麥當勞

营业中

休息中

✨厚椰奶鐵 McCafe iced coconut milk latte原價$34 呢排好似係$9.9，咁抵飲就想試下😳😳咖啡味突出 好順口🤎，亦帶有椰奶香🥥+甜味，飲落過癮下都好。不過如果椰奶同牛奶比較嘅話，牛奶配咖啡都係正啲😂

人人都話食麥當勞既OREO批，終於都有機會試食啦。講真，佢既批都可以接受，所以先想試一試。我地當日係外賣，買到返屋企食都仲熱，個批比較甜，鐘意食OREO既人一定鐘意，麥當勞我始終都係鐘意粟米批。當中有個小插曲，因為我地當日都買左好多野食，亦有為契女買左個開心樂園餐，我地返到上樓食果時，先發覺冇左個開心樂園餐既公仔，咁我地就打返去呢間麥當勞度，佢地經理好好禮貌地幫我地跟進，仲叫我地可以隨時去攞返，唔需要即日都得，所以佢地既服務真係好好，值得一讚

麥當勞近排出左一款討論度非常高的菜式—麥炸雞。自從韓式炸雞興起，在香港可以選擇的炸雞餐廳非常多，自然大家對炸雞的要求亦變得比較嚴格。今次麥當勞踩過界由漢堡包薯條變炸雞，可以話非常冒險，亦可以話對自己非常有信心。既然係咁，我就梗係要去試一試。首先，佢嘅炸雞份量非常大，十分足料。二人餐，每人有三件雞，份量真的超乎想像多。調味亦恰到好處，不算太辣，在可以接受的範圍。我覺得麥炸雞最出色的地方是，他的肉質鮮嫩，不乾，亦不太油膩。總體而言，非常出色，推薦必試。

見到有兩日m記有免費試飲嘅推廣即刻走去試下啦今次有芝士奶蓋菠蘿、芝士奶蓋葡萄， 仲有隻 類似珍珠奶茶嘅😄 咁我今次就試咗芝士奶蓋葡萄啦第一啖飲嘅芝士其實同之前嘅差唔多有少少奶香味，但芝士味就好淡。然後再試去嗰個下面嘅葡萄啦飲嗰個葡萄：第一啖類似藥水嘅感覺，但後尾竟然有茶味其實都真係似葡萄加茶嘅感覺😄初初會覺得怪，之後慣左都ok都可以消暑既~但原價$35.5 就唔值啦~ 如果有機會都想試佢個芝士奶蓋珍珠茶係mc cafe到拎， 服務好快 唔洗點等😆

今日M 記又出新奶蓋成員，用m 記app 就可以有一杯免費試飲今次出三杯新野，一個菠蘿，一個提子，一個沖繩黑糖珍珠揀左菠蘿，因為提子有fd 話似藥水。。。甘岩個陣奶蓋用哂，店員即刻整，所以一杯野飲等左半個鐘。。可能新鮮整既關係，今次奶蓋特別重芝士味下面菠蘿就係用罐頭菠蘿加冰加糖漿打碎當然入面都有d 罐頭菠蘿粒整體味道都夾，唔會好藥水，合格，但三十幾蚊應該唔會比錢買啦，始終都只係罐頭菠蘿，份量又唔多

麥當勞新推出麥樂雞配4款新醬料，分別係蜜糖芥茉丶鹹蛋黃丶南乳燒雞同香草檸檬，我買咗9件配鹹蛋黃同南乳醤我覺得個南乳醬，味道一般，食落欠缺南乳獨有的味道，只覺得差啲啲，鹹蛋黃醬味道更麻麻，偏甜冇鹹蛋黃香味，2款味道都係怪怪地麥樂雞食咗好多年，唯一優點就係冇骨，啖啖肉，不過冇雞肉味，平平哋，都幾啱醫肚嘅

麥當勞國際品牌，相信大家都不會陌生，一個月總會食幾次，價錢大眾化，食材質素高，今天我又去幫襯我鍾意嘅pancake早餐，有3件pancake，大師傅級水準，pancake又鬆軟又香蛋味，配上獨立包裝糖漿，鍾意食幾多就點幾多，熱奶茶又香濃又滑，真係又平又抵食

屋企附近間24小時麥當勞長期搵唔到位，好爆。今日同朋友來到貿易之都附近工作，路經麥當勞地方決定要試下新包。今次叫咗宮崎風味南蠻炸雞漢堡，見到廣告一直都好想食♥醬汁+蛋沙律非常惹味♥不過唔係脆辣雞煲嗰隻雞扒，係麥香雞嗰種合成雞肉，有少少扣分。我最鍾意嘅shake shake薯條❤滿心歡喜想叫蜜糖味shake shake粉，點知其他味都冇貨。得返出前一丁味shake shake粉，唯有試下新口味。原本諗住出前一丁麻油味好怪，估唔到味道出奇地夾食唔停口❤趁佢仲有供應嘅時候會再來食多次呢個餐

今日食TEA用埋支付寶可以食幾次就有10蚊回贈今日在自助區點了麥樂雞餐,加甜酸醬,中薯條,加1.5元轉大橙汁在自助點餐區都算幾方便,慢慢自己選付後再選點樣俾錢可以用信用卡,百達通,WECHAT,支付寶去俾錢食落去麥樂雞都唔係好熱,薯條真係唔夠熱橙汁都OK既

麥記廣告太吸引人了⋯⋯😍😍😍老公提議午餐試試吧～感覺這次麥當當重本邀請代言～還算是有噱頭啦順便推推鋒味自家餅乾🤪🍔鋒味安格斯-煎蛋肉醬飽🍔口感豐富，肉醬、煎蛋與有咬勁的肉排🌽薯條可以改成玉米，較健康之選🍻吃漢堡要配碳酸飲料啦～來個港式風味-凍檸樂🍦奶茶冰旋風好似幾特別，搭配鋒味曲奇。但好甜啊⋯⋯

話說想用麥當勞的app裡面的優惠劵，於是揀了分店地址後，比個QR code個收銀掃，點知三個收銀都吾識，最後有個收銀仲話要搞好麻煩，叫我下次先用啦。阿老麥搞個app出來叫d消費者用，阿老麥個員工叫你吾好用，因為好麻煩，佢又唔識。咁就叫消費者唔好用啦？！仲有，問員工攞辣醬，阿老麥個員工話要買雞翼先有辣醬，雖然之前都有得攞，宜家吾比攞可能真系公司新措施啦，算。買到翻來，見到個蘋果批，以為比人咬過，無啦啦冇左一忽，仲要炸到好黑，有埋d黑色一粒粒既焦，唔知以為系佢地整蠱我地。

女女說吃麥當勞午餐，因為很久沒吃過了。既然是兒童節，當然要順應她們。大妹點了個安格斯漢堡，味道尚可，汁也頗多，她吃起來時，滿手醬汁，非常滿足。細妹點了麥樂雞開心樂園餐，粟米好吃，因為多汁，但要小小口地吃，不然會失禮。我點了特價的魚柳包，只暖不熱，還可。我們還有個分享盒，食物都脆口，不過不失。總的來說，在午餐繁忙時段，麥當勞的食品就是這樣一般，可以飽肚，及滿足兒童的需要，只是兒童餐的橙汁不甜，略苦，不知為何會如斯失水準。

天氣熱 , 行到慶 , 喝杯消暑的 , 除了清水還有凍黑啡 , McCafe 近日大肆推廣他們全新的 house blend, 由埃塞俄比亞 Limu, 墨西哥及秘魯咖啡豆配制而成的黃金比例 用來襯 McDonald's 的魚柳包 , 魚柳包全日賣 $ 11, 用來送 Iced Long Black 就不再單調 ~Iced Long Black $ 18 : 咖啡面有層淡啡色的油脂，香味不弱 , 味道似是比以前濃香 , 酸味不顯 , 嗒嗒下似有果仁餘韻 , 輕輕攪拌令咖啡與水溝勻 , 它未會過於清淡 ~本篇完 ~

今日係假期行行下吾知食咩好，到最後決定去食個麥當勞早餐，宜家點餐同拎餐都係要分開吾同櫃枱取，今日d生意吾算旺，但點解d職員好似啞左咁，招呼又無地方清潔更加吾洗多講，又濕又滑累到有客人跌親，之後由點餐到拎餐足足用左20分鐘，排我前面既客人等拎餐吾多，只得7個人，到我拎餐享用時明明我叫個係熱香餅餐，但當時個餐又吾熱，又硬，照我所知應該係即叫即做，而且又吾係旺做咩要整定係到，我諗吾會有下一次再幫襯亦吾建議d人去呢間食

標榜由3星米芝蓮大廚創作，靈感來自東京吃過的特色海膽包，在lunch time想不到吃甚麼時想起了這個新推出的東京之夜，便來試一試。黑色的包以墨汁芝麻製作，但口感一般，食落有點笠的感覺，不夠鬆軟，味道則和普通的包沒有太大分別。餡料有煎蛋，芝士，蔬菜，脆雞，配上日式吉烈醬。整體味道尚可，但沒有驚喜，脆雞味道不夠突出。除了那日式吉烈醬外，其他的都感覺不到“東京”的味道。以東京之夜命名，心想味道應該和東京一樣多姿多彩，不過事實只是一個正常的芝蛋雞堡，加上一個香港人憧憬的名字和米芝蓮3星的魔力，藉此來增加吸引力。如果可以加多一點有特色的餡料，提升整體味道的層次，就算價錢貴一點大眾應該都會接受吧。