麥當勞

营业中

休息中

好似好耐無食麥當奴了，今次試下新野，檸蜜雞翼買番屋企慢慢嘆啦！麥樂家餐＋單叫4件檸蜜雞翼Em⋯⋯檸蜜成份十份少，可不可以再檸D再多點蜜糖，薯條又淋，都不脆了，唉，昔日的麥當當不是這樣的沒驚喜之餘，店員好似唔想做咁⋯⋯我都明既⋯⋯一般般啦！

數年來我都甚少幫襯M記，頂多買過幾次熱香餅及兩次香芋批，但包類起碼有一年(甚至兩年)都沒有吃過。直到菠蘿蝦堡的出現，實在忍不住了，因為我好鐘意...菠蘿~﹗M記的買食及取食方法不知在何時轉了，但改得更為麻煩，排完一大輪才買到食，但又要走去隔離條LINE排隊取食，今次差不多消耗20分鐘才可正式開餐。菠蘿蝦堡$28都幾大個，炸蝦餅內是雪藏蝦，毫無味道，罐頭菠蘿有一完整片，估不到兩者配搭起來都好夾，雖然我討厭食沙律醬但這個包有少少醬配合下都好，除了可以增加少少味之外亦令進食時不會有乾涸感，整個包甜甜酸酸，兼脆脆地，都幾特別呀，如果有機會我都會翻吃多次。加$4由薯條轉珍寶裝粟米，原來是大大盤﹗雖說是牛油粟米但食落只是白烚粟米，但錯有錯著啦因為我都不喜歡食牛油粟米。XD轉菠蘿特飲都要加$4，大大杯，不可以走冰只可以少冰，但事實都有半杯冰...味道酸酸甜甜，配以大量菠蘿肉，熱氣全消，爽丫﹗菠蘿批主要是甜味為主，酸味不重，內有少少菠蘿肉，都不錯，只是$7，更加之抵食。

今晨1早起床有點肚餓就去咗McDonald's 食早餐，今次就買咗珍寶早餐配料有熱香餅，豬柳漢堡，炒蛋，薯餅餐飲就凍奶茶，熱香餅見他們即時整起所以品嘗時熱辣辣感覺好鬆軟，而我就將豬柳漢堡加上炒蛋一起食用雖然無芝士但味道一樣好味，薯餅都係剛剛整好所以溫度保持熱辣辣好脆口，這裡嘅環境清潔保持得幾好而服務員嘅態度都幾好。

真系超級嬲 叫個麥麥送 叫左2個麥飯卷1個18件麥樂雞 18件雞無錯 但就尼左兩個麥開飯 跟住打比佢同番佢講 送錯左尼 佢話好好好 同我跟進 好啦 等等等 等左1個鐘都吾Q送尼 再打去吹 再等多1個鐘多D先送尼 咁我同我FD真系超級餓 就食左少少個麥開飯 跟住條友送左尼就收番走個飯 之後再禁我門鐘話我食左要同我地收番錢 真系超級嬲囉 我地系真系餓先去叫外賣 等左兩個半鐘真系餓到暈咁制 先食少少個飯 但仲要收番我地錢 但我地打去外賣熱線佢對單都話岩 但系佢公司出錯單 送錯野 但仲要收番我地錢囉 真系超級嬲 之後佢送番個飯卷同薯條尼 都系凍架囉 經過呢件事之後我以後都吾會再叫麥麥送 因為呢件事 我凸燈開個Open rice既帳號尼鬧爆麥當奴 ! 仲有送貨尼果條友服務態度系超級差 ! 

星期六不想外出，幸好有親愛的父親大人送上愛心速遞。心大心細下揀了至尊漢堡，只因它有一片蕃茄。叫了多醬，而此處亦做到。（因試過多次叫了，但廚房都唔會理）鬆軟的麵包，加醬料下的青瓜生菜蕃茄，半熔的芝士和厚切牛肉，食完真係大滿足！薯條略嫌薯味不足（個人喜愛mos的多一點），但因為茄汁，所以都清晒！餐飲叫了熱奶茶，但攪攪捧同糖都欠奉，茄汁亦只有一包，真係點幾條薯條都無晒啦！題外話: 萬試萬靈ge係每次食完麥當勞薯條都會出暗瘡，今次食完唔駛半日即刻出佐黎，所以真係好熱氣呀！

睇廣告好似幾ok..所以就買左個"脆辣雞腿早晨全餐"Take way...盛惠$23.8奶茶~~>我加左少少助熱左既北海道牛奶...特別滑..hehe^^薯餅，炒蛋，麵包~~>不過不失..主打~>脆辣雞腿<~由於係炸雞所以都預左會比較油...果然啊..一切就流油...不過個層粉都真係幾厚..似食面包糠多過食雞...所以呢...我諗下次都唔會試lu...

I can't figure out why it still hasn't got any bad comment since i thinkthis Mcdonald sucks, if you focus on its mid-night service.Yesterday i went there and wanted to buy a Chicken McNuggets extra value meal.Service sucks,extra meal brought you a plastic cup now,but the cashier forgot to give me one.When i asked for that,a staff give me that with an unacceptablemanners,just ask me"which colour?" and dump it in front of me.Apart from awful service ,also awful food you got.My friend found that on

唔講唔覺原來出左隻新包---蝦堡感覺似係中間有舊蝦餅o係度食落發覺唔係泰式o個種而係...明顯係蝦膠加雪藏蝦不過加埋D醬又幾好食咁話不妨一試

終於等到９時過後有機會一嚐足三兩，好興奮！這個足三兩熱得燙口，此分店出品一向不俗！厚肉打孖上，完全不是平日漢堡包內既乾且簿的！另外有半融的芝士，看，芝士多得溜出來！還有洋蔥、酸瓜，沒有多餘的醬汁。不是Ｔｒｉｐｌｅ　Ｏｓ那類多汁的，喜愛與否見人見置啦。＄１９一個包，＄２９一個餐，我覺得抵！不過店員忘了給我ＳＨＡＫＥ．．．．．．

要食得潮，於是一推出便要試試，哈！新食法是將麥樂雞也加入去一起ＳＨＡＫＥ，再ＤＩＰ醬汁。和風紫菜味粉不是新款，沒舍好講。兩款醬則選了日式芥辣醬，和菠蘿熱帶醬之類的。前者不是新款，味道可以想像；而後者比較合我口味，甜甜的，但是很膩！不用３０元有一大包薯條和９件雞，附送一包ＳＨＡＫＥ粉和２盒ＤＩＰ醬，在百物騰貴的時期，算是抵食的了！最抵的有得食又有得玩嘛！

去診所睇醫生前見肚餓，心思思想食漢堡包(哈哈,咳到死都照食)，$6一個頂一頂肚都ok0既^^好過食乾爭爭的麵包呢

意式芭菲舊年試過，好好味，舊年冇試到朱古力咖啡奶昔，今年又有，緊係要試番，雖然有d貴，但真係好好味，兩樣都咁好味，一定要再食~

新瓶舊酒用嚟形容呢個包係十分之適合，其實就冇乜特別，換o左個史力加包裝囉，但係實收貴d囉。食落去o既感覺係一口都係魚囉，魚多過飽好多。

M記四周圍都有, D野食間間都係咁... 不過依間好明顯SERVICE特別好!! D STAFF 做野好勤快, 佢地會好快咁TAKE ORDER 同埋拎食物比您, 又快快手咁同人, 而唔係好似有D M記咁, 未都唔理!!同埋D人都几親切, 有笑容(有時真係好忙果時都見佢地KEEP 住笑)<小兔Pat Pat> 講得好ARM, 果果肥AR姐好似叫"PIK", 我去親都排佢LINE, 佢都做有好耐LA~佢真係好KA, 最多人排佢果隧

睇倒呢間鋪都有人寫食評，所以我都多寫一個。其實佢嘅食物品質間間都差唔多，但係服務水準就好参差，我去過咁多間麥記，就以呢間最好。一入到去，任何一個職員都會同你打招呼，叫佢地清潔枱面都即刻做，特別一個中年肥肥胖胖的亞姐，態度真係好到冇得彈，经常笑容滿面，對你嘅要求都唔會唔耐煩，例如要走芝士或者走肉之類，都一一做到，永冇錯漏，如果要等的話，佢就會請你先坐埋位，做好後就親自送到，有時見到有的一家大細，佢都會攞埋個餐牌俾佢地，好有耐性咁介紹，真係去咁多快餐店都未見過有咁嘅招呼，有時見倒Ｄ亞媽帶住Ｄ小朋皮，佢都會同佢捧個餐埋位，﹝呢個做法其他職員以及經理都會做﹞，所以真係值得一讚，希望佢地能夠維持呢個作風落去，Ｄ客人就算幫趁小小一個快餐，都有一個舒服嘅感覺。