鴛鴦奶茶 (匯貿中心)

营业中

休息中

呢間餐廳喺工廠大廈嘅地下入口都比較隱蔽第一次去食佢個下午茶叫左一個餐肉芝士蛋菠蘿包估唔到好好食，上枱熱辣辣餐肉好厚，夾住有少少融既芝士同埋蛋菠蘿包都外脆內軟非常邪惡，包一杯嘢飲$26🌸🌸🌸🌸另外叫咗個芝士雞蛋仔配朱古力雪糕$38呢個就覺得唔好食雞蛋仔入邊唔覺有芝士食落只係好淡嘅芝士味雖然都係即刻出爐 但係味道麻麻加$5 配朱古力雪糕球好細個🌸🌸🌸🌸見佢下午茶都有好多選擇價錢亦都唔貴經過會再去試吓其他嘢👍🏻

約咗屋企人夜晚食自助餐，但係又未食晏又未食早餐，餓到有啲瘋。咁就早少少出嚟食個下午茶先。你呢度就係想試去過熱香餅豬柳蛋。本身想去中大分店，因為嗰邊有薯寶，呢度就冇。不過因為順路咁就冇特別過中大。出到嚟啱啱好last order。雖然冇薯寶，但係粗薯條都唔錯，不過啲茄汁就稀咗少少。講返個熱香餅豬柳蛋，我覺得比起大型連鎖餐廳嗰個好食，一來個熱香餅甜啲，二來個豬柳蛋個蛋有少少脆邊又流心。呢間茶餐廳，我覺得杯齋啡真係幾好飲，好飲在於佢唔酸唔苦平衡得幾好。不過唔知呢個豬柳蛋熱香餅可以做到幾耐，不過下次都係要去中大店試埋個薯寶。

近依幾年都好興食熱香餅漢堡，不過之前要去日本先食到，依家都唔使啦，香港都可以食到，之前睇ig見到有人講係石門依間餐廳既早餐同下午茶時段都賣熱香餅漢堡，咁我就慕名去試下。我係星期六早上10點左右去，估唔到都幾多人食，餐廳係全自助形式，自己去收銀落單，自己搵位，自己取餐既，我地叫咗兩個餐，大概等咗10分鐘左右就有得拎啦。🔸熱香餅芝士火腿蛋牛油果醬漢堡配迷你麥皮首先講下熱香餅嗰個質地，佢係好厚實嘅熱香餅，上面有楓糖漿，又甜又鹹，雖然牛油果醬份量唔多但同芝士火腿夾埋一齊食味道好特別，都幾有驚喜。至於🔸熱香餅豬柳蛋漢堡，蛋煎得好香，同豬柳一齊食都一樣好夾，整體黎講真係算不錯，又抵食，兩個都係新鮮即整。

✨隱世美食熱香餅豬柳蛋｜石門✨🥞「Mcgriddle」終於殺到香港，連石門「鴛鴦奶茶」都推出「Griddle Cake」，開始供應時間由14:30開始，而最後落單時間為16:30，性價比高，只售$39配薯條同飲品🥤可惜去到先知下午茶時間先有得食🥲不過見到餐廳其實仲有好多款式食物，有車仔麵、鐵板餐、焗飯、蛋包飯、特色小食等🥩鐵板黑椒西冷牛扒 配是日餐湯 $70可選全熟或七成熟牛扒勁大塊，肉質嫩滑彈牙，配有牛油炒西蘭花🥦、粟米同薯菜🥔是日餐湯係🎃南瓜忌廉湯🇭🇺匈牙利豚肉蛋包飯 $68特調醬汁煮匈牙利豚肉，加配紅蘿蔔將豚肉煮到肉質比較腍身，份量相當大，🥚蛋包飯賣相都非常吸引🤩餐廳位置近港鐵站🚇，石門店只需步行約5分鐘，「鴛鴦奶茶」設有分店，位於香港中文大學醫院，鄰近東鐵大學站需步行2分鐘📍 鴛鴦奶茶 (匯貿中心) (沙田)🗺️ 沙田石門安心街19號匯貿中心地下1號舖

車仔麵,醬汁濃郁入味,加上幾款簡單必點小食：豬大腸、豬皮和雞中翼，簡單又好味。再淋上一點四川辣醬，又辣得過癮，唔食慣辣嘅，就要慎加啦！😋豬大腸、豬皮和雞中翼這些肉類小吃也都好吃到不行。豬大腸又軟又有勁道,豬皮脆嫩爽口,雞中翼肉質鮮嫩多汁。配上辣醬更是增添了層次感。我仲額外加了小食，雙色薯條，過下口癮✌️質素不錯👍下次再食！

呢日又要到石門做嘢，行完成個石門都唔知食咩好，好耐冇嚟過鴛鴦奶茶，今日見佢門口放咗個車仔麵廣告牌，都諗住試吓食車仔麵，不過入到去收銀見到佢哋有鐵板餐，會員仲要係$65 ，睇幅相賣相都好吸引，所以最後轉左食鐵板西冷，大約等咗8分鐘就拎得，去到櫃面拎嘅時候個鐵板仲熱辣辣，返到埋位倒啲黑椒汁，仲有渣渣聲，西冷食入口都幾鬆軟，唔會好似出邊嗰啲咁腍啤啤，以咁嘅價錢簡直係完勝，不過又唔知道下次有幾時有機會再入石門幫襯了。$65 性價比高

星期六早上，去到餐廳，見仲未到11:30 ，仲有早餐嗌，於是問吓收銀：係咪仲有早餐？點知收銀個阿姐，非常唔好老脾咁樣答：你話有咪有囉！咁明明餐牌仲寫住有，又未夠時間，問多句啫，使唔使咁嘅聲氣答啲客人呢？於是就點餐啦，阿姐又好勞氣咁響度催促。我哋都知早餐時段就快過，唔知阿姐係咪趕住落場，所以冇乜耐性？其實你可以好聲好氣，解釋吓，唔使用啲咁趕客嘅態度嘅……跟住去到攞餐，啲阿姐又係唔願做咁款。可以睇吓圖中嘅早餐，佢哋將兜通粉放到喺側邊，一拎起就差啲反。如果可以細心啲，將啲重嘅嘢，容易反嘅嘢，放返中間啲，會唔會可以避免一啲不必要嘅意外？食物都OK嘅，價錢亦合理，但係啲員工工作態度就真係…… 其實車站旁邊大把選擇，專登行過嚟幫襯你，仲要咁嘅態度，真係唔好怪冇生意。

工廠飯堂，不一定是佬味濃的 "up dup" 飲食場。今時今日，在工廠區食飯堂，可以係一件好時髦既事。在石門，我相信，小區內最時髦的工廠飯堂，一定是這一間《鴛鴦奶茶》。西式的食物比較多，環境整潔，所以好受區內年青人打工仔同女士，以及附近學院及國際學校的學生歡迎。而，這也是我常去的午餐地點之一。分了幾次來的我，就一口氣介紹這餐廳的幾樣美食啦。本來，我黎既目標同目的，是想食美味的 Lasagna。可是，分了幾次來之後，我可以 confrim，我最愛的 Lasagna 已經不再供應了。所以，久未回來的一次，我點了紅酒燴牛腩做午餐。紅酒燴牛腩，可以說是一個中西合壁的港式美食。紅酒汁，配上了又腍又香的牛腩肉，吃入口時，的確真的西式用牛尾肉來得更好味道。當然，這是港式，帶點點的豉味，當然是更香啦。那天貪吃，多叫了一份照燒雞肉串。燒雞肉串，帶有香甜的日式燒汁，絕對是一個可口之選。改日來，我都係想看看仲有冇 Lasagna 食。點知，都係失望既。但，我並沒有回，決定試一試他們的傳統港式餐，蔥油雜扒飯。有雞扒，豬扒，漢堡扒，火腿同腸仔，豐富得非常。豉油味道香，是其中一個成功的原因，而更香口的蔥油，就是這

呢間野之前OK架，都好食。今日再去，加左價(以前$76，而家$80)之餘，D食物又大縮水。件羊架得番個五蚊銀甘大，仲要一半系肥肉！件雞扒，鞋烚烚，根本食唔落！嬲爆

叫個蕃茄焗豬扒飯 塊豬扒骨多過肉不特只仲要有位骨位係生嘅 攞去換啦 第二個個樣正常啲 食落豬扒無鹽無未咁 個炒飯底啲飯係爛嘅 勁濕 又係無鹽無味咁成個焗豬扒飯得個汁係有啲味 我夠竟食緊啲咩呀 咁無成意執左去啦

Hello 大家好👋🏻！今日我再次嚟到位於石門安心街嘅「鴛鴦奶茶」。今次同大家分享一下佢哋嘅早餐。 事源係上次小弟同個friend嚟試過個蛋包飯午餐，阿收銀姐姐俾咗張$10蚊早餐優惠卷俾我， 為咗唔好浪費收銀姐姐嘅心意，所以今朝嚟開石門就用埋張$10卷啦😆。 美食攻略：佢哋早餐組合都算多，滿滿顯示係四個電子餐牌。 一開始真係花多眼亂， 突然我見到四隻字「丹麥多士」，唔洗諗其他我就點呢個普通得嚟配上我嘅最愛丹麥多士嘅麵餐😆。 有丹麥多士而又好食嘅茶記其實唔多，曾經係某茶記食過，今次係石門遇到，都算係緣份呀😆😆😆。我點咗丹麥多士+腸仔滑蛋+五香肉丁麵+熱奶茶。 佢哋丹麥多士唔算厚切，但係味道同質感好正宗，襯埋舊牛油無得彈呀。 滑蛋有蛋香而且夠大份😋。 腸仔不過不失啦… 而個五香肉丁麵好精緻， 賣相係開心靚嘅，都飽肚架😆。 至於杯奶茶，一入口有陣強烈嘅茉莉花茶香味，都幾特別。題外感受：「鴛鴦奶茶」以長枱圓櫈為主， 成份早餐坐係入面食我有種好似細個係學校飯堂食飯嘅感覺，都幾得意， 青春嘅感覺返晒嚟😆。旁邊仲有自助式斟水tray， 校園感加倍😆😆😆。美食指數：5🌝最高味道：🌝🌝🌝🌝🌚環境：🌝🌝

Hello 大家好👋🏻！今日我嚟到位於石門安心街「鴛鴦奶茶」食中午，一行入門口已經有四個好大個嘅活動餐牌選擇美食，先選餐落單，自助提餐。 歐陸式裝修，有置身於外國Cafe嘅感覺。 係繁忙嘅工業區，有一間咁有特式嘅餐廳，真係別具風味。美食攻略：佢哋嘅蛋包飯系統有四選擇，今日試咗咖哩牛肋條蛋包飯。蛋包飯係蛋炒飯底，唔會太乾或太濕，配合咖哩汁簡直絕配，牛肋條鬆軟入口即淋，整體都滿意。至於同行友人的燒雞扒吉列炸蝦蛋包飯，雞肉香滑，燒汁略微偏甜，不過配搭送飯又剛剛好，炸蝦脆卜卜，食完好滿足😋😋😋。美食攻略：美食指數：5🌝最高味道：🌝🌝🌝🌜🌚環境：🌝🌝🌝🌜🌚服務：🌝🌝🌝🌚🌚賣相：🌝🌝🌝🌝🌚

今日同同事出嚟食，第一次來，一進入店感覺黑的像夜店一樣，幾多位，位置又夠大，很快上菜了，不夠飯，少食的人應該剛剛好，味道3/5分，有一點點辣，豬扒炸夠鬆脆，如果可以加芝士就最好了*芝士迷一定喜歡*

鴛鴦Cafe新開時候（2016）食物質數、環境衛生都OK嘅。由最初每一、兩星期都會幫襯一次到而家半年先會嚟一次，食物質數可說是每況愈下，唯一不變的是職員態度-差

食咗咁多次咁多年，忍唔住要留言！都唔係第一次聽到話員工態度唔好啦，我有時都幫襯亦都知道係事實。可能呢個係工廠區、或者係華記嘅傳統。今日食個$70嘅羊扒拼豬扒餐+少甜少冰奶茶。首先個豬扒係OK嘅，但係個羊扒簡直係樹皮一樣！杯奶茶啲冰多到飛起，次次如是！忍唔住行返去同水吧講，幾個阿姐佢哋竟然係望吓我，冇出聲亦冇人理我架，正呀！（全部有相為證大家自己衡量。）唔憂做、趕客之道！👍🏻最後，全場最好同有禮貌嘅就係執枱嗰個阿姐。