湯用上約有70公斤之多的骨骼，雞腳，等等不同材料，以6小時慢熬細煮而成。拉麵是曲身麵條，但個人覺得有點硬(本人偏愛吃軟身一點)湯底也不夠熱溏心蛋一點也不溏心，味道也普通醬油湯拉麵我沒吃到所以不作評論但男友整體也覺得平平餃子算是不過不失飲品是汽水來的，所以也沒什麼好評論團購餐另收$10服務費一個人$68來說，不算貴可以一試，但不會刻意再來

在香港食碗拉麵，最少都要七，八十元，而且沒有飲品小食．．．．對拉麵喜愛一般的我，真係不太願意花上這個金錢～但老公愛食拉麵，所以每次見有團購都會買下來，跟老公品嚐。最近見鳥華有團購，有溏心蛋，餃子及氣水，只需＄５８，抵！而且上綱見評語都不錯及限制不太多，決定一試！ 當晚９時去完講座後，到富豪酒店後的鳥華光顧；有別於其他拉麵店，鳥華的門面比較寛濶，而且門口的拉麵模型及名星簽名合照，十分吸引。店內環境都不錯，有空間感，桌椅寛濶，食得舒服先看Menu，拉麵有１１款，除拉麵外還有沾麵。因為係團購，只有白湯底及醤油湯底可選擇，當然點了招牌的 雞白湯拉麵。賣相食物擺放有序，配料有木耳、豆、蔥糸，十分吸引！ 湯底呈黃白色，濃郁可口，喝得舒服，絕對不是味精造成的。這裡用上六小時慢火烹調，充滿了骨膠原的雞白湯湯底，低脂肪高蛋白質而且不濃不膩，非常適合愛美的女士； 麵條彈牙口感較硬身，沒有討厭的鹼水味，但我覺得食得有些咸，可能麵條蛋味太重； 雞肉只有數塊，雞肉鮮嫩不乾身； 溏心蛋不太溜心，而且蛋味不如想像中香濃。 餃子皮厚薄適中， 餡料足而且味道不油膩。以這價錢，都係抵食！但味道不是十分出色，到現在能吸引我

一路覺得香港大部份拉麵店都主打豬骨湯，難得有間打正旗號賣雞湯點都要試下。星期六中午去冇乜人，最好就係有BB椅（好小拉麵店有）。點了個白湯拉麵，咖哩豬扒飯，同一個腐皮小食。先講拉麵，飲第一啖湯已經覺得好正。比起有名嗰幾間豬骨拉麵更正！入口香，濃！但唔會過份濃！可惜上面啲雞有啲乾。基本上冇乜幾間整雞扒整得好食。麵條用日本常用比較粗 身的。吃落比較有口感。到個飯，個咖哩味做得唔錯。好香紅蘿蔔味帶小小辣。可惜又係個肉累事。塊豬扒離皮，又冇肉味。 小食腐皮卷。包咗啲蔥，肉碎，芝士。做得幾好！

曾經幾年前試過尖沙咀店的鳥華及其主打拉介 - 鷄白湯拉麵，但我嫌湯底杰兼黏囗，加上熱天，並不是我那杯茶，所以一直都沒回頭。星期六中午在銅鑼灣，正苦惱午餐的選擇，見銅鑼灣店不用等位，亦見到有其他湯底如豬骨湯或和風担担麵等其他選擇，不如試一試吧！ 本來想叫一碗和風担担麵，點知已在餐牌貼上'已售罄'的貼紙， 又要再揀過。 突然見到另一限時推介 - '濃蝦湯拉麵'，咁就要試試，  兼加上一客餃子。濃蝦湯拉麵 - 喝一口湯，有濃香的蝦湯味，但並不過鹹，而且湯底滿有蝦膏味及很香的櫻花蝦乾，一個字 "正"  而碗中的麵料都有高水準；如半熟蛋非常幼滑，蛋黃呈現半生熟，是我所喜愛；而豚叉燒並沒有用醬油煮，所以味道比較淡，但由於湯底是濃香的蝦湯，反而帶出豬肉的原本鮮味，一讚。麵底未到我喜愛的煙靭度，但都算軟滑，都有點失望。而枱面上擺有"醃筍絲"及"醃菜"給客人任加入麵中，味道不會過鹹，令麵中加了爽甜的口感，唔錯。 餃子 - 其實味道都唔錯，餡料中加入蔬菜，帶甜味，餃子皮造得很簿，不過比較淋，兼餃子煎得唔夠脆底，要扣少少分，但整體都算唔錯。

某日突然興起, 特意到訪這間主打雞湯的拉麵店。小人乃路痴一名, 在附近兜了N個圈之後才找到, 累得要命…進入店內, 有數枱客人。店子很多日式掛飾, 日本風嘅呢。既已到此, 當然點了其名物雞白湯拉麵。雞湯果然濃厚, 偏淡; 麵條質感超硬。配料有木耳、辣蔥、溏心蛋等, 紫菜是追加的;  奇怪的是已放了入湯的溏心蛋竟是凍的? 除雞湯較為突出外, 整體僅屬一般而已。最特別的是雞义燒, 邊位燒得頗燶, 加了七味粉後竟有點像港式义燒! ToT若論雞湯, 確屬佳品, 但以$113的價錢來說似乎貴了一點, 但也可說是較為清淡的選擇。

星期六返半日, 收工諗住排咖啡弄, 點知排左個半鐘都未見門口。餓到暈, 唯有下次再試。鳥華正好係對面, 拿拿林坐低食碗麵。拉麵黎得好快, 味道一般, 湯底唔夠豬骨湯好飲,但侍應姐姐態度好好又有笑容。仲叫左碟雞翼, 不過好似冇醃過咁, 唔特出。

路過這間餐廳，廚窗展示了數張店主與明星的合照，包括有國際名人奇洛李維斯，心想這間餐廳應該不錯吧 入到餐廳，再看看餐牌，才知道餐廳提供的食物選擇不多，只有數款拉麵，都是以雞肉為主，大概跟餐廳的名子有關吧。在不多選擇的情況下，筆者與友人點了味噌雞白湯拉麵及精選的黑蒜雞湯麵。小食方面就點了芝麻雞翼及餃子。味道方面，兩款拉麵，筆者就比較喜歡味噌雞白湯拉麵，雖然味道並不是十分突出，但都做得中規中矩；至於黑蒜那一款，感覺是重口味版的黑蒜味出前一丁，而且感覺比較油膩 至於兩者的麵身都是徧硬 而拉麵裏的主菜雞肉，可說是整碗拉麵裏最差的一項 雞肉淡而無味，店主真的要想想辦法，因為這間餐廳是以雞肉為主打的。小食方面，芝麻雞翼做得不錯 雞翼炸得好脆身，味道亦好好 而餃子就很一般。

睇見間鋪門口貼滿明星合照連奇洛李維斯都有份，心諗應該唔差得去邊既  間鋪都唔係多人，坐低睇下張menu，選擇唔多再加上menu上既拉麵相真係提唔起我既胃口 不過唔緊要啦都一場黎到，睇下張menu見到有個太極拉麵，於是我問員工係有乜料，於是佢用左1秒黎講左3，4樣材料....   唉，我都簡無可簡，唯有食個咖哩炸豬扒飯 公平D講。。豬扒新鮮炸起，但十分硬，咬左3，4次麵係咬唔開，咖哩汁濃但酸，而且小 ，經過今次我以後都唔去，byebye la 鳥華

再寫鳥華會不會被人認為我是他們的網上打手呢? 只是因為上返學的方便經常光顧, 有甚麼新品很快會發現, 不免又想寫一篇來騙騙業績。這一期的新品叫綜合黑味噌拉麵, 故意不去開黑味噌是甚麼, 考驗一下自己的舌頭。看吧這樣看來很黑吧? 配菜有兩片雞叉燒, 半隻溫泉蛋, 價錢是$78, 不算便宜。麵上來的時候一陣濃濃蒜香, 喝一口湯, 燙熱的油令舌頭輕微受傷, 一口甜甜的味道, 真相出來了, 黑味噌的黑, 其幕後黑手是一層厚厚的黑蒜油。把湯勺起來仔細看, 可以看到厚厚一層黑蒜油, 底下是帶紅色的赤味噌。如果把油漏掉, 可以喝到赤味噌的濃濃咸味, 及混和了的雞湯的鮮味。麵方面不多說了, 之前也提過他們用的麵條。惟一不一樣的是因為這款麵有一層厚厚的油, 熱度保存了好一段時間, 所以麵吃到一半會因為熱度被得太軟。同一原因, 原本就不太流心的溫泉蛋, 一不留心沒先吃, 就已經被熟了。對這款麵的評價太簡單了。你喜歡黑蒜油, 名正言順去試試吳剛師傅飲滾油的滋味吧! 不喜歡嗎? 這款麵沒甚麼特別去嘗試的價值。

Ok their broth was worth a second visit, however, same as last time, the waitresses there were very uneager. And when my order of shoyu ramen extra egg and scallion came without the egg, I immediately questioned her about the scallion. Yes there was some in the bowl, but that was just the normal amount, the stuff that you get charged extra comes on the side, yet she insists that the "extra" scallion has been already added. By then I pointed out I was there 2 weeks ago, and it came on the side. T

今日落大雨，諗住去咖啡弄睇下會唔會少啲人...點知都係勁多人-.- 於是我去了對面的鳥華...其實一早估倒唔會好食得去邊，但個刻我好肚餓，所以諗著試下都無妨~和男朋友打算叫一碗填肚，好食先再叫...唔係既話就轉場^_^點知比我地發現原來每人最低消費$50...唉...焗住叫左兩碗拉麵試下...我叫左碗唔記叫咩和風拉麵，在menu第兩頁的左上角...個湯都ok,麵真係麻麻=_=食落去先知啲麵少得幾過份!!!搞到我食完仲好餓，一陣要轉場再食.... 我食的那個麵，有少少辣，男友不喜歡辣的，所以他選了這間店力推的"雞白湯拉麵"...我有偷食了一點...很像媽媽在家中煲的雞湯味-.-我不喜歡啦...喜歡清淡的你，可以一試~我們旁邊的食客跟她說:我第二次來啦...我和男友不約而同地覺得:唔係下話，仲有下次？!!!其實碗麵如果只係$30-40，就抵食！但埋單要成$80 碗 ！我就覺得食豚王都無甘嬲了....

濃蝦湯拉麵，可以完全無蝦味的。又是我錯鳥。。ヽ(´o｀； @烏華拉麵The Prawn Miso Ramen, despite the presence of dried Sakura prawns, has absolutely no prawn crustacean taste. It's purely miso broth and the noodles were slightly overlooked and borderline soft. 5)3 pork chasyu were quite dry.Took a bite and a few sips of soup to confirm it was pathetic, then paid the bill and left. Absolutely horrible