鴨大哥 (時代廣場)

营业中

休息中

香港人講到中菜第一時間就會諗起上海菜同粵菜同埋...北京填鴨🤣 今次介紹嘅曾係MasterChef Canada評委之一亦係香港米芝蓮三🌟餐館創辦人- Alvin Leung- 係銅鑼灣時代廣場10樓所開設嘅「鴨大哥」🦆 餐廳環境寬敞 座位舒服🍽平日午市去都幾爆，所以記得前一日訂位。🌟北京烤鴨(半隻) ($288)片皮鴨表面油光十足 賣相唔錯😚因為油脂比例較高 多咗油膩感，但鴨香更突出👍🏻呢道菜都有唔少貼心嘅位，例如薄餅皮之間有用紙隔住並用容器座熱 保持餅皮溫度✨全隻嘅話可以打包個殼，但兩個人食嘅話半隻啱啱好！🌟椒鹽豆腐 ($68)豆腐表面微脆 裡面十分嫩滑😋特別在於椒鹽越咀嚼越有咸香，有驚喜😍必嗌之一！🌟鮮蝦菜餃 ($42)內餡好足 鮮蝦大大粒，餃子皮🥟厚薄適中😗你話係咪好驚喜又未至於 係不過不失嘅一道菜啦。🌟雲南黑豬叉燒腸粉 ($48)另一道好足料嘅點心😆腸粉皮夠薄夠滑 裡面放滿曬叉燒，啖啖都食到叉燒餡😜不同於平時嘅蜜汁叉燒，呢個黑豬叉燒甜度唔高 食到叉燒本身嘅豬肉味。🌟雪菜鴨絲芋角 ($38)呢道菜本身對個人而言同鹹水角其實無咩分別😂特別嘅係佢同平時食開嘅芋角唔同在於內餡用咗雪菜

今晚同契媽同契媽朋友一齊黎到時代廣場既呢間主打食片皮鴨既鴨大哥因為訂左位既關係，一去到就可以入座嚕，安排左一個圓卡位，都幾唔錯坐低之後店員就問我地飲咩茶，我哋叫左香片同人蔘烏龍，我飲人蔘烏龍，有回甘嘅味道唔錯$288半隻片皮鴨，片皮鴨片得幾好，係一塊皮連少少肉， 而啲粉皮亦都有蠟燭仔喺下面熱住，但係塊粉皮有發粉味，我覺得麻麻地$168和牛叉燒幾好食，佢係用和牛做到好似叉燒咁嘅樣，配有烤蒜頭，啲蒜頭係甜嘅同啲和牛一齊食幾好食😋$178避風塘生蠔，唔太特別$168荔枝山楂咕嚕肉超好食，酸酸甜甜好開胃，配料有荔枝紅椒，啲荔枝好似新鮮荔枝咁好食，咕嚕肉彈牙$138蜆蚧煎釀唐生菜膽煲，有鯪魚肉釀喺唐生菜膽，做法幾新鮮，有創意$368黑松露XO醬龍蝦粉絲煲，龍蝦肉新鮮彈牙，啲粉絲先係重點超好食，啲粉絲係橙色嘅甜品叫咗柚子糕，食到飽飽濟濟食呢個柚子糕幾好嘢食係好食嘅，但係服務就麻麻哋，啲店員都好少主動幫你收碟

第二次食鴨大哥，第一次食原本都覺得可以有下次，但點知經過今日後，就再無下次了！！！（1）食物方面今晚食咗：和牛叉燒，半份片皮鴨，蜆蚧釀唐生菜膽，五柳鴨絲炆米粉，椒鹽鮮魷和牛叉燒：件件都有筋，無牛味片皮鴨：不過不失唐生菜膽：清清地，可以中和下濃味嘅食物炆米粉：本身酸酸地，好開胃，鴨肉絲粉量都足椒鹽鮮魷：啲椒鹽可能有無有翼識飛，離開咗鮮魷嘅懷抱（2）態度方面好差明白星期日好忙，同事們亦忙於安排食客入座。我本身都訂咗枱，而餐廳都有提早打嚟reconfirm 同埋交代7:45要還枱，我亦同意。點知喺我坐低嗰陣，有位同事同我講7:30要還枱，咁由於同我初頭聽嘅時間唔同，所以我就問一句「咦？唔係7:45還枱咩🤣」，點知嗰位同事居然回答我「咁你食完咪比返張枱我囉😑，€|¥+kej^]*{+？」（後面我聽唔清楚），而嗰位同事嘅語氣係嫌棄+有點offensive。另外，7:00已有同事催我埋單，而我根本未食完，每樣都仲有一半未食哂。我明白到飲食業嘅同事們都好大壓力，我亦appreciate 鴨大哥其他好盡責嘅同事。或許呢位較大壓力嘅同事如果當時轉一轉態度，都會令食客下次再嚟幫襯。

同朋友去左time square 食馳名既鴨大哥，當日我哋叫左片皮鴨個皮好脆，肉都好嫩，佢會暖住餅皮，令佢有保持溫度配料都好，佢俾埋蔗糖，令到個感覺唔會食到滿口油膩。炸鮮奶好香口唔會太甜有奶味外脆唔會太油內軟奶滑不錯。炸米通鴨泡飯，湯頭濃郁味道清甜，湯底伴隨當歸紅棗有鴨絲鴨皮滋補十足。啲泡飯浸咗一輪都唔會淋。吸哂湯汁之餘，加埋啲脆脆。又係多一層口感。荔枝山楂咕嚕肉個荔枝超好味，咕嚕肉唔肥 岩岩炸起熱辣辣

今日突然決定食這間，在無book位的情況下去食，可能因為這店可以用該商場指定的現金卷，所以都幾多人排隊，這店是無得拎籌的，要排隊，晚上約七點多開始排，排了約一小時終於入得去食，叫了北京烤鴨半隻、豉汁帶子蒸豆腐、海鮮鴨湯泡飯及香滑椰汁糕，果然係鴨大哥，片皮鴨的皮脆口，用來包住鴨肉的皮，有個火㷫住，同埋有個應該係胡麻醬用來點嚟食，幾特別，個泡飯湯底唔會好鹹，幾鮮甜，個椰汁糕就無咩椰汁味，唔甜，可以唔叫，至於服務也ok.

一行四人叫左半份北京烤鴨一個炒豆苗 一個黑椒藕仔炒牛粒一個荔枝山楂咕嚕肉鴨皮好酥脆不過皮同肉片得好分離同埋鴨油真係有一陣鴨蘇味特別之處係佢除左傳統嘅甜醬京蔥同青瓜仲有胡麻醬同黑糖麻醬對我黎講有點兒奇怪畢竟心目中片皮鴨嘅味最主要就係黎自個甜醬冇甜醬等於冇左個靈魂細佬覺得好食 我就覺得一般荔枝山楂咕嚕肉其他人讚口不絕話炸得好鬆化外脆內軟試過個汁係幾好食酸甜適中不過份量好少豆苗炒得好好食清曬黑椒藕仔炒牛粒感覺最唔值係呢個餸要238藕仔有驚喜嘅本身以為蓮藕粒但原來佢係掩菜黎細細條酸酸地好幼長嘅蓮藕仔但牛肉就好一般整體黎講都幾好食嘅但如果正價冇coupon唔係好建議

今次食了平時很少出街食的中餐。餐廳環境不錯。坐得鬆動。叫了四味菜。炸鮮奶蝦仁。蝦仁爽口略嫌無味。炸鮮奶唔會太甜有奶味外脆唔油內軟奶滑不錯。份量不多。柚子鷄。西檸雞啲friend。無西檸鷄的酸味。這個有淡淡柚子甜味。清甜清甜不油膩。又不會甜到漏。有啲脆脆松子定果仁。口感豐富。有炸米通鴨鴨泡飯。湯頭濃郁味道不錯。有鴨絲鴨皮。啲泡飯浸咗一輪都唔淋。加埋啲脆脆。又係多一層口感囉。鴨店緊係要整返隻片皮鴨啦。賣相就一流喇。不過略嫌肥膩囉。食咗兩三舊都滯滯哋。好油。味道可以嘅。皮都薄微脆。有個細心位就係包鴨嗰啲粉皮每塊都隔咗張紙又有爐慶住。唔會一拎兩三塊皮痴住晒。叫多個甜品完滿啲。咖啡糕柚子糕。咖啡完全無甜味。有淡淡咖啡味。唔會淋淋爛爛咁。鐘意食甜品又嫌甜嘅朋友啱晒。柚子就柚子清甜清甜咁囉又係。明㗎啦。總結味道可以樣都不錯但埋單嚇咗跳。每人三舊幾水。這地段嘅餐廳差唔多啦。但節儉嘅Mingorr覺得唔太值。最多比個ok依間餐廳。完

Needed to express this may have been the worst Peking duck I’ve had for a place that specializes in duck. The skin wasn’t crisp enough so you ended up with a mouthful of oily duck fat with every bite. The meat itself was fine. The service was terrible - full of uninterested staff. They were barely paying attention so not surprised they messed up our order too. The setting was nice and the reason we picked it for a nice occasion - but the bustling atmosphere (not in a good way) bad service and me

12月時食過一次鴨大哥，覺得幾好食。今次爸爸生日，決定帶兩老黎試下。 早一日訂左位，初三12.30到，即時有位。 因為限聚令，餐廳俾左張大圓枱我地，2人坐一邊，中間有膠板，好似酒樓搭枱咁。 中間佢地好貼心咁放左個轉轉，大家可以有距離地share餸菜。 佢地地方唔算大，但每枱有距離，唔會太迫。4個人點左5道餐牌上既推介菜。（1）雙味龍鬚黃魚 ： 造型好靚，炸得好脆,個頭都食得晒。個酸甜汁我覺得濃味左少少。 其實佢都做得唔錯，係我個人鐘意松子魚多d. （2）荔枝咕嚕肉：肉質易咬，但味道同普通咕嚕肉差不多，係多左幾粒罐頭荔枝。 有點失望（3）蒙古式炒鴨崧： 用左孜然粉。賣相同味道都一般，不太突出。（4）海鮮鴨湯泡飯： 食左兩次都覺得好好味。湯係少少濃味，不過食完想再食。 yum yum（5）北京烤鴨 ：佢地個烤鴨好好食，唔會咬到一口油。 加上佢warm 住個皮，食到尾個皮都唔會凍晒硬晒。所有食物份量都算多。 鴨湯泡飯同烤鴨真心好味😋 餐廳服務不錯，侍應有禮貌，上菜都快。

鴨大哥試食指數⭐️⭐️店舖衛生⭐️⭐️⭐️⭐️⭐️侍應態度⭐️⭐️((每項10⭐️為滿分))鮮蝦菜餃✔️鴨鬆梅菜包✖️蔥花炸兩腸粉✖️墨西哥牛奶叉燒包✖️肉絲炒麵✔️香片鴨大哥位於銅鑼灣時代廣場食通天10樓門面幾靚一直多人等位今日終於可以walk in即入座即刻去試下Menu選擇不多，以小菜為主午市另設點心紙我哋試咗上述點心✔️為推介點心✖️不太合我們口味叉燒包外型幾吸引一食落口嘩。。。冇內涵冇溫度嘅說好的墨西哥牛奶呢？好似啱啱係微波爐叮出嚟咁嘅溫度即刻諗起『添好運』嘅招牌叉燒個老母包真係冇人可取代鴨鬆包一樣得個名冇乜驚喜求其一間生煎包都好過佢炸兩對大舖大廚房應該冇乜難度點知。。。腸粉皮仲厚粉過我面皮Um.....中間條油炸鬼中規中矩外國人應該可以接受但食開粥品嘅我接受唔到囉好啦都有兩樣嘢可以推介下水晶餃夠熱，內容都足料，有蝦有菜，味味唔錯肉絲炒麵個面底係兩面黃肉絲醬料都還可以係㳄汁比較厚不得不提最後出場嘅咖啡糕因為有太多負評所以我哋決定俾佢哋嘅甜品作最後反擊好可惜只係咖啡味嘅大菜糕冇層次冇驚喜

又到Happy Friday night之前儲落一堆時代廣場coupon，最岩用黎試新野下午打去Book位果時佢話7點半到8點半入座既都full booking，結果打電話同友人講快手過黎排隊walk in，點知佢7點一上到去就唔洗等，直接入座😂😂因為有時代coupon既原因，又唔想諗點樣散叫啲菜式，所以嗌左個set餐睇menu上既菜式仲以為會唔夠食，問店員有無得加碗飯，店員溫馨提示我地個餐一定夠食，如果之後覺得唔夠先再加飯都未遲，結果當然無嗌啦🥙海蜇配薰碲：味道有啲辣，但好惹味，食到停唔到口🦆片皮鴨：好味道，鴨肉juicy，肥瘦岩岩好；最貼心係個皮會幫你用蒸籠暖住🐟湯羹：清清地，好好飲呀🍤黃金蝦球：一開始以為個蝦係出面食果啲細細隻蝦球，一上菜既時候見到超級大隻，食完超級飽，簡直差d提早為當日既晚餐畫上句號😂🐠炸銀鱈魚：由於食左黃金蝦既關係，呢一碟魚上既時候我地已經飽到上心口，食得唔多，亦唔太記得咩味道；但感覺用煎既方式會更為香埋單$910，用左8張coupon就$510，抵到爆～

同朋友去左time square 試了馳名既「鴨大哥」，當日我哋叫左一個二人套餐，當然唔少得既係重頭菜「片皮鴨」啦，個皮好脆，肉都好嫩，不錯。至於套餐其他菜式都是一般般，沒什麼特別。

今日去Time Sqaure shopping 完，就用coupon 去食鴨大哥！ 而家Time Square 做緊promotion, 購物滿$800送$50 coupon! 消費$100可以用一張$50 coupon,真係好抵！ 所以識食一定係散叫！仲要叫招牌菜！ 我地叫左半隻片皮鴨，黑松露龍蝦粉絲煲，蜆介煎釀唐山菜膽。片皮鴨係可以嘅，份量足，有鴨香！ 最驚喜係呢碟黑松露龍蝦粉絲煲！ 黑松露同龍蝦味道好夾！ 粉絲吸晒龍蝦同黑松露嘅味！ 掂

食過幾間片皮鴨，呢一間都係數一數二嘅好食幾中意佢會暖住啲皮，令佢有保持溫度配料都幾新穎，佢俾埋蔗糖，令到個感覺好Flash，唔錯唔錯炸黃魚，幾鬆脆，個汁甜酸好開胃海鮮泡飯，加入左米通，口感幾好泡飯五發，湯既味道清甜又係讚嘅地方其他沒有講的都可以服務方面有問有答，態度正常，願意服務，今次用咗Times Square嘅Coupon，六百幾蚊埋單，三個人食都還可以。整體來講係會再嚟嘅，食品方面服務方面衛生方面都OK

突然好想食扁皮鴨 發現到呢間「鴨大哥」🐦決定要試一試😍😍去到環境都唔錯 裝修幾靚入去坐底聞到好香烤鴨味急不及待叫左半隻鴨鴨燒得好靚好均勻 皮都幾香脆細心位係佢個餅皮有用蒸籠熱住 唔會凍曬乾曬有幾款醬料 我個人最鍾意傳統北京烤鴨醬加上青瓜同京蔥 好正呀！！仲有芝麻醬我郁覺得唔錯不過食到最後唔夠青瓜絲 如果多d更好啦～兩個人食左半隻鴨已經好飽 份量好足😆另外服務態度好好 會留意到客人需要加茶唔似其他酒樓成日都搵唔到侍應所以食物同服務質素都幾好！大家可以試下😆