影片
以上资料只供参考，请与餐厅确认详情
招牌菜
呢晚10点几，唔知食乜好，随意点下手机，睇吓有乜好食，见到老麦呢个餐有优惠，两件炸鸡，一包中薯条，一杯饮品，$37，而且可以用信用卡支付，合哂心水，于是入到去，揾个空位点餐，用埋送餐服务。老麦出餐速度系快嘅，𠮶餐好快准确送到嚟，呢种服务质素值得其他快餐店学习。个人觉得老麦众多饮品中，热柠茶系最好味，于是当晚自然拣咗佢，当然有人认为佢哋嘅咖啡先至系最出色，但我个人唔识品尝，所以即使可以加$9.9转椰香鲜奶咖啡，以及升级薯条，我都不为所动。之前一直不觉得老麦嘅炸鸡好食，直至最近才改观，相比KFC，老麦嘅炸鸡少了雪味，而且包裹的浆粉与鸡件更紧致，唔似得KFC咁，一咬就皮肉分离；比对豪大大，老麦嘅炸鸡更多汁，虽然比豪大大为辣，但由于汁多而且保持时间较长，就以呢晚为例，我慢慢食完包薯条，先至食鸡，啲鸡依然系脆口，依然好多汁，所以老麦仍比豪大大好。老麦推出手机应用程式，对佢哋嘅生意绝对有帮助，就好似呢一晚，如果无程式，我谂我好大机会唔帮衬，但佢哋嘅程式真系要改善下，比如话我每次落单，都要重新揾分店，先至可订餐，又唔可以随时睇返之前订餐记录，呢方面大家乐做得比佢好。话时话，有无人谂过点解冻饮可以加大，热饮唔可以；冻饮可以有大杯装，但热饮只有细杯装？
继续阅读
今日去左麦当劳食早餐，餐厅坐满人，要揾位很难，我叫了一分早晨全餐，入面有2块面包，一块蛋，一块猪柳，薯饼同奶茶，鸡蛋十分干，不好吃，薯饼又不够热同脆，整体感觉都是一般般的，比其他麦当劳难吃
继续阅读
琴日7月27号系McGirddle 系香港第一日出现嘅日子网上有好多唔同嘅留言例如啲包唔够热、同日本嘅味道天渊之别、个包太甜。。。咁我自己都凑下热闹去试一试，到底系咪咁吸引？用Apps大概三个字到就已经可以攞而去到餐厅嘅时候攞已经准备就绪包身都尚算热，见到有烟出嘅 味道上唔错，亦都冇想像中咁甜之后可以再食🤣🤣🤣🤣真系似热香饼夹住汉堡扒同鸡蛋🤫🤫可惜自己未试过日本嘅版本，唔知有啲乜嘢分别😂😂
继续阅读
临走新年公司比较忙，所以凌晨先收到工，返到屋企楼下觉得肚饿，屋村附近茶餐厅，所有都关晒门，好在落车位置有间麦当劳，仲要二十四小时营业，准备落车前5分钟，网上落单比钱，唔使等就可以攞到，又可以早啲回家！叫咗麦乐鸡餐+饮芬达汽水，苹果批+鱼柳包！物价高涨的关系，虽然是特价餐，但是都系比以前贵了好多，但是质素就越来越差😰，份量越来越缩水🫣，唯一可以讲就真系比较方便，薯条真系比较好食，分店全港九都有总有一间在附近！
继续阅读
近日经过麦记，见到新包有新配搭推出，就系三文鱼堡，再加多片菠萝，由于自己好钟意菠萝，一见到这个配搭立即就被吸引，所以今晚晚餐就试新包。之前我已经试过只系三文鱼堡，但今次加多片菠萝，味道应该几清新，打开个盒，见到个包卖相麻麻，不过我觉得味道紧要，三文鱼炸得够热，而片菠萝就冻，食落又冷又热，感觉几得意，但加左菠萝个包就变得无咁干，菠萝又多汁又甜，令到食个包无咁油腻，同时又增加胃口，整体上都值得一试。唔知下次仲有冇其他新配搭再带来惊喜😅
继续阅读