鴻興BBQ

营业中

休息中

星期日唔使訂坐都有位，21：00到達，得我同老公2人包場真舒服～地方乾淨清潔，爐與爐之間有足夠空間，唔會好迫～食物種類同口味少，但全部新鮮好食～老闆有禮好好人～食物有芝士腸，廚師腸，紅腸，黑椒牛丸，龍蝦丸，花姿丸，獅子狗魚蛋，魚腐，青椒，牛扒，雞扒，豬扒，雞腎，豬頸肉，雞翼，金沙骨，粟米，蕃薯，方包，全部都係新鮮靚料～包一罐飲品，一枝水～自家制蒜容牛油一流～$110一位，每4位要$30開爐費～

昨晚同好友即興想BBQ,不作他想都係嚟鴻興紅番區燒烤場,由屯門市中心坐的士嚟唔使$30 入場費$98/位包1枝水一罐滊水任燒5小時,食物看似選擇不多實情是老闆娘貴精不貴多,因為肉類是老闆娘自家醃製的,味道啱啱好唔會太咸亦無人造色表,真係食得放心而且食物分類乾淨企理 推介 ~ 金沙骨、雞翼、紅腸、魷魚 必食推介 ~ 老闆娘自家製ga蒜茸醬,搽咗嚟整蒜茸麵包真係一流 ( 值得再讚ga係食物新鮮好味之外,地方亦乾淨服務都好好

今日天氣極度良好藍天白雲又唔太熱同焗,於是同好友一家去了舊咖啡灣游水,忘了買沙灘席走了去附近士多買,然後便走到這間BBQ店了,這店地方很大又乾淨,燒烤食物全放在雪櫃內,給我們的感覺是ga衛生又乾淨,問了價錢店內的後生仔話今日假期$88,我同友人都認為價錢合理,游完水便到這裡BBQ了 店內後生仔做事極爽快又認真,值得一讚 老闆娘亦勁友善,傾談吓老闆娘有問我們食物質素如何,我同友人異口同聲話好好味,老闆娘就好開心同我哋講,佢話佢頂咗手無幾耐,而店內ga燒烤食品也是佢本人親手醃裝ga,連蒜茸包醬都係自家製,今時今日仲有呢個心真係難得,無怪乎我同友人都覺得食物唔會得個咸字啦 咁ga價錢有咁ga服務同食物質素,我同友人一致認為值得再嚟

沿著青山公路有不少燒烤場, 今次與同事駡車一心到這一帶找燒烤場, 結果在入境處對面有個露天停車場, 我們便泊車試試這範圍的其中一間燒烤場, 看見沿路走入右手邊有兩間燒烤場, 反正兩間都從沒光顧, 便隨便進入了鴻興了我們燒烤爐的位置不錯, 接近這裡的士多(即食物及飲品供應處), 又有電視在不遠之處, 不錯.. 爐與爐之間距離適中, 不錯.. 食物及飲品方面, 這裡不是像很多燒烤場般的自助形式, 職員首先端來幾個膠器皿的食物, 各式各樣都有, 燒烤的食品無一不決, 味道醃製入味, 份量不多不少, 食完了可以再點, 他們又會立即端來, 這比其他燒烤場的食物全部被任夾較為新鮮及清潔, 我們還於到來前在三聖邨海鮮檔買了海鮮, 這裡不但不干預我們自攜食物, 還應我們要求給我們鉗,洗海鮮的膠兜, 及鐵網, 非常合作有禮呢!總括這次大家都很滿意, 有機會都會再光顧