鹵家

营业中

休息中

呢間餐廳我之前都食過幾次，今次約朋友再次幫襯，同埋餐廳食物選擇都多，價錢大眾化，D嘢食質素都唔錯。推介比朋友：食神义燒飯（$62）首先講下叉燒，肥瘦相間，肉質軟淋，入口鬆化，而且仲有焦香脆邊，配上半熟流心荷包蛋和秘製醬汁，送飯一流。（套餐+$3）凍咖啡：茶底香，叫咗少甜，順滑好飲。再叫梅子脆燒鴨配米線（$60）燒鴨皮又香又脆，口感嫩滑。米線都幾大碗，爽口彈牙，份量足夠。（套餐+$3）凍檸茶：檸檬新鮮，茶與檸檬比例啱啱好。最後叫咗話梅涼瓜片（$42）每次嚟到都會叫嘅涼拌小食，將苦瓜切成薄片，話梅配上苦瓜，完全冇苦澀味，而且越食越開胃。鹵家元朗教育路68號兆豐樓地下10及14號舖

📍 鹵家-元朗元朗呢間小店，真係唔可以睇少😃五星級退休大廚坐鎮～味道果然係食緊酒店水準，但係只係比平民價錢🥳🥳抵返晒😘✨ 蜜汁叉燒王叉燒半肥瘦好得意，佢啲肥肉係一層層但水晶咁好爽口，瘦肉位鞋少少，但味道唔錯！佢個大醬燒肉汁好好味，撈飯好夾，唔似普通叉燒汁咁，不愧為店內招牌叉燒王🐷✨ 梅子脆燒鴨油脂無燒鵝髀咁爆汁，但都香而甘口，肉質一樣嫩滑多汁，配梅子醬，酸酸感覺去除油膩感～✨ 鹵麻豬耳入口有少少麻嘅感覺，豬耳咬落都幾爽口、彈牙，其實都幾滋味～

鹵家噶燒味真係一等一，我成日都黎斬料。蜜汁叉燒王，肉質鮮嫩到流汁，外皮烤得焦糖色，靚到無得彈，蜜汁調味啱啱好，甜而不膩，食落好滿足。至於嗰酒仙醉雞卷，$62一個味道唔錯，晚市仲包飯同湯，我特別推介佢嘅老火湯，飲咗暖粒粒，真係好過飲甕壺茶！

🐽 話梅涼瓜片清新爽口，涼瓜片爽脆，配上微酸嘅話梅醬，酸酸甜甜，開胃又解膩🐽 酒仙醉雞卷雞肉滑嫩多汁，賣相包得好靚，食落入口好嫩滑，外面包住雞皮既爽脆，醉雞味道濃郁，令人回味無窮🐽 蜜汁叉燒皇叉燒肉質鮮嫩，外脆內軟，淋上香甜蜜汁，香氣四溢，雖然比較瘦，但食落好林身唔鞋口，每一口都是享受。🐽 梅子脆燒鵝燒鵝皮脆口多汁，未來唔會好似坊間嘅燒鵝咁多脂肪，食落肉質非常鮮美，梅子酸甜風味恰到好處，連埋酸梅醬食好夾

[✨元朗鹵家·CP值滿分風味小店🍚]#鹵家 #元朗 🔸蜜汁叉燒皇 $79半肥瘦叉燒，油膩感唔重，微微濃邊燒得很好，肉質亦好爽腍，好食🤤🔸秘汁鹵家鴨 $78 +$20 轉鹵鵝鵝肉嫩滑啖啖肉，滷水好入味，食完都唔會有咩肥膩感。🔸話梅涼瓜片 $42涼瓜片食落有一陣微微嘅酸味，特別醒胃。食完咁多肉類，岩哂用黎平衡返🥰🔸跟餐 米線米線大碗爽滑，唔錯🔸凍奶茶 +$3大杯，正常發揮————————♡♡♡♡♡♡————————✨總結餐廳主打由前五星級酒店老師傳主理，價錢合理份量多，味道亦都唔錯，鍾意食燒味嘅朋友，呢度係一個幾好嘅選擇🥳📍鹵家 (元朗)🏠元朗教育路68號兆豐樓地下10及14號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #鹵家

在云云眾多間的燒味店，我最喜歡的燒味店是鹵家了！小店主打燒味鹵味同中菜，店主堅持食品每日新鮮製作。每道菜式都着重細節，無論賣相及味道都相當出色。所以我每次到元朗都必定會買外賣回家。❇️酒仙醉雞卷酒先醉雞卷是這間餐廳招牌小食之一。雞肉滑嫩多汁，經過醃製後帶有淡淡酒香，很有層次感。入口即化，令人回味無窮。❇️蜜汁叉燒王 （例牌）肉質鮮嫩多汁，表層烤得焦糖色相當吸引。叉燒的蜜汁恰到好處，不會過於甜膩。叉燒外表光澤亮麗，咬下去能感受到肉汁的流淌。

同朋友今晚去左係元朗教育路嘅滷家，我哋都異口同聲都好鍾意呢間小店。員工親切有禮，晚市套餐又好抵食。兩款皇牌小菜，時菜一碟，小食一款，兩杯飲品或是日例湯，亦可選擇白飯或麵類。滷麻豬耳豬耳本身已經滷入晒味，所以本身已經好好食，外皮好腍，但軟骨好脆，特別嘅口感，加少少麻辣味，食到停唔到口。滷水汁生菜套餐送嘅油菜，符合返主題滷水汁嘅油菜，雖然係普通油菜，但份量都非常之多。蜜汁叉燒王呢個真係要超級大推嘅叉燒，首先半肥瘦嘅比例十分完美，所以口感非常之好，可以講得上係入口即溶，燒嘅火候亦都控制得恰到好處，真係有明爐燒味嘅香氣。梅子脆燒鴨燒鴨嘅外皮十分之香口，脂肪比例好好，食落唔會太油膩。另外鴨肉嘅肉質一啲都唔嚡，肉味非常之濃。

收工返元朗，今日冇約朋友，倆口子元朗搵食😋😋 間唔中都會嚟呢間鹵家，店舖座位比較狹窄，店員服務超有禮貌🥰 有好多套餐比大家揀，大部份都係燒味嚟嘅，佢嘅燒味都比較出名，喺店舖有簡介廚師做過啲邊幾間酒店😎我老公多數會叫燒味，而我一定會叫呢個子薑鴨仔煲🦆👍🏻上枱嘅時候店員先至打開煲蓋，熱辣辣仲滾緊🤩🤩 佢係用柱侯醬炆嘅，加咗大量蒜頭粒，同埋大量子薑，蒜頭粒已經炆腍晒好甜好香，子薑好輕微嘅辣好好食，鴨嘅份量都多，炆得超級腍，而且完全唔會有臊味😍套餐可以配飯或者粉麵，我會配米粉，雞湯好味，米粉係彈牙嗰種新竹米粉，正！套餐仲有得揀靚湯或者飲品😀用心服務客人嘅小店，值得幫襯🤩

蜜汁叉燒王這道叉燒堪稱香港美食中的經典之作。肉質鮮嫩多汁,表層烤得焦糖色澤誘人,蜜汁醬料恰到好處,不會過於甜膩。叉燒外表光澤亮麗,咬下去能感受到肉汁的流淌。搭配清新的生菜和飯菜,整體口感層次豐富,滿足了對肉質和醬汁的雙重追求。這道菜融合了粵菜的厚重與細膩,值得一試。秘汁鹵家鵝這道家鵝料理引人注目。鵝肉質地紮實,入口嫩滑不柴。秘製調味汁散發出迷人的香氣,恰到好處的鹹香味,配上鵝肉的油潤感,使整道菜口感十分圓潤。鵝皮外酥內軟,咬下去發出滿足的脆響。搭配清爽的蔬菜和米飯,成為一道極具層次感的美味佳肴。這道菜展現了粵菜老字號的功夫和精髓。酒仙醉雞卷這道醉雞卷可謂集創意與美味於一身。雞肉滑嫩多汁,經過醃製後帶有淡淡酒香,很有層次感。外皮酥脆可口,裹住了雞肉的鮮美。醬汁的酸甜適中,既能增添風味,又不會蓋過雞肉的本味。整道菜造型精緻,入口即化,令人回味無窮。這道菜將中式風味與創新元素巧妙融合,值得一品。老黃瓜赤小豆扁豆豬骨湯這道古早味湯品別有風味。湯底由豬骨熬製,略帶肉香,喝下去感覺十分溫潤。老黃瓜的清脆,赤小豆和扁豆的清甜,完美補充了湯汁的厚重感。湯中各種食材的口感層次豐富,交織出一股動人的韻味。

在云云眾多間燒味店之中我最喜歡的便是鹵家由資深大廚主理每道菜式都著重細節無論賣相和味道都相當出眾✤ 酒仙醉雞卷絕對是餐廳招牌小食之一雞卷🐔非常入味已經完全去了所有骨啖啖肉雞肉鮮嫩多汁而且每一口都飽含濃郁的酒香✤ 蜜汁叉燒王肥瘦比例恰到好處入口軟淋肉質🐷鮮嫩多汁蜜汁不會過甜加上有少少濃邊位置散發著微微的焦香味加錢升級了套餐✤ 小食選了京葱金錢肚金錢肚爽口但不會韌伴隨醬汁和京葱同吃非常惹味✤ 是日老火湯佛手瓜栗子🌰蓮子甘筍粟米🌽豬骨湯用料非常足湯頭清甜可口完全沒有任何化學調味總括菜式質素非常高是一間用心製作每道菜式的小店

位於元朗教育路嘅❣︎鹵家❣︎經常滿座要等位，主打燒味鹵味同中菜，店主堅持食品每日新鮮製作，廚房由五星級酒店老師傅主理，鍾意食燒味嘅千祈唔好錯過。❣︎蜜汁叉燒王❣︎$79半肥瘦义燒肉質彈牙軟腍，仲有啲燶邊，啖啖肉👍🏻鹹甜比例岩岩好。❣︎特制鹽香雞❣︎$74雞皮透薄彈牙，雞肉鹹香入味😋肉質鮮嫩。❣︎老火湯❣︎跟餐呢到嘅老火湯冇味精架，相當有益，今晚係雪耳雞腳湯😋👍🏻超足料。❣︎鹵水大腸頭❣︎$56大腸淡淡滷水香😋口感柔而不韌，伴碟嘅鹵水豆腐超嫩滑入味。

作為元朗街坊 #鹵家 都算是經常光顧的飯堂之一 每當想食燒味時就會諗起佢🤭今晚2個人叫了晚餐 蜜汁叉燒王 $79 同 頭抽豉油雞 $74 另加了小食 酒仙醉雞卷 $62晚餐會包飯（亦可選米線/米線） 和老火湯（或飲品） 個人認為老火湯是必飲的 因為真的是沒有味精👍🏻 好像每晚會有不同款 今晚的叉燒燒得很好 還有少少濃邊 肉質爽腍但唔肥 調味剛好不會太咸但又送到飯 其實可以比美外面貴價中菜的叉燒 份量都不少 叉燒底有大豆芽 一齊食可以中和食肉的油膩感頭抽豉油雞個豉油味真的很不錯 雞皮色澤漂亮 雞肉嫩滑貪心叫埋的醉雞卷係好有心機咁將雞肉捲埋再切成一片片 砌得好靚咁上碟 而且沒有骨啖啖肉 酒味不會太濃 應該適合大部份人的口味晚上客人都不少 keep全翻枱 亦都不少外賣 就算加餸斬料都可以考慮吓

鹵家當然係食鹵水野，不過佢個叉燒都好好食，晚市期間仲有好多人嚟斬料加餸。晚市套餐好抵食，一餸一飯+老火湯/熱飲$76-$92。🦆秘製鹵家鴨碟細肉多，鴨唔肥，皮下冇肥膏，肉嫩，夠晒味。🐷蜜汁叉燒王燶邊半肥瘦叉燒，望落唔多肥，肉淋夠味，好好食🤤。下面啲芽菜先正，吸曬啲汁又爽脆。🥒話梅涼瓜片覺得甜左少少，鐘意涼瓜有啲甘。清涼消暑，食左咁多肉，解膩一流👍🏻。🥣老火湯日日唔同，今日係冬瓜，真係好啱夏天飲，有家的感覺，好飲👍🏻。💬值得再去嘅小店，好有家的味道，食物質素不錯，老火湯正，店員親切。

超有住家味道嘅餐廳！耐唔耐就黎食，但我居然無寫過，啲職員都好nice(無記錯係一家人)。話梅涼瓜片 $42涼瓜甘香配話梅酸酸甜甜感覺好舒服。蜜汁叉燒王 $79(晚市套餐)晚市套餐都跟白飯/麵及住家老火湯/熱飲。老火湯足料，叉燒以瘦叉為主，但肉質嫩口一啲都唔柴，蜜汁甜度亦適中。頭抽豉油雞 $72 (晚市套餐)頭抽豉油雞係雞脾位！皮下帶黃油脂，但肥得來唔係成口油果種，頭抽豉油味道唔會太鹹，醃得入味，送飯/麵都一流。

自己一個人黎到元朗又無乜心水想食咩，呢個時候又到左我地偉大既文化幫助我啦😝茶仔同燒味飯對於我黎講都係我既恩物，無論係我讀書時期📚定出嚟做野，都一直陪伴我。🐒皇牌鴛鴦飯💰$68👉🏻叉燒👉🏻鹽香雞👉🏻熱檸檬水叉燒係我燒味飯入面既必食item！而呢到既叉燒真係要趁熱食，因為佢半肥瘦，所以如果凍左就食唔到個種軟硬分明既感覺，而好好彩今日隻雞係髀🍗係燒味飯既小幸運，有無人同我一樣都係咁覺得😂跟餐都可以揀配湯嫁，所以想飲老火湯既話就可以轉跟湯。🐒鹵麻豬耳💰$46我第一次食咁淋既豬耳，本身以為全部豬耳都係好爽口個種，但呢到既豬耳竟然係好淋身😱用嚟送飯係勁夾，而且都幾入味，辣道對我黎講只係bb辣，所以相信大家都食到，如果想試下軟淋淋既豬耳都一定要嗌🤤