雞翼陳

营业中

休息中

呢間食店主要賣啲大排檔小炒，網上面資料唔多，所以主要係做本地居民生意，見到唔少居民都會叫外賣，老闆話本來主要係做晚市，但疫情關係先做埋午市。叫咗三個餸，每碟份量都幾足。招牌炸大腸拼雞翼必食，非常惹味。坪洲炒飯比較濕但味道都唔錯。唯一比較不足就係無冷氣，夏天可能比較熱同多蚊，但老闆娘都好好，主動俾支蚊怕水我哋。整體嚟講食物味道唔錯，價錢公道，值得幫襯，如果入去坪洲都可以試吓呢間小店，希望能保持水準。

週末到離島走一走，選擇了去坪洲，坪洲基本是一個民居離島，沒有太多娛樂設施和餐廳，走到這間有小炒的茶記，原本是看到他的炒蜆很滋味，下午茶食炒蜆飲支啤酒，涼涼的風吹過來，應該不錯吧。餐廳應該是家庭運作，其實都唔錯，但是，幫襯的那天，人手不夠，等位置等了差不多20分鐘，等落單和食物等咗差不多30分鐘，最後被告知炒蜆賣晒，是有點失望，後來叫咗個油浸筍殼魚，好食，價錢很合理，餐廳服務友善親民。坪洲是一個平靜的離島，所以感覺這裏的人比較慢活，如果要過嚟食，要預足時間，唔好趕頭趕命趕船。