鴻福海鮮四季火鍋 (已結業)

抱著興奮既心情去打炭爐邊爐, 去之前已經一早與友人說環境是十分差, 要有心理準備, 她也說沒有問題。但當到達目的地時, 她有很大的衝動走人。幸好其他友人說服她。於是, 4人膽粗粗的進了鋪。叫了一個爐打邊爐,一個爐bbq。湯底是魔鬼魚湯底。叫了中蝦6隻, 大蜆4隻, 帶子4隻, 鱔貝4隻, 生蠔, 鵝腸, 云吞半打, 四寶丸, 白鱔, 生菜, 本地肥牛, 鴕鳥肉, 芝士腸。叫了3支綠茶, 1支可樂, 3支酸梅湯。中蝦十分新鮮, 來到的時候還紮紮跳, 而且很大隻。建議不要炭燒, 因為會燒到成隻蝦黑蚊蚊。不過蝦也頗貴, 18蚊一兩, 這裡6隻蝦原來已經2,3百蚊。大蜆好正, 好鮮美。帶子鱔貝都不過不失啦。白鱔用來炭燒真係好正, 而值得一讚就是肥鵝腸。其他都不過不失啦, 湯底都ok la。還有, 這裡的蒜蓉辣醬好好味。最後, 我地都係眼闊肚窄收場, 食唔曬, 一開始仲勁話叫左好少野咋wor。不過, 埋單比我想像中貴。4個人合共$950......其實唔叫大蝦的話, 應該都是$700左右的, 不過間唔中一次半次就算啦。順帶一提, 打電話訂位時接電話的人禮貌真的很差很差, 但去到又不覺得他們態度差

每年都要係度同食友叙一叙,今年試試新意,除主打的魔鬼魚湯底外,再order一個番茄薯仔湯,兩窩四爐,熱鬧得很,海鮮自把自為獅庵,象拔蚌,帶子,大頭蝦左點右點,其他的竹笙,墨魚滑,豬天梯,魚子,魚腸,四寶丸,手切肥牛,豬潤,鯊魚肉片,鱔片,雞軟骨........多到數唔晒.魔鬼魚湯底是一向水準,鮮甜肉滑,$88一個是物有所值,獅庵外殼太厚,燒太熟肉又老,不作推介,手切肥牛肉質嫩滑而肉味濃,是夜添了又添.難得在坐有美女推介一道椒鹽魚扣,火候足,爽口,用黎送啤酒是一絕,其他菜色已有食友細評,不作另述了.

恆指暴跌二千幾點的當晚,我們集體在燒炭.不是在東堤小築,而是小弟之"地獄主場"-土瓜灣鴻福火窩.一年一度之"盛事".去到門口,自然想著Gun,s N Roses的舊歌,主音AXL Rose大叫著Right next door to hell!)踏著黑加灰色軌跡的陰巷,腳下盡是深淵的水影.惡劣之環境,可想而知,勇氣少一點者,已經一早掉頭.步入店內,又是另一番光景,一眾老饗,大家互不相識,統統在這個地獄主場之內"殊途同歸".上年之"十九人集體燒炭局"是我做大旗手,今局是由爐兄全權負責.湯底不少得鐵膽魔鬼魚湯底,另一個是番茄薯仔湯,照例火窩同燒爐另上,分開兩條戰線.海鮮方面,在門外盛滿海鮮的發泡膠廂看一看.就選擇了獅庵,象拔蚌,帶子,蝦等等.上次的活燒鮑魚,今次就緣慳一面了.獅庵很大隻,燒的時間比較長,燒到"潮吹"之狀態便吃得.吃第一隻,肉質有點過老,可能燒得太熟之故,到第二隻,燒得生一點,就剛好了,可能比較大隻之關係,自然不夠細隻的鮮味.燒魚子又是小弟之其中一道至愛,本身魚子一抽抽,放在炭爐上燒,燒到介乎爆與未爆之間就吃得,入口非常甘香豐滿,魚子的粗獷中帶細致的質感,又是令人回味.很多味其

未去之前抱有幾大期望, 話哂係open rice 都有唔錯o既分數,不過去過後發覺, 就真係同想像中差幾遠。驚多人要等, 於是打電話去book枱,電話中左問左兩次係唔係真係有位(因為呢排天氣凍, 好多地方都無位了), 負責人都話ok 冇問題。仲問左交通點去, 負責人最後都只是叫我地自己搵下, 咁都唔係問題, 搵到地點同準時去到先發現冇左我地個booking, 最後比店入面ar姐串左兩句之後安排坐係店出面,都算咁la, 我諗可能佢唔想煩la, 不過佢個態度真係可以好好多o既。(呢d 誤會我諗冇人想o既, 所以如果大家想到呢間店食野同book 枱, 真係要問清楚個個時間係唔係真係落左你個booking, 同埋最好坐店入面la, 坐出面, 係條後巷比d 後風住, 唔係好多人頂得順,尤其是女仔tin ><~)該店最特別都係佢個炭爐bbq +炭爐打邊爐, 可以滿足兩種不同需要。炭爐打邊爐就叫了出名的鮮茄牛肉薯仔湯底, 不過就算未加水之前, 個湯底都係得少少蕃茄味。食物款式都係大路個d 食物, 沒有太特別。但每碟份量就比較少, 如果係比較大食o既人可能要叫多好幾碟先夠,而我地最後都

呢間野..向落山道一條後巷入面..個環境真係唔多得~然後我地話訂左六位七點, 佢話無booking不突止, 仲勁寸咀+寸樣: "你打幾多號電話呀?!""唉是但啦!坐呢張啦你地!"(然後我地睇返個電話, 的確打岩架!!)講食物蕃茄湯底, 我覺得唔夠濃囉~不過叫做有少少茄味~係比平時食開既好少少少少..不過其他野好多都不外如是~佢值得加分既, 就只有炭燒bbq..因為有d 食物~燒完係好食d未試過都可以試下既不過重要既係, 我地竟然向個湯底撈起左一個嘉士伯樽蓋......呢個樽蓋, 有人唔小心連同食物放左入口就死得啦最後, 我坐後巷既坐走廊位, d人向後面出出入入已經麻煩最驚係d人拎住d炭同爐同菜, 係咁向後面行過, 都唔知邊次會撞到我囉呢個咁既環境同呢d咁既服務態度, 又唔係特別非常好食同抵食, 我以後都唔想再去!

um, 友人五位, 去到呢到打邊爐.唔知頭唔知路, 都無乜人理......(很想有個仕應可以企在枱則邊介紹一下........ 妄想!!)環境其實真的... 幾差, 不過就不長述了. 說說食的.不想太貴, 只要了一般的食物.丸類腸類一律$25(~10粒), 雙拼$28.芒果大蜆(不知是不是外形像芒果, 所以叫芒果大蜆, 我還是叫它做大蜆吧, 不然大家覺得會有芒果附上就馬煩), 十隻有大有細, $42, 呢個應該係我地叫的食物裏面最抵食的. 但係燒大蜆有兩個問題, 問題一係佢D蜆無浸鹽水吐沙, 十隻裏面總有幾隻係特別有"口感".... 問題二係燒D大蜆時會有好多水, D水流晒落個炭爐的炭到, D炭被淋得奄奄一息.午餐肉很貴似的(其實E+D午餐肉都真係幾貴), 不是有很多片, 而且燒午餐肉原來是不太好吃的. 在家中煎比較好吃.諗住燒雞中翼, 點知係即叫即醃(醃都要新鮮?). 點解我知? 因為那些雞中翼上枱時, 好明顯只係一D未醃過的雞中翼, 再淋上醃汁, 有些雞中翼的皮還是白雪公主似的白雪雪, 連用手load一load D 醃汁(我當然祈望佢會用筷子啦....)去呃下我都唔肯, 只好怪佢地

13Jan2007 1945這間食店係我第2次來，今次有19人共聚後巷集體燒炭。這裡可以選擇拾下拾下或者BBQ，亦可一齊，唔一齊黎就變得冇意義！醬料除指定動作的豉油及指天椒外，還有用作配合燒物的自家製蒜容辣椒醬、油及蜜糖一碗。燒物共點了鮑魚、蜆、鱔圈、象拔蚌、雞腎、雞軟骨及五花腩。鮑魚放在爐上還是活生生的，燒時出現爆漿情況，部份食友有少少驚惶失醋，見得多就見怪不怪；蜆鮮味比起其他稍為差一點點，亦理解到這是正常，落少少蒜蓉辣椒醬會正好多；鱔圈新鮮肥美，燒完後即食，比起落醬好好多，如新鮮度同鱔片一樣，這個圈圈仲會食得過隱；象拔蚌連殼及海水一齊燒，落埋醬料一齊更加美味；雞腎及雞軟骨不是出面咁細到阿媽唔認得，多得「燒烤大王」悉心照顧先有咁好味；五花腩不是我地平時去街巿賣一大舊，而是切片形式，肥舊都係在圓圈外圍連貫到中心點，雖則不是新鮮，燒時有自己豬油幫手，味道以豬肉來說已經不錯。至於火鍋方面，共點了豬骨及魔鬼魚。魔鬼魚上回食完印象深刻不用多說，而豬骨湯不肥膩，飲落鮮甜，難怪有人要「近」豬頭骨；肥牛及鹿肉去邊度打邊爐都係指定動作，味道起碼唔會標榜任食級質素先，其他肉類真係數之不盡到我唔記得，咁多

覺得呢度幾gimmick, 食法好特別, 用炭爐黎打邊爐, 但其實食物味道黎講, 我食唔出同普通的有咩唔同(笑) 不過有埋炭爐bbq就係非常好, 像較輕便的燒野食.呢度d 海鮮唔錯, 真係好新鮮, 樣樣都好大隻. 其他普通食物如肥牛, 蚌, 雲吞果d 就冇乜特別, 普通質素而已.最鐘意係個燒鱔, 好香. 雞軟骨都唔錯.價錢黎講, 唔算好抵食, 叫做幾特別, 試下無妨, 但唔會成日去, 咁既價錢仲有好多其他較好的選擇.至於環境, 個人認為可以接受, 唔算太污糟, 只係入黎要經過果條巷好恐佈, 但坐低的地方尚可以接受的.服務態度真係好差, 不過呢d 小店係咁的了, 當係一種風味吧!

係除夕晚同女朋友睇完戲去左鴻福,見到咁多食評所以就即黎.個蕃茄薯仔湯底超好味,我女朋友係咁飲,d4寶\"阮\"又超有味道同彈牙,水餃d蝦又好新鮮,不過d美國肥牛,豬皮,豆腐就麻麻地啦...下次一定會再去,仲要成大班人去,冇機會試d炭爐燒烤=.=

我諗人多去會抵食D囉,去邊度食野都一樣,人多去食一定平D,兩個人差唔多食左$500,唔值囉,$500大把地方揀la,野食又唔係話好特別,仲有果度環境真係差到得人驚,地下又濕又滑,似後巷洗碗既地方,我都唔明點解仲有人坐係度打邊爐仲食得落肚?? 好彩果次我去係坐裡面,坐係出面既話我走人lar,真係想像唔到個環境會係咁差!!! 去過一次算lar,下次咪搞!!!!! >_<

除夕晚到了此酒家打邊爐,去到果時真係嚇親,條巷又濕又污糟,真係唔多想食,不過專程去到,咪唯有試下囉,好唔好食就見仁見智lar,不過佢既特色係用碳爐打邊爐同燒烤,佢又唔係平過人囉,如果用呢個價錢食野,我諗我唔會再去囉,一來環境嚇人,二來又迫,用呢個價錢食野去第二度都得lar,同埋打邊爐之後我仲疴左兩日添呀,我以後都唔會再去!!!!

老友牛一, 我們到了傳說中的碳爐燒烤火鍋店- 鴻福海鮮四火鍋.隱蔽的後巷也不太難找, 皆因巷口上方有一大個霓虹招牌, 而路面亦樹立著廣告牌作指引.入口那條長約十米的小巷真的十分骯髒濕滑, 令人卻步. 而店內既舊且亂的陳設佈置, 亦令人混身不自在. 然而, 當碳爐點著, 新鮮食材逐碟奉上, 所有注意力便會被眼前的美食吸引, 渾然忘我.所有食材也很新鮮. 我們試了芒果大蜆, 竹蝦, 帶子, 鱔片等用作碳燒. 火鍋方面選了蕃茄薯仔湯低, 十分香濃好喝.每人只需約一百五十元, 超值.我的blog 有更多照片:http://resolsax.mysinablog.com/index.php?op=ViewArticle&articleId=911390

第一次去個時見到個環境可能真係唔係好想食....但當一飲個蕃茄湯底就知自己冇黎錯...d 野食都好新鮮一定要叫個蕃茄湯底....最得意係有得炭爐燒野食食過兩次...價錢都唔同第一次150左右, 第二次去就貴咗d大約250左右

Only the diehard supporter can find this place - it's located in a dark, slippery alley in To Kwa Wan and you have to watch your steps on your way to the restaurant. Food is good and the soup base is great too; it's stuffed with Chinese medicinal ingredients and apparently not loaded with MSG. The proprietor should seriously consider giving the restaurant a major facelift, as late-comers can only set in the alley and eat along with the cats that roam the place.

話說這晚觀星不成，忽然想到openrice 有點名推介過這間火鍋店，於是我們一行五人由大埔直出土瓜灣，一試其虛實。在落山道找了一條不太起眼的小巷後，在濕滑狹窄的環境的另一端卻擠滿了人，沒有訂位的我們剛好找到了最後的一張檯，於是就坐點菜。看著阿姐幫我們起了一個炭爐，加一個瓦煲，很有風味的組合。當中的薄切本地牛肉十分好吃，入口有牛肉的真味，而且十分嫩滑，強烈推介！其他如，美國肥牛片，墨魚丸，魚麵等都不俗；另外難得有雲南出產的風花雪月啤酒，味道香，酒味淡，易入口，另類風味！我們沒有要網燒，不過看到隔鄰一大班人要了兩個爐，一邊打邊爐一邊燒烤，吃得不亦樂乎。下次一定要試！除了環境差了一點兒之外，價錢不太貴，其他方面也很好；想試一試特色打邊爐的朋友不妨一嘗這個巷內舖的風味。