鶴亀 (已結業)

是日晚餐:-柚子炙燒三文魚沾麵-鹽味雞湯拉麵行過幾次都見到好多人排隊...少人D都排左十五分鐘-柚子炙燒三文魚沾麵沾麵醬完全唔係醬!只係一碗湯, 湯汁完全掛唔到麵!柚子汁有D似柚子蜜開水煮成汁咁...麵太多, 汁算少; 麵餅一舊舊,有D痴住, 好難夾起沾汁, 不過係酸酸甜甜既三文魚扒煎得好香, 魚皮脆, 魚肉唔易散, 點柚子汁比麵更夾-鹽味雞湯拉麵有比較下, 雞湯拉麵更出色!雞湯味唔濃, 咸味濃D; 叉燒應該係雞肉叉燒, 易咬!薑蔥油同湯好夾!麵底浸湯, 無沾麵底夾唔起的問題, 所以更加食得出彈牙!總結: 柚子沾麵醬真係唔得!可以話做得好差...其餘食物都叫合理!

想食拉麵唔一定要去過江龍舖頭嘅有時親民嘅橫街小店可能都唔錯咖🤓有拉麵有沾麵 各款日日新鮮熬製嘅湯㡳任你揀重點！！！ 小店告急喇告急喇 要食快啲去食喇😖.🍴櫻花蝦拉麵 HKD $ 93舖頭用咗幼身拉麵 麵質軟硬度適中香濃蝦味嘅湯㡳 面頭仲舖滿咗一大堆脆卜卜嘅櫻花蝦 真係唔打得都睇得 包保你啖啖都有櫻花蝦hee 一啖接一啖叫人點停口喎😫配料方面有3大片薄切叉燒 塊塊有適量嘅油脂加燶邊 絕對唔會嚡sapsap攝牙罅😛而溏心蛋亦有小流心效果 滑嘟嘟 配埋個蝦湯一啖啜人口 jeng ah😻ps.可自行選擇麵嘅軟硬度及配料.推薦度：9/10

兩個人去食合共消費$210。我哋都係叫咗特濃豚骨沾麵，另外叫咗一個替玉，麵質冇咩特別，個湯底如果以沾麵嚟講實在有D淡，但如果你個標準係當佢拉麵湯底就好好味。成個麵最好味嘅地方係豚肉，雖然只有少少三塊，而且都幾薄，但真係好特別， 好少係拉麵舖食到呢個質素嘅豚肉，肥瘦均勻而且似係烤過。不得不提呢間野個服務態度認真好， 雖然店面侍應得一個，而且都坐滿人，但亦都會時常幫我地斟水。座位亦算闊。推介大家如果去食，可以試下拉麵，因為沾麵真係一般。

·性價比高嘅沾麵💛鍾意食沾麵嘅巴絲打一定要試下呢間嘅特濃豚骨沾麵！好好食啊啊啊！櫻花蝦沾麵相比之下就比較遜色～去個日咁啱撞正佢地將營業額捐比612🥺·特濃豚骨沾麵 $90櫻花蝦沾麵 $93———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍鶴亀（尖沙咀）尖沙咀漢口道19-21號漢宜大廈地下L號舖💛罷市、店內張貼文宣、支援手足、捐款@———#ewhk尖沙咀 #ewhk黃店 #ewhk日本菜 #黃色經濟圈

五一黃金周後，撐黃行動繼續。今次來到早前告急的拉麵店。位於尖沙咀漢口道，即酒吧林立的亞士厘道隔離街的鶴亀。 人不算多。我們二人到達時剛好有位，不用等。 拉麵店標榜每日新鮮熬湯，不加咪精。 小店之前參與了星火同行星期一，把當天的營業額捐出。 order紙簡單易理解，想睇相先的話可看餐牌。 牆上也有不同食品的poster 除了拉麵，還有沾麵，款式不少。 同時備有不同小食 叫碗麵＋$35就可享日式煎餃子/章魚小丸子配汽水。 章魚小丸子 跟餐＋$35的章魚小丸子有4粒，外層脆口，可以2人share。 櫻花蝦拉麵 $93櫻花蝦滿滿，超足料，自家製叉燒偏軟腍。 味付玉子夠溏心。 拉麵軟硬剛好，還算彈牙。豬骨湯底夠濃厚，加上櫻花蝦更香甜。 櫻花蝦沾麵 $93沾麵用料也很足，但麵底較軟，不夠彈牙。 個人覺得拉麵好吃點。

今日6點半左右就到尖沙咀嘅呢間拉麵店。拉麵店有提供消毒酒精同密實袋比客人👍🏻食物方面，我地嗌左鹽味雞湯拉麵同帆立貝蝦拉麵。雞湯拉麵湯底略嫌淡左啲，唔係好食得出雞嘅味，另一款就正正常常啦。但個人覺得麵條偏幼，口感差左啲，份量都係偏少，但整體味道上都唔錯嘅

尖沙咀黃店林立，這次試試鶴龜！小店人情味濃，有提供密實袋放口罩，亦有消毒酒精搓手😚海老帆立貝沾麵海老大蝦啖啖肉，帆立貝亦鮮味。以喜歡吃沾麵的我而言，希望沾麵湯能稠一點呢，感覺掛唔到湯。黑松露慢煮安格斯牛沾麵黑松露湯味道濃郁，慢煮牛口感佳，牛肉好嫩唔會un~始終係小店，座位會比較迫。今次選擇坐bra枱，可以望住師傅煮嘢食🤣另外見到舖頭入邊貼嘅告示，poster等等，都睇得出係一間好有心嘅小店，下次經開尖沙咀會再去支持🥰

一直以來都久仰大名今次終於有機會嚟到尖沙咀試呢間沾麵黃店，先說結論，沾麵來講其實都食過唔少，今次係最令人失望嘅一次。首先講門面，感覺上係普普通通嘅日式設計，但唔會有好多拉麵店故意營造嗰種逼夾、坐吧枱嘅感覺。服務都算幾好，會不斷幫你添水，店員亦都親切。而選擇都不過不失，還好啦。終於講到食物：第一、個麵相對而言比較幼身，而且係圓條拉麵，比較難去掛住個湯汁，加上佢個湯汁本身已經比較稀，所以基本上一定要有匙羹嘅輔助先可以完整咁品嚐到湯汁加麵條嗰種感覺。第二、個湯汁明顯唔係經過熬製而成，有味精味，飲完會有口渴嘅感覺，（which解釋到點解經常幫你添水）。第三、配菜都係合格邊緣，溏心蛋唔夠溏心、竹筍唔係爽口而喺有一種林林地嘅感覺，臀肉比較柴，而且好薄。令到我哋出餐廳門口嘅時候見到有人排隊，都覺得好驚訝我只係試過一次，所以只能夠成為一家之言，希望依間店可以一直進步，吸引我第二次惠顧。

與友人試左2款不同口味，帆立貝 & 慢煮安格斯牛沾面。tried two different tsukemen with my friend: scallop and slow-cook angus beef.味道唔差的，麵條口感都良好，係個湯底不夠濃郁，而且凍得好快。 塊牛係值得一讚👍🏻the taste is not bad and the texture of noodles is quite well. however, the soup gets cold easily and it is not thick enough. The beef is worth trying.午市送餃子，味道不過不失吧...要吃沾麵 尖沙咀還有其他更好選擇free gaozhi for customer during lunch hour. the taste is mediocre...there are better choices for tsukemen in tsimshatsui.

💛 #黃色經濟圈 ⚠️告急黃店⚠️出開尖沙咀整野順便掃埋黃店打開apps就揀左呢間4月尾嗰陣顯示告急嘅黃店(唔肯定而家係唔係🤔)😋嗰日星期日大概7-8點都需要等一陣可能係假期關係❤️🍴辛辣豚骨沾麵($93)今次叫左中辣冇想像中咁辣~有丁丁咁多麻嘅感覺好香濃~兩個麵黎講我比較推薦呢款沾麵😋湯底更惹味之餘麵質都係我比較鍾意❤️叉燒都幾好食😋🍴櫻花蝦拉麵($108/加麵底)拉麵嘅麵質軟少少相對地都幼啲~😉湯底如果再濃郁啲就正😋🍴日式煎餃子($32)比預期中好食~因為用光波爐整嘅關係成隻都好脆~😋但入面嘅菜肉餡都仲好juicy唔會乾❤️餐廳坐位唔多所以可能都都要排一陣隊~😋枱面仲有幾款文宣貼紙都幾靚可以拎一兩張去貼下💛📍 鶴亀 (尖沙咀)尖沙咀漢口道19-21號漢宜大廈地下L號舖

I been craving for tsukemen for a long time and I found this place! It’s a small shop with a few tables, it’s kinda packed but it’s totally fine just for the food and leave! Not recommended to sit there for long and chit chat. For lunch, there will be 2 gyozas that comes along with each order, that’s a sweet move! The gyoza was pretty decent, small sized yet yummy.Tsukemen with Sakura shrimp broth— I haven’t never tried sakura shrimp broth! The shrimp added umami taste to the broth and dipping w

我其實一直都唔太喜歡食拉麵或者沾麵，成日都覺得太濃或者太喊，食過好多大牌子，但係都唔覺得好味。今日，終於比我搵到啦，呢個沾麵係我食過最好味！！我飲哂成個湯底，暫時又唔覺得口乾，所以應該無味精吧！只係我同朋友兩個人坐六座位，但中間無隔板，隔離個人係咁講野，我好怕佢d口水噴晒過黎，所以拿拿聲食完就戴返口罩啦！唔能夠慢慢享受！不過用餐時間其實都只係得40分鐘，所以都唔可以作為傾計既地方。

平日中午12點尼到入座都仲有好多位用餐時間40分鐘 拿拿林落單 驚食唔切 不過佢上菜都快 絕對夠時間食落完單佢就送上一碟2件餃子 原來3點前就會送餃子煎得夠脆皮 唔會好硬👍🏻辛辣豚骨沾麵 $93唔知佢會有幾辣 我就揀左中辛結果唔算辣 下次可以試激辛沾麵湯睇落唔係好杰 但掛湯能力都高流心蛋都ok 連埋辣湯食唔錯3塊叉燒有燒過表面 食落幾香 不過比較薄身幾中意佢隻麵唔係好粗 份量對女仔岩岩好 男仔可能要加底埋單$84 原來lunch仲有9折 抵丫～

疫情期間經常留喺屋企，勁耐冇食過沾麵🥺所以難得出一出街就好想食沾麵了🤤要食緊係食黃店💛💛💛💛店內痴滿文宣貼紙💛—————————————————————📍海老帆立貝沾麵湯底係櫻花蝦加啲椰菜雖然麻麻哋櫻花蝦，但湯底都幾濃，接受到👅海老同帆立貝反而好有驚喜🤤應該係經過低溫烹調，令到粒帆立貝好嫩滑有口感同保持到鮮味！海老就十分之彈牙新鮮！由於疫情期間，枱與枱之間要隔1.5米本身間舖頭都唔算好大，變相生意艱難了大家得閒可以大力支持下💛💛💛💛💛————————————————————總括而言，係一間幾不錯嘅沾麵！仲要夥計態度好好！好友善仲送咗客餃子嚟🥺💛

最近拉麵癮起，又去咗食拉麵，今次去尖沙咀。我哋11點幾去到，做第一枱客。因為天氣太熱，我哋最後叫左沾麵。我叫左海老帆立貝沾麵（$158）。個沾麵湯味道唔錯，但重點係隻大蝦，蝦肉好爽口，又大隻又好味。帆立貝其實都好味，但同隻大蝦比就比下去了。帆立貝上面加左啲香料，好惹味。朋友叫左櫻花蝦沾麵（$93），可以見到個沾麵湯上面會都係櫻花蝦，無欺場。兩個沾麵都有三片叉燒，通常其他餐廳食都係得兩片。我哋之前睇介紹，所以叫左個章魚燒，即叫即燒一定好味，連汽水加$35。我哋食完之後就開始多人。