影片
今早一起身，已经早上十点，原本打算揾间餐厅食个早餐之际，周围行行下，见到间卖两𩠌饭既店，写住＄２８一盒两𩠌饭。价钱上又几抵食。Ｄ茶记早餐依家都成三十几蚊一个，不如就一人叫一盒饭，都抵过食早餐啦。食早餐又唔饱肚，食完一阵又想揾野食。反正依家都快十一点，食饭都可以呀。其实依家疫情之下，多左好多呢类型既店，方便大家唔出街但有住家饭食。区区都总有几间呢Ｄ舗，当然好坏就参差。我地叫左两盒两𩠌饭，即是叫左４款𩠌。叫左西柠鸡，鱼，辣子鸡同猪扒。４款既舀俾我地数量都系多，唔系求其一两件。西柠鸡系最好味，鸡唔谐身，西柠既汁融入左鸡，而且唔会太重柠檬酸而抢过鸡既味。鱼就一般般，肉质有一点霉霉，可能煮过火或者隔夜。辣子鸡系都系好味，辣味有少少，岩晒我呢Ｄ唔钟意太辣既人。猪扒就略微太咸，有Ｄ重口味。我地叫姐姐俾多饭，佢都肯俾多ＤＤ我地，所以我地食完都好饱，去到下午４点都未饿。
继续阅读