鳳城酒家 (已結業)

超級難食，超級慢，態度超級差！taste really bad, super slow.... The chicken need to wait for 90 mins and the service super bad, the chicken is looks old and not fresh. 鳮又老，又不新鮮，又硬！有圖為証！

慶祝母親節，與老人家吃飯，㨂老吃號酒家，讓老人家懷舊一下，有時也是不錯的點子。鳳城的北角和銅鑼灣禮頓道分店我都試過，我覺得銅鑼灣店的水準較平均，服務較好，北角店做的菜水準較反覆。是日點了蝦多士、炸子雞、蒜蓉蒸蟶子皇、海皇帶子羮、炒菜芯。所有菜式大大碟，價錢合理，很適合大伙人去吃。招牌的蝦多士，肉質爽脆juicy、多士脆度啱啱好，不會太燶，若不是怕熱氣，真係想成碟食晒。炸子雞肉質鮮嫩，略嫌鹹了點，其他菜式不過不失。這裏很有老一輩酒家的特色，會跟食客閒話家常，服務尤其老人家很貼心，像外面下着雨也會主動溫馨提示，提供協助。一間好的餐廳，包含的不單是供應食物本身，還有那暖暖的人情味。

食物質素一般，價錢在銅鑼灣黎講都算叫合理。如果講突出既，就係蒜茸蒸排骨，食得「咸」魚抵得渴既我，都覺得極度咸。如果講正常的話，就係個桂花糕，唔太甜又有桂花味，唔錯唔錯。好黎講完食，就講下服務質素啦。簡直未試過飲茶飲到上晒火！無筆問拿筆，侍應藐咀兼飛筆，我以為小李飛刀轉世玩飛筆。之後落單無人理，舉手舉到手痺，餐前運動。跟住仲要落左單成半個幾鐘，第一張單既野可以未黎齊！三問侍應，真係慘過三顧草盧！1）她妙答：「幾樣野係耐 D 架啦」。2）過多五分鐘，她：「比單你，都話你有落！」。再過五分鐘，她：「我咩都唔知，你自己問經理啦，麻煩」最後我彷如瓦奴瓦圖既活火山咁, 去爆個搵經理。最後一句，不是熟客就唔好去啦！

第一次試呢間下午茶，周地報紙，纸巾…… 揾個人落單、加水也非常因難，D阿嬸樓面個個扮睇你唔到 D點心麻麻地，西米布甸太甜，蝦餃皮超厚！服務態度一流(由尾數上) 無下次！

十月一日 , 一家人齊齊整整的在飲茶, 目的是慶祝姑仔的生辰。她喜歡吃焗布甸 , 因此丈夫便預早訂位兼預訂一個大裝的焗布甸。假日的早茶時段會提早到十一時便結束(結賬為記)皮蛋瘦肉粥是煲得夠綿, 皮蛋都巳融入粥體內, 瘦肉碎放得不算少。叉燒腸粉的餡是切得細碎的瘦叉燒, 腸粉皮有米味, 黏軟滑身。沙律明蝦角、家鄉鹹水角鳳城高湯炸粉果是昔日必點的點心之一, 浸湯後入口即化的確令人想念。 可是昨日的體驗卻讓人趺晒眼鏡, 首先高湯竟是沒有味道, 另外本應是入口即溶的粉果, 多了層厚皮, 這樣又怎會做到入口即溶呢?脆皮奶黃球是金黃煙韌, 吃的時候要小心因為內餡會噴出來, 奶黃餡帶重鹹蛋味。預早訂了的西米焗布甸, 縱使中途遇到了一些小風波, 但最後所得的布甸都是美味可口, 食得多會飽!

今日同親友到鳳城飲茶。其平時好少去CWB飲茶，因為CWB有更多更好嘅選擇，不過呢間真係好就腳，而且12點半都唔駛等位。今日叫左十幾樣點心，當中有所謂嘅招牌菜，豬腳薑、炸鮮奶，不過有D失望。豬腳薑用一個大飯碗裝住，數得出有兩舊豬腳、兩舊薑加一隻蛋，OK，百物騰貴，我明白。炸鮮奶就無甜味，比起北角嘅鳳城差得遠。中肯果句就係：呢個價+呢個質素可以接受，而且合理。

星期日老爺生日，去咗鳳城食生日飯，叫咗個套餐，好豐富！！其中蝦多士，蟹蚶同雞炖翅都好出息， 好好味。最後甜品西米布甸原來要預訂， 內有白蓮蓉餡好香又唔太甜。生日當然要有壽包，好大個仲有蛋黃係入面。

Last Sunday was our parents' 60th anniversary and also the family gathering of my sister and her family from Paris. We've been to this restaurant so many times in the past 10 years or so and we have order similar dishes before.There were the seven of us thus I ordered tonns of dim sum and some side dishes for them to enjoy, the roast pork was crispy and delicious, and I thought the deepfried stuffed crab claws shouldn't be that bad....Unfortunately this long-wated dish came after more than 40

朋友好鍾意食懷舊菜, 今晚約齊人去食順德菜... 順德經典名菜多, 今夜先試家鄉煎釀鯪魚、大良炒鮮奶...再來一客懷舊小炒生煎蓮藕餅...家鄉煎釀鯪魚 $148-- 第一次食, 拆走魚肉打魚膠, 再釀回魚內, 魚膠彈牙, 淡淡魚香, 胡椒味濃, 熱辣辣, 沒有腥味, 醬汁有點鹹...大良炒鮮奶 $88-- 好滑溜, 唔油膩, 蛋白味濃, 味道清淡...順德煎蓮藕餅 $88-- 煎釀三寶都比它足料, 煎蓮藕餅的蓮藕居然切成3mm x 3mm x 3mm, 1片蓮藕餅只有幾粒蓮藕, 90%以上都是魚膠, 剛吃了家鄉煎釀鯪魚, 再吃這個, 內心有點不爽... 煎餅煎得香脆熱辣, 蘸醋汁吃很香口...自選煲仔飯 $272-- 2位起, 每位$68, 我們Order了4位5個人分... 問部長「自選」有什麼材料可選, 部長答排骨煲仔飯, 我問仲有什麼材料可選, 部長開始唔耐煩, 仍然答煲仔飯咪排骨煲仔飯... 覺得佢唔太可靠, 再問另一位部長, 對方又是答排骨煲仔飯, 然後我地問冇臘腸臘鴨果D?!! 部長答臘味煲仔飯, 什麼都有齊... 早說嘛...潤腸甘香, 味道濃郁, 可惜得數片, 臘腸鹹香

週五晚在銅鑼灣逛街，晚上於鳳城酒家用膳。脆皮燒腩仔：富肉香，個人而言覺得肉質稍稍肥了少許，皮脆度中等。大良炒鮮奶：賣相唔OK，炒鮮奶質感實，唔滑溜。欖角焗肉排：肉排軟腍入味，好吃！生炒桂魚卷：桂魚卷中包着金華火腿，魚鮮肉香交習，頗有心思特色。粉絲雜菜煲：菜蔬選材多，OK。南瓜西米露：不過甜，西米稍稍浸透了一點。

在2/6(星期六)去飲下午茶在門口是這樣寫的” 下午茶時段大中小一律 $15.8, 2時入座計, 星期一至五(公眾假期除外) 茗茶$7, 星期六, 日及公眾假期 茗茶$10” 大家看完怎樣理解? 我們的理解是” 下午茶時段大中小仍是一律 $15.8, 2時入座計, 但因為是星期六所以茗茶$10 “ OK! 入去啦!( 並且我們都不是第一次星期六去!), 坐低咪問樓面要將 ” 點心紙” (當時樓面沒有說什麽) 好啦理單竟然3個大點收正價, 只有放在枱上張紙才有特價!!!!!!!!!!!!! 跟住我問收銀亞姐重話門口寫得好清楚呀! 你無仔細睇姐!!!!!! 跟住我叫亞姐出去門口睇邊句寫咗呀!!!!!! 可能我們中文太差!!!! 要加價我唔怪你但可否不要寫到不清不楚!!!!!!!!!!!!!

提到順德菜，大家會否想起「釀鯪魚」、「雙皮奶」、「大良炒鮮奶」等美食？順德這「魚米之鄉」，位於珠江三角洲，近水流台，魚塘隨處可見，所以順德菜亦以淡水河鮮著名。順德因為當地有座鳳凰山，故又被稱為「鳳城」。香港也有座「鳳城」，就是主打順德菜的「鳳城酒家」，口味上是久違了的懷舊味道。本少爺覺得它的點心如「雞球大包」、「蒸粉果」、「懷舊馬拉糕」，以及「湯在餃內」的「古法灌湯餃」，均做得不錯，加上它做的順得小菜背後全是手工菜，頗值得我們花點時間細嚐它的箇中滋味。「乳豬併盤」這裡的乳豬以化皮聞名，秘訣是在上皮後多搽一層檸檬汁在豬身，令乳豬皮達至入口鬆化的芝麻皮。在眾多燒味中，明顯它是最出眾的一道，轉眼無哂。「鍋貼大明蝦」即是蝦多士，每枱皆見其蹤影。 大大隻的原蝦釀在麵包上，炸得金黃，蝦肉彈牙爽口，算不錯吃。下面的麵包入口頗油膩，相信是吸了相當多的油，所以吃這蝦都是一隻起、兩隻止。「大良炒鮮奶 / 大良野雞卷」「大良炒鮮奶」火候要控制得宜，稍為過火也難做得好，難得的是「鳳城」仍堅持做這個賣不起錢的菜。它選用大良鮮奶，混入蛋白、石斑粒、蝦粒同炒，口感的確嫩滑，奶味雖略嫌給鹹味淹蓋，還是很不錯吃的。「大

燒腩仔：外皮香脆，肉質鮮嫩，肥瘦適中。炸子雞：熱辣辣，外脆內滑，本身味道鹹鹹地，不用點其他醬汁，必吃。蝦多士：雖然經油炸後的蝦隻沒有什麼鮮味，但多士香脆不油不膩，配以沙律醫就很滋味。大良炒鮮奶：幾香滑，但份量比較少，有點失望。中式牛柳：太多肉鬆粉，沒有牛肉味，最唔好食。糯米飯：份量足夠，十分入味。焗西米蓮蓉布甸：熱辣辣，很香雞蛋味，質地不太稀又不太杰，味道又不太甜，是必吃的甜品。

家母是順德人，年輕時煮得一手好的順德菜，由老火靚湯，清蒸河鮮以至家鄉小炒，味味皆能，不過由於她近年年事已高，已很久沒再下廚做菜。今年母親壽宴，由妹子安排，細心的她就特意於銅鑼灣「鳳城酒家」筵開兩席，一家人為母親賀壽。「鳳城」素來以精細的順德菜見稱，在香港和澳門，以此命名的食肆和店舖，多不勝數，不過大多數人都分不清哪一間是正宗鳳城風味，筆者亦只是聽聞北角老店歷史較為悠久，但為了遷就各出席者，妹子還是選了這家位於百德新街的「鳳城」。原來妹子為了應付馬拉松比賽，每逢假日都會去練跑，之後就會來這家「鳳城」喝下午茶，不過來這裡吃晚飯還是首次，而這晚妹子就為我們選了這個「鴻運華筵全包宴」，每席 $4080。先上的鴻運金裝拼盆，陣容頂盛，內裡就包括有海哲、汾蹄、叉燒、燒鵝、油雞及化皮乳豬。海哲咬落夠爽口，而汾蹄薄切的口感，讓表皮吃來更有脆度，惜入口總覺欠了點汾酒的酒香。叉燒則令人有點失望，口感雖然夠軟腍，但蜜味不高，而且肉質過瘦，叉燒若不帶點肥又那會有嚼頭呀？燒鵝反而不錯，雖然沒滲出鵝油香氣，但鵝肉嫩滑入味，口感不俗。至於油雞，味道一般，不太嚡口，但亦沒皮滑肉嫩之感。最受歡迎的當然是化皮乳豬，聽說

之前係團購網以半價買左一隻八寶鴨,適逄鄰近母親節,於是約埋一班媽媽去開大餐。一早訂左七點半枱,仲預訂左一隻八寶鴨同十件金錢雞。因為用左團購的優惠,其他優惠孖寶都無得點,所有餸菜都要散叫。窩貼大明蝦($98)招牌菜之一,但沒有特別驚喜。蝦幾爽口彈牙,多士都脆。不過味道無乜特別。大良炒鮮奶($88)份量細碟,而且好似炒得略為過火,不是太滑。海皇一品煲($158)有蝦,海參,蠔士,帶子,冬菇,菜底。味道一般。八寶鴨(原價$320)比想像中細隻,不過都好多料,有栗子,蓮子,咸蛋黃等。食完都幾飽肚。鳯肝金錢雞(一件$25)金錢雞即係以叉燒,肥豬肉同雞肝組成。附上青瓜同麵包夾起一齊食，感覺無咁油膩。這味菜唔係個個啱胃口。因為一咬落去,就有一陣潤腸味,而且成口肥膏油。溫馨提示: 金錢雞預訂。炒一口牛柳粒($88)牛柳粒好淋,普通菜式。脆皮炸子雞半隻($110)成餐最好味的就係炸子雞,熱辣辣,外皮脆卜卜,隻雞本身又鹹鹹地,唔洗點豉油/鹽,味道都夠。蓮蓉焗西米布甸(大$158)無乜蓮蓉,不過唔算好甜,而且好香的奶味。