麥當勞

营业中

休息中

外賣通常睇完冇俾漏就算，返到屋企一打開又有驚喜，塊安格斯薄到巨無霸其中一層咁樣，算啦，呢間啲質素一直保持最差，冇乜期望，但依家直頭覺得佢厄得誇張！試過呢間薯條都知，從來都是軟的暖的，好似一早炸定全日數量咁樣

今日晚上7點要到達上水打波不過點3先到達上水基本上都冇得係餐廳坐低食飯落車見到呢間 Mc Donald 基本上二話不說直接衝入去落單流程非常快未行入去都知道要食啲咩由細到大都係最鍾意食麥樂雞餐好唔好食真係睇運氣新鮮炸起出爐記會好食凍晒就會一Pat 漿咁上水呢一間 Mc Donald 麥樂雞都算新鮮脆身有口感既可以接受！唔知幾時開始Mc Donald 已經長期有 shake shake 粉我最鍾意係香烤蜜糖味基本上都必食架喇薯條有少少凍唔夠脆脆香雞翼都係一樣我最鍾意食呀不過有少少凍唔夠脆新鮮炸起就真係好正魚柳包賣相就一般魚柳都仲有少少脆包就軟身既整體都還可以趕時間快食不過不失啦

見到M 記出左新味嘅雪糕，當然要去試下，仲要有我最中意嘅脆皮朱古力。雪糕充滿濃濃的抹茶味，食入口更有抹茶香。美中不足就係雪糕面上嘅朱古力脆脆皮唔夠，唔係全部覆蓋雪糕表面。

唔知你哋覺唔覺得麥當勞嘅安格斯牛堡同出邊$100up嘅漢堡包有得揮甚至更好食牛味濃d汁啱啱好 唔乾 又唔會整到個包淋曬成個餐都唔使$50真係超級抵識食一定食麥當勞安格斯牛堡

麥記又有新包推出，今晚外賣左The Signature Collection o既手撕雞安格斯番去獨食。平時出街食飯鍾意食手撕雞，貪其雞肉嫩滑又入味，一般手撕雞都係冷盤伴青瓜絲，但今次要試下熱食版啦。呢個手撕雞安格斯，餡料有牛肉漢堡、燒雞肉、加埋烤蘑菇、紫椰菜、白芝士同辣洋蔥醬。麵包質感較平時食開嘅經典款軟身。打開盒後，只見餡料側重某一角，賣想不太好看，感覺有點失望。咬了第一口，發覺醬汁味道不濃，同時可能因混上辣醬的關係，雞肉有點黏口，幸而安格斯牛肉維持高水準，牛味濃又juicy！整體而言，手撕雞安格斯口感並非想像中好，而廣告中的照片與實物大相逕庭，味道亦不過不失，只係以$39套餐價來說，一試無防。

又一上學日朝早630 食早餐返學放學變左好肚餓 又要去處理好多野 完左後經過m 記買返包食 選擇左安格斯包今次係第一次食呢隻新包（雖然出左好耐，畢竟小弟唔多食m記） 個包睇餐牌就真係吸引，但拎起原來麻麻地 包皮面有啲硬，烤得有啲濃 可能隻包嘅特色黎但小弟比較鍾意魚柳包 或 豬柳蛋包個包皮面 呢個口感硬硬地 而且牛肉冇咩汁，唔太juicy加上醬只係小小茄醬整體感覺會偏乾 哽喉小弟小左食薯條，所以選擇了粟米粟米比以前好似大杯左而且滿啲 比埋牛油我 但我一向唔落牛油 但感覺都還好 唔會難食

做嘢工作中午餐，實在食無定時！中段急急去食個快餐，去到店面唔大，店內係型格裝修，不過實在太太太爆場，初時搵到要分開坐，後來先至可以3個一齊！呢間係先去落單櫃臺落單，攞票等叫號碼去出菜櫃臺攞食物！落單嘅係一個男經理，我本來想叫開心樂園餐換貓貓玩具，講咗「開心樂園餐」之後，見佢攞件完全唔係貓嘅玩具，話只得呢款，咁我咪唔要開心樂園餐，轉食第二樣，呢下佢就開始黑面，我講3樣食品，佢又只落兩樣！都無心情去排隊補單！成間店佢最大都咁樣，點做榜樣？魚柳包（$11）魚柳包已經變得好精緻，麵包鬆軟，魚柳外脆內軟唔腥，加上芝士同沙律醬！酸酸地開胃！好味！新地（$8）只落花生粒，雪榚軟滑甜膩，花生香脆！好味！本來叫埋粟米批，經理落漏咗！食一貫水準！服務自助式都出事！失望！

呢那個新的安格斯牛堡，加10蚊就有這雪糕。平常新地是6至8蚊，以為多左乜，原來是多了一條餅，底部多了醬。味道仍不變，是麥叔叔一向口味，那牛奶不太滑，甜度十足的雪糕。老實說，加10蚊仍是吸引的，但單點是13.9，我會選擇點兩杯新地的。

3月9日起上市嘅新飽代替咗3款飽, 本來我都幾鍾意食板燒雞腿飽, 剛好喺換新飽之前2日食過, 當時都唔知原來會絕種, 而家無得再食喇…..失去了才知道有多愛佢…..咁啱有D肚餓, 造就今天入去試下新飽嘅機會, 朋友之前試過安格斯及香辣脆雞都話麻麻, 咁今次我就試下第3款” 清新田園烤雞”. 包裝改咗做黑色, 好似好pro咁, 打開有牛皮紙色的飽紙包住, 好似high level 咗, 而打開後立即見到2片新鮮蕃茄, 生菜, 芝士, 但size 當然無廣告相咁大啦, 都係一般芝蛋飽咁上下. 我一心都係因為想食下bagel, 但有d硬囉, 個形狀又歪晒囉, 大打折扣呀, 食下食下, 由中間個lon走d醬出來, 食得好唔方便, 之前我都食過其他bagel較厚身, 無咁容易漏出來囉. 但主角雞係比之前嘅軟滑嘅, 味道又唔會太濃, 適中, 如果換個個好質數嘅bagel就好喇.薯條盒都改做全黑, 做齊一set嘅感覺, 唔知係咪我嘅錯覺, 好似少咗薯條. 呢間麥記嘅衞生情況不太理想, 沒有人收拾已食完嘅盤, 眼見只有點餐及出餐位置先有員工, 這點要加強改良一下

工作中偷閒！天氣熱！買杯雪榚解暑氣，呢間剛好在附近！又未試過呢隻新味道！餐廳門口有個小窗口做新地甜品！姐姐好快手唧好！獨立放入袋！芒果新地（$8）雪榚雖然滑，但芒果味比較味精，芒果糖漿又杰，味道又超甜，完全食唔出灑在上面嘅花生碎味！兩樣夾埋更假！唔好味！都係簡單款式就係永恆！

快餐店大多都俾人覺得頹同肥，但加埋蛋黃哥，食老麥都可變朝聖。喜歡蛋黃哥嘅係我嘅同事咋，唔係我。。不過而家可以免費轉粟米的確增加咗我想食麥記嘅念頭，加多幾蚊轉埋特飲，試試蛋黃哥誠意。飯堡 - 我記得好耐之前已經出過。。。而家再食都有感覺，中間雞扒偏乾，而飯就偏濕偏淋偏鹹，飯味被蓋過了，如果個飯煎香少少，再脆口D就更好，入面個蛋有甜椒同粟米，減低油膩感，整體配搭唔錯，係個別材料要改善吓。梳打 - 唔加好過加，係個超甜嘅什果賓治。期間限定，都值得一試。三十幾蚊，都算係咁

我的六千元出了，和媽媽準備吃少少東西再去渣打拿，怎料：叫乜沒有乜！因為我想叫沙律！可是：沒有沙律，因為麥當勞的沙律好好味，又有好多菜！沒有泡沬咖啡，因為泡沫咖啡好好味，阿媽話妳鍾意飲的！就連鮮奶也沒有！那麼裝修得好似ｃａｆｅ款式有什麼用？態度亦非常之惡劣！真的有沒有搞錯！列入黑名單！

從朋友深山的家, 打完火鍋又度完波, 跟朋友回到上水時已經4時了。三個人, 見到廿四的麥當勞, 便一人一杯熱朱古力, 作為今天車輪戰的終結。熱朱古力本身不夠滑, 喝下去感覺"水水"的, 相信是不夠奶之故。咁又係, 麥記$7/杯, 加上夜媽媽, 你想佢俾幾好的朱古力大家飲?幫襯原因是廿四麥記提供了方便的熱飲, 正給予我們這班夜鬼溫暖。飲住朱古力吹水, 遠比食西北風吹水來得溫暖。