麥生記冰室

营业中

休息中

冰室的大概位置在梅窩街市的後方。保留舊式冰室設計的裝潢絕對是特色之一，但最重要是富香港特色又少見的食物和飲品還有最近頗出名的港女3層架下午茶，有興趣就要注意是下午2點半開始供應。因為入到梅窩時間尚早就只好點了一份 常餐 ($40)，朋友點的是 - 生菜雞蛋撈蝦子麵 ($43)平時冰室的常餐多是沙嗲牛肉麵，但梅窩這間冰室的是豬潤米粉！豬潤很厚身，口感軟嫩且沒有奇怪的味道～米粉也幾彈牙，另外還配了以上都是套餐包了飲品，我點的是 凍鴛鴦 (+$2) 很香滑，偏甜了些。朋友話未試過又少在出面的茶餐廳見到就點了 - 奶水蛋 (+$5)

第一次光顧呢間茶餐廳, 本身無特別期望。如果由銀鑛灣渡假酒店出發, 慢步只需5分鐘, 好近。我去到的時間係1:30pm 星期一, 竟然坐滿人, 岩岩好有一家大細5-6個食完, 估計係因為暑假學生放假, 等幾分鐘就坐到卡位(睇圖)。講食物先吧, $40無加一, 叫左「全餐」(睇menu圖)蕃茄湯火腿通(我轉左普通公仔麵, 唔洗加錢)配2隻煎荷包蛋+ 茄汁豆+ 牛油多士, 包熱飲1杯, 要左熱檸水。(睇食物圖)蕃茄湯底 出奇地幾有蕃茄味, 碗麵上臺熱到食唔到。荷包蛋 的圓邊煎到燶燶地幾正, 蛋黃半生熟一咬就漏。我無特別叫佢咁煮的啊...茄汁豆少量啦, 成個餐$40無加一 你仲想點。牛油多士真係有搽牛油, 輕輕烘過, 少少硬唔會太乾。熱檸水 佢問落埋糖好唔好, 我話好, 無特別。臺面又真係無糖樽, 其他臺都無。(另外, 同行的人叫左「特餐」鮑魚火腿通 配栗米奄列+ 牛油多士, $37無加一, 佢無投訴。)內在環境呢...牆貼住幾張懷舊圖片, 聽講話間茶記歷史悠久。地上有少量紙碎垃圾, 接受到既(本人係驗屍官)。地面好像有點黏住我隻波鞋底, 我覺得可以洗洗地lo。見食客可能係街坊, 有2個貌似

今日入開梅窩做嘢 本身見到佢出三層架下午茶好想試😍可惜下午茶要1430先有 唔啱時間🥲唯有去食佢其他嘢😞質素就麻麻啦 不過係呢啲茶餐廳食嘢都唔要求質素嘅～特餐（$37+$2凍飲）特餐包括鮑魚火腿通粉 粟米奄列 牛油多士鮑魚火腿通粉嘅湯底偏鹹 食落好重味精 而粟米奄列嚟到我以為係煎熟蛋😅 似係粟米熟蛋多啲 唯一係個牛油多士幾好食😂 牛油好足料 好邪惡😋個多士都算鬆軟🤪全餐（$40+$2凍飲）包括蕃茄湯火腿通 西煎雙蛋 配茄汁豆 牛油多士 蕃茄湯底擺明唔係蕃茄煲出嚟 係蕃茄膏開出來🤨重點係 個蕃茄湯底超級甜 完全食唔到酸味 甜都落咗糖咁😅

想起好久沒有去梅窩，就和朋友坐船去梅窩隨便走走隨便吃吃🛳午餐時選擇了有六十多年歷史的麥生記冰室，門口和餐廳內的紙皮石佈置已經勾起了我不少童年回憶，另外牆上還掛有不少以前梅窩的寫真，讓人在進餐的同時加深對梅窩的暸解🧐 餐牌就放在緊貼牆上的舊式信箱內📮老香港風味滲透了整家餐廳，食物也是一般茶餐廳所供應，最特別的應該是港女三層架下午茶，但一來我們興趣乏乏，二來未到供應時間，所以就選了普通午餐。 麥生記公司飯 所謂公司飯其實是雜錦飯，將一些茶記經典食材加上豉油汁，盡量達到上菜快易飽肚的效果😋現在只有一些秉承傳統的茶記有供應，每間也有不同的組合。這裏的組合是太陽蛋、火腿、紅腸、香腸和越南扎肉，同樣的豬肉做出了不同的口感🐷加上醬油味道頗重，吃完很滿足。 黑椒越式肉餅火腿扒飯黑椒汁是茶餐廳標誌性的配汁，特別香濃辛辣☺越式肉餅經過簡單油炸，外脆內彈的肉質很有趣，火腿扒味道略鹹，沒有特色。 在梅窩，越南食物相當受歡迎，另一間著名食店更以蟹茄湯檬馳名全港🤔令人好奇梅窩和越南人的關系。

👫今次去到梅窩當然要食下最出名既港女tea settea set相當貼地💁🏻‍♀️非常岩#麻甩系女生有茶記下午茶必有公司三文治好足料🥪又烘得脆炸物都有四款🍟薯條、蝦餅、春卷、咖喱角全部即叫即炸🔥 熱辣辣頂層係懷舊甜品😋啫哩、大菜糕、馬豆糕仲有三杯飲品🤰🏻 份量多到三個人都食唔哂兩點半開始供應，早少少來排隊咪要等一陣啦👭👫👭👫或者唔想等就要坐門口啦🔥另外仲試左經典豬扒包juciy又唔會嚡，有香茅味值得一試呀‼️‼️‼️‼️好過澳門豬扒包

今次小編同朋友仔去咗梅窩行山，行完梗係去嘆返個tea獎勵自己啦😆平時想high tea但又略嫌太貴？呢個平民版下午茶就滿足到你地打卡嘅慾望📸留意返tea set由14:30開始供應，但餐廳16:00就閂門，建議大家早啲去排隊🏃🏻‍♀️❣️港女三層架下午茶 ($138)呢個tea set足足有三人份量，大家記得搵齊friend去，如果好似小編咁兩個人去食就會太飽🤰🏻味道方面就正正常常😄如果大家經過梅窩又想打卡嘅話可以一試😇第1層：特色甜品🍮總共有6杯，有蛋花大菜糕、芒果布甸、花奶雜果同黑加侖子啫喱，全部都好有童年嘅味道👶🏻當中小編就覺得芒果布甸最好食，幾香滑😛第2層：炸蝦餅 / 春卷 / 咖喱角 / 薯條🍤🍟啲炸物堆到成座山咁，見到就覺得熱氣🥵食落就係中學小賣部嘅感覺，熱辣辣嘅香口嘢真係抗拒唔到🤪第3層：皇牌公司三文治🥪好足料😲有火腿、扎肉、芝士、蕃茄、生菜、煎蛋，食落口感好豐富，而且烘底真係加唔少分🤓🍹凍檸水 / 茶 跟餐仲配3杯飲品，檸茶嘅茶底都幾濃😌🌟6.5/10

港女三層架！$138全部味道都好懷舊風味，芒果布甸有驚喜，啫喱/大菜糕都唔錯，又唔算太甜！中間炸物/三文治好有細細個學校小賣部的味道，全部都正常味熱辣辣，唔會覺得難食/特別好食。但人均唔駛$50包野飲，影返張港女相，係絕對無投訴同超值呀😍😍😍😍

今日天氣幾好，我同朋友決定到梅窩，經過麥生記冰室門口，醒起之前喺網上見到有人介紹港女三層架下午茶，決定要去去試一試左個真 港女！尼個港女下午茶超級豐富，三層架都係裝到滿滿的，另加三杯飲品！第一層- 公司三文治四件文治 有兩款味道 大大件 面包keep到脆口 夠料 幾唔錯！第二層- 邪惡炸物 炸物有四款，每款有三件，包括薯條、炸蝦餅、春卷同咖喱角！樣樣都係即叫即炸，上碟後等左一段時間先食落口係會熱辣辣 出埋煙😂 炸物大致上都好食 唔會好好油膩。不過 當日唯一有少少美中不足既係 咖喱角有少少炸過火 比較燶！最後一層-港式甜品6個小玻璃瓶裝著三款甜品，包括 大菜糕、啫喱 同埋杏仁豆腐。食曬D熱食後，一口氣食埋D 甜品 真係會覺得大滿足！ 最後最後，一定要提提大家 如果兩個人去食尼個港式high tea,一定要一早留肚去，因為尼個tea set 應該係比3個人都夠食架！(Ps 同場見到好多街坊食豬扒包 同熱狗，都好似好正咁，我下次有機會再去梅窩 都會想試下）

疫情下無得去旅行，就帶小朋友去staycation玩下，知道附近有間茶餐廳的下午茶幾特別，就去試下。等咗唔駛10分就有位，入到去就點野食。豬潤米+扎肉三文治豬潤實得濟，熟到好硬，唔新鮮，又唔起沙，蘿蔔又未淋。最好味係佢哋既胡椒粉，好香，加落碗米粉度好味好多。佢哋既野飲係水吧預先落糖，所以桌上無得自己加糖，我叫左杯熱檸茶，入面啲糖少過少甜既份量，我問店員想要多少少糖，竟然比佢喝我話已經加咗，又唔好語氣叫我試吓先，我同佢講我已試過但唔夠甜囉，佢之後拎咗一大碟砂糖比我，多到好浪費囉。另外仲叫咗杯好立克，入面啲粉仲係一舊舊，仲衰過大排檔質素。主角出場，港女3層架下午茶，最好味係公司三文治，包仲係脆，足料。第二層的炸少物擺放得好亂，有幾張檯係底放薯條/面放炸物，吉來食都容易揀，但我哋嗰個，就好亂，要勃開啲薯條都搵唔到想食既春卷，覺得點解啲擺放咁唔一致架呢。炸物唔夠熱，唔知係咪一早炸定晒。上面嗰層有6杯甜品，馬豆糕/大菜糕/啫喱各2杯，感覺份量佔係比例多咗啲。馬豆糕-差，唔會好甜，但好粉，一啲都唔滑，有啲”鞋”口，連我個仔得3歲，正常小朋友都會鍾意食甜品，佢都話好難食。大菜糕-正常囉啫喱-都係啫喱

行完瀑布，見很多推介這間茶記的港女三層架下午茶，打算去試試。見鄰枱的實物，量太多的關係，應該沒法食完，最後點了滋味下午茶套餐。 ➡️ 炸帶子+火腿通帶子一般般，有點乾，但還可以。火腿通很好味，尋回了小時候傳統茶記的味道。 ➡️ 西多士+魚片米西多及米粉跟外面差不多，不過不失。值得一讚是辣油，很香很好味。雖然整體食物質素不是極優質，但能保持懷舊風味的小店已經買少見少，加上某些食物可以找回小時候的味道，所以值得推介並且真心希望這些小店可以傳承下去。

家人話帶我和朋友食港女下午茶，仲叫我哋留肚！😂小店裝修係用心，舊式懷舊設計。個餐牌都用心出位。杯奶茶都好有茶味。但係個港女下午茶，有點太多，太heavy, 又唔係特別好食，我寧願食返啲傳統茶記美食，或者試個老坑多士餐！🤨（店員都好大方，我哋要花奶，比了成罐我哋，話用完先比返佢）！總結係Gimmick 多於一切！

山長水遠地入到梅窩，就係為咗試下港女下午茶。去到餐廳門口就見到2點半港女下午排隊個牌，由於未夠鐘，桃桃同朋友們就去附近嘅景點行下打發時間。準時2點半返到去就見到要排隊拎飛，還好只是等2張枱就到。由於二人限聚令的關係，桃桃一行四人就有點麻煩，要分開兩枱坐，好彩老闆好人見到有相連枱就叫我哋去先可以坐返埋一齊傾計。港女三層架下午茶 ($138)最底層係公司三文治(4件)中間係炸物，有炸蝦，咖哩角(各3件)同薯條最高係6樽仔甜品d炸物唔夠熱，甜品還可以，最好的是公司治，夠熱同足料。另外包飲品3杯，問了一下店員，佢話奶茶最好，所以叫咗試下。有趣的是熱奶茶上菜前都已經加了糖，所以店員有問桃桃要不要少甜。沒吃午餐的桃桃跟朋友2個人就可以食晒成個餐了。經過又啱時間的話去打個卡也是可以的。

天氣突然降溫，#大除夕 喺街上嘅遊人比預期中少😚 我哋本着大無謂嘅精神，照原定計劃中午入到嚟 #梅窩，四周圍影吓相、順便呼吸吓 #離島 新鮮嘅空氣🤣 而呢團嘅重點要景點，就係要去搵 麥生記冰室 嘆一個特式嘅 #下午茶。雖然我冇乜idea #麥生記冰室 喺梅窩邊個位置，不過 #google神 一向無所不知，好快就帶我哋到達冰室門口😁 自從某幾本雜誌報道過 #麥生記冰室 嘅 #港女3層架下午茶 之後，呢間 #懷舊冰室 已經變成 #打卡熱點😚 我哋一場嚟到又點可以唔試吓呢。呢個 tea set 分成三層，底下有4件 #公司三文治，中間嗰層係 #炸物（薯條、咖喱角、春卷、蝦），而頂層就有6杯 #果凍。起初我對呢堆食物都有啲幻想嘅，因為我哋早咗10分鐘到達，樓面嘅職員紛紛同我哋講要2:30後先可以準備到俾我哋，咁所有嘢（除咗果凍）都應該係新鮮做起啦，點知正如網上討論區啲人咁講「啲嘢食係凍嘅」😪 唯一正常少少嘅係幾件 #公司三文治，師傅用扎肉、蕃茄、火腿做餡料，算係fusion系列😅 但係堆炸物似乎做起咗成粒鐘先拎出嚟，所有嘢都係凍嘅😪 果凍每人分到三杯，味道一般啦🤤 其中一款 #芒果奶凍 都o

早前睇左媒體介紹話梅窩涌口街「麥生記冰室」自一九五四年開業。其每日14:30 後準時推出的港女三層架下午茶🫖好受歡迎👏🏼人們不禁排長龍等候入座。店舖一眼望晒，可謂麻雀雖小，五臟俱全，用上開放式水吧設計，牆上掛滿梅窩舊時黑白照片，不忘一邊食，一邊了解梅窩的過去。大約容納20人左右，當日準時14:30 到都稍作等候。設有卡位雅座，坐得更舒服😌港女三層架下午茶🫖（HKD 138)包三杯野飲。頂層：特式甜品🍮，共六杯，當中包括黑加侖子味同橙味啫喱各一杯、正正常常無咩特別。兩杯芒果布甸、沒有提供花奶有點失望，味道一般。一杯自家製杏仁味糕，不是人人都鐘意杏仁霜味道，麻麻。同埋好實淨的大菜糕，均用上玻璃樽仔呈上。不過不失。中層：炸蝦🍤炸至金黃色，炸粉算薄，香脆可口。春卷餡料用上白菜🥬，幾健康，同中和油膩感。咖喱角普普通通來貨。薯條🍟用上粗薯，波浪🌊紋，蘸上茄汁不錯吃。底層：公司三文治🥪餡料豐富，用上扎肉、番茄🍅、生菜、芝士、火腿、蛋，唯沒有塗上足夠牛油🧈，味道吾夠出，麵包烘至香脆，都可以。凍檸茶凍奶茶🥤：冰室正常質素總結：不要抱太大期望 只是偶爾吃一吃也不錯整體質素一般

《廢物女孩👭食の覺醒》#梅窩篇👧🏿向左碌碌◀️◀️🍴港女三層架下午茶 HKD 138🔸皇牌公司三文治非常足料❗️烘過底嘅白麵包中夾有芝士 火腿 雞蛋蕃茄 生菜 扎肉🤪生菜同蕃茄都非常新鮮 爽口🙈整體嘅口感豐富 食落去感覺好Fresh🥳🔸炸蝦餅 春卷 咖哩角 薯條咩都唔洗講 份量取勝🥴樣樣都炸得新鮮熱辣辣 有預感食完一定會爆瘡（但係真係停唔到口🙈所有野中咖哩角依家真係好少見啦 買少見少🧐食落真係有返左去中學小食部嘅感覺🤪🔸特色甜品有6個 一人平均要食兩個😂有兩個大菜榚 兩個芒果布甸 一個黑加侖子味啫喱 一個菠蘿味啫喱😂全部都係正正常常嘅味 當中👧🏿覺得芒果布甸最好食 奶味夠濃得黎又香滑🙈💡三層架下午茶由14:30開始供應💡Tea set 夠三個人Share 配有三杯飲品味道覺醒指數:3/5 抵食指數: 3/5服務指數:3/5.-