麥當勞

营业中

休息中

明明係app落左要外賣去到望晒啲外賣都唔見有自己個no.就企係到等～.淨係見枱面有盤野就放左係到好耐～啲嘢同自己叫既係一樣。等左幾分鐘再望下 都未有人拎 決定去望下發現原來係自己既！.張單都係寫外賣！但比佢放左係盤底！睇唔到！最後係自己拎開先發現到！🫥.同佢講返係要外賣架啦～佢答左句 哦 外賣架？.企係到一直等佢…過左好幾分鐘 ….無催過佢～之後個呀姐就咁掉低個紙袋係枱面！然後乜都無講！姐係點？🤯.嬲左1秒！🥶然後問佢 姐係你要我自己pick係唔係？係既唔緊要 你講聲 唔好就咁掉係到丫？🙂‍↔️.搞左一輪 終於食到野薯餅正常🙂‍↕️👍但隻蛋要有兩大塊蛋殼係到🫥🫥😑大塊得有啲過份～

個包未出試食已經出現左鋪天蓋地GA宣傳由細到大麥當勞廣告方面投放真係頭一二位最後本來冇打算去迫GA 我因為吃貨同事GA邀請所以佢就幫我買埋點知一落單同事諗住開開心心就由鋪頭行去拎早餐啦佢出左門口5分鐘之後WHATSAPP 我要等成一百張單我??????一百張單?邊度黎咁多人食M記呀???????唔係麻我地張單個號碼係 #628 號以我平時叫呢間麥當勞早餐最多都係百零號依家足足多左成六倍人叫早餐同事未問就已經聽到職員大叫McGriddles 需要等一個鐘頭!!!!!!!!!!!!!!!!!!!!!!!同事問我點算好咁梗係聽佢講啦我地叫早餐果時其實已經10點鐘等左一個鐘11點我就一齊出發去拎包人流都係未減小過入到M記聽到ga 係蛋同豬柳都冇晒貨要再等耐d.......故仔講完終於拎到個包我本來想就地食左佢最後都係返左公司先慢慢嘆其實我係未去日本食過打開個包因為新鮮整好熱辣辣熱力令地楓糖味更出眾一啖咬落去感受到次序係濕潤軟綿鬆餅接住係楓糖甜香彈牙雞蛋中和左口香甜咀嚼之後豬柳咸中帶小辣感覺好新鮮年紀大左開始鍾意食d 濕潤ga 野

每次來到遙遠的黃金海岸 一定要來麥當勞吃個早餐然後坐在這邊的窗邊位置 看着遊艇和海邊 一整天的好心情就從這裏開始 用最平民的價錢享受最高級的景觀 不過這邊人數普遍偏多 有需要等候的可能性

炸雞有雞味！牛漢堡有牛味！薯條有薯味！粟米有粟味！連杯水都好清純，好似初戀咁，仲有少少怕醜添！頂，寫食評都要計字數！都唔知寫咩好。都要限80字，唔講以為要作文！

20230205週日--麥當勞地址: 屯門青山公路黃金海岸商場地下R6、F9號舖及露天茶座到黃金海岸閒逛，又到下午茶時間，肚子不餓，又想找個地方休息一下，到了麥當勞，餐廳有提供幾個露天茶座位置，不過已坐滿客人，找了一個有椰樹又可欣賞遊艇景色的室內窗口位置，風景相當不錯看到M Cafe 餐牌，點了一個意式包系列，小龍蝦蛋沙律味道，可加($5)轉配有Line Friend 拉花朱古力人客不多，套餐很快準備好海鹽棉花糖味朱古力有點小失望，實物杯子是白色，跟餐牌粉紅色不符合，味道來說，朱古力味很淡，也喝不到海鹽的味道小龍蝦蛋沙律意式包包軟腍，有幾件小龍蝦，搭配蛋沙律，味道合格埋單: $39+$5=$44包和朱古力味道普通黃金海岸平價悠閒加油站

喺黃金海岸商場居然有間麥當勞，簡直係平民嘅福音！今次嗌咗Signature芝士安格斯牛堡，原來可加$5轉配細杯嘅Mocha，平時好少飲麥當勞咖啡，貪得意試吓先。薯條換咗包都唔熱好失望😢😢😢另外就叫咗Mc Cafe 「下午茶Combo」嘅新餐肉芝士pizza（因為自己唔食雞，所以無得叫雞肉菠蘿pizza），加中杯嘅Latte。pizza嘅話如果新餐肉可以配埋菠蘿味道會豐富啲，宜家就有啲單調。最深刻印象係有個後生咖啡師不斷推介我哋叫咖啡飲，飲完又問我哋同其他枱食客嘅意見，感覺好有heart有火，加油！我哋都覺得你沖啲咖啡好唔錯啊👍🏻👍🏻👍🏻

今早在店自助下單，留意顕示螢幕可取#4225，但肉眼見叫二份早餐只見袋內一份，所以遲遲未上前取，後來女職員叫號碼催促，上前便告知未齊叫人取是何意思？🤔二份早餐（最新深海魚柳+熱香餅早餐）及早晨全餐，理論通知只得一份及飲品未有，女職員才再求其取一份入袋，並叫飲品需在另一counter等候🙇🏻‍♀️隨後問cafe部怎知道枱面各杯是什麼？隨意自取？男職員才問清楚手持號碼。最後今日是本人在Gold coast staycation行去購買早餐，返酒店後才發現深海魚柳變成雞扒，熱香餅消失了，咖啡加大又攪錯了。當然即時上網search 店鋪電話反映問題，男經理話下次補回，麥當勞🔷真係不是經常食，仲要下次🙄我當然不滿要求即時更換，隨後等35分鐘更換，完全🈚️胃口☹️

今晚本來諗住煮飯去到百佳見到所有葉菜都俾人掃清光連西蘭花都要$6.2一個仲要好細個😑於是我提議不如去食好耐無食過嘅麥當勞仲要堂食😂真係好耐無試過-主食就唔介紹都係由細食到大嘅豬柳蛋漢堡反而係加8蚊試嘅龍蝦湯可以講吓呢張相係未搞勻嘅時候顏色唔係話太吸引個味飲落都好淡雖然都有2隻蝦仔但真係衰過茶餐廳例湯建議俾多2蚊叫多杯新地好過🙁食完咸嘢就到甜品呢杯Hershey’s朱古力脆皮新地有驚喜！啲朱古力味算幾濃個底嘅朱古力醬好杰10蚊呢個質素真係幾抵我同老公share一杯爭啲唔夠食🤣總括嚟講去麥當勞都係要食返啲麥當勞嘢比較穩陣湯都係留返喺屋企或者茶餐廳飲好啲😅

入左黎黃金海岸，未到集合時間就諗住求其食野醫下肚，其實本身麥當奴好似冇乜特別，但呢間個景同薯條都幾高質，所以要寫個食評推薦一下! 點左個麥樂雞餐，麥樂雞同薯條都炸得外脆內軟，好好食! 加埋個海景同遊艇，感覺真係好relax! 係我食過用餐體驗最好嘅麥當奴!

這間麥當勞是我迄今為止，覺得戶外環境最舒適的麥當勞。因為買完套餐你可以坐在玻璃窗口，望住出邊的遊艇，享用你美味嘅薯條和奶昔，如此這般你會感覺到生活很寫意，這裏最大的特色就是鬼多個人，這裏有很多外國人，一家大小常常圍一台，很開心的感覺。

黃金海岸嘅麥記，我一直都覺得係香港數一數二最好環境嘅麥記，因為對住無敵嘅海景，仲有好多世界各地嘅郵艇，坐响度食個餐可以望住咁嘅美景，一生一大樂事⋯⋯可惜，今晚之後，我應該唔會再去一入去，見到得幾枱人，周圍都好多位，但係每張枱都有盤未清，心諗⋯可能未做得切啫⋯⋯再望一望，哇～～一地都係垃圾，好污漕～～～好艱難先搵到個位可以接受坐落去。你以為員工好忙？又唔係，counter裡面有成五個年青員工响度，但買嘢食嘅客人係一個起兩個止，我坐响度用餐大約30分鐘，見到之前未收嘅餐盤繼續未收，剛食完嘅客人餐盤就當然冇人會收啦，所以餐廳得幾個客人，但就枱枱都有餐盤。以前會見有好勤力嘅姐姐收嘢清潔，今晚只見一班員工响度圍埋大聲講大聲笑，其間仲有個年青女員工一邊行一邊用腳踢箱垃圾去後門，之後返到counter 仲笑住同其他員工講粗口⋯⋯我知，依間只係麥當勞，冇服務係正常，但咁差嘅衛生環境同咁大聲講粗口嘻嘻哈哈嘅⋯⋯我確係未見識過⋯⋯幾好環境都冇用啦！

麥當勞不時都會在特別節日做推廣，在聖誕節前夕就推廣了三文魚堡系列，成員包括北海道三文魚牛堡、北海道三文魚菠蘿堡及北海道三文魚堡。繼早前曾推廣的Minions 迷你兵團套餐後，這是另一個比較抵食的套餐，最平的三文魚堡只需24元，適合Budget 有限的朋友。至於今次試的，是售價28元的北海道三文魚菠蘿堡，兩個餐相差4元，差異在於一片菠蘿及芝士。以4元格價多吃菠蘿和芝士各一塊，抵不抵吃，見仁見智。但總體而言，味道算是不錯的，菠蘿的酸甜味成功能起整個包的味道，是一個不錯的體驗。在香港，麥記可謂無處不再，但要吃得有格調，位於黄金海岸商場的麥當勞，會是一個不錯的選擇。食客除了可選擇在堂食外，也可以坐在室外的露天座位，甚至是附近海演走廊的坐位上，面對著黃金海岸遊艇會吃麥記，應該都算是一個不錯的享受。再者，在黃金海岸出入的，大多是香港人或洋人 (含南亞裔人)，對於想享受一刻清閒的朋友來說，會是一個不錯的選擇﹗ 

每逢去黃金海岸，都會入老麥食完餐先返去。M記近排同line聯手推出的限定麥樂雞配四醬，師妹話幾好食，我都買份來試下。盒都杯全部換上超可愛的line公仔，見到都心情愉悅～無James差評！四種醬，有好有差，我個人最鐘意lemon herbs同honey mustard，甜中帶酸，清新又開胃。Korean chilli不會太辣，但唔出彩。Bulgogi最唔掂，味道苦而怪，幾乎放弃。18件麥樂雞，真係好多好多，食到今個月都唔想再行入老麥。

在香港已超過200間分店的麥當勞，分佈全港九新界。俗語話：取之於民還之於民。麥當勞近期展開10元開心大優惠。款式日日不同。今天我也來試試有圖有真相，事實就是10元，可以食到2件炸雞翼和1杯細可樂，平時在茶餐廳分分鐘一只雞翼都吾止呢個價。自從佔中以來，經濟下調，但香港樓價及舖租仍在上升，人民節衣縮食，今次麥當勞帶頭做優惠回饋市民，希望其他連鎖店也能陸續跟風，爭取做到刺激經濟效應。真正做到取之於民用之於民。

話說最近喺黃金海岸附近返工，間間餐廳都試下，首先試下令人熟悉嘅老麥！味道同普通老麥一樣，黃金海岸勝在有室外座位，欣賞到日落同海景。職員態度好好，我買完外賣後問問題，佢地都耐心答我，我仲開埋媽咪會會藉添。好搞笑地媽咪會員性別選項有男性揀，唔一定係女性。