鴻運燒烤煌

营业中

休息中

今日約了一班朋友去大尾篤BBQ，雖然有落雨，但這裏有鐵皮頂遮蔽，所以落雨都不怕整濕，而且門口有泊車位，渣車去都好方便。除了BBQ外，還有兒童遊樂設備，場地都幾大，適合一家大細放電好地方。另外還有VIP房，可自成一角，人多又唔想比人騷擾就啱哂啦!食物方面都比較大路，丸類、腸仔、豬牛雞等等，肉類醃得好入味但又不會過咸，而且每種肉都有2-3款不同味道，亦有辣有唔辣，啱哂大眾口味。除了燒烤叉，亦有燒烤網，適合懶人BBQ。魷魚真係好爽脆，食了幾轉，金沙骨及扒都好腍，完全無加鬆肉粉。飲品只包一罐，另可現場購買，百幾蚊可以玩整日，性價比高。

夏天是玩水加燒烤嘅好季節，鴻運燒烤煌兩樣都有齊，場內可租借水上活動物品，如單或雙人獨木舟，直立版等，收費亦相當公道（新張期內還有半價優惠），玩完鹹水當然想沖下身，淡水沖身和更衣室都係免費的。情侶打卡放閃當然唔小得，燒烤場有唔少影靚相嘅擺設，一定影到靚相。如帶小朋友的話，燒烤場內有好多小朋友嘅玩樂設施，例如充氣彈床，單車，滑板車，千秋，各式各樣，免費提供，完全滿足精力充沛嘅小朋友。而食物方種類繁多，豬，牛，雞，魷魚，多春魚應有盡有，本人覺得最好食莫過於雞扒，肉汁豐富而且滑溜，而牛扒肉質柔軟唔多筋，豬扒口感豐富，魷魚鮮味絕佳，多春魚不過不失啦，還有各種丸類，如牛丸，龍蝦丸，燒賣，魚蛋，豆卜等等重點一提場內飲品係任飲，喺炎炎夏日尤其重要

餐廳位於大埔，位於大尾篤的附近，還算方便，附近有不同的餐廳選擇，而我這天挑選這家的原因，全因為他適合一家大細前往，價錢合理，性價比不錯，但我最欣賞還是他的食物。barbecue 一般來說也是用燒烤叉的，這裏可以使用40元來購買燒烤網，令整個燒烤過程更加順利。食物方面，選擇眾多，當中我最欣賞的就是他的牛扒，肉味十足，最重要入口鬆軟。另外，丸類方面，也不錯，選擇也有很多，牛丸更是我的最愛，爽口彈牙。場地內也有很多適合小朋友玩樂的設施，在家人陪同下，絕對適合。

疫情下只可以 困在家中🤓難得出外去呼吸新鮮空氣🤩約一大班好耐冇見既朋友 燒野食 見下面😍真係好開心 地方真係好大 🤩小朋友放電一流 真係玩足一日 🥳隔離就係海邊😍有多款食物🍖🥩🥒🌽有漢堡扒、豬扒都有幾款味道、雞翼、咖喱魷魚夠入味爽滑、燴番薯好香甜😋😋最正就係有厚多士 用蜜糖燒真係好滋味😍仲有孔雀、龜🐢可以帶小朋友去睇😍又有影相靚靚打卡位🤩🤩小朋友玩左一陣 已經要約定我下次再去😂😂放鬆放電好去處👍

上網見到大埔有間新嘅燒烤場，除咗可以一大班聚一聚BBQ ， 小朋友仲有好多放電嘅地方～～～費用只係$百幾蚊！交通方便，可由大埔墟火車站乘巴士小巴仲有免費泊車🚗🍽燒烤場有50000 呎，分多個區域，仲可以望住個靚海，地方非常整潔，空氣流通。👧🏻🧒🏻小朋友遊樂區，有跳彈床、小型攀爬架，充氣波波、障礙位、鞦韆、仲有充氣滑梯🛝等。 另外亦設有夾公仔🧸機、籃球🏀機、電子琴🎹，好多野玩場內亦養咗孔雀🦚同大龜🐢燒烤場有專人開爐，提供好多款肉類、魷魚、多春魚、厚麵包等，有唔同嘅調味，全部都入味又好食😋

一步步解禁，夏天終於可以同陽光☀️玩遊戲，但係沙灘周圍都係人，迫到爆💥朋友介紹呢間新開嘅燒烤場，假日$200 都唔駛，就有5️⃣小時任食任玩🥳🥳 個場勁大，仲喺海邊，一邊燒嘢食🍢 一邊吹住海風😌開爐🔥～～有多款扒類🥩🍖、漢堡扒、海鮮、丸類🍡等等，淨係豬扒都有4 款調味，醃得好入味，又唔會太鹹。 尤其鍾意💕咖喱魷魚夠爽滑、豬扒鬆軟、雞腎爽脆🥰 另外仲有燒厚多士🍞同埋可以煨蕃薯🍠食😋入面仲有好多打卡位📸，又有繩網、鞦韆、彈床、遊戲機等，旁邊有水上活動🌊🚣🏻‍♀️🏄🏻‍♂️可以租獨木舟、直立板玩🤩。真係可以玩足一日❗️

疫情下小聚左，一放寛就要約下一班人去玩下！BBQ就最好！大人小朋友都合適！價錢合理，入場包一支飲品！入到黎小朋友自動波去尋開心！😂食物種類也夠多,有雞翼,牛扒,豬扒,魷魚,多春魚,雞腎,金沙骨，雞扒另外有芝士腸，燒賣，腸仔，漢堡扒，芝士丸，牛丸，雞軟骨串另外調味有孜然粉，椒鹽粉，豉油，蜜糖可以加錢購買牛油,蒜蓉麵包係提供厚麵包，可以自制厚多士😂飲品方面也有很多選擇喜歡的可以買啤酒！一路不停燒，大人可以舒服地傾下計，燒下野食，小朋友玩到肚餓又回來食野！當天有成30度，但場內有多個風扇，不會太熱！另外場內亦有提供水上活動,例如獨木舟和直立版,但要預早預約！

一班舊同學週未相約到大埔汀角路燒烤，選了個新燒烤埸[ 鴻運燒烤煌 ]地方整潔，交通方便，我們自己駕車到達門前可免費泊車。營業時間： 早上10時 至晚上10時五小時享用燒烤放題，食物，餐具及燒烤用品一應俱備，輕輕鬆鬆地就可以在這優美環境下享受燒烤之樂了！地方開揚整潔！很舒服！食物款式多選擇，有我的至愛～蕃薯！食物區的食物自由選擇，乾淨衛生。適合大人小朋友的玩意……場內花了不少心思佈置及提供多項遊戲設施。面對籃天白雲和 蔚藍海景再加上心型花環下拍下不少美麗照片。很滿意的燒烤埸地與同學們在這裡輕鬆愉快地渡過了五小時的燒烤之樂！

抗疫都要出外抖吓氣， 最好不過約埋一班好朋友去燒烤場歡聚暢食。這間燒烤場剛開張不久，環境優美，地方非常闊落， 活動空間充足！這裏不單單是燒烤場，還有其他設施，兒童遊樂區，包房區及靚靚打咭位， 真是可以滿足不同人士嘅需要。這裏是燒烤放題, 食物擺放乾淨企理 , 選擇豐富， 除了有一般的雞扒，牛扒及豬扒， 金沙骨及雞中翼，各式香腸，各式肉丸及番薯之外，較特別的有漢堡扒及麵筋。 入場費包含一枝樽裝水及一罐汽水或飲品 , 及所有燒烤用品。可以自備紅酒白酒入場包房區自成一角，並設有麻雀耍樂，至啱搞party！員工服務態度親切專業，不一會已經為我們起好爐了。 肉類以牛扒及雞扒最為出色， 肉質鮮嫩， 芳香入味，惹味非常！個人至愛雞中翼及金沙骨，充滿獨特的炭燒香氣，肉香四溢，皮香肉嫩，食不停口！這日假期每位消費也只是$180元， 任燒5小時，長者小童同價，除了好友共聚，也很適合一家大小聚天倫之樂！

疫情下很久沒有一家大小到郊外活動了！ 這天朋友相約兩個家庭一行九人到大埔汀角路"鴻運燒烤煌"進行BBQ活動。 這個場四月剛新開張佔地50000尺，地方非常寬倘設施多元化~坐位有露天的也有半露天，可容納千多2000人，適合各大小型公司，學校，團體歡聚。還有小動物，小魚池……波波池，滑梯，夾公仔，機動遊戲和水上活動……等等。五小時BBQ放題收費~開放時間: 10:00~22:00星期一至 四 成人 $ 160/位 小童/長者 $ 100/位星期五，六，日及公衆假期成人 $ 180/位 小童及長者 $110開爐 $ 50 配炭一包 蜜糖一樽食物不時會更新……燒烤用品齊備。提供的食物調味不錯，種類多選擇，擺放整潔衞生！環境優美！吸引了不少男女老少打卡拍照留念。歡樂時光過得特別快！兩家人開心的渡過了五小時！環境舒服，是個很不錯的休閒娛樂場地！

可以8人食飯，緊係要去户外燒下野食、比小朋友玩下。唔想煩，又唔想去街市買野，就緊係去燒烤場啦！今次揀左鴻運燒烤煌，朋友之前都贊過，大人細路都好啱玩！大人入場費180，小童100,包一支水/一罐飲品，收費合理！個場好大，容納到過千人。小朋友專區，動靜佳宜，可以跳下彈床，籃球， 又有得彈琴， 有滑板車有單車，最重要係免費任玩！有個大空地，有公園比小朋友跑，玩，爬！至於食物方面，種類都有好多，雞亦都好大隻！咖喱魷魚好厚肉入味！罐裝飲品都係$10，抵飲！路口亦有啤酒賣！場好大， 小朋友多嘢玩， 食物味道亦不錯👍，會再黎。門口仲有大大個停車場，交通方便！

早前踩單去龍尾灘經過大埔汀角路，發現開了一間「鴻運BBQ燒烤煌」於是今日和幾個朋友就來試試。 燒烤場地方都很大，劃分了燒烤區和遊戲區，仲有一大片绿油油的草地及無敵大海景，感覺非常舒服😌。遊戲設施亦有很多，設計上還很特別，由輪胎造成的鞦韆、索橋、滑滑梯，還有充氣大球和彈床，這些設施當然是最受小朋友歡迎的，另外仲有夾公仔機都好受歡迎。 差點忘記有一隻很大的模型大象🐘找來拍照📷，也是很好的拍卡位。 食物方面有齊基本燒烤的食品，例如：豬扒、牛扒、雞翼、金沙骨、咖喱魷魚🦑和丸類，各類食物調味不錯，無需額外加任何調味粉，廚師👨‍🍳調味適中。 最後值得一讚是燒烤場的工作人員服務態度良好，而且戶外地方和洗手間位置都非常乾淨👍

相約班知己老友聚會，最開心就係去交外BBQ（燒烤），朋友推薦去大埔丁角路新開的一間BBQ場+海景+靚景打卡位.. “鴻運燒烤煌”門口有停車場，就算係公共交通工具尚算方便，場內地方四正, 設施齊備，大人細路都能找到各自喜愛空間! 食物方面，埸內提供各款自助燒烤食品區、調味料、蜜糖..食物醃料更是用心之作, 個人單單是蒜蓉猪排, 已經食了四大塊, 肉鬆富有水份，沒有雪味，其餘當然不少得金沙骨、雞中翼、牛排, 還有一些燒烤場罕見食材 (面根、漢堡扒、火腿等等…), 面根經我細心燒烤後, 外脆內軟, 感覺超正. 四處有浪漫打卡位, 有星星月亮但無太陽! 晚上亮燈後應該更好效果.笑飽飽、食飽飽、影飽飽下次見啦

放假約埋幾個好友一齊BBQ，大家都帶埋小朋友，當然要找一個可以親子同樂嘅地方啦！今日我哋就相約喺大埔墟集合，然後乘坐20c小巴，最步行2分鐘就到呢個位於大埔汀角路嘅「鴻運BBQ燒烤煌」！ 這裏地方非常廣闊整潔👍🏻，站在燒烤場內一眼望去四週都是綠色的植物🌲，而且重有海景，環境的確優美！場內擺設咗一隻好大嘅模型大象🐘當你拍照📷後一看，還以為置身於泰國旅遊😅😅！另外亦設有👶兒童遊戲區，提供很好的娛樂設施讓幼兒玩樂，例如：以輪胎做成的鞦韆和棚架，還有充氣滑梯、跳彈床、充氣大波球、籃球機和夾公仔機等．．這些設施不僅對孩子們吸引，就連大人也覺得非常有趣好玩，孩子們經常在遊戲區中穿梭來穿梭去，真的玩得不亦樂乎！ 燒烤場提供的各種肉類，肉質軟淋，脂肪不多，調味剛好，加上蜜糖燒起來，特別甜香好吃😋！咖喱魷魚🦑個人覺得非常入味好食😋，另外它的雞腎也醃得不錯，而且廚師刀工一流，切得薄薄一片容易熟。整體食品不錯👍！

今年受疫情影響，大家都唔夠膽去街。但係都要搵個地方團聚一下，唯有揀啲空曠，開揚，私隱度高嘅地方。今次去了全新既燒烤場鴻運燒烤煌！可以喺大埔墟坐小巴入去，幾個字就到，呢度仲有個超大停車場，揸車搭車都一樣咁方便。除咗燒嘢食外，仲有籃球機，跳彈床，充氣床，免費任玩，小朋友啱晒放電，俾少少錢仲可以玩夾公仔機！任飲任食5小時，每位$180， 小童100。價格相宜食物都多種類， 雞翼，台灣腸，牛扒，豬扒，各式丸類，咖喱魷魚🦑等等，應有盡有！醬料仲係免費既，落下味椒鹽，孜然粉夠晒惹味。氣氛浪漫現場仲會播放音樂， 一大班人燒下嘢食，小朋友跑下跳下，好快就過咗一晚！呢度仲有兩隻好靚嘅孔雀，一隻好大嘅龜，真係非常罕有！