鳳鳴居

营业中

休息中

適逢晏晝黎到旺角，都會心心念念食碗醉雞湯米粉，就算天氣咁熱都無阻要去食既決心🤭🌟醉香雞湯米粉🐔$62雞件肉質鮮美，湯底濃郁帶少少甜。湯中加入了紅棗，增添左自然的甜味同養生功效，令人感受到溫暖的滋補。黑木耳就增加左口感層次，食每一啖都充滿驚喜。秘製豉油完美襯托出其他食材既風味。醉香雞湯配麵食唔單止適合四季享用，天氣凍時食更帶黎溫暖同滿足感。天氣熱黎食都唔怕，呢到既冷氣充足，絕對唔會食到成頭大汗😬

鳳嗚居係上水名物，住係上水既朋友都會大力推薦！今日第一次食旺角依間分店，又係幸運地唔洗排隊，店內係9.5成滿座。不得不讚，店員好有禮貌 👍🏽藥膳雞湯米線：湯底材料不少，有木耳、紅棗，藥膳的味道中帶點甜味，又滲出清香的酒味，有層次✨雞肉嫩滑，不過雞味不算很濃，算是不錯；另外加了餃子，是洋蔥豬肉餡，挺好吃的✨蕃茄湯米線：友人有點不舒服，所以點了蕃茄湯底配蔬菜。蕃茄湯估計亦是以雞湯作基底，再加點蕃茄，有點甜味，但蕃茄味道不太夠，個人認為一般。——味道：👍🏽👍🏽👍🏽.5環境：👍🏽👍🏽 👍🏽 .5價錢：💡 💡 💡 .5服務：⭐️ ⭐️ ⭐️ ⭐️

今日諗緊食咩嘅時候，諗起Lee間餐廳，之前食過，覺得幾好食，所以再返嚟食過。之前黎食就要排好耐，排差唔多一個鐘，今次嚟食，排咗20分鐘左右就有得入去食啦。$62 醉香雞湯飯佢嘅醉雞湯，非常香，亦都好濃。雞肉都好嫩滑，份量都算多。佢裏面亦都有木耳同埋紅棗。佢嘅飯係分開上嘅，唔似人哋嘅湯飲，啲飯會放埋入去。Ps ：唔叫嘢飲嘅話，佢裏面有個自助斟水俾你斟水

唔通而家香港人轉左口味，飲湯鍾意飲甜，做法是客家黃酒雞，味道甜，冰鮮雞去貨快雞腥味自然冇，雪味亦唔會有。個個都贊鵝腸，叫一碟嚟試吓，鵝腸本身個質地系爽脆嘅， 唉，敗筆在冇味，附帶豉油都係冇味，點會好食。雞面另外，加餸10蚊要豬大腸，大腸質地爽切適中厚度好食。 另外，再加10蚊點咖哩水魷，水魷太細條了，冇咖喱味。如果要咁樣排長龍在旺角區會有更多好選擇麵店。

每個月都會心思思嚟食返餐佢嘅醉雞湯，非常香濃雞肉嫩滑，我每次都會改配米粉佢嘅米粉都係滑身，又唔會斷木耳都夠晒脆口一啖湯一啖米粉，真係好正醉雞湯麵$62配凍飲加$8

呢間醉雞米真心世一已經番啅過無數次佢既湯底每次都會俾我飲到見底湯底好香酒味而且甜甜地好正啲米線又好滑身雞就比得好多 不過有啲時比正雞胸位就唔算好滑另外個黃金魚皮都好正 索湯一流

由上水嘅總店食到出去旺角嘅分店，水準依然保持到！完全冇變！💯-嚟到鳳鳴居一定係要食最出名嘅「醉香雞湯麵」新鮮滾熱辣送到，第一啖一定係要飲咗湯先！醉雞湯依然好濃郁！但係又不失雞湯嘅鮮味🤤而醉雞嘅份量都好多，同埋每舊雞都好滑，原因原來就係：醉香雞乃生滾雞👍🏻所以全部雞肉都好滑，雞皮都好好食🤤🤤最出色嘅就係會配埋甜豉油，每一嚿雞點一點甜豉油，有提升鮮味嘅效果👍🏻👍🏻-16.炸細三兄弟（魚片頭x2、花枝丸x2、爆漿肉丸x2）爆漿肉丸係有驚喜嘅，真係好多汁，食嘅時候要小心對面嘅人😹😹花枝丸同魚片頭都好彈牙，特別花枝丸係好足料嘅👍🏻

世一醉雞米線名不虛傳！米線嘅湯底濃郁，搭配紅棗，味道超正。而且醉雞非常嫩滑，啖啖都係肉香，食落令人滿足。另外，黃金魚皮都係一大亮點，鹹蛋黃味好香，咬落去脆脆的，令人一口接一口。蜂巢春卷炸得好香脆，外層金黃，裡面餡料充滿，口感層次豐富。雖然嗰日我等位等咗差唔多1小時，但真係等得值得！整個用餐體驗都非常愉快，無論係食物質素定係服務都好有水準。以後一定會再返來，繼續探索更多美味！如果你鍾意濃郁口味嘅米線，呢間餐廳真係唔可以錯過！

呢間長期好多人排隊 今次排咗半個鐘 聽聞雞湯好好食 果然無失望▼・ᴥ・▼#### 1. 醉香雞湯米線- **價格**：$62- **評價**：呢碗醉香雞湯米線真係好好味，雞湯味道濃郁，仲有一種醉香嘅感覺，真係令人好想再飲多兩啖。米線煮得啱啱好，軟滑又有彈性，吸收咗湯汁後，味道更加出色。雞肉都好嫩滑，成碗麵都搭配得好好，價錢都合理，真係好值！Ꮚ･ꈊ･Ꮚ### 總結鳳鳴居嘅醉香雞湯米線，無論係口感、味道都令人好滿意，一定會再黎食！⁽⁽٩(๑˃̶͈̀ ᗨ ˂̶͈́)۶⁾⁾

入到餐廳見個個都係食醉雞湯麵。呢碗醉雞湯米粉真係唔錯，價錢相宜，$62一碗，算係非常合理！湯底有酒香，味道甜甜地又幾有藥材味，食落唔漏雞肉有驚喜，滑得黎又無雪藏味無血水，似係新鮮雞，仲有個辣椒豉油比你點，味道係夾既米粉吸收咗湯汁的精華，黑木耳增添咗啲脆口感，仲有紅棗嘅甜味，帶出一份特別的風味。平日中午時間12點半去要排隊，比較多自修室位，一個人相對排得比較快整體來講，呢碗醉雞湯米粉CP值高，會再戰。

今日我去咗旺角一間專食米線嘅餐廳，佢哋主打醉雞米線，因為用新鮮雞，仲要等咗一個鐘先入到店，真係好受歡迎！入到去座位幾乎坐滿，感覺好熱鬧。我揀咗之前食過覺得好好味嘅蕃茄湯底，真係一個明智嘅選擇！呢個湯底色澤紅豔，味道鮮美，酸酸甜甜，帶有蕃茄嘅香氣，真係好開胃。再加上我選咗牛柏葉同埋雲吞，真係好豐富！牛柏葉肉質滑嫩，咬下去有肉汁流出，配合湯底，更加提升咗整碗米線嘅味道。雲吞方面，皮薄餡多，餡料新鮮，食落去有啲彈性，真係好好味！再加上米線煮得剛好，滑滑嘅，完全吸收咗湯底嘅味道，每一口都食到幸福感。環境方面，雖然唔算豪華，但好有街坊感，職員服務態度都幾好，等位期間都會主動提供飲水，令我感覺到熱情。食物上桌時，香味撲鼻而來，真係令人期待。整體來講，呢間專食米線嘅餐廳真係好值得一試，特別係佢哋嘅醉雞米線，味道出色，價錢合理，絕對適合鍾意米線嘅朋友。我已經計劃下次再嚟，試下其他湯底同配料！如果你喺旺角附近，記得要來試下呢間餐廳！

🐴 #是日午食 (˶‾᷄ ⁻̫ ‾᷅˵) 鳳鳴居---------------‐------------------------------＜#醉雞米粉＞絕對是可以就咁飲既湯底，飲完都唔會口乾，另外見佢碗碗都有2粒紅棗伴隨好足料，湯底會略有雞滑就真係重點，配埋佢個獨家辣豉油，無得壇＜#脆爆鵝腸＞好老實佢呢個招牌小食口感的確脆口但味道唔算特別*PS每位食客用餐時間70分鐘 但佢上菜速度係快既位比較迫但每張枱都有勾仔比你掛袋十分細心

一條友去開旺角行街通常都會食鳳鳴居最鍾意就係嗌佢招牌脆香雞湯麵淡淡酒香紅酒木耳雞 令人難以忘記同埋佢有一個位唔使同你哋搭枱食完又可以去行街上菜非常之快，成日都好多人，所以我會揀下晝兩三點先去食我鍾意食米線嘅，我都會推介呢間

第一次食係喺上水店食，食完就念念不忘，但因為太遠，唔可以成日食到，所以旺角有分店真係好開心，幾乎經過旺角都會食 。每次都會點「醉香雞湯米」！普遍嘅醉雞都係凍嘅，而呢間嘅醉雞反而係熱食，所以一食返唔到轉頭。湯底酒味極濃郁，甜甜地，易入口 ，十分上癮 。雞件都有6-7塊，今次好好彩，咁岩比雞髀位我，幾滑嫩 。一啖雞髀肉，一啖花雕湯，一啖米線 。真係好滿足😌

可能我少係鬧市搵食，而家香港好似好少見到要排隊嘅餐廳。6:30pm 去拎飛，竟然等咗40分鐘先可以入座，不過總比我入上水去食呢間嘢慳時間🤣🐥 醉香雞湯米線加芽菜 $62+$7餐廳嘅招牌菜，一入到餐廳就有好香嘅醉雞味。以前食過好多次都覺得個湯底太甜（雖然都會飲晒成個湯底🙈），唔知今次係因為加咗芽菜，定係改咗食譜？今次竟然係正常嘅甜味。餐牌上面寫醉雞係生滾雞，時間比其他麵會耐啲，但其實上咗個喇沙雞米線無耐，個醉雞都到左。隨麵送上嘅豉油都好好味。🐥喇沙雞湯米線 $60係一個充滿醉雞香味嘅餐廳入邊，個喇沙米上枱時仍然散發住香濃嘅喇沙味。啲雞好入味，完全唔使點豉油（所以佢都冇跟豉油，係我patpat 痕點醉雞嘅豉油🤣)。總括而言，兩碗麵嘅雞都好嫩滑，唔使點咬啲雞肉同雞骨已經分離。其實可以揀車仔麵配搭，但排得咁辛苦，梗係食雞啦🤣不過老實講要等40分鐘係有d誇張，都係今日見唔太肚餓先肯等，等等吓都由唔太肚餓變肚餓