鴨大哥 (時代廣場)

营业中

休息中

收工8點半過黎食，5洗等位，2個人食叫左半隻鴨，咕嚕肉同埋炒菜。好好食😋食得落大碗飯😋平時食西餐多，e家食下中餐，又幾好食，得閒會要黎。環境幾好，夠乾淨，d位都夠闊。

令人難忘的烤鴨鴨肉鮮嫩多汁皮簿香脆有小小肥配埋配菜包埋食味道相當出色值得一提可以加紅糖味道更有層次海鮮鴨湯泡飯更比想像中出色湯底伴隨當歸紅棗味滋補十足泡飯以脆米新鮮加入吸哂湯汁之餘食落都好脆蜆蚧煎釀唐生菜膽特別既菜色更加吸引人唐生菜大大條配以厚彈魚肉一啖有菜有肉特別好吃鴨絲酸辣湯酸辣度剛剛好鴨肉甘甘甜甜值得一試最後來個甜品看個普通卻做得很仔細柚子糕別誤會用柚子蜜雪凍整成每個柚子糕都有一粒粒柚肉味道清新可口若喜歡清淡口味可選椰汁糕椰子味香吃著吃著有一粒粒椰肉這應該是我吃過最好味的值得一提，餐廳服務很好侍應用心介紹菜色態度親切友善在疫情下吃過愉快滿意的一餐

今晚特登出銅鑼灣食飯，一直聽左鴨大哥既烤鴨好耐～一直好想試下！本身book左8:15pm 去到有位小姐叫我地等等執緊枱好快，點知等到8:30再問佢，佢話等等好快。。。又過左10分鐘，原來佢根本唔記得有人等緊枱，不過算啦最緊要d野好食。落單，侍應態度有點惡劣，以為自己去左澳牛，劈頭就問「食乜？」 我地兩個人，點左點左半隻鴨，一個咕嚕肉，一個西檸雞，川式煙肉炒土豆絲，同燉湯。預咗食唔晒一定會打包唔會浪費上菜前問侍應拎杯暖水食藥用，佢話無，咁我地問凍水都得，佢好悔氣話「我地無既，凍熱都無」。態度差到呢，我哋本身點一壺茶，所以點會無熱水呢？？？態度極其差，完全個感覺貼錢買難受去食呢一餐飯，一定冇下次上土豆絲嘅時候，直情有個侍應是但劈低咗係枱邊，我同朋友傾緊計完全都冇為意佢擺低咗個餸，非常唔專業 講返食物質素，烤鴨ok，兩個人叫半隻岩岩好，都算香，唔太肥。其他既食物就麻麻，普通茶記食到既質素，另外提一提個西檸雞，係雞件上，無用生粉炸，變左唔太香口。總結服務態度差，食物質素普通，如果唔怕受氣，又想食烤鴨都去既～不過我就肯定下次唔會再去！兩人合共$97x

非常感謝鴨大哥一班服務員的誠意款待。向鴨大哥表達了不快的經歷，鴨大哥接受了本人的意見。今晚特意再到鴨大哥用膳，服務態度令本人刮目相看。黑土豬义燒為本人在鴨大哥的最愛，誠意推薦。

每次到銅鑼灣時代廣場的鴨大哥用膳，也遇到劣質服務員，今次也不例外。因為忘記其signature dish 的名稱，本人把上次拍下的照片拿出來，向服務員請教，怎料，其反應為：我們沒有這道餸菜。本人即時反應：我在這店吃過的！該服務員道：我在這裡工作了半年，從來沒有見過。再看看照片，道：這是豆腐。本人重閲菜單，想起這是鴨大哥的名菜：黑毛豬义燒。於是，向另一位服務員詢問：請問照片中的餸菜是否黑毛豬义燒？這位服務員看也沒看便回應：是。

好耐無食過北京填鴨 所以黎左鴨大哥食！服務原態度都好好 叫左普洱茶野食就叫左半隻北京烤鴨 海鮮鴨湯泡飯 荔枝山楂咕嚕肉但係佢上菜既速度快到令人懷疑d菜係咪整定好曬加番熱就上😅🙈北京烤鴨 d皮個籠下面有火係熱住上既每塊都有紙隔住 方便落又衛生d~配料有青瓜 蔥絲 黑糖 芝麻醬 北京填鴨醬🤣烤鴨有一半係肉多皮少 一半係皮多肉少咁輪流食 感覺無咁滯~海鮮鴨湯泡飯 另外有脆米上 一齊食好好味啊有蝦有鴨皮鴨肉 個泡飯食下食下都幾飽🙈荔枝山楂咕嚕肉咕嚕肉中脆脆地 真係有幾粒荔枝 又幾得意好好味😋overall味道都唔錯 不過價錢略貴~

人大咗出嚟做野， 同同事之間有時候要保持一段距離嚟保護自己。 慶幸上一份工識到一班好同事，每隔一段時間都會約出嚟食飯敘舊。 今日揀咗銅鑼灣鴨大哥食中菜。四個人點左四個餸：🥢雙味龍躉黃魚幾特別， 魚冇乜骨，個醬酸酸甜甜， 可惜侍應姐姐上碟嘅時候，啲汁倒到周圍都係。 🥢北京烤鴨（半隻）呢個麻麻地， 個皮有個火慶住都唔暖， 片皮鴨上枱時亦都凍冰冰， 出面隨便搵一間都做得好過呢個餐廳。 🥢海鮮鴨湯泡飯這個可以， 但亦都係唔夠熱， 上枱時都只係微暖， 但鴨肉算夠多。 🥢黃金脆奶炒蝦仁炸鮮奶好香口， 一碟有四舊， 唔使爭。 蝦仁冇特別！呢餐飯，每人除開二百幾三百蚊， 唔值呢個價， 但冇限時任坐， 呢度加返分比佢。

烤鴨質素相比就普普通通，價錢比較貴又少左個師父係你面前片，上枱都只係餘温😂雖然係咁，但我地都好推薦佢地d小菜。當中一定要試佢既龍蝦煲，粉絲索曬d黑松露味，龍蝦好多肉，288蚊其實又幾抵食。仲可以叫埋日式柚子檸檬雞，同我地食開既西檸雞最大分別係佢地沾了麥皮係面先去炸，口感較豐富，醬汁又調得好好，唔會太酸，值得一試🤙🏻-#小菜好食過主打既食店😂.📍鴨大哥銅鑼灣時代廣場10樓1001B號鋪

星期六無訂位，到到都好多人，就搵呢間食。拎左張飛係到等，點知叫我後一張飛既人入去。好彩我聽到，唔係有排等。今次用左d現金劵泥食，真係幾抵食。叫左個2人餐，都好多野食。其實夠3個人食，份量足夠。我平時唔係咁鍾意食羹既， 但都覺得味道幾好。銀雪魚，食落口都幾新鮮，而且有2塊。唔錯。 但由於炸既關係，偏油膩。如果用返煎會好啲。小食-鴨舌海蜇 ，幾好食，辣辣地。送口唔錯。食極唔停口，個人比較鍾意食。黃金蝦，1人有2大隻蝦，好滿足。我地1人食左1食，已經夠晒。蝦既口感彈牙，好新鮮。平時食既黃金蝦係乾身既，但佢係偏濕既， 口感其實都幾漏，但係都好好食。重點，就係呢個片皮鴨。 個人認為個片皮鴨真係唔錯， 有肉又有皮，肥瘦均勻，整體泥講每舊都可以夾到塊肉。食落口好香，肉質都幾滑。比北京樓好食。Ps. 因出面既片皮鴨分量都比較少， 而且多數都淨皮小肉。但鴨大哥就真係無偷工減料，有一整碟。而且佢包鴨個皮，係有火慶住既，所以，食得慢都唔緊要。個皮保持住溫度，呢一點好值得一讚。服務方面，除左門口過個人之外。其他服務員都OK。

平時唔會打review，但係今次真係嬲，唔想其他人都中伏。Never really post reviews here but I just can't sit by and let this restaurant scam more people.我哋一行六人， 入去坐低侍應就推介我哋食個六人menu， 價錢$2680。Our table of six were quickly recommended to order a Set Menu for 6 at the price of $2680. 食物普普通通， 但係越食越覺得唔對路， 打開咗個menu睇， 將每道菜嘅價錢續一加上， 發覺加埋先至1800幾， 每道菜都係例牌size， 冇可能相差800蚊。The food was mediocre but the more we thought about it, the more it didn't feel right.We checked the menu for separate prices of the dishes and it only cost $1800 whe

This restaurant is the creation of Alvin Leung, the celebrity chef behind Bo Innovation. Located in Times Square, Causeway Bay, the restaurant offers dishes with a modern twist.The decor offers a modern ambiance, with coppery tone, tables reasonably apart to provide sufficient privacy in a Chinese restaurant setting. A neat and comfortable setting. At the back there is the window to the kitchen allowing diners to see the ducks in marinate waiting to be roasted.Coming tonight with my wife and mot

第一次光顧嘅經驗非常差，沒有訂枱要7:30交枱無問題。叫菜時燒爐壞咗，烤鴨無，鴨煲又無，义燒都無。職員話7:00有鴨出可以預留，不過要交枱無叫到。現場無指示厠所位置，唔係個個都嚟過，都唔考慮顧客需要。去間鴨店最後要叫雞

一家人嚟鴨大哥午膳，店內裝修一般，平實到連枱布都冇，價錢亦相當親民，係性價比相當高嘅餐廳。點心嘅選擇亦算多，味道相當扎實(但蝦餃普普通通)，燒賣牛肉鳳爪棉花雞都唔錯。Noise唔講唔知，原來呢間餐廳係厨魔Alvin Leung旗下嘅中式餐廳，但冇整蠱做怪，由裏到外，相當平實可人。北京烤鴨半隻258元，份量亦相當多。一般烤鴨店只著重鴨皮，鴨肉變得可有可無，而鴨大哥嘅烤鴨鴨肉做到嫩滑入味，整體毫不油膩，一定唔會食到滿口油，當然要追求「大董烤鴨」油香四溢嘅烤鴨顧客就會嫌唔夠滿足，不過以香港人嘅口味應該合格有餘。海鮮鴨湯泡飯，材料十足，味道層次豐富，值得推薦，另上嘅一兜脆米有畫龍點睛之效。墨西哥牛奶叉燒包，係一般本地麵包店墨西哥crossover叉燒包，賣相唔算好，但餡料分量十足，味道不錯。

Haven’t been in a while so went for dim sum lunch with friends. Service attitude was mediocre, order extremely slow so if you’re there for business lunch don’t expect to go in 90 mins. Our first dim sum didn’t come until 30 mins after. Had to cancel a few dishes eventually. One came after we got the bill 1 hour and 5 mins after the order was placed. Not acceptable by any standards. When we cancelled dishes staff were upset but no choice as we need to get back to work. Not a pleasant experien

聽講呢間係canada masterchef 既評判開，而且啲鴨係用慢煮方式整既 非常創新特別 - 望落去其實啲肉係真係粉嫩啲, 至於肉質食落個人就覺得冇乜特別, 中規中矩啦 😂個二食就覺得有少少伏伏地，尤其係蒙古style 嗰個生菜包....個味道有啲怪😅另一招牌菜荔枝咕嚕肉就水準唔錯 👍🏼小弟幾鐘意 🥰同埋個豬潤班腩煲都做得幾好食 下次一齊會再叫🥳