麥當勞

营业中

休息中

全成熱賣之前日本先有既楓糖班戟豬柳蛋漢堡套今日係推廣期第二日 下單後不用20分鐘就有 比想像中快有得拎甜甜既楓糖班戟配咸豬柳出奇地配合難怪係日本大受歡迎之前快樂蜂出既明顯比了下去希望香港麥當勞可以長期加落menu相較之下薯餅又脆又乾

今次麥當勞新出18件麥樂雞餐，真係啱晒我胃口。相信好多人都係麥當勞fans，今次出咗四款麥樂雞醬，就同大家分享一下食後感今次新出四款醬：1. 蜜糖芥末醬 - 甜芥茉醬我覺得係幾穩陣嘅配搭2. 煙燻芝士醬 - 芝士味都幾香濃有少少緊煙熏味道都算幾好3. 蒜辣蛋黃醬 - 味道幾得意，估唔到辣味都幾突出，小朋友未必食到4. 星洲咖喱醬 - 帶啲沙嗲醬同花生味嘅咖喱醬，味道就唔太啱我啦

今天上班前買了一個外賣早餐選了一個麥當勞超值套餐炒雙蛋包餐原來+$1.5元就可以加大熱奶茶現在總共價錢也是$22.5拿回公司才食奶茶還是保持水準炒雙蛋包也10分好味

今日有幾個朋友嚟我屋企玩，居然有個朋友講話好想食麥炸雞😂 佢哋話好好食，啲肉汁好juicy，好食過KFC😂 其實我就未食過😂 $85/有6件，計起都$15件，我自己就覺得唔係特別抵，但味道真係唔差嘅👍🏻

麥當當出咗個華田脆脆早餐終於試到個脆脆配埋熱辣辣誓山熱香餅掉金係一流而家熱香餅仲比以前厚身更加好食而炒蛋都出色過之前唔再硬倔倔唯獨薯餅出到汗水淋咗失色不少希望能有改善

近年好少食麥當勞，咁啱見佢近來有$20優惠，所以就再食下。前幾日有$10/9件麥樂雞，但我後知後覺，所以冇機會去買。然之後星期五嘅時候，有呢一個脆辣雞腿包再加汽水$20 ，就一於去買下。網上聽啲人講， $10/9件麥樂雞嗰日要排隊排好耐，但今日明顯地呢個$20優惠唔多吸引，所以基本上都冇人排隊，一去到就買到。外賣左返屋企食，眼見脆辣雞腿包成個包都係縮水，塊雞又係好細，同埋因為有水氣焗林左，所以味道受影響，重點係食完成個包之後，就係好肚餓，呢個$20優惠係咪優惠，真係見仁見智啦。

最初一推出，大大件，皮脆肉滑，還替炸雞對手Kxx 擔心被取代，現在唔使擔心，佢哋有得鬥喇……….鬥差👎晚市既繁忙時間，水準竟然這樣，大失望😖，兩件雞像翻炸的隔夜雞，細細件，又乾又「鞋」😵‍💫，如果我堂食，一定即時要求更換之前幾次已經越來越差，估唔到今次硬到無法接受，好彩家裡還有杯麵充飢😮‍💨雖然食品質素差，但店員的服務態度好好👍，而且不止一位，因為我經常幫襯不同分店，這間印象算最好，樂意及熱心幫客人解決問題🥰，店員之間亦有默契

鹽味焦糖朱古力批，今日終於試咗啦！一啖就有焦糖同朱古力兩個味道，開頭以為呢個組合會超甜超漏，點知一啲都唔冇呢種感覺！呢個批好好食，好夾，加埋焦糖，朱古力冇咁流心，變得仲好有口感！

老麥出新味雪糕呀！原來尋日係第一日開賣😂😂😂「焦糖 Oreo 麥旋風」一收到果下，好似擺到溶左咁🫢天氣真係咁熱咩🥹不過我又唔覺得好甜，反而有焦糖嘅位置好有口感🤣

McDonald’s 平時都係食熱香餅餐，好少會選擇漢堡包，但今次見到張相好似好吸引，就試吓依個新餐肉蛋漢堡餐。今次試左覺得塊厚切餐肉都好好味，食落好有口感，完全唔覺係食緊齋，鬆餅又好鬆軟，加埋蒸蛋同芝士一齊食，好滋味又可以多個選擇，唔使成日食熱香餅，如果趕住返工嘅話又可以拎走返公司食都得，食漢堡包容易食D一定要加埋配埋香脆薯餅同杯熱奶茶，咁就最醒神，早餐都可以食得健康啲～～就係一個完美既Good Morning啦。

不得不稱讚一下麥當勞的服務質素😂 我想講我自認自己係麻煩人😂 我嗌麥當勞薯條又要走鹽，叫包又要走青瓜走洋蔥🧅但次次都真係有做😍 今次都唔例外，全部都做足🥰之前買咗$100/4張券，15號前要用晒，其實佢個marketing都做得幾好，因為我而家要迫自己食😂 我諗都會有啲人唔記得食😂 所以麥當勞都會從中獲利，同埋的而且確吸引咗好多平時唔食麥當勞嘅人都逼住去買餐😂 就係因為就嚟過期，所以我今日先至會食麥當勞🍔

今次係季節限定😚😚～～～福岡草莓🍓新地～～～$8佢有兩款口味另外一款係‘草莓🍓麥旋風’，但剛剛同🤴🏻晚餐食飽飽就唔食咁多啦，食住呢個先！下次有緣再食😅😅福岡草莓🍓我就未食過，但呢隻第一口俾我感覺係朱古力🍫嘅草莓味，特別似日本明治牌子嘅朱古力🍫草莓🍓，正常好味😙😙杯底有草莓🍓，質地似草莓🍓果jam， 屬於容易入口😊😊！朱古力脆皮幾香脆同時有花生🥜粒增加口感，如果再多D就好啦😄😄

今日湊完大仔返學，就快快脆脆去帶細仔去食早餐，可惜遲黎，已經送晒贈品。拎返屋企食都仲暖嘅！薯餅略嫌唔夠脆，不過都唔係冧嘅。魚柳包舊魚都脆，包烘得岩岩好！炒蛋牛堡一如既往咁核突唔知係咪因為炒蛋嘅關係，小朋友食絕對係會跌晒啲蛋！豬柳蛋一定係皇道！岀餐快嘅！我10點買，都已經冇乜人，PayMe 夠30蚊減5蚊，其實係回贈都係掛住之前9折優惠，要逐個餐買又好麻煩。地方大，但由於疫情少咗好多櫈，所以買返屋企食方便啲！

之前食咗個比卡超飯tastic，仲爭個比卡超香蕉🍌味朱古力🍫麥旋風就食齊一套啦！😁😁～～～香蕉🍌朱古力🍫麥旋風～～～杯身係用比卡超黃色設計，加上比卡超得意嘅表情，未食已經開心咗一半😆😆可能當日天氣實在太熱，未食已經開始有少少溶溶地，不過可接受🙂🙂整個雪糕嘅香蕉🍌味好低、好淡，比朱古力🍫味蓋過晒，其實都有啲失望！😕😕但佢又未去到難食只係普通嘅雪糕🍦囉😅😅食過一次、試咗個味就算啦😙😙

年年新年都會出新年版漢堡飽，今年連同Hello Kitty一齊玩😚😚用一個好大嘅白色Hello Kitty紙盒載住，顯得高級有趣😍😍～～～行運孖寶二人餐～～～黃金脆薯牛堡x 2黑椒汁勁多，塊牛肉都幾大塊，加埋洋蔥🧅粒微辣非常惹味😋😋扭扭薯條x 1唔係成日都有，脆味十足😊😊普通炸雞🍗x 2外表金黃，肉質鮮嫩，但好細隻😅😅紅豆批x 1味道似某一隻紅豆雪條味，但紅豆餡比較少，唔太甜😄😄開運橙雜（+3）重橙味嘅雜果賓治🤣🤣最後新年一定會贈送嘅新年利是封🧧四個