麥當勞

营业中

休息中

黃竹坑Southside 麥當勞 日式吉列雞腿包套餐趕唔上巴士，所以去咗麥當當，先食個包餐等下一班巴士。e間商場麥當當店都有好多人捧場，未夠五點半時段已經坐滿人。裝修設計時尚新潮，好似去咗一間中上嘅餐廳格局，空調足夠兼空氣清新流通，冇煎炸油煙味。日式吉列雞腿包應該係落order先至製做，上枱時夠晒熱辣辣，雞腿肉嫩Juicy雞肉味淡，一啲都唔油淋淋，可惜炸䊢較為厚實，有少少杉口。沙律cream比較淡味，如果酸濃啲會較為適合煎炸食物。薯條就炸得乾咗啲，latte咖啡失手過熱有微微苦澀味。因為堂食，要等店員送餐到桌，只派咗個飽餐但唔記得咗杯咖啡，提醒後多等幾分鐘補上。今次仲有折扣優惠，只需三十九個大洋，非常之抵食，份量足夠可當作晚餐飽肚。今次係等二次嚟e個場食餐，第一次去Queen Cafe。商場開業不久，面積規模較細，裝修屬於一般，設計用金色為主，想用金色主體型做Grand feel 風格，似置身於懷舊八十年代中國國內商場感覺。