麥當勞

营业中

休息中

吃貨心柔日誌 😋 McDonald’s McGriddles 楓糖班戟漢堡😍😍😍😍😍Goog Good Good Good Morning☀️終於去食McDonald’s McGriddles啦😋之前熱潮太厲害，太多人買所以一直未食而且本身喺日本都食過，所以等到一個月後嘅今日😅我哋終於都喺香港食到第一個McGriddles啦😊一樣都係好好味，班戟包感覺比漢堡包仲飽😆差點薯餅都食唔落😆真係大滿足如果下次再買，我可能會要冇雞蛋嘅班戟漢堡因為個包實在太大，真係食唔晒😏😏📍McDonald’s長沙灣廣場2樓分店🔹🔹🔹🔹🔹🔹🔹🔹🔹🔹🔹🔹🔹🔹

雪糕新地唔記得落花生，取餐時提才補。取餐時已見到雪糕很溶，立即食食到一半都已經溶晒🙁😣薯條叫咗走鹽，通常即炸熱辣辣。我都明明見到廚房炸緊薯條，我一直企在櫃檯等取餐，但到我取餐時睇見啲薯條外表一般，立即取一條入口完全唔熱，暖也不暖，淋淋的，唔好食，非常失望😞🥺我現場取即時食卻似外賣放咗半小時差唔多的口感，因為食咗麥當勞幾十年知道食物的水準，我唔知呢間分店發生咩事，嬲到要寫食評！我唔好彩囉，店員冇俾即炸起嘅薯條我😢😮‍💨今次用app內生日優惠，可以揀送新地或中薯條🍟。 諗咗一段時間，買雪糕送雪條還是買薯條送雪糕新地好，最後兩樣都唔好食。OpenRice 個app寫食評連最簡單嘅文字copy and paste功能都做唔到😡 生日優惠呢段想放上頂卻完全冇方法😤難道我要將上面3段字由頭打一次嗎？ 你哋審查pose㗎嘛，睇到就唔該你哋自己都改善吓，每次用你哋個app都用到發憫，非常討厭

期待已久嘅楓糖班戟漢堡 McGriddles 喺日本試完念念不忘，香港一宣布推出，我當然唔執輸。嗰日大概9點幾喺APP落order，大概個半鐘都攞到。因為APP 顯示5-10分鐘攞得，我落到去，職員都不斷提示大家需時1.5小時，又幫有需要嘅顧客做退錢，不斷講唔好意思，我諗如果有人氣產品推出，麥當勞管理層都要認真研究下前線嘅承受能力。 講返嗰包先，楓糖班戟漢堡系列分咗兩款口味，有蛋同無蛋嘅選擇。我今次就叫咗楓糖班戟豬柳蛋漢堡，呢款漢堡味道及外觀，同日版一樣，包面印有m記標誌，並加入楓糖漿的楓糖班戟漢堡代替傳統鬆餅，再以豬柳、軟滑芝士及嫩滑雞蛋組成，提供又鹹又甜的獨特滋味，食完超級滿足，期待8月正式加入regular menú!

最近我終於試晒M記嘅McGriddle,跟上咗呢個潮流尾巴!🤩之前呢啲人都係瘋狂咁去排隊食架,但宜家就唔使排隊,即刻就有得food喇。😎呢個McGriddle有兩塊班戟,味道超級香濃㗎!🤤班戟皮又軟綿又唔似平時呢啲豬柳包咁乾,仲帶有少少甜味,加埋個楓糖汁就更加好食!😋話雖如此,但最終都只不過係一個甜甜鹹鹹嘅豬柳蛋漢堡,而家我諗如果唔用豬柳,而係轉用芝士蛋會唔會更好食呢?🤔總括嚟講,McGriddle都值得一試架,尤其係配杯熱咖啡或奶茶飲,真係一個好味道嘅早餐! ☕️🥤

麥記出新包McGriddles，即刻買黎試下，未食過日本同韓國，所以都係第一次食呢個包，叫咗楓糖班戟豬柳蛋漢堡早餐 $36.5，向Apps叫定 10分鐘就拎得。班戟軟熟，加咗楓糖粒甜甜地，好香牛油味，配埋芝士豬柳，甜甜鹹鹹又幾夾，雖然班戟略嫌濕咗少少，但都值得encore。McGriddles有分2款口味，楓糖班戟豬柳漢堡及楓糖班戟豬柳蛋漢堡。聽說有朋友去嘅店要等超過半小時，今日大家都咁期待 如果想食最好提前叫定啦。

今天是星期六，帶了兩個小朋友來這間麥當勞吃薯條。我係用手機點餐，等了10分鐘就到櫃檯取餐，個電視螢幕一直沒有我的號碼，於是我問店員，我買的東西有末？個戴眼鏡女店員問我係唔係手機點餐，如果係自己去個架個到睇吓有冇，超級差的服務態度。同埋我是堂食不是外賣同個個店員講聲，佢覆左我一句唔好意思喎，仲同後面個店員講人哋係堂食㗎。。當時我聽到呢啲說話真係好嬲，點解啲態度可以咁差？沒有下次以後不會再來。

作爲榴槤愛好者，梗係唔可以錯過，要去試下啦小食多滋味，所以無選擇再加多榴槤肉D24 榴槤肉充滿濃郁嘅香味，最完美就係每一啖雪糕配搭榴槤肉而價錢就真係見仁見智啦食完真係滿足。

叫個醒神早餐超耐都未出，等左大約10分鐘都未出，簡簡單單一個包一杯飲品都可以執咁耐都未出，顯示屏個號碼出現咗都未出到餐，到顯示屏個號碼消失左先出到個餐，已經唔係最繁忙嘅時間買！

-過新年，出街搵食真係唔容易-麥當勞真係我既首選-最緊要係出餐快-加埋送餐服務，坐低好快食物就到-d 姐姐幾好禮貌，有埋笑容😄-今日天氣濕濕凍，所以揀左熱燕麥朱古力，個胃暖笠笠-魚柳包的醬都好爆滿，對我黎講精粹所在-薯餅夠熱熱同脆，亦都十分完整-我細細個做過麥當勞，夾薯餅真係唔容易，要快之下，大力少少就好易整斷-新年第一餐，滿足😋-餐廳環境方面-空間感唔錯，唔會同隔離枱痴得近-餐廳清潔亦做得唔錯，好快有人收拾

打從一開始在百德新街第一間麥當勞的吸引度，直到越來越下滑的趨勢，似乎每年慣常推出的包都成為了年度盛事，是可喜還是可悲？小龍蝦湯面有一抹忌廉，蝦味維持得到濃重，雖然湯的杰度明顯比之前的烯了很多，但裡面竟然還有數粒算是不小的蝦肉，是合格的。因為麥當勞的包越縮越細，所以一定要選連同薯餅的黃金脆薯牛堡，來個二神合體。包未去到乾，黑椒汁夠多，算是不錯。扭扭薯條炸得夠脆，中間部份也夠粉綿，扭曲的形狀更能掛上調味粉。小人要了數包黑椒粉加入同吃，效果不俗。雖然無甚新意，誠意還算是有的。

到步前已用app購買食物，到達時大約16：25,用餐顧客不算多，但所有沒有客人的桌面滿佈垃圾，一張細小的枱面就有幾個餐盤，盛載着前人吃完的食物或包裝，或是遍佈似凍飲杯凝結空氣水份而留下的一攤攤積水。我當時領餐後去找座位，見上述情況，遇見去ice cream station 的職員即提醒清理，她竟一面行去ice cream station,一面回答我自行找一名“男仔”清理，之後我走向mccafe counter,請求協助，因我不見所謂“男仔”。但很失望，這名都是男仔的mccafe 職員只回應我，這不是我負責，叫我自行找人清潔。我忍不住回應：「你唔知，可以搵經理係咪？」他的反應是擰轉面扮忙碌，而當時是既沒有排隊的顧客，又沒有電子單要沖咖啡。作為一位食客，這經歷是否很可笑呢？連基本餐廳清潔人員也要食客自己找，職員不懂得處理不是自己工作範圍的事情。作為一間國際知名品牌、鋪位佔一定面積，我視之為都算是大舖。這些職員的工作態度及表現可以接受嗎？來回度步之後有其他食客離開，我由16：27坐下進食，到16：44終於見到負責清潔的“男仔”出現，他的清理手法是拖一個大垃圾桶（沒有轆）到餐桌旁，把垃圾扔掉，

經過麥記見到雪糕廣告完全被吸引停下腳步望清楚諗諗下都是要試下集體回憶兒時味道“好立克”軟雪糕在門口望著濃濃“好立克”粉灑在軟雪糕上面太吸引太吸引即刻排隊買杯試試好好味呀好濃好立克味道加上有好立克粉軟雪糕做得好結實,不是好溶真係超值 $7 咁高質軟雪糕今次麥記做得好要讚無得輸

最近m記又推返將軍漢堡包，一於lunch 嗌返個餐黎試下先～系麥當勞app 嗌呢個餐都系$36, 都算抵豬柳掃上滿滿的燒汁，都可以試下，不過可能lunch d 薯條已經一早炸定先，有點淋

📣📣📣麥當勞將軍漢堡及玉子將軍漢堡又回歸啦！麥當勞近日再次推出將軍漢堡系列，優惠價$36元就歎到將軍漢堡超值套餐，$40元玉子將軍漢堡超值套餐，$47元玉子將軍漢堡更有雙層版添！此外亦有粟米湯味Shake Shake薯條調味粉回歸，及新推出的$16 Double OREO麥旋風及$10抹茶豆乳批優惠，各位將軍漢堡迷一定要快快去試喔是日嘅外賣午餐～～玉子將軍漢堡超值套餐嫩滑多汁的豬柳配軟嫩煎蛋，沾上香甜且略帶薑味的日式照燒汁，再配以爽口切絲生菜加上清新檸檬蛋黃醬

我試咗麥當勞嘅新出品：🍗🍞🥬鹽酥雞排飽，真係好好味！裡面有一塊好大塊嘅鹽酥雞排，夾喺兩片軟軟嘅麵包裡面，再搭配上脆脆嘅生菜、洋蔥同埋香濃嘅醬汁。整體上呢個餐點口感好豐富，好味道！😍鹽酥雞排一直都係麥當勞嘅招牌餐點之一，而呢個新出品就將鹽酥雞排同埋麵包結合喺一齊，呈現出咁好嘅口感。鹽酥雞排嘅外層酥脆，內裡嘅雞肉又多汁又滑口，每一口都充滿咗濃郁嘅雞肉香味。再加上麵包同新鮮嘅蔬菜，味道更加層次豐富、豐富多元化。😋呢款餐點價錢都好實惠，好啱做為快速午餐或者晚餐嘅選擇。如果你係鹽酥雞排嘅愛好者，咁你一定唔可以錯過呢款鹽酥雞排飽！👍