鴻師傅 (已結業)

我不大在觀塘出沒，所以朋友就来說帶我吃好東西。來到【鴻師傅】就問我可記得北角的【阿鴻小吃】，我說記得呀!他就跟我說这就是阿鴻師傅開的。朋友點了這裡最有名的义燒飯（50元），加了3元加一隻煎蛋(这是成本價吧。。)，加了10元要了杯凍檸檬茶。我見是日午餐是越式蝴蝶腩飯（58元）就叫了来試，因為是午餐所以涷檸檬茶只加3元。這裡是快餐形式，我們自己從counter取回來就分来吃。這裡也蠻貼心的，水和醬料放一旁自取。地方也很乾淨!午餐時間人很多但座位也不少，倒能消化人潮。回到食物部分：※义燒应是用梅頭肉吧，又嫩又入味，配煎蛋好正!※蝴蝶腩我相信是台灣的肝連部位(因為問了員工，她說这是豬肉来的)，非常驚喜，非常非常嫩，有膠質的滑，非常好味!我不大能吃辣也可以接受!※檸檬茶控的我，这裡茶有茶香，不会太濃!很優!※之後去了它的點品部買了愛吃的腐竹銀杏薏米糖水（22元）。料很優，銀杏好大粒，腐竹意米都多，香滑! 朋友的合桃露很香（25元）!※朋友因中秋快到就去買了它們的曲奇。给了我些来吃。好特別呀!辣的!朋友才告訴我这是xo醬樱花蝦曲奇! 那蝦每件都有，xo 醬的味很香，真材實料，很好味! 上面也有寫

牛腩美味，很夠火喉。湯汁鮮味。可惜伊麵不行。像是浸泡了一整晚。太淋。完全沒彈性。我相信那伊麵真的預先浸泡過。有可能有人取消order但伊麵已经泡了又不想浪费便留给下一個order.這样安排的確節省你们的成本。但我吃不下去。

星期六和家人到鴻師傳食個快餐晚飯, 叫了义燒飯, 鴛鴦臘腸雞煲仔飯, 咸魚肉餅煲仔飯, 鮑汁時蔬, 青瓜拼海蜇頭, 芥末雞腳筋. 义燒飯都OK, 鴛鴦臘腸雞煲仔飯-鴛鴦臘腸比較咸, 雞就無味; 咸魚肉餅煲仔飯-肉餅完全係"淋GG", 真係無呀都食到; 青瓜拼海蜇頭-係將D青瓜同海蜇頭放係D溝左水ge醋入面；最最差就係芥末雞腳筋，賣７０蚊，得豉油碟咁大碟，真係少得離晒譜，仲要淨係用青芥末同黃芥末撈埋俾你食，呢餐真係超失望，仲要話係攞過米芝蓮，真係名過其實。

鴻師傅 (觀塘)觀塘成業街7號東廣場地下26-31號舖07 May 2017阿鴻小吃既鴻師傅，近年喺觀塘紮根。除左阿鴻小吃搬左去喺鴻圖道，亦喺東廣場開左間「鴻師傅」，主攻打工仔一族。地點鄰近APM, 輪椅方便。今次叫左 女朋友推介既叉燒飯個人對叉燒要求都幾高依度可以叫做符合要求，夠厚，蜜味夠又唔遮蓋到肉既味道分量亦足，加埋煎蛋 真係無得彈女朋友就叫左碗 碗仔翅 同埋 叉燒煎蛋軟包味道亦好，翅有濃郁金華火腿味；湯底略稀漢堡麵包鬆軟，叉燒亦大塊 足料總括黎講，食物質素好但對於打工仔黎講，價錢亦唔可以用個平字形容但係依個價錢，有保證既味覺享受，分量亦夠現今香港其實都越黎越難搵我寧願比多少少價錢，好過又唔平又難食

碰巧要到觀塘辦點事，以前到觀塘一定食黑草羊米線，今次原來想試一試越南最好味牛河，可惜大排長龍，興致都被打沉了。遊走到東廣場內，眼見好多食店，一路走啦着都嗅到食物香味，香港如果有多數間這樣的商場也不錯。可提供小店有生存空間，又可滿足我這等為食貓。久聞鴻師傅大名了，以往北角店未摘星時已幫襯過幾次，了名後最深印象就是鴨舌由無骨變有骨。這次試了牛之戀冷麵，即牛肚，牛舌撈麵，麵是用上海麵，有牛肚，牛舌，豆乾，雲耳，青瓜，再用麻醬，少少辣醬撈埋，不算十分清爽，因為麻醬“立”口，好在有辣味夾在裡面，及有青瓜的爽口感中和。值得一提牛肚入口食得出牛肚獨特牛“蘇”味，以乎唔係劣質急凍貨，這點我是欣賞的。整碗麵落肚，雖然唔算有驚喜，但食得出選材，配搭上的心思，所以值得再次光顧。

我曾經去過主店，但人多令我熱情減卻。偶然發現鴻師傅在東廣場開了小店，看見叉燒漢堡新穎創作而吸引。以自助型式的店舖，幾十個座位，加上一個包廂房，似快餐但又高雅一點。當你找到座位後，店員會放下一杯水，告訴你如何購票，沒有「阿鴻」這麽多人，別有一番風味。之前試過午市特意來吃漢堡，但店員解釋漢堡需下午茶才有，有禮致歉，感覺是非一般的快餐店。初次吃了鴻師傅的暗然燒魂飯(叉燒蛋飯)，叉燒肉嫩，似是精心挑選過豬的部份和制作方法，價錢不算很高，但份量也不少。終於試到叉燒漢堡，雖然賣相和味道一般，但不能否則叉燒肉不夠嫩的話，難以制成。

見佢挾著住米芝蓮一星食肆牌頭，姑且入去一試，如果唔掂！店員猛推介叉燒飯好食，又話湖北蛋好正，好，就試一下（53元）。於是就點了叉燒煎蛋飯，南乳粗齋煲（69元）及兩款燉湯。（每款48元），共218元，價錢絕對唔係抵食之選。結果…叉燒唔夠淋，唔夠焦（火農），講真果句，深水埔及新蒲崗果間自稱 叉燒大王"金X"好食過佢。南乳粗齋煲又係唔掂，南乳無炒過，就撈埋其他野炒埋一兜，結果水汪汪咁，連粉絲都無條，而且鑊氣欠奉，大排檔炒得好食過佢多多聲。至於兩碗燉湯，分量好細碗，黑蒜果碗我唔俾意見（因我唔鍾意食黑蒜），另一碗火候唔夠，強X燉湯比佢好得多。總括而言，名大於實。甚至乎覺得比平均水準還要低。收得咁嘅價錢，絕對唔應該係呢種水準吧。

新年期間很多店子都唔開， 今天搵食去左東廣場，入左呢間鴻師傅食LUNCH。原來選擇都好多，我見蒸送配飯都係$58，所以試下。蒜蓉係百搭調味醬，無論蒸肉、蒸雞、蒸魚都惹味無窮！濃郁蒜茸蒸魚柳配飯，蒜茸超香，同魚柳配搭一流，下面仲有一層好軟滑既豆腐，食完飲埋靚湯好正!

腐竹糖水冇味，跟吕仔記差太遠！碗仔翅足料，但茹的份量多過粉絲翅，喧賓奪主。晚飯時間，未有點正餐，眼望其他人多數吃叉燒或蠔仔泡飯，賣相比較好，蠔仔較飽滿。想試個叉燒法包，但新年期間沒有來貨，下次試埋，就不用再試了。

OT完又肚餓，周圍搵嘢食，同事食過呢間話好好食就諗住一試啦，叫咗個叉燒煎蛋飯。我想講個叉燒飯真係好大碗，啲叉燒好大塊，隻太陽蛋都好吸引!忍唔住先食叉燒，哇真心好食! 啲蜜汁完全滲透左落叉燒，叉燒唔算肥亦唔完全瘦到有渣咁。跟住撈勻隻蛋去啲飯度，成個飯都好好食，令我諗起食神嘅黯然銷魂飯😂😂😂$53嚟講咁多飯(我懷疑有三碗)，咁多大舊叉燒，兩大條菜，係相當抵食! 可惜嘅真係太多飯完全食唔哂，我好似仲食剩左一碗飯咁多，但叉燒就食哂，因為太好食，唔食哂好嘥哈哈

觀塘的「鴻師傅」或許無人知，但其實這卻是名店「阿鴻小吃」的快餐副線，但兩者的菜單其實分別頗大。第一次來是它剛開張時。那天該店差不多關門前往之，叫了個蝦乾肉餅套餐，唔錯，肉餅幾有質感，但考慮埋價錢不算值專門去吃，反而個蕃茄薯仔湯好濃，可能我是當日最後一個客，當日睇場的老闆鴻師傅請我飲多碗。此外，我仲叫個素鵝，味道倒跟阿鴻小吃的差不多。真正吸引我再來的是一味咖喱牛腩腸粉。廣州可以食到柱侯牛腩腸粉，反而香港很少人做。所以發現鴻師傅有相似的東西時我便特別上心。這裏的牛腩其實可以再軟身一點，但亦不算難咬，反而最欣賞它用布拉腸，此物可更索咖哩汁。而咖喱膽挺不錯，唯偏向港式做法，香味不夠澳門咖哩。由於此店偏貴，性價比唔高，唔會話特別推介，但純粹為了呢個六十幾蚊的咖哩牛腩腸，倒可令我間中食番幾次。

叉燒煎蛋漢堡軟法包（$26）👅下午茶時間☺️☺️最like啲咁fusion 既野食😆😆叉燒都幾講運氣🤔🤔最正緊係半肥瘦啦😈但呢舊叉燒偏瘦，但好彩又唔會韌而且大大舊咁😋塊煎蛋仲要流埋啲蛋汁出黎😍😍至於個軟包係有驚喜👍🏻👍🏻無林過啲包係搽左牛油再烤埋，所以個皮好香脆而包好鬆軟😆成件事都幾夾🤗🤗🤗點解我屋企留下無啖好食😭😭下午茶得大快活咁X廢😫

認識鴻哥已有好一段日子了，看着他從初始的北角小店，到之後躋身入米之蓮行列；後更衝出香港；將自家品牌引入內地市場，在短短十數年時間便能得此成就，除了自身的實力外，從言談間認識到鴻哥對食物質素的認真、執着，也印證了成功從來非僥幸！有別於阿鴻小吃，這間「鴻師傅」走的是快餐店路缐，顧客先選食品後買票，待店員讀出輪候號碼便自行取餐。既然是不一樣的模式；食物當然是有所不同了，例如各式煲仔飯、蒸飯、泡飯、义燒、碗仔翅、數款不同餡料法包...等等，當然阿鴻的主打 - 素鵝、芥末雞腳筋、南乳粗齋.....還保留下來。這商場其實與觀塘地鐵站之間的路程相當近，由地鐵站B1 出口，進入開源道，在第一個路口(馬會)左轉入成業街行大約三分鐘便看到東廣場，走近便見到以鴻哥做生招牌的巨型柱子，下面寫著「靠右直入好快就見到」的指示。門面光鮮整㓗，店內座位也寛躺舒適。我們叫了家庭靚湯（不添加味精，天天不同）、素鵝（半份）、薑蔥鮑魚汁叉燒撈生麵、雞批、超級碗仔翅及雲腿上湯蘿蔔。家庭靚湯（不添加味精，天天不同）～ 今日是南北杏菜乾紅蘿蔔湯，料足味濃；沒時間煲湯的人士不妨多加捧場喔！素鵝（半份）～薄而層次繁多，盡吸了鹵水的精華

阿鴻小吃是米芝蓮一星店, 無人不知. 但原來它開了間副線, 叫「鴻師傅」, 以較平價的fusion快餐為主打. 前陣子老爸看到相關介紹, 說要去試試看, 於是就去一探究竟.這間「鴻師傅」位於觀塘的東廣場的food court內, 位置不算太起眼, 店子也比預期中細. 周日中午時份, 幾近滿座, 可能不少人也像我們一樣, 因著是阿鴻小吃的副線而前來光顧.小店的裝飾也挺有特色, 例如牆身的用照片砌出的裝飾和天花的蒸籠.連托盤上的紙也有介紹小店及其招牌食物.餐牌食物選擇不算多, 食物有中式如燒味飯, 又有西式如軟法包, 也有fusion菜, 例如咖喱牛腩腸粉, 連部分阿鴻小吃的招牌菜也有!說是快餐, 當然要自助形式買票和取食物. 食物方面, 分別選了中式, 西式和fusion的招牌菜.招牌咖哩牛腩腸粉 $65牛腩腸粉賣相不俗, 分量也多. 咖喱汁尚算香濃, 但辣味不足, 如果辣一點會更惹味. 牛腩和牛筋炆得太腍, 沒有了原來的質感, 而且不夠入味. 至於腸粉, 說是即拉的, 不過卻大失所望. 腸粉太腍, 水份太多, 一夾即散. 就算蘸咖喱汁同吃, 也補救不了它的味道.特級叉燒皇飯 $50老爸

下午茶時間路經觀塘，有少少肚餓，但又唔想食太飽，就同男友去左呢間食下午茶。$29叉燒法包（已包$3加芝士；$3加煎蛋）叉燒漢堡包，中西合璧，不知道味道如何？法包外脆內軟，充滿芝麻香。叉燒表面佈滿了叉燒醬，微甜。脆脆的表層，加上軟熟肥美的肉質，非常焦香惹味。配上煎蛋及芝士這個「冇得輸」的配搭，使整體更為美味。底層的生菜新鮮，口感爽脆。見微知著，一個簡單的叉燒法包盡見師傅的功架。餐廳環境頗適，菜式選擇亦五花八門，下次會再來試試其他菜式！