鳳城酒家 (禮頓道)

营业中

休息中

9個朋友去食午飯，當係團年飯，想喺銅鑼灣有活動，所以book 左鳯城。感覺上係相對傳統的酒樓以點心為主，另外有午市套餐，我地叫左六人餐，再另加點心小菜，因為有d 想食既呢個餐冇得揀。生煎蓮藕餅，好大塊蛋煎糯米雞，好特別，咁食糯米雞原來幾好食。凰城炒飯，好食，炒得夠乾爽，入面仲有好多配料魷魚鬚，飲茶小食類至愛😋鮑魚炆雞，朋友話團年飯點都要有雞，所以叫左呢款，好入味，正😋包羅萬有，3款唔同口味既包，包括綠茶流沙包，叉燒包，奶黃包蓮蓉西米焗布甸，朋友推介呢個甜品，因為我地人多，所以叫左個大既一齊share. 佢面層係西米，中間原來有蓮蓉，蓮蓉唔太甜,西米同蓮蓉好配合到，而且好少見其他地方有得食。本來以為食咗咁多嘢，大家都飽晒，再加上呢碟甜品咁膩，應該都食唔晒，點知大家不下不下差唔多都食晒。

行開銅鑼灣，突然想飲茶，咁就去鳳城啦！在地下找到位，因有一段時間冇去過了，應該裝修過吧！待應開茶，滾水茶正，因現在好多已是自助式。因食咗過晏少少早餐，中午點咗個拼盤、叉燒腸粉、地道d嘅咖喱魷魚而已。2個人志在吹水，haha.個拼盤有d特式，用竹藍送上。叉燒腸也搞搞新意思，賣相與傳統不同 - 冬甩型。咖喱魷魚唔係太辣，魷魚算多，唔錯。中午飯時間樓下滿席（無上樓，唔知道情況）。地方整潔，服務Ok。下次會來飲下午茶，下午茶優惠大中小點一律小點計，仲抵。

買左秋冬4人餐，就約朋友去試下，每人一隻大閘蟹，係公蟹味道非常好， 跟住仲有每人一碗蛇羹， 一煲羊腩煲， 半隻炸子雞， 魚湯浸時蔬，食得好飽，好好味， 侍應服務一流， 值得一試 下次會是其他

同屋企人星期五晚來食飯 家人兩老先到攞位一入到來就見佢地坐咗門口嘅枱從家人口中得知職員話今日餐廳好滿 所以俾左個門口位我地 但一路眼見就仲有好多位剩 完全無坐滿過餐廳門口位又焗又熱 完全係無冷氣咁款 係就係有俾風扇吹住你食另外筷子俾唔夠 當然筷子托都係俾唔夠同職員講話要多兩個筷子托 但又淨係俾一個敷衍你 之後又要再嗌先俾多一個你至於食物質素係完全對唔得住個價錢 好油都預咗 唔平又唔係好食 職員態度就中規中矩不過整體感覺奇差 無下次！

30/6星期日飲茶，落單後等左大半個鐘見無野嚟，請侍應跟進，之後個侍應攞住張點心紙問係咪你地，話唔知點解同事放低左，原來無入到，一句唔好意思都無，之後點心繼續嚟唔齊，又漏單，侍應態度繼續愛理不理咁散漫！

阿爸阿媽本身話諗住幫襯老字號以為呢間同北角嗰間鳳城酒家係一樣，點知原來係唔同老闆啲嘢超難食，個魚腸超級無敵苦，魚腸好明顯冇洗乾淨，可以話係我食過最難食嘅焗魚腸，我香港仔屋企附近嗰間都整得好食過佢。炸粉粿好油，配個碗湯超級鹹個炒尋龍俾啲頭頭尾尾位，一路喺度食皮同骨，都冇幾嚿肉個招牌炒飯根本係一個楊州炒飯，加豉油再加蕃茄唯一一樣好少少嘅就係個順德魚羹同啲阿姐反映質素佢哋係完全冇話要改進嘅咁嘅質素收咁嘅價錢，唔怪得咁多劣評。 好後悔冇上嚟睇comment就舂咗入去食，晒錢頭晒quotation晒時間😑劣食！

呢間已經食咗好多年，近年發現愈食愈差👎🏻，每次都比藉口覺得佢會改善，下次食應該會好啲，但真係極度超級失望👎🏻👎🏻，食物材料好明顯唔新鮮而要將佢醃咸啲🙈，部分食物帶點酸味唔知係咪佢落咗檸檬汁去整🤨，點心食物唔夠熱☹️（啱啱食完，真係好差，希望唔會肚痛💩），又唔夠冷氣🫠，冇服務💀，總知今次的起心肝嚟寫食評就係提醒自己唔好再去呢度食嘢 🙂‍↕️唔好浪費寶貴嘅時間同金錢，浪費 quota 去食埋啲咁嘅嘢 😭😫

網上見到呢個集團推出咗個尋龍盛宴，老實講尋龍呢種魚喺國內食真係平好多，但係無奈今晚屋企人話要喺香港消費所以揀咗這個套餐，套餐價錢相對抵食，我哋12個人叫咗一個12人餐，份量綽綽有餘。值得推介嘅係椒鹽魚身，這種食法我未試過，但食落去非常適合餐前小食，配紅酒一流。跟住仲有個魚湯，明顯地食得出藥材味，而且材料豐富。最後要推介嘅係個魚餅，有啲似舊式酒樓嘅蓮藕餅，非常香口。星期四晚上整體成個銅鑼灣都靜英英，唯獨是這間酒樓都尚算有幾台客，希望大家多啲在本地消費！

椒鹽鮮尤全是鬚。即系吾系鮮尤。炸鮮奶凍又油。西芹炒双鮮淡而無味。全部小菜每款過200.又趕客又冇招呼。叫佢就郁一郁。未食完又埋枱問呢的要吾要。果的要吾要。本來想埋單走。但見佢地咁樣。尊登吾走重叫佢加茶加水。吹咩。準備再埋黎就拍枱。

以前幫襯過的鳳城印象中還好，一直覺得是有保證的老牌中菜館，但今晚跟好友去吃晚飯真的很失望。雖然銅鑼灣區晚餐來說，價錢不貴，大概二百多三百元一個小菜。最失望是點了一個大良煎蝦餅，下單前問店員可以分到多少份，店員只回答說是一大塊的，上菜之後才發覺原來是一大塊很乾的煎蛋餅，裏面只有幾隻蝦，味道非常普通。如果店員不善解釋菜單，強烈建議在菜單上加照片作參考。點了其他菜式括菠蘿咕嚕肉、炒豆苗、海皇羮、炸子雞，味道都很一般，沒甚麼鮮味。另外用餐時間中見到小小的昆蟲飛來飛去。

難以想像今時今日的餐廳可以容許這種氣味騷擾食客而不處理呢？ 一進門就聞到，很熟悉，因為是跟管理的奇差髒髒的佳寶門店的氣味一樣。餐廳應該是裝修過的， 是光猛的，桌布碗盤是乾淨的，食物目測也是可以的，就是這股氣味…揮之不去….！ 很難忽略的很可惜…食物尚算可以，炸子雞皮很脆，肉是濕嫩的，蓮藕餅也是可以的，能咬到蓮藕粒， 小炒皇也中規中矩， 朋友說生菜包也好吃（請以後用唐生菜）， 沙巴龍躉是蒸的到位….餐具👀似蠻新的，可惜服務員不知什麼讓他不高興，收拾桌子時差不多是洩氣的摔進盤裡， 實在吵得旁邊的桌基本沒法繼續談話….為啥呢？ 唔憂做？

本人很少給食評，只說真話，希望做到盡量公平及客觀：一入到去已經見到烏蠅，裝修格局普通，套餐非常昂貴（$6xxx/12人），沙巴龍躉印象中好似要600多元一條，單點亦驚人。油浸菜苗要$168，但竟然上了幾條菜心，最終因為貨不板在沒有爭拗嘅情況下退了！附圖所見的，明明是常見的「蝦仁炒蛋」，但間店竟然美其名說是「蝦餅」，真的有啲莫名其妙！炸子雞、燒鵝、煎釀鯪魚好吃，不過價錢超高結論：大排檔質素，酒店價錢，性價比不高！

從社交平台中得知有蛇🐍宴，早在四星期前約腳訂枱，大家都好期待😚⋯⋯可能希望越大失望越大。蛇羹是全餐單最最差👎, 沒有檸檬葉，菊花等，想加啲補返下都冇辦法！蛇丸蛇骨均差強人意，幸好其他菜式： 豆苗，羊腩煲，欖角骨，糯米飯，西米布甸都好好味😋，大家飯後結論，都係我的錯🤦‍♀️，為什麼去鳳城食蛇

Passed by the other day and saw a promo for snake feast. Booked for my family and went tonight and boy did I regret it. Upon entry into the ground floor, the place smells like a sewer pipe has burst - not quite sh*t smell but not air that’s breathable for an establishment that serves food. Snake soup tasted horrible and the fried “snake coil” is nothing but the carcass of the snake w no meat and all bone. We asked for shredded lemon leaves, often served w snake soup, and they didn’t have any

之前去過megabox 的1954，今次想試銅鑼灣呢間，怎知好失望！皆因我早兩天在他們官網book位，當天去到，接待話無收到資料，大佬我收到你們回電郵確定的，證明網站得個樣，無人做野！而且態度麻麻，不過她們都比到位我（因為有位）一到樓上已見椅子污糟有塵，整體環境不佳，乜唔係2020年裝修過咩？坐落洗碗洗筷，發現比隻有污跡的碗我，於是我問要多一隻碗，怎知再取的那隻碗竟癡住粒飯，無言了😑只想拿拿臨吃完走，永遠不會再幫襯銅鑼灣這間分店！