影片
以上资料只供参考，请与餐厅确认详情
呢次去旅行搭車同過境嘅時間都比想像中快，入到禁區仲有好多時間先夠鐘登機，所以就諗住搵個地方食個早餐先，嚟咗呢間麥當勞可以對住飛機食早餐，而且品質有保證，同其他分店嘅麥當勞一樣味道，亦都夠熱，價錢亦都相對合理，係上飛機前食早餐嘅好選擇。
继续阅读
上機之前又諗唔到食啲咩早餐，又差唔多時間，最後都係揀咗食麥當勞，不過呢一個位嘅麥當勞係可以望住飛機，個景係幾靚嘅，食嚟講都係中規中矩，啲嘢好似有少少預先做好，唔係太夠熱，不過整體上都係冇乜大問題嘅，如果鍾意睇靚景嘅朋友都可以過嚟呢一間食！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟
继续阅读
咁啱臨上機之前朋友話想食個麥當勞就見到而家原來喺閘口入邊都開咗本身仲諗住喺閘口出邊食！唔緊要啦，既然係咁就喺入邊食！呢間麥當勞嘅空間感同埋位置到十足仲可以望到停機坪，個景真係有別於普通嘅麥當勞，我哋都係叫咗普通嘅早餐豬柳蛋漢堡薯餅同埋咖啡，薯餅最緊要就係熱辣辣同埋脆口，依家麥當勞都做到呢一樣，豬樓蛋漢堡都係熱辣辣嘅，都係新鮮，即叫即做，咖啡嚟講就不過不失啦，呢一個價錢嚟講一個套餐算係幾抵，普通麥當勞水準
继续阅读
到咗機場啦! 總之，去到香港國際機場，無論是接機，送機，或是自己去搭飛機，都有無比的興奮感。這一次獨個兒出發去美國，當然係由香港機場開始啦。而我既飲食之旅，就由機場的《麥當勞》開始。為何要寫香港既《麥當勞》? 因為我個人覺得，呢間《麥當勞》夠特別，值得我去為他撰文。印象，這一個 L6層，曾經是某航空公司的貴賓室。該貴賓室結業後，把這一個空間開放給食肆進駐。而其中的一間是人見人愛的《麥當勞》。說真，當我一來到，就覺得，這一間《麥當勞》比起禁區外，要上一層的《麥當勞》熱鬧多。原因，就是這《麥當勞》可以望飛機，近窗邊既位，可以說是一位難求。食客們及非食客們，一霸到這幾個位，就一定會坐好耐先走。而我就坐在大長檯，也選擇了背向窗口 (大個仔啦，仲望飛機咩，望空姐啦緊係)。選擇背向窗口的原因，當然不是為了睇空姐，而是為了 mon 住個航班 schedule 電視。原因就是我太早入了禁區，我張 boarding pass 未有登機閘口的。所以要時時刻刻睇住，我班機係幾多號閘口出發。我是下午3點的航班，一早成11:30點入到機場的我，當然要正正式式食個午餐。不過，如果那間愛爾蘭酒吧沒有結業的話，相信的未必會黎呢間《麥當勞》試住。由於當日的我肚餓，點了一個餐之後要另外加多一件麥炸鷄。單點一隻的話，一定會是雞槌一隻。少少辣的炸雞，有時真係覺得好食過某炸雞專門店架。They do Chicken Right, 咁《麥當勞》就 do Chicken Correct。包子，我要了最傳統的芝士漢堡。正確一點說，這是一個雙層芝士漢堡。兩片薄薄的漢堡扒，其實係《麥當勞》既特色。基本上，《麥當勞》既漢堡是輕盈的，傳統的漢堡包餐對外國人來說只是一個 snack。熱熱的包香口，熱熱地半溶的芝士再加香味升華，加了份量有兩片肉，同埋酸瓜，總之，最傳統既《麥當勞》包，其實是最好食。《麥當勞》的另一個 signature，絕對不是他們的 signature 系列漢堡，而是他們的 French Fries。有心做的分店，薯條絕對是香脆可口。機場的這分店，人流多，也有心做，薯條既 turn over rate 高，所以，我可以說，這兒的薯條，保證香脆。最後，要評一評杯汽水了。簡單，就是一杯可口可樂，完。的確，這是一個有人用心製作，服務又好的《麥當勞》。位於機場，位於有好多遊客，以及為了轉機的過境旅客的地方，不能令香港蒙羞啊。(唉! 近日的香港羞事太多。低級錯誤雖好笑，但真係笑唔出。) 學我咁，出國散下心仲好。說真，真係連北上同過大海都開心過留在 Xianggang。
继续阅读
您可能会有兴趣的...