鹵八鵝店 (已搬遷) 新店位置

lunch去食。見到雙拼價錢都好平。招牌有鵝應該鵝唔差，叫咗鵝肝同雞配豬肚湯。豬肚湯好味足料鹹咗啲。咁我就期待下個鵝肝應該係嫩滑嘅。點知超級hi !!未食過鵝肝好似牛肝咁hi..雞都好一般，不過起碼送到飯。拆招牌之選：鵝肝

記得幾年前有同事介紹灣仔有間好正的鹵水鵝，一試就愛上了一直捧場幾年了，每次食都覺得好滿足。最喜歡係鵝肉、鵝腸、鵝腎、麻辣三鮮、豬踭、豬腩肉都好唔錯，每次去到都想試曬咁多款，有白飯和粥選擇。鹵水鵝肉入味，鬆軟！鵝腸爽脆

中秋節嗰日，我同大少嚟咗灣仔呢間鋪頭度食做節午飯。我由細到大都好鍾意食潮州滷水，特別係滷內臟。排隊嘅時候見到餐牌，已經雙眼發光。有好多野都想食，但係一次過叫唔哂，唯有今次食個三拼加滷鴨舌，下次再嚟食過其他嘢。我叫咗鵝肉飯，拼鵝腸，鵝腎，再加多一個滷鴨舌。今次大少就簡單d，只係要左個鵝肉飯，我就同佢share個滷鴨舌。個鵝肉好啉，唔多骨，過鵝腸已清潔晒啲肥膏亦好爽口，當鵝腎就冇乜大特別，鴨舌亦OK唔係太鹹。我仲想食鵝肝，滷水蛋，同滷豆腐仲有滷墨魚，所以一定唔會再返轉頭幫襯。

聽個名，我初時不知食什麼，同事推介，試下啦原來系鹵味汁店，轉賣鵝你去過街市買鹵水鵝就知價錢，1/4隻鵝都要磅，起碼100元以上，這裡食鹵水鵝超抵鵝脾超厚肉，去埋骨，啖啖肉普通鵝飯不用50元就食到啦任何鵝部位都可以選擇超級便宜

今日中午經過門口，被一陣鹵水的香味吸引左入去，餐牌上大部份都是鵝，有少部份是豬。我點了一個鵝什飯加例湯，今日的例湯係蓮藕湯，是我的至愛，湯飲到一半，飯來了，好邪惡呀!邪惡的鵝什飯包括有鵝肝，鵝腎，鵝腸，飯的份量也不少。鵝肝:有4大件，不過冇乜味鵝腎:爽脆，有陣陣鹵水香味，會太咸鵝腸:有少少肥膏，鵝腸爽口彈牙。加上鹵水汁淋白飯上，好快便全碟掃光。食完今餐，膽固醇一定爆燈，不過偶然放肆一下都幾開心既。

這間滷水店，在灣仔已經很多年。由原本的店搬到新地址一段時間沒有幫襯，今天在附近工作，和兩位友人選擇在這裏食個快餐！新店比以前光猛，但搬新店的後遺症就是加價😂味道是不錯的，你點的所有食物都會出現在碟頭飯上，絕對不會有多餘的東西！那怕是一粒蔥，一條菜！鵝片飯 $62 有七塊鵝片，當然部位不是最好，滷水味適中，不會過鹹！小貴，賣相一般。我個人是可以接受的！最少鵝肉不是柴的三拼飯，份量不少。友人愛食鵝腸，這碟頭飯最大敗筆：是鵝腸都不太能吃，比較不乾淨，太多肥膏影響鵝腸整體爽脆嘅口感。還有鵝腸內像是未消化的東西伴在一旁，確實令人胃口大減！以前我也來吃過鵝腸，當時叫了一個鵝什，沒有這個情況！希望這次是一時失手，否則又在灣仔少了一個開飯的地方

閒來無事，趁天氣還好出街穩食是日下午三點正好食午餐+下午茶，路過街邊就比鹵水中的八角味所吸引，走前數步便有數只碩大鹵水鵝懸掛於櫥窗，以及多款鹵水，大大的鵝掌鵝翼，長長鵝頸，睇到口水開始分泌，祈求希望與現實並存啊！店內典型快餐碟頭飯，快，靚，正一番糾結後要了個三拼飯走鵝肉（好似有點違和感）包括是鵝腎，鵝腸，豬大腸幾分鐘就上飯啦，目測無咩特別，香氣也不強烈講多無謂都是食落去先知。起手先試左個鵝腎，正常內臟腎的質感，爽脆，但是就唔覺有咩味，可能肌肉纖維密吧？！下一個鵝腸，依然是爽口，但是都是無味，尷尬（唔同真是要食鵝肉先得！？）最後一個是豬大腸，都好彩，一來自己中意食，二來就真是最入味，機智如我飯就凍同小小乾，可能是時間問題吧總結來講，香氣還OK，但是有叫到的鵝類味道不足，或者可以加兩條青菜，唔使食食下個口好乾。可一也可再，三就考慮一下啦

餐牌好簡單咁話俾我知，呢間野食鵝！單獨食飯嘅日子，我比較粗獷。男人鐘意wild ，對食鵝飯都可以好wild 好浪漫。呢間鵝腸都幾出名下，可惜今日早已賣晒，加多兩個餸都係收$55，我當然揀埋豬頸肉同滷水豆腐。成碟飯上枱，賣相比豆腐火腩飯更Wild , 啖啖厚身豬頸肉配鬆軟滷水鵝肉好Raw ，鵝油滷水汁夠我大口大口扒飯。加埋罐可樂，由胃湧上心頭嘅滷水鵝香氣。填飽肚最浪漫。

記得第一次幫襯鹵八鵝已經是3、4年前的事了。因工作關係今日路過重逢、晏晝3 點幾下午茶時間見人小小唔使排隊、一於坐低整番碟招牌鹵水鵝飯祭一祭五臟廟！順便蛇吓王！～ 鹵水鵝飯碟 （扣底食胸）鵝肉入口鮮嫩有咬口、肉味濃、皮厚帶一點點油脂、非坊間一般雪藏嘅”乾爭爭”貨式。靈魂嘅鹵水汁帶小小咸香味道有層次、用嚟配白飯一流。熱辣辣嘅絲苗米飯粒粒分明、受水程度剛剛好、證明煮飯師傅功夫了得、基本工底子打得好、讚!以咁嘅質素賣 $45 一碟鹵水鵝飯係灣仔區來㗕非常合理、支持小店！

下午約了上山頂工作，因上面山頂廣場大裝修所以現在上到山頂真係無啖好食，要係灣仔食午飯再上去會開心的。很久無去鹵八食鹵水飯了今日要再去過～再食我喜歡的鵝加豬耳朵飯同老火胡椒豬肚湯，行去才發覺搬了鋪本身在金魚鋪旁的，現在要再行過小小近電車方向。鋪內都一樣因地區問題所以不是太大，不想太多叫了心愛的鹵水飯同老火湯先，好快就送上面前鵝肉一樣給鹵水汁滿滿的包著好入味豬耳彈牙爽口而且皮膚面的毛清潔得好乾淨。到老火例湯～胡椒辣度剛好加上咸菜同豬肚潮州人最愛，而且湯會1.3.5及2.4 星期改變一下。幾時都keep得著水準，有水準當然會繼續支持同光顧啦

今日黎到灣仔附近做野, 食飯時間經過春園街, 見到呢間小店幾特別, 就入左去試下。呢間小店之前有同事都試過, 評價係不過不失, 咁今日就等我試下啦! 叫了一份例牌鹵水鴨同埋一碗例湯, 等左5分鐘左右野食就到, 閒日中午店內都幾多人, 相信有唔少打工黎中午黎呢度食, 亦有唔少人買外賣。鹵水鴨(例) $60份量都唔少, 應該有1/4隻鴨, 入味, 皮滑, 不過如果可以降少少咸度就更好! 試埋佢個辣椒油, 有好大改進空間, 唔夠香味, 亦偏咸, 加埋佢既鹵水鴨本身都偏咸食得都幾辛苦。例湯 $10今日例湯係白菜湯, 聽同事講佢地例湯日日都會轉, 上次佢食係咸菜豬肚湯, 大大碗咁幾抵飲。當然亦比飲可樂健康啦!兩樣野加埋$70, 係灣仔區食算係有dd貴了, 不過食得飽味道又唔算差, 都叫做收貨了。

又到中午食飯時間， 灣仔食飯咁多人， 好彩自己一個人食飯。 搵餐廳應該唔難嘅 啱啱見到鹵八鵝， 見到得幾個人排隊，一於食佢啦 ! 大約五分鐘就入得啦 ，我點咗 一碟 鵝飯 及一碗例湯。正呀!今日嘅例湯係我 最鍾意嘅 胡椒豬肚湯 ，只係加五蚊!! 好抵飲呀 !!! 味道唔錯， 肉質好滑 又多汁。食完都飽晒!! 咁嘅價錢 喺灣仔區 一般 茶記 都要五十幾蚊呀 ! 而家埋單只係50蚊!! 簡直超值 ! 下次都想試下個鵝片飯 好似幾正咁! 因為一個人食嘅關係 十分鐘內已食完埋單走人，整體嚟講 物超所值。 不過才坐位比較狹窄 坐得真係唔係幾舒服，不過食好嘢冇所謂啦! 下次一定會幫襯。

灣仔無幾多間專門鹵水店, 由中學到返工成十幾年, e間鹵八鵝仲捱到, 好yeah!👍🏻 近排又再去一次, 雖然鋪位搬左附近, 但鋪頭同坐位依舊擠迫, 正餐時間都多人。😂😂 通常都係叫三併飯, 鹵水味道陳年一樣, 唔算好濃好咸, 有淡淡的鹵水香。 鹵水鵝我揀背位, 鵝味濃, 肉質較滑!墨魚食佢彈牙有肉地, 墨魚肉根本掛唔到鹵水汁。而鵝腸都係like佢夠彈牙, 有咬口。鐘意點埋e道d白醋, 酸到哽喉過種!😜 碟碟飯都好大碟, 餸ge份量都ok, 三併飯五十幾蚊算ok!👍🏻鹵水鵝應該係招牌菜, 鹵水味最多！

2018/04/30 AhBwui這天AhBwui與同事一起去吃了平時也會吃的鹵八鵝。中午時間，小小的店面坐滿了人，外頭排隊人潮不曾減少過，便知道有多受周邊的上班族歡迎。約等了15分鐘便入座。個人比較不偏好鵝肉，所以點了其他幾道菜。麻辣三絲：除了鵝肉以外的大招牌，少少的辣味配上滷味，好吃！鹵水豆腐：豆腐應屬較不易入味的食物之一，但這間店做到了連豆腐都入味，厲害！鹵豬腩肉：不會鹵得很柴，稍微有點鹹，但就是這樣才下飯啊！個人喜歡另外再加醋，每一次來吃都忘記自己在減肥，一不小心就把整盤都吃完了！推薦大家來吃～

以往有好友介紹很滿意，訂一份大鵝肝盛惠$135，滿心歡喜想和家人分享，誰知道小廚放在鹵水浸煮卻忌記了，把它煮過火，變成硬塊！可惜之餘，還是要焗收貨，因為是最後一份😤，更過分的是. ...，店員還說無問題，最多下次煮好啲,真是無耐，叫你退錢咩！