影片
以上资料只供参考，请与餐厅确认详情
早幾日得知鴻運冰廳餅店將會會12月25日正式結業。結業前去食返個白汁海鮮飯。包杯熱奶茶總價$78。環境好唔衛生。食物質素差劣。碟白飯有好多飯焦。好難食。杯熱奶茶見到個賣相真係唔開胃。個白汁海鮮足料。有魷魚及大蝦。海鮮食物質素一般。但收成$78。真係唔值。
继续阅读
瞓醒覺出太子巴士有落，起身又未食嘢，知道佢就散水以前經過開附近都無嚟過，入去一試原來想叫蘿油但無貨⋯⋯咁就試吓蛋治熱奶茶下午茶打孖上枱，一啖奶茶入口，茶底都算厚唔「嚡」少滑蛋治塊包幾軟身厚切，蛋唔太熱入口啱啱好最後埋單42大洋⋯⋯不錯伙伴幾nice但唔知佢會唔會好似之前啲老店呢頭唔做嗰頭又嫁不過始終呢啲小店無一間少一間
继续阅读
得知電影《行運一條龍》裡的「行運茶餐廳」原形店將於12月25日結業後，便決定再去光顧一下（之前光顧過數次）！坐下後就有伙記提供清茶，現在很多茶餐廳冰室都沒有提供清茶只提供清水了！點了個常餐，飲品選了熱奶茶，奶茶是茶餐廳/冰室的靈魂，這裡的熱奶茶算是有水準，不錯！「二度」方面本身包是牛油菠蘿包，但那時候菠蘿包售罄改為普通方包，頗為可惜……奄列就不過不失。主食方面我選了叉燒湯意粉，一種中西融合香港料理，湯水少，但味道不錯！另外本來打算吃他們的招牌蛋撻，但那時候已經賣光了，超可惜……以後此店只能回味了……
继续阅读
$42下午茶雞髀餐，連薯條都冇(我已經沒有期望,因餐牌沒有寫)，但可以雞髀size細得這麼可憐，你們自己決定再來不來了，紅磡廣場也不是這麼狼死沒有誠意吧，香港租金。人工，燈油火蠟也再不是藉口。
继续阅读
全香港所餘無幾嘅閣樓茶餐廳，所以想支持下香港本土歷史、文化。去嗰日有啲熱，叫咗個菠蘿油、凍奶茶。杯奶茶係幾好飲嘅。不過個重點係，餐廳真係好體貼！可能驚熱親塊牛油啦（又可能係見天氣熱兼驚熱親我個嘴），喺冇特別要求嘅情況下，畀咗個凍嘅菠蘿油我，係連個包都係凍。間茶餐廳係名氣大嘅，不過除咗名氣之外，唔知仲有啲咩剩返呢？結構同裝修係保留到，不過食物質素方面，由於我係第一次去，所以唔知係咪一直都係保持呢個水平。有啲回憶應該留喺過去，唔一定需要保留。
继续阅读