麗香園冰室 (興華廣場)

营业中

休息中

今日去食下午茶。食物方面，干炒牛河係一般茶餐廳嘅水準，有少許嘅光澤，但牛肉較老。環境方面，極唔建議對環境有要求嘅人去到呢間餐廳，地下有好多垃圾未有人清理，較為污糟。

點解一樣好味既美食，要加左一樣唔應該存在既配料？！好好地一個麻婆豆腐火腩煲，大家有冇聽過麻婆豆腐會有一片片既薑？！就算有火腩，可能要僻腥，都唔應該存在任何一片片或一粒粒薑既成份喺餸裏面！一個好鍾意食香口重味餸既客人，難得搵到啱心水既茶餐廳冰室既小菜係好食，絕對唔能夠接受薑呢種配料去影響一碟美味既麻婆豆腐火腩煲本人之前堂食已經同當值經理訴苦，薑唔係人人接受到，同埋經理自己都表示麻婆豆腐呢樣餸唔應該存在薑！點解我今日去買，又發現好多薑片存在喺餸裏頭，我成盒飯放棄左！希望餐廳能夠反省，我唔想再有下一次失望既機會

2021年12月14日 星期二今日同同事遲咗放lunch，食飯嘅時候已經到咗下午茶時間，於是睇吓柴灣附近有咩好食咁岩又見到呢一間餐廳，之前曾經黎食過，性價比唔錯，所以決定拉埋同事入去再試我地一打開餐牌就俾呢一版鐵板餐吸引住，淨係睇圖片已經覺得賣相唔錯，加上實在太肚餓，下午茶食得豐富啲都好正常，於是我哋決定每人叫一個扒餐一點完餐之後店員幾分鐘內就送上飲品同餐湯，速度非常快，餐湯熱辣辣，飲落去唔覺落左味精，幾夠火喉，而且仲有湯渣食添！！至於杯奶茶沖得夠幼滑，茶味幾濃，飲完即刻精神晒之後食物開始陸續送到，有我點既鐵板海陸空跟薯菜配燒汁，燒汁同鐵板分開上，等我可以自行落多少醬汁到鐵板上面，成個鐵板都放滿食物，十分豐富，豬扒同魚柳都好大塊，而且唔韌，仲有好多肉汁，薯條又夠脆身，無論點燒汁或者茄汁一齊食都好夾至於同事既鐵板就更加誇張，佢點左鐵板西冷牛扒跟薯菜配蒜蓉汁，冇諗到塊西冷會咁大同厚，足足有一隻手掌咁大，切落去又唔算太難，入口都幾腍，仲充滿牛肉味，見到同事食得好滿足我地每人食完一個鐵板餐之後都覺得夜晚嗰餐可以唔使食，因為真係好飽，果然性價比十分高！！

今日路經柴灣站時已是3點還未醫肚，就入了裝修有點懷舊的麗香園。冰室要自己用手機下單，有點兒麻煩及花時間，因為選擇多如選麵餐會問要淋啲或爽啲，咖啡要多奶，少奶或走奶....。不過如果想叫侍應用人手落單也是可以。餐牌附有食物圖片很清楚明白。我們叫了兩個茶餐：炸雞脾西多士配咖啡、蕃茄豬排米粉配熱檸茶。兩個餐上枱時是還熱騰騰的，味道調得剛好，米粉的蕃茄濃湯底好味，湯裡還有蕃茄粒和其他蔬菜粒，豬排炸得外脆內軟，可以說是我食過咁多間豬排湯麵中冠軍級好味道。值得推介

近日到柴灣工作, 適逢下午茶時間, 就四處找尋美食, 遠處見到一個相當懷舊名字- 麗香園冰室, 裝修也十分懷舊, 地方敞大, 一於入去享用下午茶了, 卡位舒適, 內裏裝修好有七八十年代的味道；服務員也廷有禮貌地介紹一下餐廳美食, 選擇相當多, 最後點選了日式煎雞扒飯和熱奶茶.不消數分鐘, 服務員也一次過送上食物, 雞扒煎得香脆嫰滑 , 分量十足, 配上鮮甜日式鼓油, 大大提升了雞扒嘅美食指數, 飯分量剛剛好 適合下午茶進餐分量；奶茶熱辣辣 裝在一個相當懷舊有趣的瓦杯上, 別具品味, 值得再次幫襯晚餐一下.

今日放工姐姐話打風..無時間買餸，所以今晚同老公食自己，範圍都係柴灣..兩個人是旦食，食完就返屋企湊小朋友！我地見到晚餐有兩人套餐$158揀兩個餸，有附送例湯，茶飲，都幾抵食👍🏻👍🏻⭐️欖菜肉鬆四季豆⭐️送飯一流，鹹鹹地又有菜又健康👍🏻⭐️惹味回鍋肉⭐️回鍋肉加椰菜係絕配，仲要辣辣地，超惹味😋😋原本個餐係跟白飯，但我唔想食，另叫一個炒飯⭐️揚州炒飯⭐️$58炒飯最緊要鑊氣夠唔夠？飯係咪一粒粒？呢個揚州炒飯完全做到之餘，仲十分足料👍🏻👍🏻人總之三心兩意，又好想食忟米粉😅😅，識我都知道，叫埋啦🤣🤣🤣食唔哂，有老公包底😂😂⭐️雪菜肉絲炆米⭐️$58肉絲大大條，成個雪菜肉絲炆米份量好足夠👍🏻👍🏻大份抵食如果平時早d嚟到呢度有新鮮出爐麵包賣👍🏻👍🏻👍🏻香噴噴

🔥天氣熱唔想煮飯，決定一家人去柴灣興華商場嘅麗香園食晚飯。✔️餐廳環境幾企理，坐得舒服。😊老公叫咗個鐵板西冷牛扒，女女就食鐵板美式雜扒跟薯菜。🐂牛扒配蒜蓉汁，份量夠大， 鐵板發出誘人嘅滋滋聲。雜扒就配燒汁，啖啖肉好正。我就想食多d蔬菜🥦，所以叫咗一個xo醬西蘭花炒蝦球，西蘭花爽脆新鮮，🦐蝦球大大隻，肉質彈牙。飲品我叫咗檸檬菜蜜🥤，十分清新，美味解渴。👍🍽️🍴食物滿意，價錢抵食，真係街坊恩物💯😘

第一次到來，發現這冰室提供的食品選項很多，價錢也親民，一時令我難以選擇。套餐的性價比很高，2人份量只需$158，已配2款小菜、2碗老火湯及白飯和2杯飲品。非常實惠呀！但我們饞嘴，很多款小菜也想嚐嚐，最終跟友人决定單點四款小菜。每款小菜只需付$15，便可轉為套餐，含例湯、白飯和一杯熱飲(另付$3轉凍飲)。餸菜點得多，那就吃不下那麼多飯。我們就付$15分享1碗老火湯和1碗白飯吧。 蜜棗西洋菜煲陳腎湯 ：一星期內，每日的老火湯都不同。今日的是蜜棗西洋菜煲陳腎湯非常合心意，菜味濃，味道清甜，很美味。 欖菜肉崧四季豆：送上時已香氣四溢。想不到看似簡單的小菜，入口味道香口，調味剛好，是很好吃的一道下飯菜。 韭黃蝦球炒滑蛋：大蝦球真的很爽口，炒蛋本身的蛋味濃香。 新鮮菠蘿咕嚕肉：薄薄的甜酸汁掛上咕嚕肉，沒多餘的芡汁，加上新鮮菠蘿切件，吃罷全不感油膩。 蜜桃中式牛柳 ：嗜吃牛肉的朋友必點中式牛柳。牛柳不韌，配以帶甜的蜜桃令人開胃。 白飯 ：以軟綿白飯配上美味的小菜，飽感十足。 凍檸檬茶 ：天氣炎熱，喝口凍檸檬茶心滿意足。小菜質素不俗，沒有加一服務費，價錢非常合理。又多一個用膳的好去處 。

話說有日探朋友, 去到柴灣諗唔到食乜. 見到間餐廳好似坐得幾舒服, 就入左去.揀唔到食乜...但一開始就見到杯綠茶紅豆冰, 天氣熱熱地, 立即想嗌!綠茶紅豆冰夠勁抹茶味紅豆又大大粒有咬口夠濃唔會淡, 正!朋友嗌的茶走...個杯又幾得意喎睇落幾似樣, 不過我就冇偷飲兩啖了佢話耐冇食過沙薑雞, 就比佢嗌左個SET有飯有野飲有湯有雞咁第一次食沙薑雞, 又估唔到有咁多汁D汁勁多沙薑蓉, 張住個口咁不過有D淡, 要自己加D 味先夠不過朋友話佢鍾意喎...想食欖菜肉碎四季豆, 自己又炒唔到出面咁唯有出面嗌夠獲氣時夠味又夠乾身送飯一流好勁冇食的椒鹽豬扒, 賣相就靚不過黎到就凍凍地, 唔係咁脆咁嗌嗌下好似嗌太多...海鮮炒烏東一碟有得嗌少油, 果然少左油, 起碼唔會成個碟底都係油先不過不失咁咁多野食, 坐得舒服, 可以慢慢坐, 慢慢食

行完山攰攰地，喺新翠商場落咗車，周圍搵嘢食嚟到呢間係興華邨商場嘅地方茶記，見四四正正乾乾淨淨，客人尚算多，就入咗去叫咗個都算餐廳出名嘅海南雞飯，包湯，嘢飲半價，數量可以，雞肉尚算嫩滑，Juicy，點埋甜豉油有畫龍點睛嘅效果，因減肥關係冇嗌油飯，例湯係紅蘿蔔湯，味道一般，少少鹹老公叫咗個炸雞肶蕃茄焗飯，炸雞肶夠脆肉質唔乾，蕃茄焗飯味道平衡，但稍為濕身，如果乾身就更好埋單140日，兩個人食差唔多，算係抵

最喜歡晚餐到茶記， 簡單方便選擇多，中西美食， 家常小炒樣樣有。今日到了柴灣探朋友， 順道到附近晚飯。在興華廣場找到這間「麗香園冰室」。門面乾淨企理夠光猛， 內籠都算幾闊落。厚厚的餐牌選擇極多不知從何入手。自選二人小菜套餐老火湯揀到心儀嘅小菜～ 新鮮菠蘿咕嚕肉碟頭唔算好大， 不過都有酒樓小炒feel， 咕嚕肉 咬落外皮脆口， 肉質腍身冇肥肉， 甜酸醬汁好開胃， 洋蔥，青紅椒， 新鮮菠蘿都吸滿醬汁， 非常惹味！！套餐配白飯和例湯。 中式例湯味道唔錯，唔會好鹹。XO醬蝦球炒西蘭花很有鑊氣 ，大大隻蝦球肉質爽甜， 配襯 xo醬爆炒 也非常惹味。 唯獨西蘭花比較硬身， 份量似乎精緻了一點。野菌雲耳魚柳泡飯魚湯好鮮甜， 有好重胡椒粉味， 魚柳夠滑冇骨， 大量雜菇非常健康。湯飯份量很巨型～紅豆冰椰奶同紅豆比例均勻， 椰奶香甜 ，紅豆煲得又軟又綿， 經典特飲味道唔錯。冰室近門口也有售賣各款麵包， 下次嚟嘆下午茶同試吓紅豆菠蘿包先～🍞🥪

呢間野勝在裝修夠特別，入到去叫完嘢食，咦，又真係幾好食喎。正常茶餐廳晏晝好少會有鐵板餐，因為進行緊生酮飲食，唯有向啲肉出發喇，第一眼已經望到佢個雜扒餐，都勁大份好夠飽，最尾我揀咗魚柳雞扒，配埋個羅宋湯，健康十足。個魚柳熱辣辣咁，咬落去淡淡魚柳汁，塊雞扒唔會話鞋身，都仲好嫩口。雖然話就話鐵板餐都好難整得唔好食，但論環境，氣氛，食物質素，呢間整體水準10分不錯，經過會想再食。啲配菜係好熱啦，仲好有水份，如果粟米係切好晒一粒粒就Perfect啦。但配菜來講，其他餐廳會凍冰冰，呢間都真係keep到係熱嘅，已經非常之唔錯。

中午的時間是享用午膳的時間這硬路經柴灣興華邨...看到了這家坐落在興華廣場的麗香園看它的人流和裝修好像皆不錯決定嚐一嚐它🤭由於中午的人流實在太多了 所以這次外賣好了🤔這次點了..白汁粟米焗魚柳飯 $58上層是白汁與邪惡滿滿芝士的組合配上兩大塊魚柳🐟🐟加上玉米🌽作點綴下層的飯是雞蛋炒飯🥚味道不俗☺️☺️凍香滑奶茶 （跟餐+$12奶茶的奶味比茶味重而且糖水加得有點多整體味道偏甜🍬值得一讚的是它的外賣很利落大概12-13分鐘左右便能拿到👍🏻

麗香園都水準穩定繁忙時段要等位所以工作完和老公吃個午餐老公喜歡它的無骨海南雞飯 海南雞水準很高，雞肉非常嫩滑，薑蓉，甜豉油，炸花生樣樣齊油飯有淡淡植物香味，可能是香矛／班蘭，粒粒分明雞肉好嫩滑，一夾起感覺到彈性例湯 姬松茸合掌瓜豬骨湯沒味精非常健康，味道又好！老火靚湯我的羅宋湯不容不讚，完全以前港式羅宋湯，好濃郁又很多蔬菜，酸酸甜甜少少辣，好味都飛起！無冰凍奶茶 非常喜歡，夠滑有茶味很貪心選了鐵板雜朳，反正可以分俾老公食多些有牛朳，雞朳，豬朳，腸仔，煙肉西蘭花，粟米，意粉 真的很大份量牛朳好軟，一咬即開，豬朳都一樣，豬朳骨位我特別喜歡！帶爽口比較驚喜雞朳，雞皮香脆，雞肉切開肉汁豐富，有圖有真相。口感不會乾，相反好嫩好好味道98元來說很超值，份量已經好豐富，食材控制很好，完全朳房水準

去開青年廣場工作，喺附近搵嘢食見到，麗香園個門面幾靚咁就決定入去食下😀地方寬敞，都幾闊落，而且餐廳都幾乾淨，員工的服務反應都很快值得讚！❤️估佢唔到，簡簡單單的茶餐廳竟然用上先進的QR code自助落單，都幾方便選擇又多又簡單！🤨上菜的速度都幾快，我哋叫咗一個客家沙薑雞，好快就送到黎，賣相不錯，份量都OK！砂礓雞做得都幾嫩滑，淡淡的沙薑鹹香味滲入雞肉內，非常惹味，用嚟送飯味道一流！😻另外一個魚香茄子魚柳煲，熱辣辣的好快亦都送到枱上，魚柳香脆，帶點味辣的魚香茄子炒得都有鑊氣！💕最後一個上枱的粟米魚柳，賣相吸引，有很多用嚟送飯的香甜粟米汁😋大大件的魚柳炸得幾香脆  ！🤩飯後嚟一杯茶味十又香滑的奶茶，非常醒神！🤓兩人食飯埋單$238，呢個質素都算經濟實惠，值得推介！👍🏻