鳥酌 (已結業)

朋友介紹左好耐，終於有時間去試。坐低交比老闆發辦，成餐飯食得好輕鬆，mario都好帶動氣氛，亦都有同我地交流介紹食物特別既部位同酒。可惜當晚冇飲sake, 只係飲左asahi同果酒。下次會再去💪🏻😋雞刺身 - 第一次食雞刺身。用左煙燻，好香（本人好鍾意煙燻既味道）食落有d似ham, 碟上面仲有其他佐料，個人認為乜都唔加最食得出煙燻既香磯煮鮑魚 - 彈牙，味道剛好雞皮 - 好咸，落粉重手左雞腎 雞心😋😋雞血管 - 冇諗過係咁既味，好味雞翼😋😋😋雞頸肉 - 冇諗過咁好味，肉連埋根，好有咬口，覺得最好味😋免治雞肉棒 （普通版好味）😨特別版 - 接受唔到，食咗一啖放棄左牛舌 - 厚鱔片 - 肥美😋😋荔枝豬肉 - 原來味道可以夾，食落口一爆個下荔枝汁好正😋提燈 - 可以一試，味道唔算特別但加埋一齊口感唔錯蟹膏蟹肉串 - 足料蟹肉，串揚感覺爭小小，層粉可以再做好d雞皮餃子 - 好咸帆立貝三文魚子釜飯 - 唔錯

經過這條小巷，發現有新開的串燒店，於是被門面裝修吸引，門面有一個半開放式廚房，於是便在晚上六點在門外等候開門，打算一嘗這間新店。當日大約門外等至6:15pm才開始晚市營業。甫進餐廳，當日有兩隻大的小強從牆壁行過，店員稱隔離店舖裝修，所以小強橫行。之後店員便介紹清酒，作為清酒愛好者，當然很期待店內會提供哪些清酒。店員介紹當日有榮光富士 純米大吟醸 森のくまさん熊太郎無濾過生原酒、大嶺酒造 Ohmine 3粒米清酒等等，奈何價錢相對mark up 很多，於是便打算先嘗試食物質素。當日嘗試了不同串燒，店家說雞肉比較拿手。奈何調味不足，而且可能爐具不同，對比其他日式串燒店，未能帶出串燒的肉香，較為可惜。當日也試了牛舌，沒有太大驚喜。蕃茄前菜不錯👍🏻整體食物價錢相對較貴，晚飯後兩人仍感到餓，可能打算前往用餐的朋友，需要提高預算。

很高興可以外出吃飯，到處都是食客又沒有預先訂位，幸好還有兩個位置是在食肆外面的，很有風味兼通爽。酒盜芝士蘿蔔漬是佐酒的小食，蘿蔔塊特別處理過，有淡淡香味，爽口。鱈魚乾薄薄的脆片，同樣可當佐酒的小食，慢慢細嚼魚的鮮味。雞柳. 鹽燒白鱔雞柳是日本進口，雞肉入口很明顯可以分辨出味道有所不同，本身嫩滑，在燒過後肉脂更香。鹽燒白鱔肉質厚厚，燒得很美兼軟腍入味，魚脂豐滿好味。酒夜干馬友 是本地馬友，少少鹹，一點也不乾身，魚香不錯，好味。七里香(左).雞心喉(中).燒大蔥(右)雞心喉雖是品嚐內臟，但入口又嫩又有點彈，雞味濃厚。燒大蔥一段段串起來燒，蔥味濃，可以整理一下口腔的味道，是餐牌以外的食材。七里香是雞尾，外皮脆卜卜，內腍香口，這種吃法極吸引，所以之後加單。雞腎. 雞心. 牛舌. 七里香 雞腎與雞心各一份(左)， 雞腎與雞心的醬汁味道適中入味，可以慢慢咀嚼 。圓圓的厚切牛舌(中)，入味軟身香濃。七里香(右，加單)。與主廚交談一會後才發現還有餐牌以外的食材，當然也要試一試!芝士燒帶子有兩大粒，芝士味淡淡。新鮮的帶子燒後多了些爐火味，有點醬汁也融入帶子。主廚慢燒，我們慢嚼慢飲，很寫意，感覺真好!

元朗串燒食過唔少，日式嘅包括三品燒鳥，逸之燒，但呢間真係超級搵客笨嘅餐廳，驚喜源源不絕。第一驚喜位：叫咗7串串燒，結果第一枝串燒要成40分鐘後先到，等到人都癲。仲要個老闆主動過嚟叫我哋點炸物就唔駛等咁耐。喂，大佬啊，依家係你出餐嚴重地遲喎，點解要我去遷就你？係咪想博啲客等得耐可以水啲客叫多幾樣？一般人等20分鐘都已經忟忟地，如果識做嘅，你應該送啲小食個客填吓個肚先，補償吓，而唔係將個波拋返俾個客第二，最先上嘅菜竟然係黃金海鮮釜飯（$158），嚟到原來只有一碗飯嘅份糧，兩個人食兩三啖就食晒，又無蒸飯嘅味道同濕氣，完全同日本食過嘅係兩回事。就算市區收呢個價嘅都唔會咁厚面皮俾一碗飯人食，真係佩服！第三，終於有串燒嚟到，除咗白鱔好食之外，其他啲全部唔合格。牛舌好韌又有羶味，應該用咗啲平貨，一食就知。雞肉無論肉質同味道，完全同當年嘅三品燒鳥無得比。到最後壓軸嘅雞翼，點菜時已經問清楚一串係點，職員話係雞全翼，點知嚟到無雞搥嘅，說好了的雞全翼呢？第四，原本叫咗燒菠蘿，但食晒全部嘢都仲未到，決定走了，廢事再等多四十分鐘，最後去咗新記食雞粥食返夠飽整體來講，去呢間餐廳好似食神套戲咁，老闆淨係識諗縮數，將

串燒是我最喜歡的燒物料理，而串燒與清酒是天生註定同一陣線的，於是問題就來了！第四波六時後堂食禁令延了再延，難道要日抖白白飲清酒、又或者日抖白白食串燒而無清酒，兩者似乎都有違陣線的常規。第四波承受的甘，不在於抗疫，而是在於慾望與忍耐持續地受到考驗！ 等了又等， 晚間堂食了無期，   恐怕再等下去會變串燒石！小舖的前身是經營日本拉麵店，幾個月前變成了主打日式串燒的「鳥酌」，第四波不單害得食肆體無原膚，同時也苦了食客！不能再沉默，日抖白白的中午前來，是要宣佈忍耐被慾望打倒了！  非常時期，除了原有的串燒，「鳥酌」也備有數款定食作應對和自救！定食配白飯、自家製味噌湯和四選一配菜，先送來了鋪滿豆卜的味噌湯。配菜選了汁煮大根，事關我是大根粉，嘻嘻！大根煮得透心，入口爽中帶腍，是我喜歡的口感！老公點的醬燒厚切牛舌定食 HK$118 來了，按店員建議加配溏心蛋 HK$10！灑滿青蔥的醬燒厚切牛舌定食，起初令不太愛蔥的我望而生畏，可是試過便知沒走寶。切得幼細的日本青蔥，夾雜米飯和醬汁入口，離奇地沒有蔥腥，更釋出令我喜悅的幽香，效果出人意表的好好好啊！主角的厚切的牛舌，中心呈粉紅，口感爽中帶軟，對百多元的

我曾經有兩次想食「鳥酌」， 都book唔到位😭， 今次有朋友專程入嚟元朗探我， 我提早兩日， 試下book早啲1830開餐， 終於都有位🥳👍🏻👍🏻「鳥酌」係一間好有日式風味小店， 門口個bar檯位好正， 但今次佢哋安排我哋坐在店內， 近門口嘅角落位， 都係bar檯， 由於唔多人出入， 我朋友讚個位唔錯， 雖然近門口都唔會被影響， 可以傾到計。「鳥酌」原來都幾多熟客嘅， 我隔離兩位男士， 原來都係熟客……成餐飯， 真係冇邊樣嘢唔好食， 當晚Special有我最愛嘅白子， 勁開心， 而醬油同酸汁兩種口味我都試齊， 我都係最鍾意醬油👍🏻👍🏻 燒雞皮都正， 外脆內軟好有咬口， 蟹肉釜飯都好好食，仲有少有的雞白肝， 實在不能盡錄🤤🤤

昨晚同朋友去左試下呢間串燒😜好幸運有門口位，可以對住老闆即燒同交流👍佢地所有串燒都係即燒，比起好多串燒店炸完先燒好唔同，我地叫左10串左右串燒，仲有廚師推介既吞拿魚腩下巴😋先講牛舌，厚身，夠林，好好好味，愛食牛舌既不能錯過雞肉京蔥串好juicy, 京蔥又唔會太過火大力推薦白鱔串，外脆內軟，我食完忍唔住叫多次😂免治雞肉串都好好好食😋配埋個醬汁，見住老闆真係手搓，唔係來貨的最開心係可以同老闆交流，一邊食一邊傾計，好有居酒屋feel. 老闆會推薦配合我地食物既清酒比我地👍👍我一定會推薦朋友一齊去再食🥰

食物選擇有限，開瓶費非常不合理！座位非常狹窄，四個人食咗$2000起碼，幫襯左一支接近$600嘅清酒，請埋店員飲，之後仲話隨便收我哋$200開瓶費，多謝佢收少我一支開瓶費！以後唔會再去

真心講呢間野一啲都唔平，但係如果你對食物有要求嘅話你一定食得出佢同平嘢嘅分別。首先你要試一串雞皮你就會發覺日本雞皮同你街邊食到嘅燒雞皮係完全唔同，當然如果你分辨唔到嘅話咁你都唔使再嘥錢食其他嘢。半生熟嘅燒雞肝同埋燒雞肉係一定要試(如果你夠膽食嘅話),如果鍾意食燒魚嘅話一定要食燒日本香魚同埋酒夜干馬友。如果同我一樣鍾意飲啤酒嘅朋友一定要試佢嘅梅子漬蕃茄同埋炸牛蒡。(尤其是唔鍾意食蕃茄嘅朋友一定要試吓)。鍾意食內臟嘅我更加唔會放過佢嘅豬腸同牛小腸。

因為想復課之前帶個囡食下飯行吓街，一家大細入咗元朗，找到依間食店，坐位雖然小但感覺好親切，選了兩款定食和幾款串燒，餐前小食薯仔已經好好食，牛脷飯香噴噴非常鬆軟脆，免自雞肉棒非常驚喜，我的小囡不小心跌了筷子，他們立刻換了新給她，反應非常快，臨走時我個囡問我幾時再來，非常開心

之前收工行過見到成日想試。早幾日終於決定會一會佢。一坐低，叫左二杯生啤止止渴，跟著慢慢睇下menu有d咩食。通常去居酒屋，離唔開食串燒，店員介紹番話呢度主打食日本雞既唔同部位，但除左雞串燒外，推介今日既限定品：鰹魚剌身。以前去上野或者新宿d居酒屋都有見過，但翻到黎香港d居酒屋就好少見有做呢樣，一於試下。再叫左d雞串燒，同店員推介既安格斯肉眼配焦糖瑪奇朵汁，再另外叫左個呢度既另一主打：釜飯。先黎一個鰹魚剌身，同之前係日本食既都好似，但店主係上面再加左d麻油，伴埋洋蔥絲，蔥同薑蓉一齊食，成個感覺好平衡。尤其個洋蔥，伴左一個酸酸地既汁，做頭一道菜個感覺真係好開胃。跟著到雞既串燒，食得出係日本貨，同平時係元朗食其他d串燒好唔同，店主仲同我地介紹番，日本雞既內臟唔好燒到熟哂食係最好，大概七成熟就ok。可以食到果種雞內臟既原味。到主菜個肉眼，最初我問店員咩係焦糖瑪奇朵汁。佢話係店主特別調教既一個汁，係焦糖咖啡既汁黎。聽落覺得呢個配搭好新穎，就試一試。食落口，焦糖果種焦香同咖啡既苦澀味帶出番肉眼既牛肉味，非常襯！第一次試到咁新穎既食法，有驚喜。可惜店主話黎梗轉menu，呢個order會冇左，唯有期待

自己好少打食評，但因為呢間野真心覺得出色！！所以要幫忙打打氣！！鋪頭係小巷，好有日本橫街少巷感覺冇得去旅行既而家，一定覺得由鋪面裝修至食物已經好有feel...講返食物，就係呢間主打既串燒，比起其他串燒店黎講，種類特別同埋都比較少地方見到。。睇得出好有心店員有推介黑板上面既限定品，好似係話定期都會轉一轉。。咁今期就係"酒干馬友""。。。味道比起一夜干更入味香口！！其他串燒品樣樣都好好味。。下次有聚會，唔洗諗都會再返黎

Nice food and nice atmosphere. Food is great and the staff are very friendly! Worth trying if you’re in the area!Minced chicken and egg was delicious and worth trying! They have made an effort to pair sake to their unique menu in mind and worth the trip over without driving! The menu is seasonal with the produce in mind. If you visit in the summer the “par-cooked” (半生熟) chicken skewers are worth trying as it’s a rarity (at least for me!) in Hong Kong

上次食飽經過見佢門口menu 有定食$65今日同樣時間經過 入到去發現無左定食（雖然佢店內有黑板寫牛舌定食$98但侍應話無曬）其實有串燒 但太肚餓關係叫左釜飯8:40 落單 9點last order點知等左30分鐘先黎一黎就發現中曬伏和牛釜飯$138 好多飯焦啲牛得個7粒 完全唔飽 阿波尾親子丼$148 朋友叫朋友話勁咸 試左一啖 我重口味都覺得咸Asahi 500ml $78 （出面7仔都係$20）無叫到兩個食唔飽又麻麻地又等得耐嘅釜飯加埋2罐可樂 加埋一 $354無論廚房同侍應都有一直拉低口罩（勁無衛生意識）入黎又無量體溫 廁所又係2步之內超級中伏之選 永無下次

我食過咁多次日本餐，今次真係要同大家真心強力推介呢間餐廳唔好睇佢舖仔細細，但係每樣既串燒同菜色都較為出色及特別我尤其欣賞店主所推介的黃金什菌海鮮釜飯，酒盜起司帆立貝，海鮮材料新鮮，味道可口，一粒粒白飯加咸蛋黃配海鮮真係好夾。我最中意係荔枝豚肉同明太子紫蘇豚肉，配搭新穎，口感一流!值得一試的就係冰鎮梅漬蕃茄，每一粒蕃茄都走皮，酸酸甜甜啖啖梅香，絕對係落足心機的菜式。另外不得不介紹係流心起司啡菇，金黃色的蛋醬配起司果然係無得頂