麥當勞

营业中

休息中

同朋友打完通宵麻雀，點少得同佢哋落嚟食返個麥當勞嘅早餐，大家都決定叫返佢哋近排嘅最新人氣產品，雖然我喺日本食過類似嘅嘢，不過我都想試一次佢同香港嘅味道究竟差幾遠🙈🙈 講返佢個包先🙈🙈 我覺得整體嘅味道都唔差嘅，但係可能我嗰個包預先做好咗，整體有少少凍，不過我覺得佢嗰個口味嘅配搭同日本都非常相似，而且豬柳嘅味道都特別出，我覺得係幾好食嘅🙈🙈 薯餅就不嬲都係我嘅最愛，平時都仲會加多一件🙈🙈 呢一間都熱辣辣嘅好食，亦都非常之脆口！

終於到時到呢一個人氣嘅食品，今日嚟到呢一間麥當勞早餐時間都非常多人排隊，我諗都係為咗呢一個新出嘅食物😍 我覺得佢嘅味道同日本做得差唔多，整體上嘅味道都非常夾，而且可能係比較新鮮嘅關係都覺得非常好食，熱辣辣嘅口感非常好，而且幸好排隊嘅時間都係可以接受。呢一間麥當勞人龍都唔算太多，值得一讚嘅係職員嘅態度都非常友善。除咗呢一個新出嘅包之外，佢嘅薯餅都係好好食，最鍾意食熱辣辣嘅薯餅，嘢飲方面就不過不失，都係平常麥當勞嘅水準。

諗唔到食咩好， hea hea 地食麥當勞， 叫左脆香雞翅餐，最愛都係薯條，不過今日薯條認真一般，食得出唔係新鮮炸，又乾又硬，都幾令人失望，希望下次薯條整得好食d la😀😃

鋪頭位於商場2樓，扶手電梯一上就見到。想幫襯的話，要留意此鋪位置較少，可以較為擠迫🙈雖然位置不多，但出餐速度一樣超快，趕時間的時候，佢絕對幫到你一把建議大家堂食完畢後，自行收拾托盤，減輕店員工作量😎

出餐比較慢，人手又唔足夠，又唔請人做前枱工作， 點單服務及出餐時要求加配料時 態度又非常差， 畀錢買難受， 某一位女經理對老人家亦非常不尊重， 甚至出言謾罵自己的老員工， 鬧足3個字, 成間麥當勞都聽到佢喺度發癲，又唔幫手解決工作出餐上的問題， 喺度宣洩個人情緒。為方便我經常會喺度用餐， 但發現每次黎嘅時候問題仍然未解決， 永遠態度照舊， 希望可以用心解決問題， 其實都只係想安心地安靜地享受用餐。*態度差*出餐慢*缺乏尊重

很久沒來這家麥當勞難得來到發現裝修過後變得乾淨多了設計也尚算不錯座位旁有USB叉電插頭環境地方仍能保持基本清潔員工態度友善但眼見員工人手短缺仍然能維持食物質的和環境衛生實屬難得

微微細雨下, 空氣特別濕潤, 為了一啖清爽的呼吸, 走入了商場. 深深吸了一口後, 映入眼簾的盡是食店. 為了減輕錢包的負擔, 還是來個超值套餐吧. 為了提升價性比, 下單麥樂雞餐, 加大碼. 試一試那個蜜糖BBQ風味粉.   先來談談那個麥樂雞, 如此穩定的炸香, 顏色金黃, 顥然炸油還比較新鮮. 肉質口感勉強外脆內軟多汁. 薯條方面,亦如一般穩定, 香口飽肚. 以下時間打算重點說說這個蜜糖BBQ風味粉, shake 完以後第一條放入口的感覺着實迷茫. 90%的口感都是加鹹, 極力在口中尋找一絲的蜜味, 但良久未有尋獲. 再來一口, 這次是兩三條薯條一起吃, 口感沒甚分別. 可以幾乎肯定蜜糖是跟您開個玩笑的. 跟着深思那BBQ的含意, 同時又再三幾條薯條一起放入口內, 一時間迷茫又再湧上心頭.  為免吸收過多鈉, 只吃了小半包薯條. 喝完杯可樂, 又回到濕潤的空氣當中再上路了. 錢包輕微減磅. 

平時lunch唔會無啦啦走去食麥當勞🙄，最多都係糧未嘅時候🦔，先幫襯一兩次24蚊超值套餐（加大）$27😪。 最近麥當勞推出一連串優惠，梗係即刻去幫襯啦。😍😍10蚊兩個豬柳蛋漢堡🙂，窮人飯堂😎，窮人恩物😘，20年前呢個價都唔得啦🤗。 另外下載麥當勞app有一杯凍或熱奶茶😜，原價價值差不多四十蚊而家十蚊就有🍔，一個簡便午餐就係咁搞掂咗🥂。雖然仲未知聽日有乜嘢新嘅promotional offer🔊，不過已經預測未來呢十日都會喺麥當勞解決我嘅午餐需要💰💰。

熱辣辣，經過都忍唔住買杯麥旋風食例牌多Oreo天熱，易溶咗咁啱撞正lunch time, 好多學生排隊見d員工好勤力，執嘢執得好快手所以都唔算等得耐如果好似其他分店咁，整個甜品站係出面就好啦！又可以分流下d人

今日無心插柳，純粹太耐冇食麥當勞早餐，怎料遇上老麥的全城奶茶日，條換領人龍太長，所以唸住搭埋心水，直接買個餐便算了選了 淨豬柳蛋漢堡+奶茶的優惠餐，盛惠$18好像又是靜悄悄的加價了，以前不是$16嗎??麥當勞的奶茶也是經歷過幾次的變化以我食的第一代，是茶包加奶仔，茶要多濃，按君喜好，不過通常都不能泡到濃味的茶，因只有一個茶包仔，所以是比較清淡，畢竟奶仔也是很稀的，類似英式奶茶的感覺早上時段更是奶茶/咖啡可以添飲，會有兩壼淨茶/淨啡於櫃檯，讓客人自由REFILL第二代便是濃滑奶茶，客人不用自己加奶仔及浸泡，是預早沖調好口感比較醇厚，茶味亦比較香濃，淡奶是選了較厚重感的整體口感仿似港式茶餐廳的奶茶今天轉了做所謂的港式奶茶，也是預早沖調好的....但是茶味淡了，奶也不如以往的厚重，是介乎於第一代及第二代之間的濃度，茶底相對比較鞋口，不如第一代般順滑港式奶茶....其實一D都唔港式

今日當當做優惠，$10 有二隻脆香雞翼加細可樂小妹當然唔輸蝕啦!!即刻去買返二set 外帶一如以往，因為近住宅，附近有很多很多很多的屋苑😂基本上，因為方便，由其是放學時間都比較多人。今日約下午三點多去買野食，排隊龍不算長，但只開一個櫃。還好人龍不長，但我試過限量換公仔或撞岩早上返工或放學時間，人龍長得都幾誇張，其實己見門口不斷請人但都好似沒有改善講返今日十蚊套真係底送餐速度也很快，店舖面積都好大，有足夠位置比人坐，可能夏天，好多公公婆婆係到食野同傾計，但都不需要擔心坐位問題，因為有二邊而大部分人都會外帶返屋企食。同埋當當有雜誌，wifi 及BB 椅。所有堂食也不錯呢不過今日拎走返到屋企先知佢無比泰式辣醬我呢這是雞翼靈魂嘛……所以提提大家買完記得睇睇野食同用品齊唔齊全，有需要的話記得拎飲筒噢，因為環保佢地唔會自動比飲筒客人噢。

今天入馬鞍山探親，到訪前，先要食飽飽。無奈，商場只有Ｍ記及酒樓。為求快捷，選擇了漢堡包快餐店。幸好，這店客人不多。即使店內有溫書的學生，嘆冷氣的長者，湊仔的婦女，也有大量座位任君選擇。放下行裝，去櫃枱下單付款。思前想後，點了特價又不熱氣的雙層芝士漢堡包套餐，轉粟米杯及熱奶茶。雙層芝士漢堡包Double Cheese Burger　　平時叫這個包包做＜孖芝＞。因為有兩塊牛肉漢堡，兩塊芝士，都是打孖上。而其他配料跟價格最便宜的漢堡包一樣，即是有酸瓜，洋蔥碎，茄汁，包殼等等。　　打開包包紙，包殼表面很飽滿，没有被＜篤＞＜插＞＜鏈＞的痕跡，讓人十分安心。原本正方形的片裝芝士也軟化了，可是芝士没有完全貼著牛肉漢堡，即是剛剛完成的孖芝。牛肉漢堡雖薄但夠多汁，芝士不太硬。這二種食材，原本十分肥膩／邪惡。可是有清新的洋蔥碎，勁酸的青瓜加上偏酸的茄汁作中和，讓人一口接一口繼續食。就是喜歡孖芝能給我啖啖肉又多汁的感覺，來到最後一口也意猶未盡。原本轉飲熱奶茶，但家人想飲奶茶，以熱咖啡來交換。熱咖啡　在快餐店，不會期待是靚咖啡。

好耐冇食麥當勞，等我食飽飽先去打幾圈， 食飽個肚先至有能力決戰四方城，費事打緊牌忽然肚餓唔知點算，高能量嘅食品係致勝關鍵。麥樂雞餐係我嘅至愛，所以我就叫咗麥樂雞餐嚟食，鍾意食麥當勞嘅人大概都會鍾意食佢嘅薯條，因為麥當勞嘅薯條係有麥當勞特別嘅味道，係其他餐廳copy唔到既， 而麥樂雞好脆口好香好好味，只要係夠熱嘅麥樂雞都係冇得輸，點唔點sauce都一樣咁好味，原本襯杯可樂係最正，不過有幾聲咳，就放棄飲可樂而改為飲咖啡。賽後結果：食到飽飽之後，我當晚果然大殺四方，成為最大贏家，麥當勞果然利我。

自從上年食過一次將軍漢堡之後， 就一直好想再食多次，估唔到今年咁快返到嚟又有得再食真係好好食呀仲配埋脆薯王， 真係無得輸，個包啲汁都夠多嘅，食落唔會好乾，個汁都好好味而且個蛋同埋舊肉都配搭得唔錯，同上年有過之而無不及，而且今年就脆薯王啦亦都炸得唔錯，好香，食落亦都唔會太硬，不過份量就少咗少少，比起扭扭薯條會更少，不過整體玉子將軍漢堡同埋個薯條都好好食嘅，既然係每年限定第一次試吓都無妨啊想試嘅朋友記得要去試啦

新年都係食返個新年飽啦， 呢個雞堡比我想像中辣好多，可能佢落咗好多汁，而且個麵包好乾， 可能我臨近收工買所以佢個包擺咗好耐sosad另外個扭扭薯條，亦都好鹹好乾，真係買麥當勞千祈唔好收工買， 啲嘢真係唔知擺咗幾耐，真係好可惜，呢個新包令人好失望，希望下個新包會好食啲啦