影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
问佢攞多个胶袋装冻饮，因为冇手拎，恶过狗，一开始狂话唔得，俾无得手抽嘅纸袋我装，咁同手拎有乜分别？用吓个脑都知。加埋而家嘅纸杯非常之容易变软，有两次就咁手拎都变腍晒成杯倒泻，质素咁垃圾阿姐系咁同我企硬话唔得，唔知你坚持啲乜，直接同我讲俾一蚊咪得啰，我真系问晒号，系要起钢，以为自己大支嘢？呢啲服务态度质素真心唔OK
继续阅读
喺荃湾广场行过见肚饿，望到佢有新嘅美绿麦旋风😍见到就真系即刻冲入去食，觉得个美绿味道唔算太浓，少少失望。好在都佢都有出18件麦乐鸡，今次嘅酱都唔错，比起之前嘅更加好食。
继续阅读
第二期消费券八达通每日都送唔同既coupon，有一日送麦当劳免费雪糕新地券，排咗好耐先有，但好快过期，衬最后一日用，带陈皮妹去麦当劳，帮佢拣咗朱古力味，虽然食得好狼狈，但见佢好满足。记得换券要真人收银，但而家去麦当劳揾个真人收银都难。
继续阅读
系附近返工发现m记竟然都可以唔同分店唔同水准，荃湾广场好食过海之恋个间。我地通常网上外卖平台早餐，荃湾广场嘅炒蛋唔系熟晒好硬长方形个只，系半熟散散地好似大家乐个啲甘，震惊到要写个食评赞下佢。食左甘多年m记都未试过🤣 以后净系买荃湾广场m记haha
继续阅读
今日返工前同家人先到荃湾广场麦当奴食早餐。都好难揾位人都几多。珍宝套餐加薯饼同大橙汁热香饼热辣辣加埋牛油同糖浆都几好食。薯饼都够脆够热好味道。大橙汁正常野。猪柳都正常。炒蛋加盐食都好好味道。
继续阅读