鴻福堂

营业中

休息中

我拎住張寫住過期日子既coupon 去買嘢，個店員嘟完之後話我張劵過咗期，俾埋張coupon個到期日俾佢睇好明顯係一個future date，佢死都話過部收銀機個度話你張劵過期，錢佢地間公司就收咗，貨就唔肯交，啲店員又臭串又惡仲要鬧人，仲話同佢講張劵未過期都冇用，部收銀機話過左期就過期講真，我作為一個客，俾錢買左你地公司既coupon，仲要專登行去門市換貨，你地唔俾貨我都未發脾氣，啲店員憑咩發脾氣直接同我講搵cs幫手都冇咁嬲

秋冬季節，就算少飲湯水，糖水都會跟上😝其中蓮子同百合簡直養生標配，被譽為養陰潤肺、寧心安神、美容養顏，超級啱干燥嘅秋冬天😋唔鍾意紅豆甜膩嘅仲可以試試另外一款，隨時扭蓋即喝😋同樣能使氣色更掂哦😉

今日趕住做野，得番半個鐘lunch, 唯有落地鐵站買個快飯。鴻福堂主打健康啱晒我，叫左個蒸飯套餐，自選一個蒸飯及一個湯。我就揀左個黑松露蒸雞紅米飯，另外天氣乾燥有兩聲咳就加埋個鱷魚湯。個飯份量適中，不過蒸雞得幾件，仲要係好細件，黑松露味就唔係好覺，有少少紅米。豉油就有兩包，我落一包都夠晒味。鱷魚湯好飲，好香甜，完全無味精，仲比埋隻杯你倒落去飲，份量都唔少。最貼心係飯同湯都蒸到好熱，就算攞到番公司仲係熱辣辣。

最近迷上了蛋卷，行過見到鴻福堂都有出蛋卷，便就去試吓。一盒兩包裝，每包有兩條蛋卷，這是花生餡蛋卷，蛋卷質感厚實，不是鬆化類型，没有太多蛋味，只會食到花生味，內裡的花生蓉頗多，偏甜，個人感覺麻麻！怕肥的請三思！🤣這款是肉鬆蛋卷，一盒8包。蛋卷一樣没有蛋味，厚實。肉鬆餡豐富，蓋過蛋卷味，愛吃肉鬆的會覺得呢個唔錯！它的好處是獨立包裝，不是一罐好多條o個種。不過如果想食原味蛋卷的話，都係食番蛋卷專門店會好d!

都市人怎會有那麼多時間煮食，何況是煲涼茶煲湯水，很多人都會到鴻福堂買點涼茶或靚湯，但我每次到鴻福堂的目的都是為了這裡的杞子燒賣。雖然同為燒賣，相信很多人都知道不像酒樓的豬肉燒賣，這裡的燒賣是魚肉燒賣，加不加杞子都是等閒，就是好吃！

最近發現原來鴻福堂有粥食，普通如白粥，或者矜貴嘅鮑魚雞粥都有得食。因為我係黑松露控，今次見到有黑松露雜菇粥就買咗嚟試。佢一包有400ml,每一啖食落去都有好多碎菇，同埋一打開就有好香嘅黑松露香味飃出嚟，一包$26我覺得都好OK。另外加多左隻茶葉蛋，細細隻要$6有啲貴，不過好入味。

咳左成個月，食咗好多西藥，都係斷唔到尾，朋友叫我飲湯或者睇中醫，但係忙着結婚嘅籌備，邊有時間煲湯，除咗靠媽咪煲之外，出去買都係一個好選擇！地鐵站有鴻福堂，我就去買左呢個止咳最適合飲嘅鱷魚肉煲川貝！雖然相片上面顯示有幾多油，但其實只係表面嗰浸，撇清左佢，飲落去非常之舒服！味道濃郁，而且不含防腐劑及味精，雖然要＄53 ,但最適合我哋呢啲時間唔夠嘅OL !飲咗之後唔知係咪心理作用定係真係有效，我係咳少咗！加埋夜晚媽咪都有煲湯我飲，我應唔該可以係結婚前復原！

自從有咗自家湯包,它標榜是沒有加入任何潻加味精及防腐劑,很多無飯家庭包括我自己都會幫襯,由於香港人時間忙碌,要兼顧事業及家庭並非易事,既然有商店推出此類產品,就一定有市場,今晚拎咗個川貝枇杷葉鱷魚肉湯,此湯乃是潤肺,止咳祛痰,對於氣管問題之人仕實在有不少幫助,去拎湯時,可選擇熱或凍,倘若所選的湯包沒有熱的話,他們可幫忙加熱,省卻麻煩,而且亦可倒入杯子當飲料拎走,杯子外圍會包著一張瓦通紙,以防燙傷手,真細心!!川貝枇杷葉鱷魚肉湯>>倒出來份量亦有一個細湯碗,湯面沒有油,味道不錯,飲到批杷葉味道,若再減少些咸,會更好,

買完齋，順便買些飲料。買了支「薑汁豆漿」（$10）。望見糖水，因為連續吃了兩個星期藥，口苦得很，於是買了袋「紅豆沙」（$14）。這次的薑汁豆漿，薑味太少。紅豆沙相當足料，用來沖調港式紅豆冰就很一流！