鴻運車仔麵

营业中

休息中

自己系車仔面擁躉，鐘意去週圍試，今日咁啱經過附近，順便入嚟試下。叫了雞腳，豬紅，豬腸，油面，咖喱汁。湯底偏淡，加了咖喱汁都仲淡，雞腳夠冧但無味，豬紅唔老，但又系淡味，講咗唔好嘅，講下啲好嘅，咖喱汁幾好，夠辣但多D咖喱味仲好，豬腸出色，夠味之餘又唔騷，而且系大腸不是腸尾。服務態度好，入嚟會講隨便坐，埋單收錢都會講多謝，今時今日香港啲餐飲服務環境已經算好難得。總結，如果特登過嚟再食嘅機會就不大，如果下次經過附近，但係惗唔到咩食嘅話，都可以再幫襯。

味道一直keep到既車仔麵。出面真係好少⋯食咁耐都吾會太差環境就一般傢啦，食完就走果d但味道一定吾會令你失望今次食左米線+魷魚+午餐肉+墨魚丸+韮菜餃+沙嗲汁。韮菜餃係自家製的，有得散買、自己去煮麵滾黎食。沙嗲汁係幾好，吾辣，想食吾辣又想濃味d推薦呢個味

呢間去摸過一次門釘，因為佢而家收8:30pm唔係openrice所寫的9:30pm。今次特登準時收工趕去，叫左豬腸，蘿白，雞翼，豬紅，多咖喱汁，米線。加杯凍檸茶同炸韮菜餃。碗麵一黎到即刻心心眼，點解？因為真係俾左好多咖喱汁俾我，我重口味嘅，先加分。咖喱汁少少辣，令到成碗湯底好濃郁，每一啖米線亦都掛滿醬汁。蘿白清甜夠淋無渣，好食。豬腸通常兩隻款，一款係清走晒腸所有的組織得返腸皮，另一款就係相中所示，留返啲組織。圖中做法好多時會令到豬腸食落硬身難𡁻。但呢度唔會，夠晒淋。雞翼唔係滷到柴嗰隻，食落仲係嫩滑亦夠味。豬紅就係爽滑嘅，入晒味。炸韮菜餃就韮菜香差少少，調味偏甜，但餃皮炸得剛好夠酥脆。呢碗算係我食過嘅車仔麵好高分嘅一碗，餸嘅份量亦多。

長沙灣好有人氣車仔麵✨平日六點幾門口已經有街坊等緊外賣，呢個鐘數尚未到達晚市高峰時段，所以唔使等位～同一般嘅車仔麵舖頭一樣，提供張紙仔比你自己圈想食啲乜，上菜需時要等候一陣～米粉+ 豬扒+魷魚+沙嗲汁呢度嘅米粉偏淋，魷魚係玻璃魷魚，所以係完全索唔到湯底嘅味😅豬扒一如既往咁好食，次次食都唔會令人失望，肉質嫩滑，冇落到鬆肉粉所以食到肉係一絲絲咁，而且豬扒嘅份量都唔少，一共切開咗4塊油麵+韭菜餃+炸蝦條+咖喱汁油麵相對米粉就一定唔會有咬口好多，韭菜餃係自家製，皮比較厚亦都幾煙韌，韭菜味好濃郁，調味亦都係偏重口味少少😝炸蝦條份量較少，只係得一條分開咗兩半，味道就正正常常咖喱汁有少少辣，個湯底好惹味檸檬咖啡 第一次飲檸啡～覺得幾特別，清爽得來有點解膩咖啡帶一點微酸，不過可接受豆漿正常發揮（ps: 下午茶時段會送豆漿）見好多街坊叫豬皮，應該好好食，通常多人食就一定冇死，但係由於我自己唔食豬皮嘅關係所以冇叫到～蘿蔔之前食過，好建議大家食，因為真係煮得好鮮甜而且冇渣鴻運車仔麵 (長沙灣)長沙灣永隆街12號地下

因為疫情，鴻運都停咗一段時間（應該都差唔多成個月）呢段時間一到 lunch time就過去望望；有一日，鴻運終於開返啦～ 好多街坊都等佢開門等咗好耐，所以果日等外賣係會耐少少，但無所謂，話曬都成個月無食過，點都等啦第一時間叫返個豬皮，大腸，雞中翼，油麵腩汁，另加罐肥可

叫左個車仔麵，返到屋企左個米粉，得返d餸，跟著我打返電話落去同個阿姐講，佢問我想點，我話可以點，人已經走左，佢話下次計返嘥氣啦下次講返話我呃錢tim呀下次我幫襯第二間啦仲有下次

呢間長沙灣嘅街坊車仔麵店，平時都好受歡迎，因為又平又好食。尤其係佢獨有嘅貢丸片，其他店都未見過有，炸後外皮香口之餘，入邊又有咬口。而白蘿蔔亦都好清甜，冇渣。豬腸亦都洗得好乾淨，入味之餘又爽口。呢幾款餸都係好推薦，係必叫。至於韭菜餃都係新鮮包製，不過外皮略嫌有點厚，如果薄身啲會更好。午餐肉都有兩片大大片，味道正常，不過不失。呢幾款餸都係$9一樣，件數又不少，真係好抵食。而兩個麵底都係叫咗河粉，河粉係幼身嗰隻，可以吸多啲湯汁，好味啲。

店舖系公司附近，成日行過老聞到好香咖哩味。今日食貢丸片蘿白咖哩汁米線，加燒賣同炸餃子碗麵$27，炸餃子$11，燒賣$9，外賣加$1，共$47餃子即叫即炸，燒賣個辣油好香，米線我只叫咖哩汁，貢丸片系炸過，其他店未見過有。值得一試👍🏻👍🏻

荔枝角平價車仔麵推介😍豆腐，沙嗲牛肉小米粉（辣汁）$26每次lunch time 諗唔到食咩，就一定會揀佢，又快又抵食又好味😋有好多餸選擇 ，每次落嚟之前都會諗定，因為真係會選擇困難症以下都係推介👍🏻沙嗲牛肉呢個真係好好食 牛肉醃得好入味，新鮮牛肉配上沙嗲汁 味道好夾 豆腐呢個並唔係普通白豆腐，係滷水豆腐，好入味 配埋洋蔥🧅，平平無奇豆腐都變得更加好味 必食👍🏻蘿蔔，豬扒，牛肚 都係值得推介🤩最後一定要加辣汁，濃湯 我最愛每樣餸份量都係正常，呢個價錢真係超值

<沙嗲汁貢丸片豬腸幼麵🍜>呢度每一道餸或者麵底都係劃一$9，仲可以免費自選湯汁添😎 清湯、牛腩、沙嗲、咖哩任揀😋鴻運獨有既貢丸片‼️ 暫時我未喺其他車仔麵檔🍜見過👀 原來係將貢丸先切片後再炸💥 炸得非常香口👃🏻 脆邊唔韌之餘，仲好有咬口👅 真心驚喜爆燈💡 每次黎都係必選款式🤤豬腸洗得幾乾淨💧 食落幾入味，外皮好腍, 裡面比較肥美, 軟腍之餘亦不失咬口😋沙嗲湯底味道濃郁👍🏻 唔會好涸喉～ 幼麵唔會過腍，麵身索曬沙嗲湯底既味道🤤15:30-18:30下午茶☕️時段仲會有免費豆漿🥛一杯，有少許豆味，中間偏淡，天時暑熱都係幾唔錯既飲品😃👍🏻

鴻運車仔麵我次次黎都會叫咖哩汁燒賣咖哩汁甜甜辣辣超好食行過口痕想食野燒賣係唔錯ge選擇燒賣係咬落好淋個種唔辣就冇咁好食下次有機會實試下佢車仔麵一定都係咁好食掛😂😂

鴻運真係由細食到大，每次都唔會失望😚，價錢唔算貴份量真係勁大碗，男仔嚟講好夠飽！每次都必叫呢到蘿蔔，清甜多汁同冇渣😻，同比左五六舊，貢丸片又係必食，出面坊間都係貢丸，但呢到係自製切片，表面係炸過所以食落會有小小脆身，內𥚃味道似紥肉，好特別😙豬扒好大塊，但幫你切開左所以食落好方便，肉質鬆化，湯底食得辣一定要叫咖哩汁，超級惹味👍🏻，加$6凍檸茶都好足料，有四大片檸檬同茶味好濃！4x蚊絕對抵食🤩，唯一係冷氣唔夠，每次食都好熱🥵

又到lunch 時間，突然好想食車仔麵，行遠少少去食鴻運車仔麵，e間鋪頭一到lunch 時間就會好多學生KOL黎食，想食都要睇岩時間叫左出名豬扒、蘿白、豬腸，豬紅、河粉題外話，鋪頭用既米粉係較粗硬身，所以揀左河粉可以入晒味，好濃好滿足蘿白：大大舊，好抵食，好甜冇渣，一流👍🏻👍🏻豬扒：有揼過有醃過，軟身入味，出色豬紅：有好多粒，粒粒都好爽身，配合埋湯底，車仔麵配料首選豬腸：我最伯唔乾淨，又陣味，但佢處理得好乾淨，食唔好陣腥味，一啖豬腸一啖河粉一啖湯，perfect

呢間車仔麵返工同同事已經食過好多次，不斷encore又encore，大家都俾咗個稱號佢——最宇宙最好食嘅車仔麵。豬扒、豬紅、白蘿蔔咖哩汁米粉點解講到呢間車仔麵咁誇張，因為每次食，都無野可以彈。首先個湯應該係用大地魚煲，而每次小店都會分湯上，可以享受一下湯嘅原味。而咖哩汁就幾辣，而且一啲都唔少，加哂成碗湯都仲好濃味👍🏻豬扒一啲都唔細塊，仲會剪開哂，方便客人食。豬紅好入味，又唔會好似食神入面啲豬紅咁一夾就散，亦都唔會有啲奇怪腥味。蘿蔔有五大舊，每一舊都無渣之餘仲好甜。基本上我每次食都會嗌呢幾款餸，每次都咁出色，保持到水準，另外值得推介嘅仲有湯韭菜餃，一樣咁出色。我保證呢間小店絕對好食過深水埗 _ 記，咁有誠意嘅小店，絕對值得大家試吓👍🏻👍🏻👍🏻

黎間車仔麵由我讀書個時食到依家 甘多年水準都無變過 雖然餐廳環境比較迫 不過真係超好味 超水準 食飯時間都好多人下車仔麵有好多選擇 有8個粉麵 30款餸 4個醬汁豬紅豬皮蘿蔔貢丸片生菜河粉 沙嗲汁(好味指數: 😋😋😋😋😋)甘多年黎 黎個配搭都無改變過 每次黎度必點之選豬紅好入味 蘿蔔好甜 沙嗲汁好鬼正食車仔都當然要揀河粉 豬皮好入味除左車仔麵之後 炸韮菜餃又係必食推介 下午茶時間仲有碗仔翅同生菜魚肉(為最高)整體食物質素: 性價比: 推薦指數: