麥當勞

营业中

休息中

好多年前食過signature，事隔多年見到又出+想試kitkat系列，就去食個lunch啦！三重芝士安格斯，芝士條夠脆，少少拉絲還是有的，芝士醬算夠，塊芝士就細左少少，整體芝士味唔係好燶，但口感上都還可，牛就乾啲，靠啲芝士潤番。Kitkat批層層酥皮嘅感覺係有嘅，不過唔知係咪唔夠熱，啲酥皮感覺油啲，同啲餡醬比較少，勝在唔係好甜，有朱味。Kitkat朱古力脆脆草莓麥旋風感覺就似新地多，係雪糕上加左曲奇脆脆only😂不過士多啤梨醬有果肉，冇藥水味，都唔錯

食咗好耐，點都要講一講，唔知點解我覺得近期M記嘅阿華田新地雪糕勁難食，阿華田味唔知去咗邊，再加埋果d脆脆入哂牙罅，搞到我好忙用條脷「料」佢出嚟，超中伏！價錢$8/杯（3/10）📍香港全線麥當勞 #麥當勞 #觀塘 #觀塘好去處 #觀塘美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

今日遲左一日食新春招財牛煲套餐🐮❤️等左好耐終於有得食！我覺得今次黑椒汁好似辣左啲比起以前。我個人覺得食有薯餅個款反而無咁膩，個包都係軟熟個款包🥖🥖🥖🥖🥖配埋每年必食既扭扭薯條！prefect呀！今次推出左杯🍇🍇🍇巨峰乳酸味特飲！餐內仲跟埋一個紅豆年糕批年糕無煙煙unun 既口感，一般🙈好味！同埋今次聯乘我中意既hello kitty👍🏻仲有疊利是🧧封送！差唔多$60左右😏

終於試到M記新包包 - 韓式脆爆雞腿包😋首先份量好足，加埋薯條就夠我1個女仔食得飽啦然後雞腿肉嘅肉質鮮嫩多汁，好Juicy🥰再加埋特製韓式醬汁真係食過返尋味😋😋

今日出開觀塘做嘢，經過麥當勞入去食咗杯軟雪糕 真係好正！順便試食佢哋新出嘅綠茶豆乳批 唔算好甜，好好食 跟住C食埋佢哋嘅玉子將軍漢堡 漢堡包嘅份量都幾大 一個女仔食啱啱好！

食得最多M記，應該中學時代，果時所有餐都係17.3，加大加1.5，如果肚餓叫個巨無霸餐加大真係即飽，薯條仲好多時食唔晒。見出左個新巨無霸，買外賣試下，感覺係好過之前，但就淨係個包軟左，始終都去唔返以前用發泡膠盒裝要分兩層食果種感覺了。

而家香港天氣日日都30幾度，無時無刻都掛住雪糕，而最抵食嘅一定係M記麥旋風 喺夏天食真係超級解暑又抵食，今次用支付寶Alipay仲有買一送一，平均$7.5 一杯😎 店員接到order就開始整，唔使5分鐘可以拎，超級快就有得享受我嘅麥旋風😏 麥旋風雪糕加埋Oreo餅碎，經過攪拌之後，成個人即刻涼晒，又有Oreo餅嘅口感，又有雪糕綿滑嘅享受，有時會自己仲會再加Oreo餅，令到成杯麥旋風都充滿Oreo餅碎，一路食一路嘆麥當勞嘅冷氣，一個字爽啦👍🏻👍🏻

估唔到麥當勞竟然出左素食系列🍔食快餐都可以食得唔頹架 仲健康添😆平時好少食素 但係食完真係有驚喜😎個新餐肉包同新吞拿魚pizza都好食喎 唔講都唔知係食緊素😋

話說上個星期晚市去食麥當勞，外賣返屋企，叫咗脆辣雞腿包餐，個包想要多醬，點知職員話新政策而家冇得多醬啦，撳唔到機㗎，咁大間連鎖式機構麥當勞，少少醬都比吾起客人？仲要又加左價，真係好cheap囉-重點點解咁嬲呢，就係返到屋企先發現原來佢個包得嗰一半醬，唔多醬唔緊要，但係起碼都正常返d啦下醬既分量要，點知得一半包有醬，咁另一半嘅包點食啊，冇醬勁乾身，嬲到爆-好心咁大間餐廳就唔好咁cheap，平時調味料要主動講先比都算啦，當支持環保，而家連包都唔俾多醬，分享左比同事聽，個個嘅反應都係「下，唔係呀嘛咁都慳！」真心無言，唔會再幫襯囉，我情願幫襯KXX

今次真係做咗水魚，以為有乜嘢特別嘅地方嗌咗個double魚柳包，點知食落個感覺同平時魚柳包完全冇分別，最緊要係一片魚柳價錢等於一個魚柳包嘅價錢，我覺得呢個套餐係最唔值嘅一個決定，以後一定唔會再試。

相信係呢一頭返工嘅人唔會對呢一間McDonald感到陌生，細個成日食McDonald，大個咗反而少食，所以決定今日嘅早餐就食好耐都無食過嘅魚柳包😌1️⃣ 魚柳包早餐+薯餅 （$29.5）唔知有無其他人同我一樣，食魚柳包係要走醬呢？我總覺得魚柳包嘅沙律醬破壞咗我品嚐塊魚柳嘅味道，可能一開始食會覺得好dry，但係食落你就會發覺塊魚柳同芝士係好夾嘅🧀🍔 P.S. 唔知幾時開始魚柳包變咗用盒裝，但其實我都要搵張紙巾包住佢嚟食，轉左包裝對我反而更唔方便👉🏻👈🏻即使係去自助機度買都可以掃 McDonald Apps嘅優惠券，指定早餐套餐會減$3😆 2️⃣ Flat white (+$5)其實一朝早大家都係想飲番啖咖啡醒吓神～飲細杯其實都好足夠，一打開就見到濃濃嘅泡沫，好香牛奶味😎

夜麻麻，行海濱道公園，有啲肚餓～就來到尼間麥當勞買個餐食，點知買返來咁個樣，瞬間冇晒胃口！餐廳環境污糟，一點都唔衛生，周圍都係紙巾同汁跡，一眼望去，見到裡面個姐姐面前的操作檯好多殘餘菜渣，但繼續用手拿盒同包操作，冇清潔🧹的想法

人大左健康左，但每個月都忍唔到去食老麥。麥當勞由細到大都食架啦，不過呢，最鐘意食嘅都係脆香雞翼😆😆 脆香雞翼一盒會有4隻，一直都諗唔明點解會咁細隻，但又好方便攞上手食，外皮好脆，又唔會油淋淋，帶有少少微辣，雞翼入面都無柴皮，係肉汁鮮嫩的。4隻真心唔夠，如果有9件雞翼餐堂食就好。而家新出嘅麥炸雞其實就係脆辣雞翼嘅大份版，又真係俾佢做到，外脆內軟，肉質勁爆汁，香口，會食唔停。而家去親麥當勞都會食，你唔係唔食啊？

疫情之下，好少出街，呢一日第一次帶BB一齊去野餐。由於係第一次，出門請太忙碌，本來打算自製食物，實在冇時間啦！最後決定去麥當勞買個姜B2人套餐，個包裝好靚！極速搞掂！有最新嘅姜B煙肉巨無霸+我好鍾意嘅板燒雞腿包，仲有好味嘅炸薯角，兩杯飲品，仲有蘋果批&紅豆批！一次過試咗兩款新野今次嘅野餐活動成功！！

成個APM,食平價野最平得呢度,對面觀廣係多選擇,但排餐死呢期做緊老麥APP內優惠,29蚊有巨無霸餐,大約1分鐘就有得取,又快又唔洗排隊食飯時間得咁多,食完訓陣做神仙先係路跟餐可樂,可以選多醬,沙律菜比得好多,夠清爽,芝士唔溶,可以因為塊牛肉唔夠熱成個咬夠爽皮,咁多年黎真係得佢先可以食一個包夠飽....30蚊內又快又可以食飽,幾好觀塘觀塘道388創紀之城一仲可以用APP內預早落單,黎到就拎走,同埋呢間出餐真係特別快,阿姐又有禮貌,真係抵讚