麥當勞

营业中

休息中

今日又去到麥當勞食早餐，通常習慣都叫兩塊薯餅，一間麥當勞既炸薯餅有少少失色，有少少唔夠熱，令到成塊薯餅有少少黐住張紙，不過通粉就夠熱，雞扒非常好食，再加埋本身豬骨湯同埋湯底下便嘅粟米，整體上都幾配合，呢一個價錢冇乜可以complain, 合格好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

今日我去食麥記😊買咗個魚柳包套餐 😊一打開我就見到啲薯條同包都係濕立立嘅😲所以我淨係食咗幾條薯條同埋一啖包就唔想食啦😨之前我細個啲味道都唔係咁嘅而家竟然搞成咁😭環境衛生又差😵 啲人打開道門又聞到一陣廁所味😱我以後都唔幫襯啦😥

早排番學要深夜先放學，附近只係得番麥當勞食。於是順便去M記試下個新包同新SHAKE SHAKE 粉 (牛仔安格斯套餐+雙層芝士孖堡味調味粉)呢間分店位於西營盤般咸道，比較接近香港大學。夜晚去既時候下層十分少人，即刻有位。牛仔安格斯套餐加大拎雙層芝士孖堡味調味粉，價格比出面餐廳唔算貴，當然水準唔可以期希過高。成個晚餐如下圖：店員工作態度有待改善，執餐完全唔掂，大薯條放到飛晒出餐盤。(份量一如既往大薯變中薯)分店無人都執成咁主食牛仔安格斯包:沙律醬分怖不均，外貌大打折扣。肉排雖然較厚，但看落同食落已經明顯是十分乾。洋蔥圈形狀還好，保持圓形，可以平均比麵包蓋上。(但明顯唔夠脆，放得太耐?)燒烤醬太少，幾乎食唔出味道。

買個安格斯套餐，成個包燒焦，黑哂，仲要食評要有80個字......薯條又淋，仲要點樣形容個包，炭燒安格斯，.......麥當勞咁都可以比客食...........

8:30 去到，見到新推bagel 廣告。落單時佢話賣晒，心諗：限量發售？無得賣可以坦白講，點解要呃食客？ 叧外，派錯餐給食客，人地轉頭攞番黎換，我以為佢地會將嗰份餐掉了，點之扮野行個圈，將同一份餐比了另一個客。

啱啱肚餓又唔想食咁多野，畢竟都夜晚了，就去食M記，買個魚柳bell,個staff收完錢，轉個頭就同廚房講:快d la出得啦，成個過程由我比錢到拎到包只係10秒內！個包暖嘅，有醬但塊魚柳都幾乾。我諗佢整左一段時間。

睇報紙見到有新包，一個係有苹果，一個係有瑞士芝士同蘑菇，食一個餐仲有得送熱焦糖新地！上次喺麥當勞問過，都要$9杯咖！今日即刻去試下先！個包有層紙包住，再有個盒入住。一打開，同promo張相差好遠係正常嘅咬下先，兩塊芝士，食落係同平時其他漢堡唔同，但塊肉話angus beef就食唔出，同平時嘅味好似。入面夾住一大塊原塊生菜，唔同$10嘅包，係夾生菜碎。送嘅焦糖新地原來係送一張free coupon,又幾好喎，唔洗即刻食！

般含道麥當勞系學生嘅天堂同地獄。唔計啲工人姐姐，大部分顧客都係附近嘅中學生同港大學生。天堂嘅地方系尼間麥當勞出名快。相比其他地方嘅麥當勞，佢嘅效率極高。即使中學午餐繁忙時間，等候時間都唔會太耐。除此以外，開24小時嘅麥當勞系唔少大學生宵夜嘅勝地。半山基本上唔會有餐廳開咁夜，尼間麥當勞於是成為大學生夜晚醫肚嘅地方。地獄嘅地方系尼間麥當勞嘅食物並唔系太好。雖然間間麥當勞嘅食物都差唔多，不過食得多就自然分得出高低，而般含道尼間就相對無咁好。除此以外，尼間麥當勞用餐嘅地方系系地下，所以經常收唔倒電話或數據。尼間麥當勞亦都比較逼，做得唔系太舒服。食物方面，我只可以推薦佢嘅豬柳蛋扭扭粉早餐。同其他麥當勞一樣，老麥早餐系最出色嘅

黑加倫子新地樂，感覺像巨峰提子味的黑牛。soda好味不太甜仲有少許提子渣在裏面，味道與軟雪糕好夾。這個雞堡除了咸便吃不出其他味道，也不覺得辣，非常普通。脆香雞亦不嬲都「人如其名」，就是又香又脆！記得要點泰式酸辣醬，非常嘢味！總結食物👍環境👌服務👌價錢👌

麥記啲期間限定真係愈來愈懶，年年差唔多時間出差唔多嘢，期間限定變期間指定！今年新年又出招財福堡，又係軟硬賣廣告，唔同咗嘅就係冇利是封送！般咸道呢間麥記好在落汁唔孤寒，麥記所有黑椒汁包要好食都係至緊要汁多，試過另外一間整到乾爭爭超難食！呢次個招財福堡食落同印象差唔多，不過黑椒汁好似夾牛多過雞。扭紋薯條就好似越整越細兜...麥記可唔可以俾少少創意喺食物方面？改少少都好吖，幾樣受歡迎嘅輪流翻兜當新嘢，TVB 啲劇集咩...

板燒烤汁豬柳漢堡包餐, 好期待 ~~個包真係好似板燒雞腿包咁, 不過塊肉就淋好多, 都幾好味, 雖然好鐘意食酸瓜, 不過好似唔係好夾, 洋蔥好生, 食完會有口氣個薯皇好好味, 外脆內軟, 如果入面啲薯仔再粉啲, 有啲質感就更好, 但係而家都好好, 比想像中好吃...但好熱氣, 食完即刻覺得喉嚨有啲痛...吃完巳經超飽, 個軟心朱古力批要留待下次.....

呢間的各樣食物都勁差, 認真唔新鮮, 薯條食落軔軔的, 飽又唔新鮮, 漢堡牛肉又老, 大部份食物都唔夠熱.更且, 有些員工服務態度唔好又串,有時真係十問九唔認, 人地order 食物有時眼尾都唔望人,對佢地講唔該都無回應. 做野又大意,在非繁忙時段都會成日俾灟野, 要人地返轉頭取, 真係幾麻煩. 我曾經到其他的麥當勞都唔係咁差, 人地樣樣都好新鮮, 薯條又鬆又脆, 飽又鬆軟的, 點解有咁大分別, 有時真係好想撘車去堅道或西環的麥當勞食呀! 佢地真係要多多檢討啦...咪以為在般含道係獨市生意就求其是是但但整出黎先得架.有時我諗下, 係咪因為麥當勞老闆俾人工少的關係呢? 但回心一諗, 咁其他地區唔通多人工過佢地?

lunch time同d同事行左落黎食本來一路都無諗住試飯tastic,不過身邊有個好朋友極力推介,就襯住今次機會試試啦係雞同牛肉之間,我揀左雞點知一食就好失望,d飯同雞唔夠脆都不特止,重淋patpat既~d生菜又核核突突,唔新鮮~呢個飯tastic好似整左九年咁~我食左一啖就唔想繼續食啦~唉~食完有種好強烈既感覺---我被騙了!!!

個日同男友去食個早餐, 叫個好耐無食的豬柳蛋餐, 味道都係咁啦, 不過麥記d飽真係越來越細就係真的, 薯餅依舊好香好脆, 不過我地坐係下層, 個度真係超迫, 個d位真係背頂背, 食完都唔想留底.

呢間Ｍ記既員工態度極度惡劣，尤其是係個Manager （穿著黑色背心、西裝嗰位），人客講咗Ｎ次要乜，佢一邊同隔離同事傾計，一邊繼續問囉。（我仲聽到佢同傾到爆晒粗，話要投訴個「的士佬」喎！）仲有嗰位拖地員工（可能佢係有少少問題），不過，都唔駛人地傾緊計，佢「搭訕」啩？仲要「勁拖」我地一張桌個地囉......等我地走咗先都得啫？？？講返食方面，都唔明點解現場食既薯條都要係凍既，唉！！！！！