麥當勞

营业中

休息中

之前係日本食過McGriddle覺得幾好食依家香港都有得賣！呢幾日瘋狂比奧運同佢洗版開賣頭幾日實在太多人 所以我冇去排🤣最近終於有時間試個人覺得港版好食過日本啲啲 可能係心理作用？硬係覺得香港呢個比起日本冇咁甜！ 上網睇啲人話因為香港豬柳咸啲？ Any肥，鬆餅香軟 豬柳咸香 果然係咸甜永動機！

McGriddles楓糖班戟豬柳蛋漢堡楓糖班戟漢堡的包面包底印有麥當勞標誌M字，班戟漢堡加入楓糖漿，帶有啖啖甜味，配搭豬柳、芝士、蛋的鹹香味。相比起來，香港版比日本版的McGriddles楓糖班戟漢堡的外觀是相同，但味道就只有75%相似度，香港版是無咁甜。

麥當勞而家有全新雀巢美祿味麥旋風 同埋 新地！🍦🍦好正 ！每次出新口味都驚艷到我～好鍾意唔同粉嘅雪糕，例如之前有好立克、華田都好正！麥當勞雪糕出名順滑，再上加入美祿粉同美祿可可球，有好多重口感又濃郁！😋😋每次啲粉溶咗之後、隻味再強烈D！全球暖化搞到天氣咁熱，食返杯 性價比咁高嘅雪糕，絲絲甜意 又 即刻 涼番哂！仲有 ， 記得download返 麥當勞🍔App，每次有新食品，通常都會有優惠券喺入面，用嚟食雪糕就最適合！

行行吓街覺得肚餓，所以去咗平靚正嘅麥記醫肚，無辦法，新年後窮到燶。同老公一齊叫咗個雙層安格斯牛堡+扭扭薯條同零度可樂（加大）。漢堡：牛肉好厚，肉味好香，肉汁亦好夠，芝士好香好滑，飽亦好香軟，成個漢堡厚到差啲唔可以一口咬得哂。扭扭薯條🍟：一直都係我嘅至愛，薯仔味好香，炸得好脆好香口亦唔覺油膩，加埋茄汁真係一流，但我覺得份量加唔加大都好似無咩分別。座位好寬敞，坐得舒適，但音樂聲略嫌有點太大，令人有點煩躁。

常常說來沙田一田這邊很是奇怪，因為你去「牌仔快餐」，如果太多人就容易吃不到，然之後對面一田那些商店都不便宜，動輒吃個拉麵都70多元，在這邊如果你只是普通上班日，想便宜吃個午餐快餐，如果牌仔快餐吃不到，就只有麥當勞了。而且這間麥當勞本身很小，又增設「座位只可以坐一半」這個措施，那麼就更加少位置可以選擇。結果爽快的點了個炸雞套餐，配合薯條飲料，另外加了個蘋果吉士批。可能這間麥當勞人流還算多，因此炸物即整，吃起上來相當之熱燙，味道很好。蘋果吉士批還算特別，除了蘋果蓉之外，內裏還有少許吉士醬，比起平日常吃的蘋果批，多了少許奶香甜味，也是相當不錯的。

麥當勞和Green Monday合作的新餐肉美食系列已可在各分店買到了，我當然便要試一試啦！～新餐肉精選套餐這個早餐其實和舊有的精選套餐大同小異，唯一不同的便是將原有的惹味豬柳漢堡轉成較健康的新餐肉。其他的炒蛋、鬆餅和薯餅是保留著的。飲品仍可選奶茶、咖啡、朱古力、橙汁或檸茶。新餐肉煎得極似煎過的午餐肉，單憑肉眼真的可騙到人。但一口咬下，便立即體會到分別，新餐肉的口感已極似肉的質感，但欠缺了餐肉的濃郁香味，脂肪和火腿欠奉。但為了健康和環保理由，便要作出取捨了。個人覺得Green Monday一星期吃一次也沒有問題，但如果常常吃的話，真有點兒單調了。

其實麥當勞好少寫食評因係四圍都係麥當勞而且大家隨時可以食到但係呢呢一個McSpicy嘅地獄辣雞包係近期嘅期間限定所以就試試佢其實平日係好少試新野因為你食開嗰個餐就係會食嗰個餐食開嗰個包只會去食嗰個包但由於我係一個食得好辣嘅人出於好奇心所以試咗最辣嘅地獄級感覺個包其實係OK但係冇我想像中咁好食可能係因為係韓式辣醬佢一辣就會令到成條脷麻晒食唔到雞味而且佢有少少容易散如果佢係有張紙包住個包嚟食係會好啲因為我食個包個大塊菠蘿就跌然後舊雞又跌咗出嚟有少少狼狽

之前試過麥炸雞覺得唔錯 雞肉幾嫩滑（可能係因為佢地係先蒸熟d雞再拎去炸 所以仲keep到水份） 今次見佢出左新野：蜜糖bbq麥炸雞 一於去試試兩件雞跟餐$42雞正確d黎講似燒雞多過炸雞 味道唔錯 雞肉算係嫩滑juicy 下次再食m記都應該會再叫呢個餐

在政府頒布禁晚市堂食，只可外賣嘅限制底下，唔通真係要我拎住碗麵坐喺公園食咩？食得最方便嘅梗係麥當勞快餐～😂剛好麥當勞18件麥樂雞和Shake Shake薯條回歸啦，在咁嚴峻嘅疫情底下，都算係幾窩心嘅安慰～☺️值得一讚嘅係麥樂雞即叫即炸，所以外賣食，都仲係熱嘅，正！雖然今次冇新嘅滋味醬，不過4款都係曾經大受歡迎嘅口味，都算有信心嘅保證！蜜糖芥末醬雖然叫做芥末醬，不過蜜糖中和左芥末嘅嗆鼻味，食落香甜可口，男女老幼都啱！同麥樂雞又幾夾，唔怪得之一直都係長勝將軍！香草檸檬醬幾清新，韓式辛辣醬辣得幾過癮～本來覺得會好kick嘅星洲咖喱醬鹹香得黎幾惹味喎，值得一試！😏用McDonald App訂餐，仲可以減$5，抵喎！

今天下午途經麥當勞，想起有買一送一紅豆批的優惠，二話不說便進店内買來試試，因以前只吃過粟米、蘋果、香芋味的批，紅豆味我都應該都會喜歡。今次只要出示手機電子優惠劵，便能享用買一個甜絲絲紅豆批，便多得一個的優惠。一個批是八元，換言之，優惠期間，用八元便可以買到兩個紅豆批了，非常便宜。回到家後，紅豆批還是暖的。一口咬下，外脆內軟。批饀的紅豆很腍，又不會太甜，紅豆味亦濃，好味。買一送一優惠期至4月15日，還有時間再享用此優惠。

將軍漢堡返咗嚟就梗係要去會一會佢啦😋勁鍾意佢個汁，基本上每次出都會去食🤤難🉐️佢返咗嚟，要食豪d食返個雙層玉子將軍漢堡🍔2塊豬柳加埋塊蛋，真係要撐好大個口先🉑️以一啖咬曬😆2個人淨食一個包實唔夠，叫多一個A+B下午茶Set同埋用左媽媽卡。本身諗住張媽媽卡係送飲品，所以餐就🈚️叫飲品要左薯條，到攞野食嗰陣時先知原來依家係送薯條🤦🏻‍♀️建議下次收銀員落單嗰陣時可以提醒下。另外，呢間麥當勞無自助點餐機就真係🈚️咁方便囉。

午飯來到沙田希爾頓麥當勞，第一次來光顧，感覺不太好呢！叫左一個板燒雞腿包餐配薯條和可樂，雞腿包是可以的，但薯條真的很差，乾和好似翻炸的味道，真的不了，呢間麥記真的一次就夠

又受廣告影響，今天來到麥當勞特意買個蝦堡試試。原來蝦堡有三款，雙層蝦堡、滋味蝦堡和菠蘿蝦堡。各款都可單個買或買套餐。套餐比個裝買貴十元，但已包了薯條一包和汽水一杯。大胃者更可加$4.5將套餐轉增量裝脆薯格及大杯裝汽水或加$7.5將套餐轉增量裝脆薯格及大大杯熱帶菠籮特飲。這確實各適其適，任君選擇。我今天是單買了一個滋味蝦堡，承惠$23。飽內夾著生菜、一片蝦堡及千島醬。生菜🥬不太新鮮，但部分咬下去亦脆和有些菜汁。蝦堡炸得恰到好處，顏色討人，也算外脆內𡁻口，因蝦堡內除有蝦膠外，還有粒粒蝦肉，非常爽口。餡料配了甜甜酸酸的千島醬是最好不過，頗為醒胃。總括來說，滋味蝦堡味道不錯，如果能配上較新鮮的蔬菜，那就更好了！

光顧了這間麥當勞兩次，兩次都遇上服務態度極差的收銀員。第一次是黑口黑面語氣極差的收銀員，第二次是只顧一直重覆「快點付錢」四個字，答非所問的收銀員。食物質素是ok的，但不想用餐也要受氣，所以不會再光顧這間分店

今早為這間麥當勞寫食評，食“豬柳蛋漢堡”加杯港式熱奶茶，❕麥當勞的食物已是統一標準，沒有什麼地方可以評論。 今日要評論的，是他所用的餐具；我支持麥當勞減少使用塑膠餐具，但是木製的飲品攪拌棒無需這麼長吧❓ 是飲品杯兩倍的長度呀，太誇張了❗非常浪費木材資源。但飲品杯的設計 ，就值得一讚；意外倒瀉也不會“一杯清袋”，又方便飲用❗