影片
营业时间
今日营业
10:00 - 21:00
星期一至日
10:00 - 21:00
以上资料只供参考，请与餐厅确认详情
2024年7月17新翠邨有擺雞仔餅大王，個女員工唔正面回答今次會擺到幾時，言語中帶責備客人，態度相當惡劣，反客人白眼，對這間老字牌店鋪的員工質素相當失望，希望個老闆好好教育下這種質素差的員工，以後不會再買。
继续阅读
搬走咗幾年，返嚟探屋企人，每次返嚟都會買，但因為收九點，有時食完飯先買就收咗。最近呢幾次去，有個姐姐好好笑容，桂花糕好好食，絕對唔會好甜，大人小朋友都啱食，有好多隻味揀，非常推薦，多次回購。但以前成日食的南瓜糕就冇咗，唔知會唔會有機會出現返呢？
继续阅读
裕民坊日日行、依間野我每個禮拜都買。新年前行過諗住買一埋零食..點知阿姐見有人龍排緊隊，都冇理，俾打尖嘅人買先，其他人有鼓譟，但我哋最尾選擇走人。今時今日咁嘅服務態度真係不要得。其實同類型小店裕民坊仲有選擇，（八千x) 大家可以試吓，D話梅同牛肉乾勁好食，同埋種類好好好多，員工有禮貌，（起碼正常先）又時時有贈品。見到之前有人留言，我其實之前都見過個阿姐指住D客鬧人，公道D講句，我相信係事實。店主自己唔檢討，仲搵打手回覆真過分。不過你唔駛覆我，我唔睇㗎。唔會浪費時間。😃😃
继续阅读
今日行過東涌逸東村商場，見到雞仔餅大王擺檔。買左芝麻卷，糯米糍，香蕉糕各一盒。由細到大都鍾意食芝麻卷，而家好少見，所以買黎試下，d皮勁厚。糯米糍都係好厚皮，嗰面仲好多粉，餡少，花生味道尚可，不會過甜。它有花生芝麻2款味道，但是2款是混在一起的，不可以分開買，要食到先知。香蕉糕尚可，個人覺得和糯米糍的皮差不多口感，但有香蕉糕味。其實雞仔餅大王經常擺檔，但我通常一至二年先買一次，果然還是這樣！
继续阅读
相信大家行街都會經過有一間叫雞仔餅大王嘅舖頭，話明係雞仔餅，所以呢一度最出名嘅都係雞仔餅，佢有幾隻味，我之前都有試過，係好有油香味，唔錯，今日就介紹吓佢嘅其他嘢食，所以我哋今次就買咗桂花糕同埋茶果👍🏻👍🏻桂花糕方面我哋買咗有玫瑰桂花糕，香橙桂花糕，西柚桂花糕同埋椰汁糕，佢全部嘅糕都係比較淡，不過可能食嘅時候會有隱約嘅花香味，質感都唔錯，好似啫喱咁，咁嘅價錢都算可以，雖然入邊啲餡料少咗啲😌至於茶果方面我就揀左雞屎滕同艾草紅豆餅，佢嗰個艾茶果真係幾好食，煙煙韌韌，同埋入面嘅餡料都幾多，紅豆蓉都好正好入味，不過個雞屎滕就有啲美中不足，一食落去個感覺就好硬好實，就好似放咗好耐咁，但佢個味係冇嘢嘅，入邊啲餡料都唔算多，又唔係好香，好似好厚粉咁😩總括嚟講$15/4件嘅茶果黎計味道算係咁，不過比起有啲婆婆喺街邊擺檔嘅茶果黎計就差好遠，唸起都想再試下🤤
继续阅读
您可能会有兴趣的...