鵝大哥鵝煲專家 (已結業)

有朋友從外國回來，想試下香港的火鍋，睇網上介紹呢間鵝腸大哥，不防一試，店舖又容易搵，雖然不算好大間，但坐得都算舒服，火鍋材料都幾新鮮，有我朋友最鍾意食嘅新鮮鵝腸， 湯底好濃，叫咗幾款火鍋配料，都已經好飽喇，最值得推介就係原隻大蝦雲吞 ， 食一粒已經覺得好滯😆😆，呢間火鍋可以下次再幫襯

好耐無陪過媽媽同大姨媽食飯😅，突然間有空檔，於是半夜三更上openrice訂位，其間見到佢有優惠「訂座及以$68享養生姬松茸蟲草花花膠燉雞煲（原價$268）」，唔使諗，就訂咗位。當晚，我地準時上到去攞位，起初，老闆搵唔到我經openrice訂位嘅紀錄，於是我show埋email俾佢睇，但睇佢表情，應該都係無record嘅，但老闆照樣安排咗張枱俾我😊坐低咗之後，老闆問我地，個雞煲上得未，同時介紹一下，當晚有咩特別推介。佢話扇貝唔錯，$40一隻，蒜蓉粉絲蒸，我地於是叫咗兩隻。無幾耐，雞煲來了，打開蓋果刻，聞到好濃好香嘅雞湯味，老闆好nice咁提我地，飲咗湯先，飲完再叫佢加湯打邊爐，仲打算幫我地舀埋湯添，不過，呢刻，兩位「小朋友」出手，話自己嚟，仲同老闆講：「你忙呀～ 我地自己嚟，你去招呼其他人啦～」（哎⋯⋯ 🤦🏻‍♀️）呢個雞煲，睇得出同飲得出佢好足料，我眼見個煲裏面有兩隻雞腳、兩隻大雞脾、兩邊雞殼、幾舊花膠（我覺得都幾大舊，但每個人standard都唔同，可以睇相）、姬松茸十幾舊、蟲草花、杞子（唔細粒㗎！）、龍眼⋯⋯ 我自己覺得個湯好好飲，飲咗三碗，飲完都唔覺得口渴（好多時，出街食飯飲湯，

<好耐冇食過鵝煲 好味>🍴鵝煲 洋葱 葱花 蒜頭 好多材料整成既鵝煲 staff將鵝煲上枱 加上新鮮鵝腸 放埋落去一齊炒😍煲一陣之後就食得 鵝腸勁新鮮爽口 好味 😍 肥膏夠鵝油香 然後再食佢既鵝肉 燘得好淋 勁入味 甜咸度適中 好值得試😍🍴蝦餅🦐蝦餅同平時既炸蝦餅唔同 除左蝦肉彈牙外 外皮面夠香脆 中間仲有 d筍 同蘿蔔絲增加爽口度 個 balance做得幾好 😍 點埋甜酸醬更正😃🍴蜆蚧鯪魚球 🐟出面個皮好脆 雖然唔算好大粒 但一咬開入面熱辣辣魚4未夠 點埋咸香味重既蜆蚧 十分出色😃#鵝煲 #鯪魚球 #蝦餅 Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#鵝大哥鵝煲專家 旺角彌敦道584 號旺角新城17 樓~~~~~~~~~~~~

一去到 雖然在openrice訂左位 但都要坐門口位置 因為入面都係大枱 或者比熟客訂左位 呢點可以做好啲之外 都幾滿意 我們單點 食花膠雞煲 要先飲湯再食火鍋 很足料 很好飲 我們三個人每人飲了三碗先食火鍋 單點火鍋料都好大份 好滿足 服務亦好好 好似海底撈一樣

星期日至四既任飲任食真係抵到爛，之前已經試左佢地晚鵝煲，正！咁岩見到有任食。決定星期日就去試下，全包168， 雞湯足料好味！自製丸同餃超正！強推雲吞，同一定下次再黎！

上個月展覧撤館後跟公司同事來過食飯，今次特意請親戚一行四人再光顧一下，我是在開飯喇的網上訂座的，五點半周末，如果7:30前結帳正牌餐是有六五折的。首先我們準時入座：1）先點了個皇牌的豉油皇鵝腸，味道甜咗少少，芽菜爽口，算合格。2）順德撈魚皮，花生脆口，魚皮就沒有上次咁爽口，沒有上次咁厚，煙靭咗少少；3）主菜：沙參玉竹花膠深海龍躉湯，好正足料滋補，花膠有六件，不過一件不夠𣺉，食咗好有骨膠原之外，龍躉都唔錯，厚皮厚肉好彈牙，有八件四個人夠分，湯底好清甜，因為有祀子，龍眼肉乾，每人都飲咗三四碗，真係好正！飲完湯，再加豬骨湯可以再點火鍋料繼續打邊爈。4）點了出名小食炸魚皮，好熱好脆，好大塊好似塊面咁大，好脆加上少少辣粉，媽咪都話最好食，魚皮是用門鱔剝出來的。5）再點即炸響鈴加酸甜汁點來就咁吃好鬆脆。6）鮮黃沙豬潤，放了鍋一陣縮水得好厲害，同時，唔夠爽，唔係咁好食，7） 雜菜籃有四款：津菜、西洋菜、唐萵和皇帝菜。菜好新鮮呢四種真係最適合打火鍋了。8）今次點了魚肉，無點其他肉，食了爽脆白鱔片八片，不過咁夠脆。鮮豬黃喉，本店推介，但食落去無咩味道，好似食硬膠片。萵筍好有色澤，好脆好爽口好好味！👍🏻9

今晚第一次食，3日前book枱，個老闆非常緊張，零晨12點幾、1點幾 WhatsApp 問係唔係一定會去食？！大佬呀⋯⋯我book得就梗係去食啦，宜家玩呀？！如果去唔到就梗係有事啦，我都控制唔到架...所以佢依個做法只會令客人討厭，希望佢老闆肯動動腦筋，唔好癡根，我明白星期五黃金時間生意難做，但係唔係咁囉！好啦，講返食物，今晚5個人食咗千幾蚊，真心講唔算貴，而且雞湯幾好味，成隻雞非常足料，有少少花膠、少少蟲草花，係正既！其他牛肉拼盤、油炸鬼、水餃、魚皮餃、響鈴、同埋炸魚皮水準非常之高，會再去。如果送埋糖水生果就更好，哈！

今晚約左小學同學, 真係一年先約得成一次, 所以餐廳都要精挑細選, 最後一致認同依一間, 咁岩大家都未試過, 就當一齊試下新野啦！炸魷魚so, 炸到岩岩好, 粉唔會太厚好野味, 望落色水都知正炸魚皮, 唔會好似出面咁有陣油味, 食落仲好卜卜脆d肉入哂味！送白飯一流！樣樣野都份量好多，一班人絕對食得飽又唔使爭！我地真係叫左唔少野食, 食極仲有, 每一樣食材都新鮮, 但我個人就比較鐘意炸既野食, 炸得好香口配枝啤酒🍻好放縱既一晚呀！

到達才發現很細很迫很嘈很混亂 一行14人7成人坐圓櫈及打則坐（其實已經習慣） 當然叫鵝煲啦～另外再加多2個其他煲 店長強烈推介“鵝腸”，其實一早決定要叫，結果來了鵝煲+鵝腸，店長"非常掂心"給我們煮熟及拌好，遠望之下係驚訝，好大好大好大煲呀！滿滿的（但一切動作也在隔離枱進行）留意番當時係全店滿座也不知因何不在我們面前做?!! 期待的終於上場。個煲海咁深.....鵝&鵝腸方面.....14人高高興興拿起筷子同時插下。大叫生日快樂各位食飯，不到2秒......只有10人能獲得鵝乙粒....係呀！係粒呀！至於鵝腸呢？有3，4個朋友捕獲鵝腸bb數條!!! 疑似有魔法!!! 投訴之下....疑似店長表示“d size掛晒出黎架喇!” 即係完美地耍走你吧！唯有投放感情去第2個普通火鍋....食番平常野囉…可惜是.....其他火鍋料普通過普通...

上月到旺角新城17樓鵝大哥鵝煲專家食火煱，裝修較家庭式及平實，食後卻覺得食材新鮮，味道佳又價格公道，且發現除火煱外，該店尚有私房菜式，故預先訂座八位，今晚到此一試，菜式由該店大廚發板，加入二至三道海鮮（本人提出），價錢每位約$250元，食後大家都覺得物超所值，食物美味，服務殷勤，令我們過了一個開心的晚上。現同大家分享我們今晚的菜單：金銀菜煲豬肺湯上湯焗中蝦烏冬底冬菇火腩扣班頭腩蒜蓉粉絲蒸扇貝脆皮吊炸雞1隻鮑汁扣鵝掌花菇生炒糯米飯香芋紫米露對於想尋地道菜式兼價格實惠的食客，此店絕對值得一試。個人最愛豬肺湯，必食招牌脆皮吊炸雞，及小吃炸魚皮。

鵝腸新鮮爽口，有鼓油皇及火鍋兩種食法，兩種都試左火煱新鮮爽口， 豉油王好味，但就冇火煱甘爽脆，鵝煲入味，4人食個細份，但肉較少，骨多！可能要睇師父撞手神手勢好唔好， 俾到啲肉你，整體環境唔錯，老闆好好人

我們公司又聚會！今次收工黎到鵝大哥度食鵝煲⋯其實之前都黎過一次！好好食～再黎返食⋯帶埋同事朋友們一齊去食好西！煲一定係食鵝煲～再加配鵝腸新鮮鵝腸，乾淨無多餘油脂～職員又好好幫我地整好曬⋯夠時候食上枱俾我地！仲有既係我地一班9個人book左10:3010:30之後先有 discount 職員無計我地時！早左到都俾我地入去坐地叫野食都有折頭～係好好既～食牛既又想咩都試下！記得叫返個牛拼盤牛肉粒煮太耐都吾會「銀」👈🏻吾識打果個字其他肉滾兩下就食得⋯都好有牛味加完湯再滾起～職員又會幫我地格油！服務相當好讚甘開心緊係要啤啤佢！仲有 tower 1664叫！有張私家枱放酒～吾會阻住食野由於叫太多野食！無逐一影相！其實仲有其他野食未到掛住食無影⋯必叫必試可以試下鵝肝 ， 滾30秒就食得！好香～黎左兩次都有叫黎食！真係都幾好食架！蛋黃蝦丸（我吾係好記得叫咩名，正確個名叫）食果陣要小心「會爆」架粟米（係好甜既）又好食喔小食炸魚皮、魷魚🦑酥都好岩送酒！整體係好好！老闆介紹話佢地既小菜都相當有水準⋯等我下次去又試下！再同大家報告

今晚又再來鵝大哥，老闆依然熱情招待我們，食品質素维持水準,啤酒夠凍，炸鱼皮即叫即炸但份量好像比以前小了些。最重要汁料仍然好味，冇味精，吃完不口渴，座到幾點都可以。

無咩特別，同普通大排擋打邊爐一樣，鵝的主題不足。價錢又吾係太優惠，所以難以有回頭客幫襯。 openrice 優惠 並不吸引，發現佢本身有做 百幾蚊任食，失望。不會再去。

同樣的人腳，兩個月前打完邊爐；兩個月後再來一次，只不過換了地點。本來想食雞煲 ⋯⋯ 講起雞煲，熱潮由大圍的「來來重慶雞煲火鍋」帶起，反而最早打入香港市埸的「重慶雞公煲」熱潮未起已𨦫羽而歸。「來來」逐漸為人認識及熱捧之後，分店越開越多，雖然不清楚是特許合作或同一個老闆直接經營或只是盜用名字，始終維持偏辣原味；由於大受歡迎，坊間爭相仿效，並為了迎合更多客人的大眾化口味，推出減辣變奏版，始作俑者「來來」則堅持四川香辣麻原味。也不知什麼原因，其他地區的「來來」分店相繼結業，現只餘下大圍總店，但熱潮仍在，雞煲火鍋店已在香港遍地開花。正因為坊間的雞煲火鍋店多不勝數，也不知道那間好吃；猶豫之際，朋友發現了「鵝大哥鵝煲專家」，夠特別，一於試試。「鵝大哥」開業只有一年多，位置有點騎呢，位於一座並非以飲飲食食而著名的商業大廈樓上，最耐人尋味之處，大廈外牆並沒有明顯的廣告招牌、地下大堂入口也找不到大大個廣告燈箱，如果唔係有人介紹，真的不知道樓上有間火鍋店。所以，雖然是星期六晚上七點的黃金時段，整間火鍋店連同筆者這一枱在內只有兩枱客人，啤酒小姐也休閒地站在遠處、百無聊賴地玩手機。一間沒有什麼裝修、甚至有點地踎