麥當勞

营业中

休息中

打風日 緊係叫個M記食下最新出嘅煙肉脆雞飽都幾好食喎煙肉係我鍾意嘅小小脆脆地甜飽入面夾住洋蔥🧅再加上脆辣雞腿成個飽覺得好夾新出shake shake粉黑松露 其實我就係為咗個Shake Shack粉而買打開好重黑松露味但係食落完全冇黑松露味😂 但係有少少辣整體上還可以

用麥當勞新Apps有新嘅優惠券😍其中一張係$1椰香泡沫咖啡！我已經第二次飲啦😀由於我自己唔係好鍾意飲苦嘅咖啡，所以呢杯椰香泡沫咖啡我覺得好好飲甜甜地咁樣唔會太苦💕再加上唔使買任何嘢都可以用優惠券一蚊就買到😀真係超級抵呀🫶🏻🥰今次喺TKO gateway麥當勞嘅Mac Cafe飲呢杯椰香泡沫咖啡，覺得佢沖調得非常之靚😍💯飲咖啡我覺得除咗飲味道仲有視覺享受😎飲起上嚟都覺得特別開心🥳希望會推出更加多唔同嘅優惠券，等我哋可以真正享受😉

今日返咗香港，路經麥當勞，看見有個新推出嘅人氣回歸oreo宇治抹茶，便試下。賣相好吸精，但是抹茶味很輕微，雪糕好軟滑及甜味比較重，有朱古力醬，更加甜，有粒粒花生碎，還有一塊迷你oreo餅，餅乾唔脆口。對比上一次推廣阿華田雪糕新地，還平啲啲$8，兩者比較，阿華田雪糕新地更勝一籌，因為好濃郁嘅阿華田味，加上阿華田脆脆，提升阿華田嘅味道。總結: 如果喜愛宇治抹茶朋友，大眾化價格$9雪糕新地，不要期望有濃郁抹茶味。

最鍾意食麥當勞嘅薯條，之前有shake shake 粉，覺得好好食，尤其是加咗落熱辣辣嘅薯條之後，但係shake shake 粉係季節性，唔會定期提供，希望可以反映比管理層知，可以定期提供就好啦。 同埋都好鍾意食佢哋嘅魚柳包同埋巨無霸包，好抵食。

已經好耐無食麥當勞，見最近出咗脆薯皇同埋巨無霸餐$35，所以幫襯食下。平時的巨無霸餐太貴了，四十幾蚊，塊漢堡如常的乾，而且好薄。記得細個食的巨無霸是很巨型，但現在越來越細個，食完一個都唔太夠飽，通常要再買多個包。這晚諗住加$3轉脆薯皇，可惜賣晒，只好食返薯條。知道可以轉薯蓉，但薯蓉份量太少，所以都係食返薯條算。最近麥當勞亦推出了新雀巢美祿味朱古力新地，之前新出的新地都是$7，今次加了$1，變成$8。麥當勞出的新地味道不錯，如果可以多啲美祿粉就更加好。

麥當勞一向是快餐界的表表者，而他們的快餐都吾例外。漢堡肉餅 勁juicy 又有口感，嘿脆生菜、酸甜醬汁相互搭配，味道十分協調。薯條酥脆可口，每一口都讓人垂涎欲滴。至於可樂和奶昔，更是消暑解渴的好選擇。儘管這些美食不是每天都可以吃，但偶爾來一次麥當勞，真的是一種享受。

🌞麥當勞☀️～～～～宵夜篇🗣🗣🗣🗣🗣〝＊﹉◇﹊◆﹉＊﹊◇﹊◆﹉＊＊﹉◆﹊◇◇﹉當宵夜或是任何時候想不到要吃什麼的時候，我都會選擇麥當勞，幾乎到處都有，又快、方便、味道熟悉👍😋😋😋今次嗌咗👇👇👇1.脆辣雞腿堡選用特別柔軟的面包、烤得鬆軟味香，雞腿肉炸得外脆裏嫩，配上生菜清脆的口感及美乃滋更加清爽可口。2.冰桃梳打茶裡面有多種水果當基底，喝起來非常清涼加上冰桃的香味和梳打的氣泡韻味散發多層次香氣，吃炸物時非常適合解膩。食物🐽🐽🐽🐽服務🐽🐽🐽🐽價格🐽🐽🐽

滋味蝦堡當中的炸蝦餅肉質很鬆散，只加入少量的蝦肉，完全不香脆不彈牙，口感不太好，令人失望！只食到千島醬的味道，沒有大驚喜！雖然這家麥當勞附近都有好幾家酒店，但都尚算清靜，比較多是當地人，但地方不算很乾淨，服務員不過不失，味道也是普通。

今次見到佢出返蝦堡，真係十分開心，因為真係好鍾意食麥當勞嘅蝦堡。佢今次仲推出咗朱古力香蕉批，兩隻味夾埋真係出奇地夾，雖然佢比較甜，其實我本身唔係好鍾意食香蕉嘅，但係食完呢個就覺得唔錯。我叫咗個菠蘿蝦堡餐，加咗個shake shake 薯條，我見到今次呢個shake shake 薯條嘅味，真係令到我覺得好想試，因為佢推出咗粟米湯味調味粉，我食落去真係好濃嘅粟米湯味，如果鍾意粟米湯嘅人真係唔可以錯過。食完成個餐真係好飽😋

Green Monday為慶祝10周年，聯同麥當勞免費送出100,000個新餐肉蛋漢堡！數量唔少，所以有幸可以攞到個quota!所以今次就黎個「免費早餐」，食個新餐肉蛋漢堡！成個漢堡包其實都係素黎，但係依啲新科技野都真係幾厲害！可能我唔係午餐肉粉絲，所以基本上我食落覺得同普通午餐肉味道無咩分別，勁！幾好食，多謝晒有機會可以比我試到依啲新產品！漢堡入面都幾豐富，蒸蛋加上軟滑芝士，營養上黎講，如果再加少少生菜就perfect!

放假懶洋洋瞓醒完全吾想落街依家愈來愈方便只要係app搵番你住的附近老麥網上下單後自取落到鋪吾洗再等佢整已經可以拎外賣回去脆辣香雞翼餐（提子椰果梳打）食完真係有點飽梳打不錯，不過椰果比較少了點薯條滿滿的辣雞吾會太乾身

蘋果批加意式田園蔬菜批， 十蚊兩個， 幾抵， 不過麻煩在要用手機apps買， 同埋買完之後，等出餐等咗好耐， 蘋果批味道一如既往， 都係咁啦， 個意式田園蔬菜批，味道有少少似羅宋湯feel， ok啦5蚊一個， 七日嘅優惠咁就完咗嚕。

開始悠長假期嘅我，趁老公收早，就同老公去行街街，行到攰就捉老公去McCafe嘆番個下午茶🤗 其實識我嘅朋友都知我係唔飲珍珠奶茶，但見到新出嘅沖繩黑糖奶茶，立即去試下先，沖繩嘅黑糖配上100%鍚蘭茶葉奶茶, 加埋Q彈嘅珍珠,，再配番個伯爵茶蛋糕，口感好鬆軟，而且每一層夾住伯爵茶忌廉，咬落去真係充滿淡淡伯爵茶味，兩樣加起來一齊食真係好perfect😍 另外個黑糖珍珠奶茶相比起其他台式飲品，CP值更高🥰簡直為我放假打打氣呀🎊

我大佬突然間發現有一啲麥當勞現金券，咪畀咗我們去麥當勞食。我們睇完電影，便用手機app, 睇吓麥當勞app有咩平價嘅餐食。我們搵到一個芝士安格斯超值套餐，原本三十九個半，現減到34蚊。另外一個脆辣雞腿包超值套餐，原價39蚊，減到27蚊。況且我哋有現金券，一次過畀咗五張，最終埋單成為11蚊，超值。芝士安格斯漢堡包套餐，牛肉好厚，芝士都ok，好飽，整體味道都唔錯。薯條就麻麻地。脆辣雞腿包套餐，雞腿冇乜肉好扁，炸粉多雞髀肉，有啲辣味，基本上味道都可以嘅，但係對比安格斯就好味好多囉，因安格斯貴好多。整體嚟講係ok嘅。

好耐冇食過麥當勞嘅早餐🤘🏼的起心肝放假落樓食返個早晨全餐😋🙋🏻‍♀️最鍾意食熱香餅，配上糖漿真係好正同埋薯餅配茄汁食🤣唔知有冇人同我一樣呢。最後梗係要配返杯熱朱古力啦😄