鳴越越式料理

营业中

休息中

喺餐廳外面見到介紹 慢熬牛骨湯, 好似幾正咁新鮮牛展湯檬嚟到之後, 見到個湯底, 有少少嚇了一驚, 因為湯底顏色比較淺色先飲一啖湯底, 雖然唔係好濃嘅牛味, 但唔會係水味, 味道係清甜, 越食越覺得個湯底唔錯. 而牛展都唔薄, 肉中帶筋, 肉質同筋位都軟淋.如果多啲金不換就好喇, 如果青檸切開一半就好喇, 因為我嘗試用筷子或者匙羹, 都不成功😅

1️⃣越南生牛肉河粉佢個湯味道幾好，唔會好濃同埋好鹹而且都唔會好油啲牛肉都幾多，同埋真係有生牛肉嘅整體嚟講都係正常發揮，唔算太有特別2️⃣保祿雞扒拼大叻豬扒飯啲肉有啲硬，煎到有啲乾身同燶咗同埋個飯都有啲硬同乾味道就偏淡嘅，所以呢個飯感覺一般整體嚟講唔算好特別，無乜驚喜

呢間嘅lunch都幾多中環上環返工嘅人食，而且lunch有成十幾20款嘅選擇，所以過親嚟都要排一陣隊。-今日就叫咗個生牛肉河，牛肉上枱仲係生（有時有啲舖頭食一上枱已經熟晒），湯亦都夠熱，牛肉浸一浸好快變熟。因為都係啱啱熟，所以牛肉唔會太韌，同埋份量都夠。另外湯底冇乜特別，不過起碼唔會好重味精或者過鹹。-之前試過豬頸肉飯，豬頸肉份量都幾多，同埋都算爽口，所以整體嚟講呢間嘅嘢食水準都唔錯，lunch包埋嘢飲都ok

從來都唔會出九龍嘅我，今日為咗見朋友所以去咗中環，一個我非常陌生嘅地方。所以間餐廳係朋友揀嘅，入到間餐廳好闊落，坐低都好舒服。由於係夜晚食，好多人都放咗工，成間餐廳都比較靜，可以慢慢傾吓偈。叫咗一個生牛肉湯粉，味道好唔錯，分量都好大😋😋

服務阿嬸態度惡劣，唔想做！佢攞咗一杯熱奶茶嚟，我有禮貌地同佢講聲，提一下還有一杯熱奶茶，係要多奶淡啲嘅。佢乸住塊面話：「未有呀！」沒有去茶水部跟進，我之後再等另一位阿姐送嘢嚟，我再同呢位阿姐講。點了牛丸生牛肉河，湯不夠熱，所以洋蔥浸唔熟！牛丸無牛味唔彈口只係實唔好食，還說是手打😒追加牛油雞翼，好伏，兩隻雞翼膇都唔熟有血，只有四成熟！因為冷氣凍，食物奶茶都快凍，奶茶普通茶餐廳質素，苦而濃無茶味，難飲！體驗太差，所以即時寫食評😣

其實很久之前就很想試試這間名為「嗚越🇻🇳 越式料理」的餐廳。中午十二點，我和同事沿着中環金融中心天橋，再經過恒生銀行總行，行人天橋再到中環街市的最底層，我們見到對面馬路就是「嗚越」，於是我們便決定一試！店舖外部裝修比較傳統，外面貼滿好多不同菜式的海報，而內部卻有著非常獨特的裝潢，展示了許多舢舨魚艇停泊在小木屋之間的景象一幅大插畫，還有竹籠燈，營造出一種簡樸的氛圍。這裏的侍應姐姐親切，有禮貌又貼心！我哋二人點了兩個午餐套餐，「手撕雞絲拼安南扎肉金邊粉 」，湯底清淡，雞絲美味，只是稍微有些不夠份量，但整體來說，味道唔錯👍🏼$69，連飲品兩杯（我們叫了兩柸熱檸蜜）。「蝦頭膏酸辣扎肉湯金邊粉 」，$68，湯底味道適中，兩隻大蝦讓人滿足，再加上我同事叫了「牛油鷄中翼四件 」，$45，剛剛炸好的雞中翼散發出牛油的香味，非常美味👍🏼，很值得推介嗚越越式料理地址: 中環德輔道中144-148號安泰大廈地庫

向來愛好南洋同埋越式小食嘅我，今次嚟到咗一家餐廳試吓佢哋嘅香煎手打蝦餅同越式牛肉米紙卷。首先講下個蝦餅，真係撻到好口呀🤤！手打嘅蝦肉鮮美得嚟，咬落去實在夠晒彈牙。外層炸得金黄香脆，啱哂配埋個泰式辣醬，酸酸辣辣嘅開胃極了！再嚟講下嗰個越式牛肉米紙卷，真係清新得嚟又唔失飽足感👌。米紙包嗮啲粉絲、菜絲同埋味道豐富嘅牛肉，一咬落去就感受到嗰份煙韌同脆爽共存。加一點點辣汁辣醋，啖啖惹味，令人食指大動。走咗兩道菜，都係咁稱心滿意，這餐食得好開心，兼且健康之餘，仲可以飽足味蕾，正喎！🍤😋🌿

一搵發現原來中上環呢頭有好多越南野，去到都幾多人，等咗5分鐘，不過食食下無啦啦又叫我哋轉枱。蝦頭膏海鮮酸辣湯檬 $68睇落同食落都完全唔覺酸辣，同埋得好少料香茅豬扒拼魚露雞扒飯 $80見呢個餐有晒2款扒好似好抵咁就叫，都幾大份，豬扒幾香又唔鞋，雞扒就一般，冇乜味鳴越火車頭 $79入面有生牛肉、牛坑腩、牛柏葉、牛筋、牛丸個牛肉湯都幾香，生牛肉同牛肉都好濃味海鮮炒金邊粉 $82呢個算係最好食，炒得幾香又夠乾身，可惜嘅又係好少料牛油雞翼 $48唔夠牛油香，同埋唔脆上湯芥蘭 $25比較硬，但都還好

定位是普通越南餐廳。茶餐廳的裝修加上茶餐廳式的座位，不過我不喜歡的是還有一塊不清楚用途的膠板還在，其實我懷疑塊膠板重多細菌過兩旁的客人。食物的選擇不多，但是不算太過越式，多項選擇，更有茶餐廳的感覺。不過價值還算可以，在中環的地段，如此價錢實屬可以。叫左碗牛隆慶火車頭。湯，沒有什麼特別，就是咸味為主，沒有牛骨或豬骨香氣，看來是失望的一餐。加上牛筋和腩片都沒有太令我感到特別。不過奇怪的是，我落入辣椒後，味道突然變香，會不斷食，直至整碗完成。不禁讓我疑惑？ 是奇怪的一碗pho.

🐻位於中環的鳴越，是一家越式餐廳🇻🇳，價位在中環算化算了🐻點了經典的火車頭🚂，有🐮牛丸牛根牛肉和牛百頁，配菜有洋蔥芽菜🧅🐻湯底很清甜，也不會覺得有味精，清新牛骨湯底🐻面條選了檬粉，牛肉不會過老，剛上桌看到淡淡粉紅色，用熱湯浸得剛剛好，整體不錯🐻鳴越越式料理 (中環)中環德輔道中144-148號安泰大廈地庫

鳴越一向係我同同事食lunch嘅list入面，因為佢平得嚟又多選擇，次次都搞到有選擇困難症嘅我揀好耐，係幸福嘅煩惱🫣🍜招牌順化湯檬（$79）湯濛嘅湯底煲得好入味，唔覺唔覺一路食麵，一路飲個湯底，都唔會覺得口渴，無好多咪精嘅感覺☺️而呢個招牌湯濛有海蝦、豬手、扎肉、牛展同埋豆卜，每樣都好高質！值得一提嘅係海蝦，啲肉一啲都唔梅，仲好彈牙添☺️🥩手打牛丸拼生牛肉湯河粉（$67）牛丸同埋牛肉都好鮮味‼️而河粉都煮得啱啱好，唔會太硬或者太淨。不過如果牛肉同牛丸嘅份量可以多番少少就好喇😙

趕住食lunch中環街市又無位就去咗食呢個越南嘢🙈叫咗生牛肉金邊粉湯$62+$12春卷小食。湯底唔太濃牛肉味有啲咸，牛肉普通。春卷正常幾個好食。不過中環嚟講價錢ok🫡

其實一直對呢間餐廳嘅印象都麻麻地，因為疫情之前曾經試過打電話想外賣自取，點知個店員勁串咁話生意好好，唔得閒做外賣，然後就收左我線，所以至此之後都唔想再黎。過左幾年，見到openrice好似幾多「好評」，所以諗住再黎食下比個機會佢。我今次叫左個火車頭，但味道真係好一般，個湯味道唔算好濃，呢個價錢黎講真係唔抵食。雖然中環食野都係貴，但中環都唔只佢一間越南野，而且服務態度又差，所以決心以後都唔會再比機會。

中午一個人食飯呢度就成日都可以有位坐今次食咗呢個木耳鷄絲金邊粉加熱奶茶呢間餐廳啲面有個特色就係望落去份量唔細但係唔知點解食完之後總係覺得爭咁啲跟住下午好快肚餓適合要減肥嘅朋友🫶🏻

今晚係上環上完堂十分肚餓，但係成8點，個頭好多舖無開，就求其入呢間。check下open rice好似唔多伏就坐低。點知上到黎見到個番茄蟹膏湯檬，就好似圖片顏色一樣，鮮紅，好多茄汁，但係完全搵唔到番茄同蟹膏。我完全唔敢飲湯，求其食曬啲檬粉就算，仲要份量偏細…對呢間嘢完全失望，唔會有下次。為左可以使用評分表達我嘅不滿，我要繼續增加字數。我只可以講店員服務態度好好，但是食品質素如此，實在不敢恭維！！！！