麥當勞

营业中

休息中

今日去咗食新包，雖然好遲但係味道有驚喜。 飲咗杯最近做緊promotion嘅mirror 士多啤梨奶昔， 平時唔會叫嚟飲， 飲完之後都真係唔會再叫泥飲， 味道太甜，完全冇士多啤梨味。shake shake粉又唔係成日有不過紫菜味係必叫， 新地雪糕貴到離曬譜由$2.5開始食，食到依家竟然要$8蚊， 價格定位完全同引流單品背道而馳。 今次去食埋麥旋風真係非常失望，麥旋風之所以同其他雪糕吾同，係因為職員會喺 麥旋風暴雪糕機唧出時同時多次攪拌，喺雪糕中加入空氣令雪糕變成硬身，依家啲職員全部就咁唧， 雪糕變返軟身，咁我不如食返新地筒！！

好耐冇食麥當勞啦，今日去咗樓下食lunch，揀咗送餐服務，唔知係咪因為繁忙時間啲人送餐慢咗個餐擺咗一陣，啲薯條凍咗，同埋應該唔係即炸，凍咗薯條就唔好食啦唔知啲薯條係凍嘅麥樂雞都凍凍地，唔好食嘅一餐

上次太飽試唔到麥旋風，今次專程再去試吓。------------- ⇣ 食後感想 ⇣ -------------🍦 阿華田麥旋風 雪糕係普通雲呢拿新地，裏面加咗華田脆脆同埋機智豆。我男朋友同我叫一樣嘅嘢，但佢個杯望落大杯啲。另外雪糕同配料都攪拌得唔均勻，我大部份嘅華田脆脆都係喺底，係完全乾爭爭咁喺個杯度冇黐住雪糕。呢個配搭永遠冇死，所以味道上冇咩特別。題外話，我都係啱啱先知原來阿華田味糖係叫機智豆😂------------------------------/大家鍾意見嘅話請follow、like & comment，你地嘅支持係我更大嘅動力！/📍 麥當勞 (馬鞍山)馬鞍山西沙路632號頌安商場地下6號舖食評只反映餐廳當日及該分店情況！打卡值 📸 ▪ 💛🖤🖤🖤🖤好味值 👅 ▪ 💛💛💛🖤🖤抵食值 💲 ▪ 💛💛💛🖤🖤 回頭值 🤝 ▪ 💛💛🖤🖤🖤

好耐無食過麥當勞試下佢新出嘅⥅ 抹茶豆乳批 ⥆ 先抹茶係有啲苦澀既味道 加上甜嘅豆乳味一苦一甜 都幾夾 (≧▽≦)本身以為係一個伏 點知試後都幾好食 可以一試但係之後都唔會再食 始終蘋果批先係王道 (~￣▽￣)~

哩間麥當勞都算係買過咁多間之中最差嘅一間首先買親外賣十次有七次都會有甩漏，唔係漏雞翼就係漏咗個包😑真係好過份…其他食市如果有漏單肯定會親自送番上門，但哩間唔係㗎 每次都係要顧客親自落去拎，落去都唔係問題，最大問題係落到去又要重新排過隊，又要再等 完全係勁嘥時間。其次佢啲外賣每次都係凍，麥當勞同屋企嘅距離可能係5分鐘嘅路程，但係每次返到去都係凍哂😑薯條又凍又淋 麥樂雞又凍又硬…真係唔係見夜晚屋企附近啲舖頭都閂晒門，冇其他好嘅選擇 都唔會幫襯佢🥲

次次外賣都要check清楚. 一係比漏，一係比錯！所以次次一定要check清楚先好走！因為唔係住附近要揸車去買，如果返到屋企先知又要打返去插，插完要等返半個鐘先送得返嚟，唔係繁忙時間都會錯，都唔知攪乜春!

見到麥當勞新出左隻蜜糖BBQ麥炸雞，都心思思想去食，今日終於買咗桶回家。烤雞感覺同原味麥炸雞就好唔同，塊皮唔脆，蜜糖味唔係好足夠，不過啲雞肉都好仲嫩滑，保持到肉汁。一桶六隻雞脾同雞胸都有，但雞胸都唔會鞋，全部啖啖肉都唔錯嘅，不過相比我第一次食麥炸雞嘅驚喜感覺，呢個就弱d啦。

麥當勞最近新出嘅綠茶味雪糕，想試好耐，不過成日見到甜品上出現，都冇心機等。咁呢今日經過頌安邨呢度，個甜品站又冇乜人睇到所以就試吓呢個新出嘅綠茶雪糕。今日個姐姐整得好靚，個雪糕型好似樣，因為見過之前有啲生手嘅工，真係整得好核突，不過今次好好彩有個姐姐整得好靚，點左落啲朱古力醬度，都冇的到周圍都係，朱古力醬順利地變成脆皮，個雪糕就變咗綠茶脆皮啦。見到呢個靚樣真係好開心，6.5價錢嘅雪糕，都有肉赤味，朱古力脆皮都有好濃嘅朱古力味，整體非常滿意。

食完下午茶唔夠飽，就去咗Mcdondon試吓呢個都幾多人話伏味濃厚嘅雪糕🍦我就唔係自虐嘅，純粹咁啱經過見到姐。1️⃣朱古力脆皮大窩夫筒+樂天小熊餅(海鹽扭紋) $13其實自己就覺得唔係話真係咁伏，可能因為間間Mcdondon嘅味道都有少少分別。恆安站呢間又整得幾好味喎，佢海鹽味反而幾重，而且都有香濃嘅奶味🍼，加上少少脆皮朱古力🍫，好有咬口。缺陷美嘅樂天小熊餅就有少少可惜啦，不過整體成個雪糕都幾惹味，而且唔會太膩。我同大肥肥👦🏻一定會回頭再食!🙆🏻‍♀️美味指數:6.76/10💡整體來講，食甜品最緊要開心🥳，同埋可能本身打定底係同埋可能本身打定底係伏味濃厚，所以更加有驚喜🤪

今早經過發現出咗新嘅雪糕，係藍色外觀嘅 海鹽味雪糕，仲有柚子味嘅海鹽新地。分別試咗兩種新產品，海鹽味雪糕筒加朱古力脆皮，口感還可以，但相信不是很多人喜歡，又甜又鹹感覺很特別，但未必會一試再試。柚子溝海鹽味道很古怪，唔係太夾。

市面上雪糕店形形色色, 可以說五花八門, 要全都試過, 實在不胖死也難. 今天見麥當勞有個何華田雪糕, 感到有少許童年回億, 就試一試. 麥當勞當然會給大家多種選攞, 新地筒, 新地杯及麥旋風. 貪它有少許配料, 就買了新地杯. 先來說說雪糕, 很濃的阿華田味道, 即是少許甜加微朱古力味再加一些烘焙味, . 另外上面有些感覺上是阿華田粉末. 甜度都算是適中. 比較麥當勞的古朱力新地甜度會淡一點, 個人來說, 古朱力新地的古朱力醬實在過甜. 另外上面的粉末就像是阿華田糖打碎了的感覺. 比雪糕濃一點. 整體味道都算不錯, 有雪糕軟滑, 又有少許阿華田粉添咬口. 共花費HKD9. 服務來說一般, 因為只有一個人負責雪糕檔, 如果雪糕機要加奶, 大家就要等等了. 當日等左一陣, 都可以接受的.  

呢間M記真係好好生意，成日都要排隊！早餐唔知揀邊度就會揀M記呀！薯餅冇得輸！Shake shake燒烤味薯條好好味！魚柳包啱啱出爐最正！又香又脆！M記咖啡又抵飲！

榴槤的確是一樣很神奇的水果，愛佢的人非常狂熱，不喜歡的人敬而遠之，甚至要兜路行。大家平時要食榴槤 一係直接去買榴槤肉返屋企食，一係就在甜品舖食，所以好多榴槤fans係隱藏左，冇人估到佢係榴槤愛好者今次麥當勞推出的期間限定 D24榴槤麥旋風，把這群隱藏fans 都捲曬出來，因為麥旋風唔等得，會溶，要即買即食今次的D24 榴槤麥旋風聲稱是馬來西亞直送D24果蓉，分了兩個level：基本版（$25）及濃厚版（$40），分別是濃厚版多一匙的榴槤蓉。要知道香港市場主要供應多是泰國的金枕頭，味道偏creamy 兼多肉，但最正的應該要數馬來西亞榴槤，那種獨有並富層次的甘香，是其他地區的無可比擬；而馬來西亞榴槤也鮮有出口，所以當我發現今次是話由馬來西亞直送榴槤蓉時，連我家那位榴槤fans也躍躍欲試，仲要特登開車去夾離邨的麥當當甜品站買。一入那間麥記，即刻唸起果句歌詞「飄來榴槤之香」, 拿拿臨排隊先因為時值晚飯後時間，看到不少街坊都來這裡買飯後甜品，出現人龍，但估計平時應該冇咁長龍，因為個個一見到條龍都「嘩」一聲我前面大概仲有十零位街坊排緊，後面亦陸續有來我見有幾位都好緊張咁，成日走上前問職員會唔會賣晒

M記最近新搞作-珍奶🤔一直怕中伏 但作為珍奶控 覺得都係要試下所以拖到依家先去試😂珍珠奶茶(跟餐+$5.5)佢奶茶係平時M記凍奶茶既味道但珍珠呢🤔🤔😂個人認為有少少太軟無左珍珠應該有既Q彈感🙈其實佢都幾大杯唔駛食嘢 淨係飲佢已經覺得好飽

晚上9點多了，連吃晚飯也過了，人還在馬鞍山。途徑麥當勞，速度買了一個豬柳蛋漢堡充飢。有時候麥當勞就像加油站，總有間在左近。餓了進去買些食物，正如車沒車油就加油。人流絡繹不絕，相信職員對顧客也沒有印象，令我想起陳奕迅那首《落花流水》歌詞：「淡淡交會過，各不留下印」今晚出奇地安靜，人流不多。難得不用排隊，原來人流不多的麥當勞環境不錯座位寬敞哈哈買了一個豬柳蛋漢堡。說來有個故事，小時候家人總是買開心樂園餐給我吃，那個迷你漢堡包🍔實在不是我的菜，那片酸瓜令我覺得全天下的漢堡包都這樣，自此我不吃漢堡包。有一天家裡開派對，表兄弟姐妹都來我家，舅舅買了很多漢堡包套餐，應有盡有。小孩子貪新鮮，總是這個咬一口，那個吃一口，這樣「試」吃漢堡包，竟然發現原來我很喜歡吃豬柳漢堡。因為外皮煙煙韌韌，有嚼勁。豬柳和芝士都是較易令人接受的食材，芝士遇熱溶在豬柳上，滋味無窮，加上一隻蛋，雞蛋能中和豬柳的鹹味，不錯。不過我略嫌這個包鹹了一點，沒辦法，麵包皮和豬柳都是偏鹹的不過今次這雞蛋煎得不完整，有點散碎。