麥當勞

营业中

休息中

返左一晚通宵工，緊係要炭返個靚早餐啦，最好既選擇真係麥當勞。雖然麥當勞好耐之前已既有素食者(係同OmniPork新豬肉合作)，但我都未過，可能比傳統中國齋菜果種「油淋淋」既感覺影響左，一直都覺得唔好食。但今日見到有其他食客食，所以都不禁自己都買左一個餐黎試下。個早餐就同普通醒神早餐冇咩分別，都係一塊薯餅，兩塊豬柳蛋漢堡既麵包皮，一份炒蛋，同埋主角...一塊新餐肉。包皮同炒蛋就冇咩特別正常發揮。薯餅可能因為我去既時間比較早，可能係即炸掛，所以食落好香好脆，值得加分。主角新餐肉，個質感有7成似肉既，但咬落始終冇真肉既彈牙回彈感（口感比較淋），但味道唔會似中式齋菜咁好濃味又油，所以整體黎講都岩剛剛食素既人。最後加埋杯凍奶茶係一流既早餐。

屯門區少有咖啡店，好彩麥當勞洞悉先機，把握機遇，將咖啡文化帶黎屯門區呢間良景點都算係新裝修，咖啡是一收到order，即叫即沖，唔似Starbucks 咁樣有啲鋪係沖定個咖啡底，再倒俾你，非常唔新鮮，溝水又多，十分淡味反而麥Cafe嘅咖啡選用幾種唔同咖啡豆，香濃十足，咖啡味道夠層次，微酸夠苦夠咖啡味，調校得啱啱好仲要有Pizza包set, 價錢公道，30幾蚊又有嘢飲又有嘢食，係邊度搵？菠蘿雞肉Double芝士pizza包，拉絲芝士，超有口感，唯獨菠蘿份量太少，希望以後可以加多啲菠蘿🍍，更加醒胃

疫情下通常都唔係好夠位坐，但係外賣通常都好快。返屋企途中偶然都會去買個外賣！炸物新鮮，有時有啲麥當勞嘅麥樂雞會淋晒硬晒，呢間冇問題，攞到返屋企都仲脆！良景快餐首選！

是咁的下午茶嘅時間走咗去麥當勞度買咗杯雪糕度食，因為見到麥當勞新推出咗朱古力脆皮雪糕。我都買咗一支脆皮朱古力甜筒，價錢一啲都唔貴十蚊雞有找，六個半。 食落有香濃嘅朱古力味最盞鬼係佢嘅脆皮。呢個價錢呢個質素下午茶食番杯真係好抵。

由細細個有滑梯食到大，充滿住童年回憶。而家佢再裝修唔知會變成點。裝修嘅關係坐得唔係太舒服，叫左新出嘅脆雞精選早餐。脆雞應該係之前推廣嘅包賣淨。炸得偏乾身，味道係不錯。至於炒蛋同熱香餅保持到水準。平時食精選早餐食到厭可以轉下食呢個套餐

今日屋企無飯食，就係樓下麥當勞食完先返屋企。現在大約6點多。叫左一個Double 脆辣雞腿飽餐試下，兩塊雞腿已經係冧左一啲都唔脆，仲點叫脆辣雞腿呀！我聽聞所有炸的或肉類都係炸定煎定先存放係保温箱度，有時都唔知放左幾耐，所以搞到炸物都冧哂唔好食，可能加埋少人買所以出貨量唔高，下次都係等多人時段先買，可能先會食到新鮮熱呼呼的雞塊。唔知點解我覺得麥當勞啲質素越黎越差，唔知係供應商問題，貨源問題定係處理問題，整體麥當勞質素都下降緊。

要數麥當勞咁多種食物之中最愛一定係脆香雞翼。今日放工返屋企未夠鐘食飯於是去麥當勞買咗兩隻脆香雞翼。$10有兩隻，通常都會要一隻雞翼+1隻雞鎚。可能新鮮出爐嘅關係，表皮炸得好香脆，配合埋泰式辣醬食真係一流呀。

其實凍冰冰既雪糕加埋暖昱昱既批又真係幾特別同幾match既，不過如果批既選擇可以多d，例如紅豆批，香芋批等等咁應該更正(ฅ´ω`ฅ)因為蘋果批有d偏甜，而且蘋果批入面既蘋果粒口感有d差，雪糕方面份量太少加上批既熱度令雪糕好快溶，朱古力醬可以救返成個配撘，令蘋果批易d入口(σ°∀°)σ..:*☆希望下次食個時會有更多選擇而且個雪糕份量多d laヾ(￣▽￣)Bye~Bye~下次再食la！！！！！！！！！

呢間麥當勞的水準一向麻麻，之前試過幾次都有問題，唔係個包整燶哂都比客（係真係燶到黑哂，除左盲嘅會睇唔到），就係個早晨全餐隻蛋得一半，唔知廚房啲人點做野...不知所謂。講可能大家唔會信，我就有圖有真相。真係想講粗口，唔係下下都要我走返去換先有正常食物呀？今日諗住試新野，叫咗個芥末雞堡，唔知點解可以咁難食，片煙肉一睇就知放咗好耐，已經乾哂，一早要掉就仲比客，啲生菜又溶溶爛爛咁，好似啲隔夜菜.....塊雞扒係唔脆，淋嘅(明顯又係唔知放到overtime )！連個脆薯嘜都係淋㗎，叫乜脆丫，叫淋薯仔算啦！同埋個芥末醬同的雞扒係完全唔夾，都唔知點解會推出啲完全唔match嘅口味....定一話其實呢間連個醬都有問題⋯⋯

有次跟朋友去吃 看見桌上有別人吃剩的食物 朋友叫了呀姨4聲以上她都沒回應 我以為她聽力不好 之後我又叫一次加揮手 見她有跟別人說話 但就不回應 之後我朋友不耐煩大聲叫佢 她一個驚訝的樣子 好像醒覺的樣子才過來 然後很多人都看過來食物方面就沒甚麼好說大概每個地方都一樣味道吧外賣方面有時侯會給漏東西

悶悶地試下新野麥叔叔既美式蘋果安格斯漢堡顏色似聖誕節，但聖誕節尚未來臨打開佢望下....未太樣衰，但當然也不是圖片漂亮，但正常的。食落口...點知......或者係個人認為唔配合啦，味道唔太夾塊牛未至於似樹皮同紙皮盒，但都係偏乾所以整體都係非常一般，但又不是太難食，但不會有下次

試新野。 點知好失望。 睇佢廣告相好靚！一拎上手，係，包裝靚。但佢個pat 肉醬由於太水喇！沈哂底，整到張紙好多汁佢個兩塊所謂牛肉干到爆，柴皮味個蛋又無味！救命！仲有，呢間m 記既奶昔好難飲！都未打平均就比人飲下次都係食返21蚊既餐仲好

今日我去左海旁慢跑半個鐘頭，天氣好熱越跑越口渴，于是去左麥當勞，買左個麥樂鷄大份薯條同杯大可樂，饮啖可樂冰冰辣辣瞬間解渴整個人都轻鬆晒，麥樂鷄，一口一塊外脆裡嫩又多汁，再沾酸酸甜甜醬汁每一啖停不了口。今次啲薯條麻麻地，一啲都唔脆軟趴趴，食起来又干硬，又唔熱好似摆左好久咁。

minions大熱又黎到，見佢出現芒果新地，決定去試下。見到m記d人換左minion 既tee真係好搞笑。咁就叫左個$8蚊既芒果新地，今次就唔記得叫佢走花生，因為同芒果個味非常之唔夾。芒果醬都好甜下，加上好濃，但係食落就無乜酸味，反而甜味居多。而且配花生真係有d怪，但係大致上個醬都好清新。不過$8細細杯都係試下個味，唔多抵。

黃金芥末魚柳包,真的超讚!那天我提早下班,下班後就到朋友家附近的麥當勞吃最新推出的黃金芥末魚柳包餐薯條分量夠多,不會太少,也不會整包都是薯條碎而且,我很喜歡薯條沾蓄茄醬一起吃,所以當天我吃得不夠蓄茄醬我便舉手叫正在清潔的小姐過來,那個男的經理當時正在收銀處盤點帳目他見到後,就把蓄茄醬交到正在清潔的小姐(他的同事),再交給我服務態度真的很好包也很好吃,是熱的,我還見到經理把凍的拿到垃圾箱丟掉,沒有翻叮/就這樣子留給客人吃,真的相當專業,值得一讚!所以我全部都給滿分!