麥田廚房 (已結業)

朋友介紹，話試過幾好食嘅俄羅斯菜，反正香港俄羅斯餐廳唔多，一試無妨。經開飯訂咗位，快捷妥當但原來無此必要，一點半去到得兩檯客，心知不妙。再加上冇乜冷氣，慘如果唔係約咗人，肯定掉頭走。幸好服務員十分熱情有禮，又立即妥排涼風機，心情好返晒一睇菜單，原來係上海式俄羅斯菜心情又涼咗一半最後我朋友要了牛扒Set lunch 而我要了羊架，前後三支啤酒，只供應比利時啤酒食物水準一般，埋單$560，都算幾貴一定冇下次

晚上於銅鑼灣覓食，尋尋覓覓間被一個商場下的餐牌吸引著，特別地寫著新派上海俄國菜。坦白講俄國菜比較少接觸，上海俄國菜更令人感到新奇。餐廳位於2樓，8點幾的人流比較少，座位很舒服，周邊寧靜，點了麥田俄式薯仔沙拉、俄式薄餅、招牌烤羊架 配 雜菜沙律。 及後下單時侍應特別推介羅宋湯，即管試試。餐廳上菜很細心，菜式一道道順次序上菜。招牌羅宋湯首先到的有特別推介的招牌羅宋湯，這裡的羅宋湯比很多西式的餐廳更吸引，牛肉的酥味同羅宋的酸味相得益彰，層次豐富。麥田俄式薯仔沙拉薯仔、青瓜、雞蛋、紅蘿蔔同蛋黃醬的份量配得很完美。伴碟的酸蘿白同沙律一齊食可以食更多、完全沒有油膩感。俄式薄餅（薄餅、酸忌廉配紅魚子醬）薄餅是以中式薄餅為藍本配西式的酸忌廉配紅魚子醬，暖暖的餅底加上酸忌廉紅及鮮味的魚子醬讓人喜出望外。招牌烤羊架 配 雜菜沙律最後的羊架的烹調讓人嘖嘖稱奇，外脆內軟鎖著肉汁，這裡的沙拉是以油醋加沙拉菜，口味清新。最後侍應結賬時推介基輔雞扒，下次一定會再光臨。

入到餐廳就比佢幅蔬菜牆吸引咗, 櫈都未坐就已經影相先😝 呢度環境清靜舒服, 啱晒朋友聚會傾計, 最重要係呢度係冇用餐時限確係好! 我哋六個人叫咗4款小食4款主菜!但菜式名稱就真係唔太記得🙇不過每款食物味道唔錯ga! 豬排意粉同帶子意粉賣相同味道都差不多羅宋湯朋友一致話好味, 令到一向我唔飲羅宋湯嘅我都忍唔住試番啖! 確係不錯耶! 值得飲!豬排配蘋果醬汁合我口味豬排很嫩再加埋個蘋果醬一齊食真係有清甜感覺!炸魷魚圈嘅口感一啲都唔似過往食開果種魷魚切開一個圈一個圈果種感覺, 而是似將條魷魚肉攪碎再黏番在一起, 口感QQ 的!蝦多士同魷魚圈口感同味道差不多焗磨菇同雞翼就不過不失對我來說是一間有下次的餐廳

Been here before when they first opened, I wasn't particularly impressed back then. But visited again today with family for Sunday lunch, and they have such a wide range of lunch sets to choose from with very good value for money! The borscht is one of the best I've had, bolognese was really good as well. Definitely will be coming back regularly

因之前試過這裡的羅宋湯念念不忙，所以今晚決定和姊妹再來這裡的晚餐！這裡比較清靜舒適，十分適合和朋友飯聚談天的好地方！今次試”酸辣魚湯”，十分開胃，味道有驚喜！ 喜歡吃酸辣的一定要試煎銀雪魚柳+炒雜菜魚柳超滑，外層少脆，十分美味！炸雞卷，外脆內juice，一切開雞汁就從內流出，薯蓉吸埋啲雞汁，真係超好味俄國牛柳絲飯：牛柳夠淋同入味，加埋啲汁撈飯最後再加埋個甜品：薄餅伴雪糕&果醬估唔到呢度嘅甜品都咁好味總結：價格適中，食物製作用心，水準超高晩餐！（真係比好多相同價位嘅連鎖式餐廳高水準好多）

野食就佢聲稱俄國乜乜乜既都叫哂但就只有俄國凍湯最特別用紅菜頭整既！豬扒飯最失望！實在太似大家樂既豬扒飯但服務幾好都幾體貼但飲品種類好少，都係酒精類居多！可試可不試

生日當然要慶祝下，一早已經睇中左呢間海派俄羅斯菜，其實係俄羅斯貴族以前流落上海，所以融入左上海風味。入去就見到好多酒放哂係度，絕對岩哂你食住飲番杯，仲有好多唔同既俄羅斯公仔，由細至大都有收藏好豐富。店舖環境好闊落，台同台唔會迫到好埋可以好好咁享受一餐，酒吧位都畫左唔少俄羅斯既壁畫同埋有經文寫左係牆上面。餐紙有男有女既俄羅斯公仔好可愛，仲有好詳細咁介紹左上海派既俄羅斯菜點樣黎，等大家除左食之外都可以深入認識下飲食文化。必定要試《上海派招牌羅宋湯》($48)，先炒香左蕃茄醬，飲落有蕃茄醬甜味，加入捲心菜同入味牛肉粒，酸中帶甜又帶少少辣味。小食要左《傳統迷你蝦多士》($68)，炸得勁香脆，中間用上蝦膠同菜撈埋炸，不過略微少左啲，包太過厚身，點沙律醬好食。主菜有《扒大蝦茄汁炒意粉》($128)，大蝦已經開邊好方便，仲啖啖肉，意粉好有細個去西餐廳食茄汁意粉風味。俄菜特色《基輔炸雞卷》($160)，一切開熱辣辣標哂煙，入面香草牛油流哂出黎，表面超脆，入面係嫩滑手剁雞肉，薯蓉撈埋牛油又滑又香。店員好貼心咁將之前偷偷預訂既《朱古力班尼朗蛋糕》($58)插埋蠟蠋送上，Brownie朱古力味好濃，加上凍冰

夜晚同朋友係OpenRice 訂左一間食俄羅斯菜既餐廳用餐 上到餐廳發現唔完全食俄羅斯既菜式 係上海式既俄羅斯菜 我地order左基輔雞卷 牛柳絲飯同蝦多士 雞卷好特別好好味 牛柳絲飯個汁同白飯一齊食 絕對一讚 而蝦多士 亦唔同出面食既 好足料 👍🏼當晚唔算多人 餐廳環境好舒服 有好多特色既套娃同裝飾品 而且 D音樂仲好好聽😊最值得一提既係 雖然餐廳當時得一個員工 但我地完全沒被忽視既感覺 個女員工好有禮貌而且好貼心 當我地食曬所有嘢 拒竟然俾2杯熱檸檬茶我地 話因為食完蝦多士同雞卷 可能會比較膩 飲杯檸檬茶 會舒服D 雖然只係一杯茶 但真係好貼心 👍🏼👍🏼

今天是一個難忘的除夕,因為今天我們分手了,原本相約一起慶祝除夕晚餐的餐廳,現在成為了我寫第一個食評的動力,好讓我紀錄下我今天的回憶,中午發生了意想不到的事情,本是沒有心情吃飯,但一個人悶著,又預約了就硬著頭皮吃一餐,這間餐廳播著柔和的歌曲,環境不差,很配合我心情.侍應服務很好,沒有因為我是一個人而忽略我.這不但令我借題發洩的機會斷絕了,反而令我有一種舒服的感覺,舒緩了我當時悲哀的情緒餐牌菜色頗多,令我有選擇障礙,有見及此,侍應主動向我介紹菜式,經介紹後,我點了圖片中的聖誕餐和基輔牛油雞卷,聖誕餐的食物種類有很多, 我選擇了龍蝦湯,魚子醬三文魚釀雞蛋和蟹蓋, 或者我是想化悲憤為食量, 所以我點了一個二人份量的食物,竟然最後我是把牠吃光光...............牛油雞卷-馳名俄國菜式，最美妙就是切開雞胸的一刻，雞胸肉外脆內 ，加上香草牛油汁，更覺滑溜魚子醬三文魚釀雞蛋-大大粒三文魚子鹹香好食白汁芝士焗釀蟹蓋-啖啖蟹肉配上蒜蓉包一絕非一般的羅宋湯-海派的做法確實與眾不同棉花糖朱古力撻-傷感的時候食甜嘢真的有幫助餐廳的環境優雅-除夕夜不會太嘈吵總括而言, 下次拍拖我會帶另一半來

昨晚跟幾個朋友到左哩間餐廳開會食飯，除了環境舒適外，服務及食物水平都很好，上餐快，唔需要等太耐，而且主菜食物火喉烹調適中，好好味，我地有㨂羅宋湯、雞翼、魷魚圈、蝦多士、安格斯牛扒(5成熟)、蘋果汁黑毛豬扒、三文魚炒飯，還有一個帶子炒意粉，羅宋湯好足料食到似用牛尾肉整個湯，而牛扒 & 豬扒都無over cook 剛剛好，意粉唔會太淋（我最憎食林啤啤意粉），但魷魚圈就一般，炸得有d硬，而且食落口無味，亦唔係一條條魷魚炸，係切碎左既魷魚整成一個個圈狀上碟，整體上我都會再黎試其他野食.(掛住傾 忘記影相）

今天我在朋友帶領下來到這家餐廳，踏入門口位見到貼上大量報導，我站在那邊看了一些報章資料，才發現這就是傳媒曾介紹過全港最好飲最足料的海派羅宋湯。原來在一百年前(1917年),俄國大革命爆發,逃亡的貴族帶同廚子避到上海落地生根 , 把俄國菜傳到中國 。 他們選用了上海當地的原材料，大白菜，甘筍，蕃茄，紅菜頭等等……上海人稱此為海派俄國菜 , 把他們的紅湯Russia red , 譯為羅宋湯 。 今晚幾位好姐妹，由於大家都心大心細，最後經侍應妹妹介紹下我們ordered以下幾款菜式，款款特式，道道美味首先有招牌的羅宋湯，我飲一啖己大感驚喜，呢個湯跟外界的非常不同，好濃郁，好多料，令我一試難忘飲完咁精彩的湯後，我決定要為呢餐寫份食評，介紹比更多人認識先我朋友好like酸辣，所以佢order俄式酸辣魚湯我朋友讚不絕口，佢好like，不停話好飲主菜方面有1.串燒牛柳，原來有3粒大牛柳，燒到好正好入味，啱啱好夠分！2. 烤羊架，又係3件，啱我哋3個分羊架烤得非常好，好味過金鐘某高級餐廳呢個價錢，完全性價比高3. 黑毛豬配Wheatfield Kitchen自己整的蘋果醬老實講第一次食，原來咁爽口，一

星期四晚，用 openrice 訂枱，去到同店員講用 app 訂枱，佢第一句就話：我地無睇㗎喎，我地而家得返哥張枱，你地坐住先。我心諗咁你唔好用個訂位 function 啦。然後男店員落單，佢記性好差又唔寫低我地叫乜，轉頭返嚟又要問多兩次羅宋湯同牛尾湯都好飲，牛舌沙律都係好食。黑椒牛柳絲炒意粉啲牛柳一般，意粉如果硬身少少更好。基輔炸雞卷有特色，味道都好，亦唔會太飽滯。埋單前提過店員會唔會 喺openrice confirm 我出席咗預約，佢答話佢地得閒先會一次過整。結果隔左幾日先 confirm 。

與友人一起慶祝聖誕，又想食與平日不同的菜式，所以今次選擇了俄羅斯菜。雖然已透過openrice網上訂位，但去到發覺不是太多人，基本上冇book位也不大問題。環境挺舒適，在不太強的黃燈下與友人邊食邊傾。服務很好，有禮有笑容。今次我和友人叫一個X’mas set share ($368+10%)，另外再散叫羅宋湯、基輔雞扒及飲品，務求試不同菜式。友人飲酸魚湯，我飲羅宋湯，不過我覺得酸魚湯較好味。基輔雞扒和我想像有點不同，因為我以往食是以雞扒卷狀製成，和這店做法稍有不同，不過也味道不錯的。

聖誕當然要食大餐😋，今次同朋友就來試下麥田廚房嘅上海派俄羅斯聖誕大餐款式多，價錢亦不算太貴，重點味道亦不錯呢！🎉🎉🎉✨餐湯:平日外面嘅餐廳d set只有紅白2個湯揀，呢個set就有多達6個可揀，包括招牌羅宋湯、周打魚忌廉湯、龍蝦湯、俄式凍湯、酸魚湯同牛尾湯，識食的我當然要試呢度嘅招牌羅宋湯！此湯落足料，牛腩好軟淋入味，聽老闆説此湯煲足30個鐘, 而且冇落味精呢！難怪咁香濃好呢！😝✨前菜:前菜有三款，我同朋友分別揀左俄羅斯魚子醬配三文魚釀雞蛋同煙三文魚沙律！當中咸香魚子醬同蛋味道好配，沙律亦新鮮可口！😋 ✨主菜:主菜就有五款選擇！同朋友就一齊開心share試左其中四個！💖芝士忌廉蘑菇汁焗釀蟹蓋配法式蒜蓉包，蟹蓋裝上滿滿的蟹肉絲同芝士忌廉蘑菇汁，蟹味好香濃！配上香脆蒜蓉包，正呀！💖招牌烤羊架配忌廉焗薯，烤羊架肉質夠嫩而且冇羶味，當中伴碟的忌廉焗薯亦是我十分喜愛嘅配菜，每粒薯仔都沾滿忌廉汁，好香好好食！💖俄式串燒牛柳配田園雜菜沙律，牛柳煮得剛好，唔會太熟同太乾，食落鬆軟仲keep到有肉汁，又不韌，而且牛味都好香濃！💖香煎比目魚扒配意式雜椒蕃茄汁意粉，比目魚皮扒外皮煎得香脆，內裏肉質依然嫩滑意

我和朋友想找一個靜靜地,野食有特色,在銅鑼灣就腳的地方-誤打誤撞下找到了麥田,真係感受到聖誕的温暖和幸福。係,野食唔係平,但真的有水準。首先招牌的羅宋湯就不用說了，如果我無記錯，這應該是我喝過最好味的羅宋湯，足料，有少少辣但又唔係好辣。然後蝦多士同意粉都唔錯，本來想食埋俄式甜品，不過真係太飽，下次再黎食過！