鴻福海鮮四季火鍋 (已結業)

讚:-一次過炭燒+火鍋, 個idea好好!!-個炭爐燒海鮮原汁原味..-火鍋叫左鯊魚湯底, 好夠味!!-d 肉丸好好食!!!!-海鮮夠新鮮(特別係鮑魚)彈:-個環境都幾dirty (要經過一條好wet and dirty 既巷仔先可以入到去)-服務態度唔好..

地方一句講"排檔風味"仲有Ｄ的猫仔行嚟行去用炭打邊爐有特色但係BBQ我就覺得一頭煙海鮮類都幾多，特別仲意沙鯭仔(不過唔好即刻落唔係就周身都係)肥牛都抵食，不過佢唔會好似人哋咁排得靚靚仲意食內藏嘅仲多選擇，肥鵝腸、鷄澗、魚腸同豬天梯都正，仲試過鯊潤魔鬼魚湯底簡直一流

無論在下係唔係"土瓜灣人"，試問有邊個未聽過呢度嘅大名?一招窄巷內炭爐風味燒烤加火煱，已俘虜了不少食迷嘅心...搬入嚟土瓜灣數月，跟老友們提起無數次話嚟，但每次都係無疾而終....今次fellowship聚會，有姊妹竟然suggest試吓呢度..嘩...真係開心到恨不得即日就去...但又擔心眾多弟兄姊妹能否忍受呢度嘅環境，足足擔憂咗成個禮拜...對我呢亭人嚟講就梗係越地痞就越正la，但始終都唔可以咁自私嘅...卒之到了大日子。經過黑黑嘅後巷，一入店，個心當堂定晒，各弟兄姊妹都覺得環境可以接受...終於可安心嘞...兩圍枱，蕃茄薯仔及魔鬼魚湯底各一。魔鬼魚湯底味稍淡，但經加入配料後，最後變得鮮甜。可恨胃納太小，否則若加一個出前一丁淥而食之，必定更勝山珍海味...蕃茄湯底亦甚出色。用上大量鮮茄，差極有個譜...鱔圈及大蜆係當然嘅燒烤鐵膽。鱔圈好似冇想像中咁大嚿咁肥美，確係有D失望；大蜆就真的貨真價實，夠巨夠肥美，剛燒熟之際再加上少許自製蒜頭辣椒醬，吃得不知人間何世...蝦新鮮得紥紥跳，放上去炭爐，腳不斷在動。女仕們邊叫殘忍，邊將佢哋擺入口再加叫桶蠔放上去燒，吃得直豎拇指....相反火煱配料

1-3-2006 1930今晚應該係詠藜園，幸好天公造美，馮生立即打電話要求轉戰，You do I do!呢度聽就聽左好多次，尤其環境點惡劣。初黎報到都有點驚，幸好途中遇見兩夫妻，先至定的。主人家訂了室內，而點材料都是由他話事。這裡可分為炭燒BBQ及用湯底滾熟食物。炭燒食物：鮑魚仔、帶子、象拔蚌、…；湯底：魔鬼魚及豬骨；滾熟食物：鵝腸、黑柏葉、各大丸類、龍喉、鱔片、牛肉、豬肝、墨魚滑、雲吞、竹苼、…。湯底來既時候仍未煲滾，我地就開始BBQ 先，佢地提供了生油、蒜蓉辣醬及豉油助燒，而海鮮都唔係冰鮮或急凍，皆因燒既時候牠們係有反應。出外燒烤從未好似而家咁豪爽，味道亦值回票價。至於湯底，魔鬼魚湯底真係正到難以用筆墨形容，只有新鮮及相當材料先至可以做到，豬骨煲底亦不甘視弱，亦有人成舊豬骨夾起慢慢損，當晚除左雲吞充滿味精及鵝腸太肥之外，其他食物亦交足功課。由於室內充滿由碳所發出的二氧化碳，要出外兩次呼吸清新空氣。總括來說，食物以街外打邊爐來說已經非常出色，環境與某部份海外唐人街有得揮，服務亦沒有可言，這裡的風味亦是一個賣點，如有命的話，或者會睇住對上的樓宇清拆，到時想搵番類似的格局已沒有可能。

地方好dirty, 要走入漏水既窄巷. 見到廿多年前既烏蠅紙, 豉油內有幾隻大蚊滋. 其實我都唔介意, 一早預左係咁既環境.呢度居然有骰盅供應, 結果未食已經飲左5支大生力.炭爐燒烤及打邊爐其實幾有懷舊特色, 但食品水準其實一般, 以下只列一些特色的食品.魔鬼魚湯底- 好夠味, 魔鬼魚好多膠質.蕃茄牛肉湯底- 冇食, 不過朋友話好味蜆- 好大隻, 新鮮.鵝腸- 好多肥膏, 但食落既質感完全唔似鵝腸.牛肉- 聽講唔好食雞子- 好大粒, 不過我又係唔食

又去摯愛火鍋店. 一行七人,原本已訂位坐出面,都俾唔倒位我地,只好坐入面啦,因為天氣凍,好多人都去打邊爐,所以係全店爆滿.當然又係一火鍋,一燒烤啦. 咸菜魔鬼魚湯底係必叫,當晚有新朋友第一次食都讚不絕口,話d魚好入味,好滑. 鱔圈又係例牌起碼叫兩碟. 今次有另一個新朋友好有心機幫我地燒烤,每樣食物都燒得又香又脆. 不過鱔圈越越薄就係真喇,以前真係好厚身,食落有口感好多. 鴕鳥肉原來係好滑架,我都係鴻福第一次食.下次可以再試.魚春又係第一次叫,一邊燒,一邊'拍拍'聲,幾得意. 不過食落就乾身少少,可能灼熟會好食d.另一款好難燒食物係雞軟骨. 上次燒到哂,成舊炭咁,今次有新朋友燒,一d都無,原來係好好食架,同你去居酒屋食無分別.不過要一彈就係大蜆有沙,雖然甜,不過有沙始終都未做得好.

想試好耐~ 亦有左心理準備行o個條冷行.. 真係堆滿左未洗既碗同地下有積水我地坐店內, o的煙抽唔到, 四圍煙霧彌漫, 冬天.. 都見到有小強o係o的牆上行過...夏天唔知會係點...衛生情況真係唔太樂觀我地個打邊爐, 仲要係爛既, 一路漏o的湯出黎, 最尾頂唔順, 叫人換左佢, 最尾o個人一拎起個煲, 仲穿埋底, 湯倒到一地一都係, 都唔知係好嬲定好笑點選左燒烤既芒果大蜆同鱔扣, 大蜆都算甜同爽口, 最好食o的鱔扣, 加埋o的蒜容汁, 真係幾好味打邊爐就選左普通沙爹湯, 好多沙爹渣o係裏面, 但唔係之前講到咁好食, 方榮記好食好多再order 最貴o個隻牛肉......... 但係... 失望, 真係唔太得好少地方有雞腸所以即刻order, 麻麻啦, 有o的味, 其他地方食肆食反而好些脆肉鯇.......唔脆既...v_v再加油麥菜.落到人地o的蝦幾新鮮, 不過太飽冇叫喇呢度食要多o的人食先抵, 同埋總括而然... 都係有o的失望, 唔算好好食~我地2個人, 都要差唔多400蚊, 同埋叫海鮮俾叫其他野新鮮, 燒烤比打邊爐好, 而且夏天唔會黎喇

訂了多天鴻福海鮮四季火鍋, 皇天不負有心人, 終於給我打通知電話了!! 因為此店初八才開市, 真幸福!!為什麼非要訂上此店, 原因是因為是炭燒火鍋+ 可以BBQ 的爐, 故此很有興趣一試!! 在OPENRICE 食評指地方比較差, 不過坐店內比較好一點吧!! 沙爹湯底超讚!! 店舖客人也很多, 星期四是閒日也差不多滿坐, 而且11 點仍有客人, 勁!! 我們點了牛肉, 數款丸類, 魚麵, 菜, 菇, 豬潤, 不過丸類及豬潤就不太好吃, 而牛肉男友及友人均說有點怪味, 我就沒有試了, 其後我們叫了一位女店員說牛肉有問題, 她居然想吃友人咬了一口的牛肉, 於是我便跟她說我的那一塊未吃過, 還說牛肉沒有問題, 不過也換過一碟給我們!! BBQ 我們點了鮑魚仔6 隻HKD98 有點貴, 芒果大蜆6 隻HKD 48 不錯!! 魷魚及雞軟骨也不錯!!我跟友人飲了數支汽水及酸梅湯, 結帳跟預期差不多啦, HKD 800 左右!

又係頌揚聚首一堂的時間. 地點係令一眾高貴的姊妹有點困難的後巷. 穿過這條後巷, 真要不少的勇氣. 小弟的心得係不要四圍望, 只管向前走.我們坐在正中央的地方, 本來預算有二十人參加, 最後都有十四人一同燒炭.見弟兄L來到的時候, 後面有名陌生人, 看真才知道係喬裝的頌揚媽媽. 真不好意思, 讓大家要改變一下裝束才可參與這晚的盛宴.一早預留了龍蝦一隻, 再加兩個炭爐來燒烤, 兩個炭爐來火鍋.分三項評分.燒烤: 9分, 燒了的食物有鱔圈, 大蝦, 鮑魚仔, 雞腎, 象拔蚌, 蜆. 鱔圈係無可否認最正的一樣. 在大師傅弟兄M的照料下, 鱔圈係相當香口. 其餘大蝦同鮑魚仔係好新鮮, 只見還郁緊的大蝦被無情的火炎吞噬. 象拔蚌同蜆就麻麻, 可能大師傅失了手, 燒得老了點.但炭燒的食物係有特別的風味.火鍋: 8分, 兩個湯底係豬骨同魔鬼魚. 豬骨係比較濃, 魔鬼魚就比較淡. 食到後期, 濃濃的豬骨味滲透了出來, 吸收了豬骨味的菜係好正. 相反, 魔鬼魚就無這種效果.但論湯底, 都係老坑的番茄蟹更勝一籌.叫了墨魚滑, 肥牛, 駝鳥肉, 羊肉, 桂花蚌, 鮮竹笙, 五花腩, 天梯, 魚皮餃, 雲吞,

同朋友約好食火鍋, 一於上openrice 搵下邊間好, 朋友就想試“有骨氣”, 但見最近既食評都好唔掂,所以就一於試下鴻興, 因為大部分食評都讚有風味, 又好食. 當然你要接受定忍受到d 環境同服務啦! 我地之前book左7:00pm, 係坐的士黎時, 連司機都唔知邊度, 只好打去問問, 一把好豪氣既女子聲音話: 係美景落就得喇!! 總之黎呢度食野就預左冇咩服務, 我地四個人食左當然係兩個爐, 一個火鍋, 一個BBQ. 火鍋要豬骨煲湯底, 好入味, 豬骨亦煲得好正! BBQ既食物:鮑魚仔( 比較一般)鱔圈(肥美鮮甜, 一定要試) 大蜆(加左蒜溶, 十分香口美味)蝦(蝦肉彈牙)扇貝(都唔錯)雞腎(可能唔識燒, 硬左少少)火鍋食物:象拔蚌(刺身, 好鮮甜)魚皮(一落火鍋即熟, 夠爽口, 正!)墨魚(都唔錯)肥牛(比較一般)四寶丸生菜西洋菜大量可樂以上食物新鮮, 味道亦好! 但我強烈建議要坐入店舖內, 因為坐後巷既感覺真係好污糟. 我地係店舖食完曬離開時, 見到條後巷又濕又有煙頭垃圾係地下, 真係好彩食飽曬! 如果唔係就真係冇胃口! 最後講多次, 呢度真係冇咩服務, 你要預左叫佢地3-4

生命有Take two!六日內燒兩次炭,今次比上周末,來得更加轟烈,Openrice人除卻小弟之外,幾時都咁斯文,自己圍內果班朋友,就比較豪邁,不拘小節.上周末的賽後報告已經很詳盡,今次的身份份屬半個主持人兼"花生客",略略講上次錯過,今次吃過的食物吧.燒魚子一抽一抽上,賣相介乎雞子同腸仔之間,在炭火面上燒,口感很豐富.魚子味道混合炭香,異常甘香.扇貝大大隻橫陳在炭爐的鐵網上面,搽點蒜茸醬,非常惹味.除鮑魚仔一貫生猛之外,大蝦亦是監生燒,罪過罪過.眾人啤酒一支駁一支,青島自然受歡迎,當小弟拿住支青島之時,身穿生力的啤酒妹,走過來毛手毛腳.係都要我們飲生力.當然這個存在現實性的問題,如果你有幾分姿色,我幫你私人掯一打又點話?雖然環境比上周更加焗促,人人吃到一身是炭,但已置諸不理,這夜海鮮宴,吃得有今生,無來世.燒炭Quota已爆,下一次相信要到年尾吧.

如果唔係阿P非常想去，我一定沒氣赴會，因為入鴻福必經一條濕立立兼堆滿垃圾的後巷，單這一點己足夠令我打退堂鼓。最後是何方力量驅使我走過後巷，站在又煙又熱的炭爐面前不斷吃，我真的不知道…但可肯定的是，如果我選擇放飛機，一定會超級後悔，因為玩得極盡興，在此，謝過睡過龍的搞手。我和男友準時7:30pm到達，大部份食友已坐定定等食，見慣世面的爐兄以地頭蟲的架勢迅速叫到一枱都係，先來魔鬼魚湯底和豬骨湯底，P和J主打放在我們面前的豬骨湯底，我皇恩浩盪地批淮阿P吃一舊超大豬骨，豬骨煲到極淋，阿P就開心到暈。我倆都認為打邊爐食物不及炭燒食物有水準，尤其我哋呢邊爐有David師傅坐鎮，其手勢加上David嫂的蜜糖秘技，為我們炮製了不少海鮮美食：- 推介原隻象拔蚌，肉爽味鮮，比那些大象拔蚌好味千倍- 鮑魚仔，燒過程非常殘忍，食落鮮美十足，殘忍也無計- 細蜆，相比之下較普通- 鱔圈，男友說極肥美，帶有魚鮮味，眾食友大讚- 雞腎，David手勢好，燒到極爽，超級好味火鍋料其實都唔差：- 鴕鳥肉是我的心水推介，肉質捻兼帶些少膻味，讚！- 桂花蚌極新鮮，肉質夠飽滿，我食咗勁多- 墨魚滑超爽，充滿墨魚香，唔錯架- 肥

"與其打邊爐,不如打炭爐".上年埋尾飯局,席上的話題忽然扯到去炭爐邊爐,講到最後路比bear bear想吃,希望我在一月某個周六安排一局.結果到最後,十九人齊齊在鴻福,集體燒炭.身為搞手竟然遲大到,全賴訓過籠之禍.幸好爐兄及時的Wake up call,才不致大脫腳.用十分鐘極速梳洗,笠頂帽出門口,最後都係遲十分鐘到步,已見差不多人齊,真係不好意思,亦要多謝爐兄幫手打點一切.一早安排坐外面,空氣會好一點,但環境亦會差一點.店方將兩張長檯拍埋一起,我們被店方安排在巷仔最後的位置.十九人圍住來燒炭,場面好不壯觀.三個湯底,兩個燒烤爐,就是是夜的靈氣之所鍾.已來過鴻福多遍,大約也知道今夜會吃些甚麼.肥牛,鴕鳥肉這些紅肉當然是鐵膽,其他的,還有其他貝殼類海鮮.用來燒烤.大約如此.是夜配料有如恆河沙數,原隻鮑魚仔上桌時還是活生生的,可見其新鮮程度,放在炭火上面活燒,實在殘忍,罪過罪過.好像看著其中一幕National Geographic台的鏡頭.燒到綠色內臟差點谷爆,不過,入口鮮味無窮,也算的鮑魚最後的尊敬.原隻象拔蚌,連殼放上炭火上面燒,面頭塗上些惹味的蒜茸醬,味道鮮甜得無話可說,蒜味完全帶

嚴寒天氣下當然最好打邊爐, 首試這處既炭爐火煱.人手唔夠, 服務不足, 環境欠奉通通在預科之內, 惟懷舊風味搭夠.八人叫了以下食物:1.手切牛肉–很碎, 但肉味濃.2.鱔片–幾爽, 鮮味.3.桂花蚌–爽口鮮甜.4.珊瑚蚌–無乜味但爽.5.四寶丸–豬肉丸, 牛肉, 墨丸, 魚蛋. 只食左豬肉丸和魚蛋, 前者肉汁多, 鮮甜彈牙.6.黑栢葉–可能灼得耐, 偏鞋.7.魚肚–偏淋, 普通.8.豬腰–唔食.9.蠔–唔食.10. 牛–唔夠牛香和juicy.11. 脆鯇腩–超脆, 正!12. 雲吞–有蝦和半肥瘦豬肉, 普通.13. 水餃–無食.14. 墨魚滑–爽彈但鮮味欠奉.15. 西洋菜和油麥菜–甜嫩既.16. 燒鱔圈–唔夠厚, 也不太鮮甜.17. 燒鮑魚–爽口鮮甜.18. 燒大蜆- $7隻, 超大隻, 但有D蜆有沙.19. 燒雞軟骨–爽口.20. 燒雞腎–偏乾唔太香.21. 燒腸仔–易燶.22. 山根–無乜特別.加埋酸梅湯每人around $190, 偏貴.煙煄得雙眼流淚啊!

Great food, great value but the place is far too dirty.